HANSARD 3RD NOVEMBER 2022

PARLIAMENT OF THE KINGDOM OF LESOTHO

SENATE CHAMBER

PARLIAMENTARY DEBATES

OF THE

SENATE

DAILY HANSARD

OFFICIAL REPORT

OF THE

Special Meeting – Special Session – Tenth Parliament

Date: THURSDAY 03RD  NOVEMBER, 2022

            LENANE LA LITHO TSA NTLO EA MAHOSANA

1.Hon. Seeiso B. SeeisoPrincipal Chief of Matsieng 
2. Hon. Joel A. MotšoenePrincipal Chief of Leribe 
3.Hon. Sempe Gabasheane MasuphaPrincipal Chief of Ha ’Mamathe, Thupa-Kubu, Teya-Teyaneng le Jordan   
4.Hon. Mamolapo M. Q Majara Principal Chief of Ha Majara 
5.Hon. Tumane MatelaPrincipal Chief of Makhoakhoeng 
6.Hon. Moeketsi Moletsane IIPrincipal Chief of Taung 
7.Hon. Lerotholi Mathealira SeeisoPrincipal Chief of Mokhotlong 
8. Hon. Lerotholi L. Seeiso   Principal Chief of Likhoele 
9.Hon. Nthati BerengPrincipal Chief of Phamong 
10.Hon. Mojela T. MakhaolaPrincipal Chief of Qacha’s Nek 
11.Hon. Seeiso S. H. NkuebePrincipal Chief of Quthing 
12.Hon. Nthupi A. Bereng                     Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote   
13.Hon. K.L.K Khoabane Principal Chief of Thaba-Bosiu 
14.Hon. Mitchel S. MaamaPrincipal Chief of Ha Maama 
15.Hon Moholobela M. Moholobela Principal Chief of Matelile 
16.Hon. Bereng G. Seeiso Api  Principal Chief of Ha Ramabanta le Kubake 
17. Principal Chief of Koeneng le Mapoteng 
18.Hon. ’Mako T.MohalePrincipal Chief of Tajane, Ha Moetsana le Ha Mohale   
19. Hon. Khoabane T. MojelaPrincipal Chief of Tebang, Tšakholo  le Ha Seleso   
20. Hon. Retšelisitsoe Mopeli Principal Chief of Botha-Bothe 
21.Hon. Pontšo S. MathealiraPrincipal Chief of Tsikoane, Peka le Kolbere 
22.Hon. Qeto Sekonyela Principal Chief of Malingoaneng 
23.Hon.’Mawinnie KanetsiSenator 
24. Hon. Lebona KhoaeleSenator 
25. Hon. Thabiso LebeseSenator 
26. Hon. ‘Maphakiso LebonaSenator 
27. Hon. ’Mabataung Patricia                                MokhathaliSenator 
28. Hon.Sehlooho Henry MonatsiSenator 
29. Hon. ‘Makholu MoshoeshoeSenator 
30. Hon. Neo Matjato MoteaneSenator 
31. Hon. Seabata MotsamaiSenator 
32. Hon.Richard RamoeletsiSenator 
33. Limpho TauSenator 

PARLIAMENT OF THE KINGDOM OF LESOTHO

SENATE CHAMBER

Thursday 3rd November 2022

The House assembled at 10:30 a.m.

MR. CLERK CHAIRING THE PROCEEDINGS

MR. CLERK:  Kea le lumelisa, Bahlomphehi.  Lebitso la ka ke Ts’eliso Molise, ke sebetsa ke le Clerk to the Senate.  Ke kopa ka hlompho le boikokobetso ke ise hlompho ho Ntate Motlotlehi Khosi Letsie III, Mohlomphehi Tona-Kholo, ebe ke isitse litumeliso ho bohle Bahlomphehi ba ka.

Ke kopa ho bala Legal Notice ena e re behileng koano, Bahlomphehi.

Special Meeting of the Senate

Legal Notice No. 109 of 2022

I, King Letsie III, pursuant to Section 81 of the Constitution of Lesotho appoints:-

  • Thursday 3rd November, 2022 at 10:30 a.m. as the day on which the Senate of Lesotho shall meet for an Election of the President and Vice-President of the Senate and the swearing in of the Senators;
  • The old Parliament Building at Maseru as the place where the meeting shall be held.
  •  Dated 2nd November, 2022.

King Letsie III, King of Lesotho.

PRAYER

(Madame Assistant Deputy Clerk led the House in Prayer)

ANNOUNCEMENTS FROM THE TABLE

Ke tl’o kopa Bahlomphehi Litho tse Khabane li tle li kene ka har’a Well ka mona kaofela –  Ntate Motheolane a ba bonts’e bohle moo ba tla tla ba lula teng. 

Bahlomphehi, pele re qala ke kopa ho le tsebisa moifo oo ke tl’o tla ke sebetsa le oona ka koano.  Pel’a ka mona ke Ntate Khotso Manamolela, e mong eo re tl’o sebetsa le eena ke ‘M’e ‘Makhotso Mohale ke Assistant Deputy Clerk, e mong eo re tl’o sebetsa le eena Tafoleng koano ke Ntate Maduma Tsepane ke Clerk Assistant.

 Ke kopa, Bahlomphehi, pele nka qala ke bale lengolo lena le ngotsoeng.  Lengolo ke lena:

Ofisi ea Morena oa Sehlooho Kueneng le Mapoteng

P.O. Box Bela-Bela Berea

2nd November, 2022.

Clerk to the Senate

Maseru. 100.

Dear Sir,

Delegation of Mr. Matsobane Elias Peete.

The above matter refers.

Pursuant to Section 55(a) of the Constitution of Lesotho, I hereby designate Matsobane Elias Peete Passport No. RC 008566 to be a Senator in my place generally at the commencement of the 11th Parliament until this designation is revoked.

I anticipate your cooperation

Yours faithfully

Peete Lesaoana Peete

(Senator)

Kea leboha, Bahlomphehi.

Bahlomphehi, lethathamo la kajeno le tl’o tla le tsamaea tjena:

Ea pele, ke eo ke seng ke e entse ea hore ke bale Lisamane tse tsoang ho Ntate Motlotlehi, re etse Thapelo.  Joale procedure eo re tl’o e sebelisa ke ena, Bahlomphehi, ‘me e ipapisitse le Standing Order No. 6 sa Tsamaiso ea Ntlo ena ea Senate.

Lebaka ke hobane Ntate Motlotlehi o laetse ka kotloloho hore ho tl’o khethoa President, Vice-President le ho hlapanya hoa Litho.

Ka hona, Bahlomphehi, ke tla tla ke bala procedure ena joalo ka ha e hlaha kahar’a Section 6 ena ea Melao ea rona ea Tsamaiso, empa ntho eo ke ratang ho e hlakisa, Bahlomphehi, hore e tle e be kutloisiso ea rona kaofela ke ea hore ha sekheo sa President se e-ba teng, ekaba ka nako ea proceedings kapa pele ho moo, joalo ka ha re tsoa likhethong tjena, Ntate Motlotlehi o tla etsa summon Paramente hore e tl’o tla e khetha President and Vice-President, ‘me ho thoe Clerk to the Senate o tla etsa preside over the proceedings tsa ho khetha President of the Senate.

Joale ho thoe a Senator ea batlang hore Setho kapa motho ofe kapa ofe ea batlang ho iketela ho ba President, ho thoe o tla khetha Setho se joalo, ‘me Setho se joalo se tla tlameha hore se tlatsoe, ‘me ho ka khethoa up to three delegates only.  That is the maximum! Ha ho ka hoa etsahala hore ho khethoe motho a le mong, a se na contestant, ho thoe Clerk to the Senate o tl’o mo etsa declare e le eena the elected President of the Senate.

 Joale empa ha ho ka etsahala hore ho khethoe batho ba fetang bonngoe, the Clerk o tla etsa taelo ea hore ho khethoe by secret ballot, ‘me re tla beha lebokose mona, e mong oa rona o tla le phahamisa a bonts’e hore ha lea ts’ela letho, ebe joale ka morao ho mono re tla bitsa Litho on the list in alphabetical order hore ba tl’o khetha President.

Ts’ebetso eo re tla tla re e etsa e tla tla e ba ka mokhoa o latelang:

 Ha Setho se bitsoa, ho tla be ho na le motho ea emeng mona –  bana bao re ntseng re sebetsa le bona. Motho o tla fuoa ballot, a kene ka lebokoseng lena le pel’a rona mona, a ts’oaee lebitso la motho ea joalo, joale a fihle a e akhele ka har’a ballot box, joale ebe o il’o lula fats’e.

Re etsa taba ena e le hore ho tl’o tsebe ho ba le order, re se ke ra kena kaofela ka hare ho Ntlo, hobane lea bona hore sebaka sa rona se Senyenyane.

Ka morao ho mono Clerk o tla bala ballot papers, ‘me ka morao ho mono mohloli ea nang le lipalo tse ngata o tla etsoa declare e le eena the elected President of the Senate.  Empa ha ho ka hoa etsahala hore joale ebe ho ba le tie ha batho ba ntse ba khethoa, ho tla ba le another vote e tla etsoa, ‘me re se re ntse re na le provisions tse joalo.  Re tla tla re sebelisa lipampiri tse fapaneng ha ho ka etsahala hore ho be le tie.

Re tl’o sebelisa lipampiri tse fapaneng tsa li-ballot ha ho khethoa President leha ho khethoa Vice-President, joalo ka ha mabokose a rona a tla be a le mabeli.

Joale kamor’a hore ho khethoe, President o tla hloella holimo mona a tl’o tla a etsa ntho eo ho thoeng ke Acceptance Speech, ebe joale o tla theohela fats’e mona a nke kano.  Kamor’a hore a nke kano, o tla tla a hloella Setulong sa hae mona, joale ebe e se e tla ba eena ea etsang preside holim’a proceedings tsa hore ho hlapants’oe Litho, ‘me kamor’a hore ho hlapants’oe Litho, President joale o tla be a se a laela hore ho khethoe Vice-President.

Joale ho na le nako eane eo e reng ha President a qeta ho hloella setulo sa hae, a se a nkile kano, ho tla phahamisoa Mace ho etsa symbolise the presence of His Majesty kahar’a Ntlo ka koano.  Joale e tla re ha nako eno e fihla, Bahlomphehi, ha President a qeta ho nka setulo, what we will do, re tla etsa procession e hlahang kantle, a tle a se a entse rob Litho tsa hae, joale Gentleman Usher o tla kena le eena, a se a eteletse pele procession e joalo.

Joale, Bahlomphehi, ke ne ke mpa ke re ke le fe lethathamo leno le joalo, ‘me ka morao ho mona ha ke se ke chulo tjena, re tl’o qala mosebetsi.

Ke lumela hore Litho tse Khabane kaofela li kene kahar’a well ka mona, e tl’o tla re qala mosebetsi ka hore joale ho tl’o etsoa nominate the candidate ea tla nka setulo sa President, ‘me Setho se joalo se tla hlahisa lebitso, ‘me se tlatsoe.  Setho seo lebitso la sona le sa tlatsoang, would not contest hobane joale lebitso la hae le tla be le sa tlatsoa.  E leng hore batho ba tla tla ba iketa e tla ba Setho seo lebitso la sona le entsoeng nominate la ba la etsoa seconded.

Kea leboha, Bahlomphehi.  Ha ke etsa tjena kea qala.

 Ke kopa ho fumana mabitso…

HON. SENATOR S. MOHOLOBELA:  Ntlha ea Tsamaiso.  Ntate Molise, ke ne ke kopa ho botsa.  Kea utloa hothoe ha u qeta ho tlatsa litaba tsa hao mono, ka Setho seo u se khethang, ua nka u akhela ka mane.  Litaba tsee tsa rona, Mohlomphehi, li tl’o baloa ke lona feela moo, ha ho na motho e mong? Ea tl’o bala ke Tafole feela, kapa hothoe ho tl’o etsahala joang, Ntate?

MR. CLERK:  Ho joalo, Mohlomphehi.  Standing Order sa rona se re, ‘the Clerk shall count’.

 Ho joalo, Mohlomphehi.

 Kea leboha.

Bahlomphehi, re tl’o qala ka hore joale re khethe mabitso a batho bao ho thoeng e tla ba bona ba tla ts’oara Setulo sa President of the Senate.

Ke bona letsoho la Ntate Khoabane.

HON. SENATOR K.L.K. THEKO:  Ke etsa nominate ‘M’e ‘Mamonaheng Mokitimi.

MR. CLERK:  Lebitso la ‘M’e ‘’Mamonaheng Mokitimi le entsoe nominate.

 Any seconder?

Hon. SENATOR TUMANE MATELA: Ke kopa ho mo tlatsa, Mohlomphehi.

MR. CLERK:  Lebitso la ‘M’e ‘Mamonaheng Mokitimi le tlatsitsoe.

 Ke bona letsoho la Morena oa Sehlooho oa Leribe.

HON. SENATOR J.B. MOTS’OENE:  Kea leboha, Mohlomphehi.

Ke etsa nominate Morena oa ka Morena oa Sehlooho oa Mats’ekha.

MR. CLERK: ‘Mitse ka lebitso, Mohlomphehi.  Ke kopa u sebelise lebitso for purposes of record.

HON. SENATOR J.B. MOTS’OENE:  Kea leboha, Mohlomphehi.  Ke etsa nominate lebitso la Morena Peete Lesaoana Peete.

MR. CLERK:  Ho etsoa nominate lebitso la Morena Peete Lesaoana Peete.

Any seconder?

HONOURABLE SENATOR SEMPE GABASHEANE MASUPHA:  Kea tlatsa, Ntate.

HON. CLERK:  Na ho na le lebitso le leng?

 Morena oa Sehlooho oa Qacha.

HON. SENATOR M.C. MAKHAOLA:  Ke etsa nominate Ntate Hlomohang Morokole.

MR. CLERK:  Any seconder?

HON. SENATOR P.S. MATHEALIRA:  Kea mo tlatsa.

MR. CLERK:  Bahlomphehi, re na le mabitso a mararo a entsoeng nominate for Presidency of the Senate.  Mabitso ano ke ‘Mamonaheng Mokitimi, Peete Lesaoana Peete le Mr. Hlomohang Morokole.  Joale ha e le mona mabitso a se a entsoe nominate joalo, Bahlomphehi, re tl’o kopa Ushers hore ba tle ba behe lebokose mona, ‘me ba tle ba le nts’e ba le etse empty, Litho tsohle li tle li tsebe ho bona hore ha ho na letho ka mono. 

Ke kopa ba le bonts’e, Bahlomphehi… 

HON. S.B. SEEISO:  Ntlha ea Tsamaiso.  Hana li tl’o lula nako e kae haeba nka ba le protest?

MR. CLERK:  Li tl’o lula matsatsi a mashome a mararo.

RESULTS STAND THUS:

Hon. H. Morokole      (3)

Hon. P.L. Peete          (11)

Hon. M. Mokitimi      (19)

Hon. M. Mokitimi was declared as President of the Senate.

SPEECH BY HON. M. MOKITIMI

Ntate Clerk, ka uena ke kopa ke hlomphe Morena Molimo o re fileng bophelo le ho re chabisetsa letsatsi la kajeno.  Ke hlomphe Motlotlehi Khosi le ‘M’e oa rona ‘M’e ‘Masenate, Mohlomphehi Tona-Kholo, Motsamaisi oa Lipuisano ka Lekhotleng la Sechaba, Moahloli e Moholo, Matlo a mabeli a Paramente, haholo Ntlo ea Senate, lona beng ba mosebetsi oa kajeno.

Ke hlomphe molekane oa ka le lelapa lohle la ka le metsoalle ea rona e nts’ehelitseng kamehla.  Ke hlomphe Ntate Moruti, ke hlomphe baphatlalatsi le lona bo-‘m’e le bo-ntate kaofela.  Tlhompho e-ea le lokela.

Taba ea ka kajeno e khuts’oanyane ke ho tla amohela thomo eo ke e fuoang kajeno.  Ke kopa ke qale ka ho leboha Litho tse Khabane ka ho boela li khahloa hape hore ke be Bosebeletsing ba Ntlo ena e Khabane ea tsona.

Boikarabello bona boo ke bo fuoang kajeno ke bo boholo haholo, ‘me boo nke keng ka bo nka hanyenyane.  Ke nka ele tiisetso ea hore Litho tse Khabane li bone hore re tsamaisane tsela e ntle Paramenteng ea Leshome, ‘me re hlotse ‘moho boima le bonolo re ntse re ts’oarisane.  Moo re bileng lebatha Litho li hlokometse hore matsoho ho lutla a sebetsang.  Etsoe ho se tjaka-tlhoka koli.  Ruri kea leboha Beng ba ka.  Ha e-ea ba leeto le bonolo ho hang, empa re ile ra le jarisana ka matla le boitelo bo boholo.

Ke boetse ke le mema hape Litho tse Khabane hore ha re tl’o qala leeto lena la Paramente ea Leshome le Metso o Mong le tle le nts’ehetse ka matla a ts’oanang le a pele.  Le lipaki Beng baka tsa mosebetsi o moholo oa sechaba oa tlhopho-bocha oo re sa o phethelang ka mabaka a mangata.

Re utloile ha Mohlomphehi Tona-Kholo a re taba ea hae ea pele ke ho re ka hare ho matsatsi a lekholo mosebetsi oo oa sechaba o be o phethetsoe.  Hona ho re ho rona ba Paramenteng ena re ikitlaetse ka matla ‘ohle a rona ho phethela ts’ebetso eo.  Ruri e sa shejoang ke Basotho feela, empa le machaba a e shebile.

Taba e ‘ngoe e kholo eo re tl’o lokela ho e sebetsa ka matla re le ‘moho ke ho busetsa mohoma temeng Bosebeletsing ba Matlo a Mabeli a Paramente ekasitana le likamano tse tsitsitseng lipakeng tsa maoto a mararo a puso.  Sena se tla tebisa metsi ea puso ea sechaba ka sechaba le ho akofisa bosebeletsi ba puso ka kakaretso. 

Beng ba ka, ke kopa ho phethela Puo ea ka ka ho le leboha ka ts’epo e sa thekeseleng eo le mponts’itseng eona.  Ke le ts’episa hore ka bots’ehetsi ba lona ke tla sebetsa ka matla a ka ‘ohle ao Morena Molimo O mphileng ‘ona le ka bokhabane bo fetang ba pele.

Ke motlotlo ho amohela thomo ena ea lona ea ho ba Mookameli oa Ntlo ea Senate Paramenteng ena ea Leshome le Motso o Mong.  Kea leboha ruri.

         KHOTSO!                            PULA!!                       NALA!!!

Oath of Allegiance

Hon. M. Mokitimi took an Oath of Allegiance as President of the Senate

(Hon. M. Mokitimi took her Seat as President of the Senate)

MR. CLERK:  Hona joale the President of the Senate o s’a nkile Setulo sa hae, ‘me pele Mace o phahama ke ile ka supa hore re tla tsoela ka moo re aparelang ka teng ebe re tla kena ka Procession ea Gentleman Usher, Mace o tsebe ho phahama re bonts’e presence ea Khosi Motlotlehi ka har’a Ntlo ka mona.

Madame President, re ne kopa u re etelle pele ho tsoa re tle re khutle re se re kena ka Procession.

The House was suspended.

The House resumed.

MADAME PRESIDENT:  Item ea bobeli, Litho tse Khabane, e tla ba hore Mr. Clerk a bitse Litho tse Khabane alphabetically ho tla  hlapants’oa.

HONOURABLE SENATORS TOOK AN OATH OF ALLEGIANCE

  1. Hon. Senator Bereng Griffiths Api
  2. Hon. Senator Nthupi Anna Bereng
  3. Hon. Senator Nthati L. Bereng
  4. Hon. Senator ‘Mawinnie Kanetsi
  5. Hon. Senator Leboea Khoaele
  6. Hon. Senator Dr. Thabiso Lebese
  7. Hon. Senator ‘Maphakiso Lydia Lebona
  8. Hon. Senator Mitchel Seeiso Maama
  9. Hon. Senator Mamolapo Majara
  10. Hon. Senator Mojela Makhaola
  11. Hon. Senator Sempe Khabasheane Masupha
  12. Hon. Senator Tumane Matela

    13. Hon. Senator P.S. Mathealira.

    14. Hon. Senator M.P. Mokhathali.

    15. Hon. Senator M.T. Mohale.

    16. Hon. Senator M.S. Moholobela.

    17. Hon. Senator K.E. Mojela.

    18. Hon. Senator M. Moletsane II.

    19. Hon. Senator S.H. Monatsi.

    20. Hon. Senator R. Mopeli.

    21. Hon. Senator M.N. Moteane.

    22. Hon. Senator S. Motsamai.

    23. Hon. Senator M.M. Moshoeshoe.

    24. Hon. Senator J.A. Motsóene.

    25. Hon. Senator S. Nkuebe.

    26. Hon. Senator R. Ramoeletsi.

    27. Hon. Senator L.L. Seeiso.

    28. Hon. Senator L.M. Seeiso.

    29. HON. S. B SEEISO

    30. HON. Q. SEKONYELA

    31. HON. L. TAU

    32. HON. K. L. K. THEKO

MADAME PRESIDENT: Mr Clerk, you may proceed with the election of the Vice-President.

Litho tse Khabane, re tla tsoela-pele ka ho khetha Vice-President.

Ke bone letsoho la hau, ‘M’e Mamolapo.

HON. M. Q. MAJARA: Ke sisinya lebitso la Ntate Tsukutlane Au.

MADAME PRESIDENT: Ke kopa Setho se mo tlatsang.

HON. SENATOR K. L. K. THEKO: Ke tlatsa Mohlomphehi Morena oa Maqhaka.

Kea leboha, Mohlomphehi.

MADAME PRESIDENT:  Setho se Khabane, Morena oa Matelile

HON. SENATOR M.S. MOHOLOBELA: Ke sisinya lebitso la ‘M’e Khopotso Lebona.

MADAME PRESIDENT: Ke kopa ea tlatsang lebitso la ‘M’e Khopotso Lebona.

HON. SENATOR Q. SEKONYELA: Kea le tlatsa, Mohlomphehi.

HON. SENATOR J. A. MOTSOENE: Ke sisinya lebitso la ‘M’e Maroane Dingizwayo.

HON. SENATOR L.L. SEEISO: Kea mo tlatsa.

MR. CLERK: Bahlomphehi, joale ka ha ho hlahile mabitso a mararo re tl’o tla re tsoela pele hape ka ho etsa secret ballot joale ka ha re ntse re e entse nakong ea pele. Re tl’o tsoela-pele re ‘ne re bitse mabitso in their alphabetical order. Ntate o tla ’ne a eme mona a ba fe pampiri ba kene ka lebokoseng ba ts’oae, joale ba tl’o tsela ka har’a lebokose. 

Pele ho ka etsoa joalo Ntate o tla phahamisa lebokose a le bonts’e kaofela hore ha ho na letho ka har’a lona ka mono.

HON. SENATOR M.S. MOHOLOBELA: Ntlha ea Tsamaiso eo ke emang ka eona ke ea hore ke utloa eka Litho tse ling ha lia utloa mabitso ano hantle.

Malome ka nq’a ena ke utloa a ntse a botsa hore…

MADAME PRESIDENT: Malome mang?

HON. SENATOR M.S. MOHOLOBELA:  Setho se Khabane Ntate Sempe Gabasheane Martin Masupha.

MR. CLERK: Ke laeloa ke ‘M’e President hore ke bale mabitso ano hape, ona ke Ntate Tsukutlane Au, ‘M’e Khopotso Lebona le ‘M’e ‘Maroane Dingizwayo.

Kea leboha, Bahlomphehi.

HON. SENATOR MOJELA: Ke kopa ho ema ka Ntlha ea Tsamaiso, Mohlomphehi.

Ke ne ke kopa ho botsa hore na nka se khethe lebitso la bone na? Ke ne ke kopa ho hlahisa lebitso la Ntate Monethi.

MADAME PRESIDENT: Morena oa ka, ke tlaleheloa mona hore ho latela Melaoana ea rona ea Tsamaiso, ho lumelloa mabitso a mararo feela hore a thonngoe, ‘me haeba a sa ka a ba teng ho ano a mararo ha a sa oela mojaong.

HON. SENATOR S. NKUEBE: Ke utloa eka joale e tla re thatafalla –  mohlomong ke tsamaiso e joalo. Lebitso la boraro ka’nete re qala ho le utloa! Ke utloa ha le bitsoa e se lebitso leo re le tsebang.

MR. CLERK: Bahlomphehi, ke kopa re tsoeleng pele. Lebitso leno le ile la tlatsoa, ‘me hoo ke ho bonts’a hore ke lebitso le tsebahalang, le teng. Joale ha Litho li se li entse joalo, lebitso le se le tlatsitsoe, ha ho sa na hore ho bitsoe lebitso le leng la bone.

Ka hona ke kopa ho tsoela pele, Bahlomphehi, ke bitse Litho li tl’o tla li tsoela pele ka hore li khethe. Li tla ’ne li etse ka mokhoa o ts’oanang le oa pele: ke tla bitsa lebitso, a fuoe pampiri, a kene ka lebokoseng joale a khethe joale ebe o lahlela ka lebokoseng ka mona.

ELECTION OF VICE-PRESIDENT

Candidates for an election of the Vice-President.

  1. Honourable Tsukutlane. Au
  2. Honourable Khopotso Lebona
  3. Honourable Mahoane Dingizwayo 

MADAME PRESIDENT: Litho tse Khabane, re fuoe sephetho sa Motlatsi oa Mookameli oa Ntlo ea Senate.

Announcement of the votes:

2 votes spoiled

HON. M. DINGIZWAYO… (1 vote)

HON. N. LEBONA…. (14 votes)

 Honourable T. Au (16 votes)

Honourable T. Au was declared as the winner.

Litho tse Khabane, ke kopa li late Ntate Au a tl’o etsa Puo ea hae ea kananelo.

(Speech by Hon. T. Au)

HON. T. AU: Motlotlehi Khosi Letsie III, Mohlomphehi Ntate Ntsokoane Samuel Matekane, ‘M’e President ea Ntlo ena e Khabane ea Senate, Bahlomphehi, Litho tse Khabane tsa Ntlo, Ntate Clerk le Tafole ea hae, baqolotsi le baphatlalatsi ba litaba, bo-Ntate le bo ‘M’e.

Ruri ke boikarabello ba ka, ke tokelo ea ka, ke ts’oanelo ea ka ho nka monyetla ona ho le leboha Litho tse Khabane tsa Ntlo ka ho nts’epela le ho mpha thomo ea Office ea Motlatsi oa Mookameli oa Ntlo. Ruri taba ena e kholo haholo.

Ke lets’oao le leholo haholo la ts’epo, ke lets’oao le le holo haholo la tumelo ho ’na e seng ke le motho empa ke le Mohlanka ke bile ke le mosebeletsi oa sechaba. ‘Me ho ea ntokela hore ke nke boikarabello ba ho sireletsa ts’epo ena eo le e bonts’itseng ea ho boulella tumelo ena eo le e bonts’itseng.

Ea ho hlompha tlotla ena eo le e bonts’itseng, ‘me tsena tsohle ha kea ts’oanela ho li etsa ka mantsoe feela, ke ts’oanela hore ke li bonts’e le ka liketso, ke li bonts’e ka mesebetsi, hape ke li bonts’e ka litholoana.

Ke nka monyetla ona Bahlomphehi ba ka ho amohela thomo ena, ka boikokobetso bohle le ka tlhompho eohle le ho ts’episa hore ke tla ts’epahalla Office ena e Khabane eo ke ronngoeng ho eona le ho e sebeletsa ka tlhompho, ka boitelo le ka boitebalo.

Ha kea ts’oanela hore ke etse puo e telele ke mpa ke kopa feela hore ke mpe ke qetele litaba tsa ka ka hore ke boele ke nke monyetla ona ho lebohela ‘M’e Mookameli oa Ntlo ka hore ebe  Litho tse Khabane ka mokhoa o ts’oanang li mo ts’epetse boikarabello bona bo boholo ba hore a ‘ne a tlo etella-pele Ntlo ena, kea mo lebohela le ho mo lakaletsa mahlohonolo a mangata mosebetsing oa hae.

Ka mokhoa o ts’oanang kea tseba hore o ne a ntse a kene mojaong le ba bang hantle feela joalo ka ‘na ke neng ke kene mojaong le ba bang bao bohle bao e neng e le karolo ea mojao oa letsatsi la kajeno, boemong ba Bookameli le boemong ba botlatsi ba Bookameli, ke mpe ke nke monyetla ona hore ke mpe ke le lebohe ka ho kenya letsoho ka ho tlatseletsa litabeng tsa puso ea sechaba ka sechaba hobane taba eno ea ho kena mojao oona ke ho kenya letsoho le ho ntlafatsa taba ea puso ea sechaba ka sechaba.

Le entse mosebetsi o moholo haholo oo re lokelang hore re o thoholetse, ‘me ke rata hore ke re ho lona ha ho na ea hlotseng mona, ha ho na ea hlotsoeng. Mona ho hlotse Ntlo ena e Khabane, ho hlotse Basotho ‘me ke qetelle ka hore ho lona there is always next time ‘me kea le lebohela, kea ikokobetsa.

Honourable T. Au took an Oath of Allegiance as Vice President of the Senate

MADAME PRESIDENT:  Rea leboha, Ntate Vice-President.

Ke kopa hore le ‘na ke mpe ke lumelloe ke nke monyetla ona ho qala ka hore ke u lebohele, Ntate, ha e le mona Ntlo ena e u ts’epetse boemo ba hore ore u tl’o ba Motlatsi oa Mookameli ka hare ho Ntlo.  Ke na le tumelo e tletseng hore qeto e joalo ba e entse hobane ba u tseba., Ha b’a u tseba feela ha u le Setho sa Ntlo ena, ba u tsebile ho tloha bosebeletsing ba hao hba u n’o le P.S., ba u tseba ha u n’o le Setho sa Ntlo eane ea Bakhethoa, ‘me ua oa fetela ho Cabinet.  Ba bone maputulo a hao ka linako tsohle. 

Ka ho fetisisa ba bone maputulo a hao ha u n’o s’o le ka hare ho Ntlo ena, u sebetsa le bona.  Ke lumela hore re nka mantsoe a hao hore u tla boulela Ntlo en a ka linako tsohle, ‘me u tla ba hlompha, u sireletse seriti sa Ntlo ena kamehla.

Ke boele ke nke monyetla hore ke amohele le ho lebohela Litho tsohle tse nkileng kano kajeno le hore ke ts’epo e a ka hore kano eo le e nkileng, Litho tse Khabane, le tla e ts’ephahalla.

Ke kopa ho etsa litsebiso tse latelang, ha re phethela mosebetsi oa kajeno.

Tsebiso ea pele ke hore Chamber ea rona ea Senate e ka mona, ho Litho tse Khabane tse ncha, empa liofisi Liofisi tsa Mongoli e Moholo oa Ntlo ea Senate li ka mane pel’a LNDC along the Kingsway.  Ke hona moo lits’ebeletso tsa lona le li fumanang teng.

Tsebiso ea bobeli ke hore le se le koptjoa hore kapele ka mokhoa oo le ka khonang etsang ho tloha hosane, le tle le ise ofising Ofising eo li-ID tsa lona le banking details, e leng bank accounts confirmations, e le hore ba qalelle mosebetsi oa ho le kenya kahar’a system ea bona.

Tsebiso ea boraro ke hore ofisi Ofisi ea Mongoli e Moholo e tla le tsebisa hore na le tla lula joang, ‘me taba eo le tla e bolelloa hamorao.

Re ntse re emetse molaetsa hore na letsatsi la Tulo ea Matlo a mabeli a Paramente e tla b a ka letsatsi lefe, ho tla mamela Puo ea Khosi Motlotlehi Letsie III, e leng Puo e mona eo re e bitsang Speech from the Throne.  Hang ha re se re fumane molaetsa, re tla tsebiso tsebisa Litho tsa Ntlo hammoho le litokiso tse ikhethang tsa letsatsi leo.

Litsebiso tsa letsatsing lena li fella mona, Litho tse Khabane.

Ntlo e tla koaloa ho sa boleloe letsatsi la ho bula. 

E leng ho re the House is adjourned sine die.

HON. SENATOR R. MOPELI:  Ntlha ea Tsamaiso, Mohlomphehi. 

Ha ke u lebohe, Mohlomphehi.  Re ntse re utloa li-corneng mona, Mohlomphehi, hore hosane ho hlapants’oa Matona ka mane ka Royal Palace, joale ke utloa u sa e bolele mono, Mohlomphehi.  Ebe che, ke mabare-bare feela, ha ho joalo?

MADAME PRESIDENT:  Setho se Khabane, ke tsebisoa hore Ofisi ea rona ea Senate ha e s’o fumane molaetsa o joalo, o otlolohileng ka lengolo. Empa hang ha ba ka o fumana, o sa nts’a na le lona ka lichateng tsa hae tsa Senators, o tla ba s’a akhela molaetsa o joalo ka ho groupung eno, e le hore le tsebe.

Ke hore le se ke la hlola le sa e a haee, le emele molaetsa ho fihlela ka 5…(LERATA)…

Litho tse Khabane, Ntlo e tla phomola ho sa boleloe letsatsi la ho bula.

ADJOURNMENT

Thereupon, Madame President adjourned the House without Question put, pursuant to the Standing Order No. 16 (3).

The House was accordingly adjourned Sine Die at 13:08 hours