Hansard 22nd November 2023

KINGDOM OF LESOTHO

PARLIAMENTARY DEBATES

DAILY HANSARD

OFFICIAL REPORT OF THE SENATE

3RD Meeting – First Session

Eleventh Parliament

Date: Wednesday 22nd, November 2023.

LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG

1.Hon. Seeiso B. SeeisoPrincipal Chief of Matsieng
2. Hon. Joel A. MotšoenePrincipal Chief of Leribe
3.Hon. Sempe Gabasheane MasuphaPrincipal Chief of Ha ’Mamathe, Thupa-Kubu, Teya-Teyaneng le Jordan
4.Hon. Mamolapo M. Q Majara Principal Chief of Ha Majara
5.Hon. Tumane MatelaPrincipal Chief of Makhoakhoeng
6.Hon. Moeketsi Moletsane IIPrincipal Chief of Taung
7.Hon. Lerotholi Mathealira SeeisoPrincipal Chief of Mokhotlong
8. Hon. Lerotholi L. Seeiso   Principal Chief of Likhoele
9.Hon. Nthati BerengPrincipal Chief of Phamong
10.Hon. Mojela T. MakhaolaPrincipal Chief of Qacha’s Nek
11.Hon. Seeiso S. H. NkuebePrincipal Chief of Quthing
12.Hon. Nthupi A. Bereng                     Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote
13.Hon. K.L.K Khoabane Principal Chief of Thaba-Bosiu
14.Hon. Mitchel S. MaamaPrincipal Chief of Ha Maama
15.Hon Moholobela M. Moholobela Principal Chief of Matelile
16.Hon. Bereng G. Seeiso Api  Principal Chief of Ha Ramabanta le Kubake
17. Peete Lesaoana PeetePrincipal Chief of Koeneng le Mapoteng
18.Hon. ’Mako T.MohalePrincipal Chief of Tajane, Ha Moetsana le Ha Mohale
19. Hon. Khoabane T. MojelaPrincipal Chief of Tebang, Tšakholo le Ha Seleso
20. Hon. Retšelisitsoe Mopeli Principal Chief of Botha-Bothe
21.Hon. Pontšo S. MathealiraPrincipal Chief of Tsikoane, Peka le Kolbere
22.Hon. Qeto Sekonyela Principal Chief of Malingoaneng
23.Hon.’Mawinnie KanetsiSenator
24. Hon. Lebona KhoaeleSenator
25. Hon. Thabiso LebeseSenator
26. Hon. ‘Maphakiso LebonaSenator
27. Hon. ’Mabataung Patricia                                MokhathaliSenator
28. Hon.Sehlooho HenryMonatsiSenator
29. Hon. ‘Makholu MoshoeshoeSenator
30. Hon. Neo Matjato MoteaneSenator
31. Hon. Seabata MotsamaiSenator
32. Hon.Richard RamoeletsiSenator
33. Hon. Limpho TauSenator

PARLIAMENT OF THE KINGDOM OF LESOTHO

SENATE CHAMBER

Wednesday 22nd November, 2023.

The House assembled at 10:30 a.m.

(MR VICE-PRESIDENT in the Chair)

PRAYER

The Chaplain led the House in Prayer

ANNOUNCEMENTS FROM THE CHAIR

MR. VICE-PRESIDENT: Kea le lumelisa, Litho tse Khabane, Bahlomphehi le Matona a Khabane. Ke le bone, beng ba ka. Rea le lumelisa le ho le amohela letsatsing la kajeno.

 Re na le litsebiso tse peli, joalo kaha le bona hore re na le Mohlomphehi Letona la Machabeng ka koano.

  •  Mohlomphehi Lejone Mopotjoane o teng ka koano, Litho tse Khabane, ho tla re etsetsa ntlha-kemo mabapi le ntoa e ntseng e kupa lipakeng tsa Israel le Mokhatlo oa Palestina.
  • Tsebiso ea bobeli, ke khopotso ho Litho tse Khabane hore le hopotsoa ka memo e ileng ea phatlalatsoa maobane ka koano e tsoang ho Mokhatlo oa Anti-drug Abuse Association o memang Balula-setulo ba committees tsa Ntlo ena ea Senate le Bangoli ba bona. Ba memeloa phuthehong ea lijong tsa hoseng e tla ts’oareloa Victoria Hotel ka Labohlano lona lena la la 24 Pulungoana 2023 ka hora ea bosupa hoseng.

Balula-situlo ba mengoang ke bana ba latelang:

  1. Committee ea Health and Nutrition eona e koptjoag hore kantle ho mongoli eona e katla le litho tse peli tsa Committee eno. Ke ho bolela hore kantle ho Molula-setulo le Mongoli ba lebeletsoe hore ba ka boela ba tla le litho tse ling tse peli tsa committee.
  2. Committee ea Government Assurance.
  3. Committee eane ea litletlebo.
  4. Committee ea Ketsa-Molao, eleng Legislation committee.

Sepheho sa phutheho ena eo le memeloang ho eona lihoreng tsa hoseng ke ho tla bua ka bohlokoa ba Tobacco and Alcohol Levy Act ea 2023.

Litsebiso li hakaalo, Litho tse Khabane.

Joalo ka ha ke hlalositse hore re na le Mohlomphehi Letona la machabeng ka koano a tl’o re etsetsa polelo e holim’a ntlha kemo ea naha ea Lesotho mabapi le ntoa eane e ntseng e kupa bochabela bo hare, ke kopa hore ke u fe, Mohlomphehi, hore u fe Litho tsa Ntlo ena e Khabane Polelo.

STATEMENTS BY MINISTERS

HON. MIN. L. MPOTJOANE (Minister of Foreign Affairs): Kea leboha, Ntate Motlatsi oa Mookamelo oa Ntlo.

 Ke le lumelise, Litho tse Khabane.

 Ke ema ka pele ho lona tsatsing lena la kajeno ho etsa Polelo holim’a ntoa e ntseng e kupa lipakeng tsa naha ea Israel le naha ea Palestina.

 Le tla hopola, Litho tse Khabane, hore ka la bosupa khoeling ea Mphalane selemong se holimo sa 2023, ho ile hoa qhoma ntoa lipakeng tsa linaha tseo tse peli, eo litlaleho li supang hore e qhololitsoe ke sehlopha sa Hamas. Hamas ke sehlopha se hlometseng se loanelang tokoloho ea naha le batho ba Palestine khahlanong le naha ea Israel. Li tsoela-pele ho supa hore letsatsing lona leo la la supa Mphalane 2023, sehlopha sa Hamas se ile sa its’ohlometsa ka hare ho naha ea Israel ka mokhoa oa tsome. Litlaleho li supa ha Hamas e ile ea bolaea Ma-Israel a ka bang sekete le makholo a mane, ba kenyeletsang litho tsa ts’ireletso le ho koetela Ma-Israel a ka bang makholo a mabeli.

Sesosa sa ntoa lipakeng tsa linaha tsena, Litho tse Khabane, le tla hopola hore 1948 naha ea Israel e ne e s’o thehoe. Naha ea Israel e ile ea thehoa ka sona selemo seo sa 1948 ka mor’a qeto ea Lekhotla la Machaba a Kopaneng (United Nations General Assembly) eo e ileng ea etsoa ka votes tse neng li arohane haholo.

Ka nako eo Lekhotla la Machaba a kopaneng le ne le na le litho tse seng kae feela kaha e ne e le litho tse 58. Linaha tsa Africa li ne li kaba ’ne feela ka hare ho mokhatlo oo ka nako eo.

Mohlomphehi, Litho tse Khabane, ho thehoa hoa naha ea Israel ho tlile e le ts’usumetso ea tse ling tsa linaha tsa Bophirima. Ho ea lokeleha hore ke supe hore ha naha ea Israel e thehoa ka hare ho naha ea Palestina, boholo ba baahi e ne e le Ma-Palestina a more than 78%. Ka lebaka leo ho theoa hona hoa naha ea Israel ho ile hoa qala liqabang le tsekisano ea meeli le mobu lipakeng tsaa Ma-Palestina le Israel.

 Leha Palestines ba ne ba le bangata joalo ka hare ho naha eo ea habo bona, ts’eho ea meeli ha ho aroleloa Israel lefats’eng la Palestina ha e ea ka ea abela Palestina toka kaha 66% ea naha eo e ile ea fuoa Israel ha 44% e ile ea abeloa Palestine.

Kajeno lena naha ea Palestina e fetohile e se eka kolone lefats’eng leo la eona. Ho aroleloa ha Israel naha ea Palestine ho ile hoa qholotsa linaha tse ling tsa Ma-arab tse ahisaneng le Palestina ho jella phate ka 1967 moo ho ileng hoa qhoma ntoa lipakeng tsa Israel le linaha tse tharo tsa Ma-arab, e leng Egypt, Syria le Jordan, ‘me ntoa eo e ile ea bitsoa The Arab-Israel War kapa 60-day War,   e le ha ho tsekoa meeli.

Pheletsong ea ntoa eo linaha tsena tse ‘ne li ile tsa etsa tumellano ea meeli. Tumellanong eo lihleke-hleke tse kang naha ea Gaza le Wesbank li ile tsa tsoela-pele e le karolo ea Palestina, ‘me Jerusalema e bochabela eona e le motse moholo oa naha ea Palestine.

Khabareng naha ea Israel e ile ea qallella ho ikhapela likaroloana tsa sehleke-hleke seo sa Gaza, Wesbank le East Jerusalem. Taba ena ea ho ikhapela mobu le meeli e fehlile moea oa lehloeo le bora lipakeng tsa linaha tsena tse peli. Ka bokhuts’oanyane, ho tloha ha naha ea Israel e thehoa, ha hoa ka hoa eba le khotso lipakeng tsa linaha tseo.

Ho saenetsoe litumellano tse entsoeng ke Mokhatlo oa Makhotla a kopaneng.

Bahlomphehi, ntoa ena e qhomeng ka khoeli ea Mphalane 2023, ke e mahlo a mafubelu ka ho fetisisa kaha ho se ho shoele batho ba ka holimo ho likete tse leshome le motso o mong, ‘me har’a bona ho kenyelletsoa basali le bana ba ka holimo ho likete tse ts’eletseng le makholo a mane.

Hosenyoa thepa, meaho, lipetlele, likolo le likereke. Ka holimo ho tsohle ho na le bothata bo tebileng ba tlhokahalo ea lijo le meriana tse reretsoeng ho thusa mahlasipa naheng eo ea  Palestina.Ntoa ena ea khoeli ea Mphalane e bile ea qholotsa Lekhotla la Machaba a Kopaneng ho ba le Tulo e Khethehileng ho ts’ohla litaba  tsa linaha tsena tse peli.

The terms resumed emergency special session ka la 26 Mphalane 2023. Tulong eo ea lona Lekhotla le ile la fetisa liqeto tse ‘maloa, ho kenyeletsa tse latelang.

  1. Hore ho emisoe ntoa hang hang molemong oa ho pholosa maphelo a batho a tlokotsing.
  • Mahlakore ’ohle a hlomphe Melao ea Machaba ea Litokelo tsa Botho.

3. Ts’ireletso ea sechaba le thepa ‘moho le meaho ea mantlha joalo ka lipetlele le likolo hamoho le likere. Ekasitana le ho netefatsa hore lijo le litlhoko tsa mantlha li finyella ho batho bohle ba Palestina ka hare ho Gaza.    4. Ho lumella lithuso tse reretsoeng sechaba se tlokotsing ho fihla ho sona ntle le ts’itiso ea letho.

     5. Ho emisa hang-hang ho fallisoa hoa Ma-Palestina naheng         ea habo bona ka likhoka ke naha ea Israel.

Qeto ena e ile ea ts’ehetsoa ke boholo ba Litho tsa Mokhatlo oa Machaba a Kopaneng, ho kenyelletsa le naha ea Lesotho. Linaha tse lekholo le mashome a mabeli li tsehelitse taba ena; ha tse leshome le metso e mene li bile khahlanong le taba ena. Tse mashome a mane a metso e mehlano li khethile ho se oele ka lehlakoreng la lehoja kapa la leqele; ho bitsoang to abstain.

Hoa lokela hore ke supe, Bahlomphehi, hore naha ea Lesotho e na le likamano le linaha tseo ka bobeli. Leano la naha ea Lesotho litabeng tsa likamano tsa machaba (foreign policy) le its’etlehile holim’a leano la Moshoeshoe I la hore “khotso ke khaitseli ea ka”.

 Ka hona Ntlha-kemo ea ‘Muso oa Lesotho litabeng tsena ke hore ho beoe lihlomo fatsé, ntoa e emise hang-hang, likhohlano li lokisoe ka lipuisano.

Mona ‘Muso oa Lesotho o ile oa ikamahanya le qeto ena ka la 26 Mphalane, ea Lekhotla la Machaba a Kopaneng ka hohle hohle ‘me le ipiletsa ho linaha tsena tse peli, haholo-holo naha ea Israele ho ikobela liqeto tsena ka botlalo ele hore ho rarolloe qaka ena e lipakeng tsa linaha tsena tse peli ka lipuisano le khotso.

‘Muso oa Lesotho o nyatsa ka matla tlhaselo e ileng ea etsoa ke sehlopha sa Hamas naheng ea Israele ka la 7 Mphalane. Ka tsela e tsóanang ’Muso oa Lesotho o nena le ho nyatsa mokhoa oo naha ea Israele e ileng ea arabela tlhaselo eo ea Hamas kateng, ho bolaea basali, bana, maqeku le bohle ba sa hlomelang ‘moho le basebetsi ba Lekhotla la Machaba a Kopaneng le hona ho senya litsi tsa litsebeletso tsa bophelo le likampo, ho kenyeletsa le tsona likolo le likereke le tse ling, ekasita le ho tlosa MaPalestina ka sheshe le libakeng tseo ba phelang ho tsona ho ea libakeng tse ling ba se na boikhethelo, ha se ntho e amohelehang hohang.

Tsébeliso ea libetsa tse matla tsa moeeng, leoatleng, le fatsé khahlanong le batho ba sa hlomelang, ha e amohelehe. Ka hona, ‘Muso oa Lesotho o ipiletsa ho oa Israele ho se sebelise matla a tlolang moeli ho arabela tlhaselo ea Hamas le hona ho se ripitle sechaba ntle le khethollo.

‘Muso o ipiletsa ho linaha tsena ka bobeli ho hlompha le ho sireletsa litokelo tsa mantlha tsa linaha ka bobeli ka ho totobala le ka matla óhle a teng. ‘Muso o etsa khoeheletso ea hore mahlakore a mabeli hahoko naha ea Israele, a behe lihlomo fatsé e khaotse ho ruthutha naha ea Palestina ka liqhomane le ka likanono tsa ntoa.

‘Muso o ipiletsa ho Lekhotla la Machaba a Kopaneng ho susumetsa hore mahlakore ka bobeli ntoeng ena a kene lipuisanong hang-hang ho fumana tharollo ea moshoelella e leng ea naha tse peli tse phelang ka  bohaisane, khotso le tlhompho haholo-holo tlhompho ea Litokelo tsa Mantlha tsa Botho le tlhompho ea meeli.

Ha ke liella litema ke lakatsa ho supa ke sa qeea-qee hore ‘Muso oa Lesotho o hoelehetsa ka matla a maholo hore naha ea Israele e ikamahanye le Liqeto ha ‘moho le Likhothaletso tsa Lekhotla la Machaba a Kopaneng (United Nations) tse kenyeletsang hore naha ea Palestina e fumane boipuso ho tsoa ho naha ea Israele ‘me Palestina le Israele li phelisane ka khotso e le li naha tse peli tse ikemetseng, e leng bona feela boemo bo tla tlisa tharollo ea moshoelella mathateng a tsona.

Mohlomphehi Motlatsi oa Mookameli oa Ntlo le Litho tse Khabane, kea leboha ka mamello ea lona. Ke tsona litaba tsa puso kapa ntlha-kemo ea puso litabeng tsena.

Kea leboha.

MR. VICE-PRSEIDENT: Rea leboha Mohlomphehi Letona le Khabane, ka Polelo eo e hlakileng haholo ‘me ho bohlokoa haholo, Mohlomphehi Letona, re bile re ananela bohlokoa ba taba ea hore u bile teng ka koano ho tla fana ka Polelo ka Ntlong ena ea Senate, taba eo re e thoholetsa haholo, e bohlokoa haholo.

Re tlameha ho thoholetsa hape lebitsong la Ntlo, Ntate, hore ke etse hloko hore le mametse boipiletso ba rona ba hore Bahlomphehi Matona ha a tla ka koano ba se ke batla ba le bang, ba tle le liofisiri tsa ‘Muso tse tla ba thusa ho arabela litaba tseo ebang they are too technical for Bahlomphehi hore ba li arabe.  Kea hlokomela hore u na le moifo oa haeno ha u mong, Ntate taba eo re e thoholetsa ka tsela e khehehileng.

Litho tse Khabane, ho latela Standing Order 26(2) ke kopa hore ke le fe monyetla oa ho botsa Mohlomphehi Letona le Khabane lipotso tse khuts’oane ho hlakisa lintlha tseo ebang ha lia otloloha Polelong ea hae, ‘me re na le metsotso e mashome a mararo ho etsa joalo.

Kea leboha.

HON. SENATOR T. M. MOHALE: Kea leboha Letona ka boikhathatso ba ho tla ka koano ka ho tla fana ka tlaleho litabeng tseo re li bonang letsatsi le letsatsi li sisimosa.

Ke hlomphe le lona Litho tse Khabane, le Matona a Khabane Ntate Moleko le Ntate…, Matona a Khabane, a Motlotlehi.

Ntate Au, kanete litaba tsa kajeno ke tlhakisetso feela ‘me ha ke tsebe hore na u ka re fa monyetla, tlohella ba fatsé ba li nqalong ka nako ena, Ntate u khaohane le bona.

Ke ne ke botsa hore na u ka re lumella hore na re thoholetse hobane taba tseo Letona le li behileng li hlakile Ntate, ha se litaba tseo re ka reng re ka li botsa, li otlolohile ho feta lentsoe ho otloloha. 

Ke ne ke se ke botsa hore na haele mona ka-nete re na le bothata ba ho botsa ka litaba tse kana-kana, na re ka thoholetsa le ho fana ka maikutlo litabeng tsena tseo Letona le li buileng na?

Ka-nete Ntate Vice-President litaba tseo Letona le  buang ka tsona ke litaba tse bohloko ho bona maphelo a bana ba masea a lahleha ka tsóbotsi e tjena. ke bomalimabe bo tsósang le ho bona maqheku a e shoa letsatsi le letsatsi. Ke litaba tse re sisimosang pelo re le batho.

Lefu le amang batho ba se nang matla a ho loana ele bana, maqheku le haele batho feela ke ntho tse bohloko ‘me re bone hore ntoa ea moo nako ena kaofela ha tsatsi le chaba ho matha Ambulance ho nkuoa litopo le batho ba thuntsoeng ke masole e le batho ba se nang molato litabeng tseo, le pharela ena e tobane le eona.

Letona le buile ka taba e bohlokoa ea hore pele ho 1948, MaPalestina a ne a ntse a iphelela ka khotso e le sechaba ‘me pharela ena eo re e bonang e lipakeng tsa Israele le Palestina ke ntho tse qalileng ka 1948 ho fihlela hona joale. Le naha ena eo re e bitsang Palestina ha u sheba tsóbotsi eo e neng e le eona ka nako eo, u e bapisa le hona joale, ka-nete ke mahlabisa lihlong, ke masoabi, ‘me ke se ke kopa hle ntate Vice-President le Litho tsohle tse Khabane hore litaba tsena tsa Palestina e be thuto ho rona re le naha ea Lesotho.

Litaba tse tsekoang ke Palestina le Israele ha se litaba tseo ele batho ba li tsekang, ke litaba tse bakuoeng ke mathata a hore naha eo ho thoeng ke Israele e ile ea fihla ea behoa ka hare ho Palestina. Thuto ea hore lintoa tseo re li loanang lefatséng mona li hlaha hokae e tlameha hore re le Basotho re iphe monyetla le ho ithuta hore na le rona re le naha lintoa tsena tseo re li tsekang tsa lipolotiki na ke tsa rona re le Basotho na?

Taba ea hore ebe litabeng tsa boiketlo ba sechaba re le Basotho ha ho sa na le ntho eo re reng e ka re kopanya re le sechaba sa Basotho, ‘me taba ena e tla litabeng tsa Letona tsa hore litaba tseo Palestina le Israele li li tsekang ha se litaba tsa bona, ke tsa batho ba bang. Ka-nete taba tsena e se eka nakong ena eo re leng maqakabetsing a ho lumellana ka maikutlo a sechaba, litaba tsena eka ba thuto re le Basotho hore re ithute re be re fumane hore na mathata ana ao esale  rona re a tseka re le naha ea Lesotho ho tloha re fumana boipuso ho fihlela joale, na sesosa se hokae.

Ha ho na ba bonolo re le Basotho hore ebe re ntse re re re loantsá ntho eo re sa etsebeng ‘me ka-nete re leboha Letona le Khabane ka Puo ea lona. Re be re nke monyetla hore ebe nako ea boitlhatlhobo ba rona re le Basotho hore re fumane khubu ea mathata ana ao re sesang ka hare ho ‘ona, ‘me re se re re Letona le Khabane, lebitsong la Tona-Kholo, re leboha boikhathatso ba hao Ntate ka ho tla fana ka tlaleho ea litaba tsena tse sisimosang tseo ho ichoellang batho ba Molimo ba se nang molato mahlakoreng ana a mabeli.

U qotsitse litaba tsa bohlokoa tsa hore Morena Moshoeshoe e ne e le motho oa khotso, ‘me re le Basotho e se eka re ka tsetselela khotso ea Mosotho. Re utloele bohloko bana bao ba Molimo ba ntseng ba hlokahala Palestina le Israele ‘me e se eka ntoa eo e ka fela, linaha tseo tse peli tsa fihlela khotso ea moshoelella.

Kea leboha.

MR. VICE-PRESIDENT: Rea leboha Senator Mohale, ke ile ka u fa nako hobane ke ile ka bona ke sa bone matsoho, empa kea bona hore a se a le teng.

HON. SENATOR S. MOTSAMAI: Ke lebohe, Ntate Vice-President, Tafole, Honourable Ministers le Litho tse Khabane.

Ke ne ke ratile hore ke qale pele ka lipotso pele u fana ka monyetla ona ho Honourable Senator Mohale.

Ke kopa ke tle ke qale ka lipotso tsena e tle re leha nka rata ho qopetsa lipotso tsona tsa be li bile teng.

Literally na le se le ile la bua le Israele ka level eo ea lona ea literal relationship ka mokhoa o nts’o tsóana. Na le na le molaetsa oo le o romelletseng Palestina mohlomong ka boemo ba ho utloa bohloko, ho ba utloela joalo-joalo?

Polelo kea e utloa e tla ka tsela e nolofatsang litaba tsa hore mohlomong re khutlelang morao tabeng ea Two State Solution. Re e itsétleha joang ka eona na? Ke utloa Polelo e lutse hona moo.

Ke kopa u tl’o ntsóarele ke tla lobokanya lipotso. Rona re le regional block kutloisiso ke hore ha re le SADC re ka rata hape ka lebaka la hore re banyenyane litabeng tsa potomane le tse ling, empa tabeng ea tsúsumetso teng, re matla. Re tseba hore ke hona moo re tiisetsang teng. Re se re ile ra bua le SADC hape hore taba ena eo re e bonang mona re le block na re ka tsebang ho bua ka eona ra e shebisanang na?

Kea kholoa oa utloa ke lipotso tse tharo kaofela hoa tsona. Ke taba ea engagement hore re ka tseba hore na re etsa joang. Hoo e leng ‘nete Polelong ena ea hao ke hore kea utloa re e bitsa ntoa, taba ena ke tlhaselo. Israele e hlasetse Palestina. Israel e sebelisitse bo-mpoli ba eona ka taba ea libetsa le eng kaofela ho re e lule nako ena kaofela e ntse tsunya-tsunya taba tse ka nqane tsa Palestina.

Ha e ne eba ba ntse ba phela hantle ‘moho, taba tsa bo Hamas le tse ling re ne re tla tseba hore khotso e ntse ba teng, ho ntse ho ka phelisanoa ‘moho, feela taba ea hore ka nq’ena ramatla o teng, ka nq’ena ea fokolang oa itsoseletsa le eena o batla ho ipona na o tsoha joang, ho tla ‘ne ho be joalo ho ‘ne ho lule ho na le lintoa tsena tse bohloko hakana.

Empa joale bohloko ba teng ke hore ha u araba ka sefutho seno ke hore ho ts’oana leha monoang o kena tsebeng ea tlou ebe tlou e se e nka e betsa nko e ikotla ka eona. Ke ho re ke ntho e bohloko ka tsela eno.

Empa ‘na ntho eo ke e utloisisang ke hore Israel e ts’oanela e bonts’oe hore na ‘meeli ea ntoa e fella hokae.

Hore na ha u loana u se u ka tseba hore u il’o pshatla lipetlele, u se u ka tseba hore o otle bana le basali ka libetsahali tse kaalo!

Ke hore le tumellano ena eo u utloang hore e ea nkha letsatsing lena moo ho lumellanoang hore ho tla nts’oa bana ba hapiloeng ke Hamas le bona ba tlise bane ba ba ts’oereng, le bane ba li-prisoner ba tsebe ho tsoa, feela u ntse u utloa hore Tona-Kholo ea Israel ha a mona ‘mele, pelo le moea.

‘Na ke bona eka ntho e hlokahalang e kholo-kholo lefats’eng honajoale ke ho tsosolosa moea ona oa Se-Moshoeshoe, diplomacy tseo ke tsona tseo re li hlokang hona joale. Moo ke belaelang re le Lesotho rona ha re na matla ana a libetsa empa matleng a diplomacy ke utloa eka ke hona moo re ts’oanelang re mele hona teng.

Re mela haeba re sa be kapele feela re sebetsa ka li-block tsena tseo re sebetsanang le tsona. Bao re sebetsang ka bona re kenye ho bona hore taba ena e etsa warrant rona re le linaha tsa SADC re bueng ka lentsoe le le leng.

Ntle le haeba Ntate ka uena ha u ntse u nkhella fats’e u fumana hore le arohane ka hare ho SADC. Taba ea hore South Africa e ile ea iqolotsa ea matha ea mathela ka ‘nqane e se ka ba le arohane le le SADC hobane kamehla le na le hore le nke ‘moho ho sireletsa le ba kojoana li mahetleng. Joale empa in this case ha re bone ho etsahala joalo.

Na ekaba u ka tseba hore u re fe leseli tabeng eo? Feela hoo e leng ‘nete teng sechaba sa habo rona ke hore taba ea Israel e ts’oanela e otloe ka ntho e ‘ngoe le e ‘ngoe hore e tle e tsebe ho khoa mekhoeng ena ea hore e ‘ne e hlasele linaha. Le ke le tlohelle ho noa mabese ana bo-UHT. Le ke le a tlohelle Israel e tle e tsebe ho utloa hore ka moruong na ho joang.

Le ke le tlohelle ho ja li- butter tsena tseo le sa li tsebeng tsa Ma-Israel, le li tlohelle le, le li nts’e ka ho li-fridge.

Honourable Moleko ha re ke re fokotseng strength sa bona sa lichelete, le chocolate ena ‘M’e ‘Makholu ena e ‘ngoe e teng ke tla o joetsa lebitso la eona re ke re e tlohelleng. E le hore batho bana ba tle ba tsebe ho re utloa hore tabeng ea moruo re serious hore lefats’e lena le ke ke la phela ka tsela ena eo le phelang ka eona.

Ke ne ke mpa ke re ke thoholetse le ka lipotso tseo tsa ka Mohlomphehi Vice President.

Kea leboha.

HON. L. MPOTJOANE (Minister of Foreign Affairs): Kea leboha Ntate Vice President.

Ke mpe ke ananele lithoholetso tseo Bahlomphehi ba li behang le maikutlo ao ke utloang a sa fapana haholo le ntlha-kemo ea ‘Muso moo re leng hona teng. Ka hare ho Polelo ena ke bonts’itse ha ke araba lipotso tsa Honourable Senator Motsamai hore moo Machaba a Kopaneng a ileng a ba le ‘Moka ka la 26 moo naha ea Lesotho e ileng ea ba karolo ea linaha tse ts’ehetsang qeto eo ea Machaba a Kopaneng. Boholo ba linaha ho kenyelletsa le tsena tsa rona tsa SADC re ntsoe leng litabeng tsena. Ka hare ho linaha tseno tse lekholo le mashome a mabeli (120) boholo ba linaha ho kenyeletsa le boholo ba linaha tsena tsa Hloahloa e ka Boroa ho Africa, ehlile re karolo ea litaba tsena.

Ke hle ke bonts’e potsong e ‘ngoe hore na re ile ra ka ra buisana le mahlokore ka bobeli na?

Ka’nete ke nka e le boeletsi bo botle bona Ntate hore re tle re nts’e polelo mohlomong re ngolla mahlakore ka bobeli ka litaba tsena. Empa ke tle ke bonts’e hore naha ea Israel ba ile ba tla kapa ba qala lipuisano le rona le pele ho ka ba le ‘Moka ona oa la mashome a mabeli a metso e ts’eletseng.

Sepheo sa bona se seholo e ne e le ho re susumetsa hore re be karolo ea linaha tsane tse mashome a mane a metso e mehlano (45) tse ileng tsa ema ka lebota ba re ha re bone hore re oele ka lehoja kapa ka la leqele. Ha re ka ba ra lumellana le taba ea bona hohang hobane ntlha-kemo ea rona kapa foreign policy ea rona ha e lumele hore moo re bonang phoso ea mofuta ona ebe rea iphapanya re ikoala mahlo re etsa eka ha re bone. Ke ka hona u ileng oa bona ehlile re ema ehlile re beha litaba tsa rona.

Re le linaha Ntate rea fapakana ka likamano, e leng ntho eo ho thoeng ke bi-lateral relations. U tla lemoha hore naha ea Africa Boroa e se e bile e koetse Embassy ea bona ea Israel e le ho bonts’a nyatso holima litaba tseno tseo ntseng li etsahala mono.

Linaha tsa lefats’e kaofela hoa tsona holim’a litaba tse ntseng li etsahala moo, li tla bonts’a nyatso ka ho fapakana hoa tsona. Ketso eno ea rona re le naha ea Lesotho ea ho ts’ehetsa qeto eno ea Mokhatlo oa Machaba a Kopaneng ke karolo ea liketso tsa nyatso tse bonts’ang hore re le naha ea Lesotho ehlile ha re ts’ehetse boemo bono.

Joale ka ha u cho Ntate, ehlile re bonts’itse le kahar’a Polelo ena hore le haeba ho na le Mokhatlo ono oa Boitseko o bitsoang Hamas o ileng oa nka tsome ho kena kahar’a Israel, re bona karabelo ea Israel ho litaba tseno eona e se e le boima haholo; ke hona moo re reng ntlha-kemo ea rona e hona mono hore ‘ache ka’nete, Israel e le naha e bonahala e se e sa ikobele Melaoana ea Machaba ‘me ka hona ehlile re eme le lefats’e hore re hoelehetse hore linaha tseo tse peli li lumellane ho tla lipuisanong li tl’o rarolla mathata a teng ka lipuisano ‘me ba phelisane le baahisane’.

Kea leboha Ntate Vice President, ke bona eka e ne e le tsona lipotso.

Re le SADC Ntate, position ea rona as a block ha re e-s’o ka re e fihlela Ntate. Ka hare ho ‘Moka oa rona oa SADC ha ho e-’so be le moo re lulang re le SADC kapa African Union moo re reng rona taba ena re e bona tjena re le ‘moho kaofela. Empa ke na le ts’epo ea hore liphuthehong tse tlang tse tla ba teng tsa li-summit, taba e joalo e tla kena Ntate hobane ehlile ke bona bothata bo teng lefats’eng hona joale.

Kea leboha.

MR. VICE-PRESIDENT: Kea leboha, Honourable Minister.

HON. SENATOR S. G. MASUPHA: Ka’nete kea leboha hle.

Ha ke boke likhomo ho Bahlomphehi Matona a ka, Litho tse Khabane, uena Motlatsi oa Mookameli le Ntlo ka kakaretso.

Mohlomphehi o batla a arabile ngongoreho ea ka eo ke neng ke na le eona ea hore na taba e kana-kana na ea ho thuthukoa hoa bana lipetlele le lintho tsohle tse nang le bophelo ebe SADC mona Africa, ha e bone taba eno e le taba ea tlokotsi, e le mokhosi o lokelang hore o kopaneloe ka ho potlaka.

Ka’nete ke ema mona ke re taba ea mofuta oo Mohlomphehi ehlile re le naha e nyane hakana joaloka Lesotho, naha e se e bonts’itse hore taba e joalo ha e khothaletsoe ea hore naha e matla ebe e ruthutha naha e fokolang.

Rea tseba hore le mane Bibeleng naha ena e loanang kajeno ke naha eane e ileng ea sireletsoa ka ho ea ka litaba tsa rona. E ne e sireletsoa ke bophelo ba linako tseno, empa hona joale Mohlomphehi taba ena e ea nyarosa hobane Machaba a tsebile, ho ile hoa ‘na hoa ba le mosinyana o ntseng o qhoma oa hore taba ena e tla tla e etsahala, feela empa Machaba a ile a itholela a se ke a natsa taba ena hore e tla kena ka hare ho batho ba phelang libakeng tsena tse peli.

Ho ee ho thoe ha u tima ‘mollo o se ntse o chesa ka nako e ‘ngoe u ka ‘na oa hloleha joaloka ketsahalo ena e etsahetseng.

Mohlomphehi, linaha tsena tsa lefats’e ke ipotsa hore na ke hobaneng ha li lieha ho etsa mosebetsi ona oa ho thiba. Rea tseba hore linaha tsena li na le security e matla eo hora feela litaba tsena li etsahetseng taba ena e ka be e thibiloe. Empa ka bomali-mabe e tlohelletsoe ‘me ho se ntse ho utloahala ho shoele bana le karolo e kholo ea sechaba sa mono.

Ha batho ba qeta ho shoa ke hona ho qaloang hore ho etsoe polelo. Ho etsoa polelo eo ebileng e se nang le letho la liketso tsa security hore na joale ho thijoa joang ha e le mona ho le tjena. Ho buuoa feela ho thoe “Butleng! Butleng!” Ke hore ke taba e hlabisang lihlong ka’nete ea hore ebe re phela bophelo ba mofuta ona oa matsatsing ana.

Mohlomphehi rea tseba hore ka batsoali ba rona ha naha e ‘ngoe kapa linaha li ne li na le ho tellana ka tsela eo ebang mohlomong ho ea etsahala, ho ne ho tekenoa hore ebe ntoa ke ntoa ho tlameha hore linaha tseno li tekene hore joale li kena ntoeng e le hore ho tle ho bonahale na ha li tekena ka tsela eno li tlameha hore li khethe lebala moo li il’o tutukana teng ‘me naha e tla hlola mono ke eona e bonts’ang hore e hlotse.

Joale ha ho se ho loaneloa kahar’a motse ke hore ena ke ntho eo re qalang ho e bona, mohlomong ke bophelo ba matsatsi ana. E ka ‘na eaba ke matsatsi a bofelo ha re tsebe. E ka ‘na eaba matsatsi a bofelo re tla jana ka tsela ena eo Israel ho etsahalang ka hona.

Ntho ena Mohlomphehi ke thuto ka hare ho naha ea rona ea Lesotho hore re bone hore ha re ntse re ruthuthana ntho eo e tla re batho bane ba bang ba reng ba tla ba tl’o thusetsa Basotho ba tla be ba felile.

E se eka naha ea Lesotho le puso ea Lesotho ka mahlakore ‘ohle taba ena e etsahetseng Israel e ka ba thuto ho bona.

Hore re bone hore rona re naha e itoants’ang. Batho bano ho na le ntho eo ba e tsekang, ba tseba hore na ba tsekang ebile le rona re ea tseba hore na ba tsekang. Rona ha re le Basotho ha re ka ra hla ra botsoa hore na ntho eo ehlileng re e tsekang ke eng, u tla fumana hore ke taba ea matla feela.

E leng hore linaha tsa lefats’e hona joale re phela ka ho khants’a matla.

Ka hona Mohlomphehi taba ena ke taba e mpe ‘me ke leboha hore naha ea Lesotho e ts’oetse litaba tsena ka mathe, ka sekhohlela se seholo sa sehlethela.

Ntho eo ke mpang ke e khothaletsa feela ke ea hore SADC e  kopane ho utloahale hore na Africa e reng. Le haeba e ka ba linaha tse hlano tse lumelang, molaetsa o be teng ho tle ho tsebe ho bonahala hantle hore na linaha tsa lefats’e na ehlile li laba-labela khotso kapa li reng ha batho ba ruthuthane.

Kea leboha, Mohlomphehi.

MR. VICE-PRESIDENT: Morena oa ka, rea leboha.

Ke hlokomela hore re setse ka metsotso e mene, empa ke kopa hore Mohlomphehi Letona u ntumelle hore ke nke Honourable Senator Lebese le Honourable Senator Masupha.

HON. SENATOR DR. T.LEBESE: Kea leboha, hle, Ntate Vice President. Ke tlaba mokhutsóanyane haholo, Ntate, kaha Ntate Morena oaka oa Lioli o se a batla li otlile.

Ke ne ke mpa ke re kea kholoa re bile le Honourable Minister re bile le litaba tse ngata haholo tse etsahetseng mohlomong malebana le taba ena eo re buang ka eona ea ntoa ena ea Palestines and Israel, ‘me Honourable Minister o supile ka nepo the treaty ea 1948.  Feela empa, Honourable Minister, ere ke u hopotse hape-hape hore ho bile le Security Council Resolution ea 1967 ea 242, ha boela ha eba le e ‘ngoe hape e neng e le kholo e neng e bitsoa Oslo Acourse ea 1993 e neng e tsóaretsoe Egypt mane.

Kaofela ha tsona li ne li supa li sa thekesele hore resolution e neng e fihleloa moo e ne  e le ea two states hore re ke re shebe hore na e ke se sebetse linaheng tsena tse peli. Ke na le ts’abo, empa mohlomong ke tla kopa hore Honourable Minister a ke a etse address taba ena.

 Mohlomong hona joale tjena ha u sheba re tla nyatsa, re supe bobe, re etse boycott li-product tsa naha eo ea Israel, empa taba ena ha e bonahale e na le ts’uts’umetso e kholo ho thibela litaba kapa ketsahalo tseo tse etsahalang moo tse malimabe ele ruri.

Ke ne ke re na ts’uts’umetso eo naha ea America e nang le eona (le European Union e ka mor’a Israel, ‘me ha lia ipata, hoba li nts’itse lipolelo) na ebe leha tulo e ile ea ba teng ea Security Council e bolelang ka nepo, ea li 24 tsa khoeli ea leshome, ha ba bone eka mohlomong joale boriki bo hona moo? Ke ho re ho na le linaha, ‘me tse matla haholo –  ‘me taba ena re ka e bapisa le taba e ntseng e etsahala Ukraine mane le Russia, hore Russia e se e eme e le ‘ngoe, kea kholoa le China le North Korea. Ke hore linaha tsena tse ling kaofela li e tsoile, empa ha u bone taba e ts’oanang e etsahalang Israel; u bona European Union ba lahla ba nts’a lipolelo.

 Honourable Minister, immediately ka mor’a li 7 tsa October ba ile ba hla ba ema le Israel.

Ho bile le maeto a mangata haholo a Linaha tse Kopaneng tsa ma-America a neng a ea Israel, ba bonts’a ho ema le eona joale ebile ba ba etsa support le ka libetsa le sekepe sane sa bona se seholo se ntseng se matha Mediteranean mane. Ba itse ba se ba ntse ba le malala-a-laotsoe ho ts’ehetsa litaba tseo tsa Israel.

 Joale ebe na ha ba bone eka mohlomong tse ling tsa li-resolution tseo re ntseng re li nka kannete li thibeloa feela ke hore ho na le linaha tse matla tse emeng mohlomong le Israel? Na ho lekane hore ebe SADC e kaba le emergency meeting in terms of the security ea litaba tseo tse etsahalang Asia eo e bohareng? Ts’uts’umetso e tlaba efeng litabeng tsee haeba feela re ntse re ema moo, Morena oaka oa Lioli, re re re ts’oela ka sehlethela sa mathe na?

HON.MINISTER L.MPOTJOANE: Kea leboha, Ntate Deputy President.

Ke boele, Ntate, ke ananele maikutlo a Litho tse Khabane, ‘me ka ho otloloha ke ee potsong ea Setho se Khabane Mohlomphehi Lebese.

 Kannete, Ntate, ho joalo, litaba tsena tsa likhohlano tse teng ka hare ho lefats’e boholo ba tsona li na le ntho e bitsoang “external aggression”. Ho na le hoo u tla bona hore ho na le ts’ehetso e hlahang ka ntle e susumetsang hore le moo litaba li ka tsa rarolloang ha bobebe ka lipuisano –  empa ebe ho ba le ba babeli, ba bararo, ba reng, a-a, re eme le uena, monna, u ka tsoelapele!

Kannete eohle, Ntate, joalokaha ke se ke beile, rona re le naha ea Lesotho re na le ntlha-kemo ea rona eo re seng re e phatlalalitse ka hona Mokhatlo oo oa rona oa Machaba ke hona moo bohle re nang le lentsoe, ‘me ha re le moo Mokhatlong oo oa Machaba ke hona moo e mong le e mong a tla re ke ne eme mona, nna lentsoe la ka ke lena holim’a taba ena.

Melao e re tsamaisang, Ntate, Lekhotleng leo la Machaba ehlile e re lumella hore e mong le e mong a be le lentsoe la hae, empa e boetse e re lumella hore le moo re khutlelang tlaase mekhatlong ea rona ea li-region, joaloka eona bo African Union, joaloka eona bo SADC, re boele re be le lentsoe.

 Re tla hopola, Litho tse Khabane, hore likamano tsa machaba li hlile li pharaletse haholo; leha eba tabeng ena mohlomong re ka fapana ka maikutlo le e mong, ra bona tjena, e mong a bona tjena, hosane ea ts’oanang o tla be a batla ts’ehetso ea lona lefats’e holim’a litaba tse ling tsa hae tse mo amang, ‘me litaba tsa mofuta oo ke tsona litaba tse susumetsang hore na karolo e kholo ea lefats’e e tle e shebe kae hosane ha uena u se u na le kopo ea hore, ae, nka rata hore lefats’e le tle le nts’ehetse hore mohlomong ebe nna molula-setulo oa eona United Nations.

Hape hosane  u ka rata hore lefats’e le tle le u ts’ehetse hore ebe uena molula-setulo oa United Nations Security Council, kapa hore mohlomong lona lefats’e le hle le tle le tl’o u ts’ehetsa, uena u se u na le bothata u le naha e itseng.

Ke tsona litaba tseo u bonang lefats’e le arohane ka tsona.

Ho na le ntho e bitsoang “lobbying,” Ntate, ka hare ho International Politics, moo leha taba e hlakile, e totobetse ,re bona hore phoso e teng –  hoa etsahala hore ka nako e ‘ngoe ba bang ba tle ba tl’o u sotha letsoho ba re, a-e,bo, hopola hore re na le ts’ehetso e itseng eo re ntseng re u etsetsa eona ea ntlafatso, a kú tl’o ema le rona ka nq’a ena, ‘me ka nako e ‘ngoe linaha tse ling tsa lefats’e ka lona lebaka leo la bokopa-kopa ba ee ba qetelle ba eme ka lehlakoreng la moo bona ba ntseng ba se ka pelo eohle ka lehlakoreng le joalo, empa ho latela lithuso tsa bokopa-kopa tseo naha e ‘ngoe e tla be e le ho bona u fumane e eme ka moo.

Ae, Ntate, rona ba Lesotho re hlile re eme mona moo re seng re supile hore re eme teng, ‘me ke rata hore re se ke ra ea le ka botebo hakalo-kalo hore na litaba tse ling tsona li eme hokae le hore na hoban’eng li eme moo, empa re bue lehlakore lena la rona mona moo rona re emeng hona teng, ‘me re hle re le ts’ehetse le hle le utloahale.

 Kea leboha, Ntate Motlatsi oa Molula-Setulo.

MR.VICE PRESIDENT: Re lebohile haholo, Mohlomphehi Letona le Khabane, re lebohile haholo, Ntate, ka Polelo ena. Re lebohile haholo ka likarabo tsa hau, hobane ehlile bokopa-kopa bo kotsi, bo re sitisa ho ikemela. Re lebohile haholo, Ntate.

Next item, Mr Clerk.

Mr Clerk: Item number 3, Questions.

QUESTIONS

HON.SENATOR M.M.MOSHOESHOE: Ntate Vice President, kea u hlompha, Ntate.

 Ke ema mona ho botsa potso ea number 29, kea leboha.

Question 29 on LESSONS LEARNED AS A RESULT OF THE COVID-19 PANDEMIC

HON.SENATOR M.M. MOSHOESHOE asked the Minister of Health to outline a collection of lessons learned from the Covid-19 pandemic;

Lessons should include inter alia:

  1. Lesotho’s preparedness for such similar outbreaks;
  2. Early warning communication to citizens when similar pandemics break out;
  3. The country’s capability to meet the medical supplies timeously for patients;
  4. Policy considerations to mitigate negative impacts of the pandemic on the psycho-social being of women, children and old people;
  5. The importance of community, humility and technology especially during lock downs;
  6. Food security and promotion of primary health care.

Question 29 was deferred.

MR. VICE PRESIDENT: Potso ea checha, ‘me ke kopa hore, Bahlomphehi Matona a Khabane, kea bona hore le babeli. Ooh le bararo ka koano? Ke kopa hore ke le hlokomelise hore potso ena e checha lekhetlo la bobeli kajeno, ‘me lekhetlo la boraro Mohlomphehi Letona a ke ke be a hlola a lumelloa ho e araba; e se tla arajoa ke ba ka holimo ho eena, ba tl’o re hlalosetsa hore na ke ka mabaka afeng a sitiloeng ho arabela potso le hore na ho nkoe likhato lifeng hore ebe o sitiloe ho arabela potso ena.

 ke kopa hore re e fete re ee potsong e hlahlamang.

 Honourable Senator Mopeli.

HON.SENATOR R.MOPELI: Kea leboha, Mohlomphehi. Mohlomphehi, ka uena u ntumelle ke botse Letona le Khabane potso ea mashome a mararo.

QUESTION 30 ON LIFE SPAN OF DIAMOND MINES IN LESOTHO

HON.SENATOR R.MOPELI  asked the Honourable Minister of Natural Resources to deliver a comprehensive brief to the Senate regarding the following:

  1. How many diamond mines are fully operational in Lesotho and what is their life span;
  2. Are there prospects to open new diamond mines or any other mines in the next five years;
  3. Are there any plans to improve the country’s shareholding in the mines;
  4. What is the current government’s policy on Artisanal and Small Scale Mining commonly known as Peke le Kharafu in Lesotho?

HON. MIN. M.MOLEKO: (Minister of Natural Resources). Kea leboha, Mohlomphehi.

Potso ena e na le karolo kapa ke re ke potso tse ‘ne kapa mekhahlelo e mene.

Potso ea pele, e ne e re ke merafo e mekae ea taemane e sebetsang ka ho phethahala naheng ea Lesotho, hape e tl’o phela nako e kae. Karabo ke hore merafo ea taemane e sebetsang ka hare ho naha e mene, ke: Lets’eng, Kao, Mothae le Liqhobong. Lets’eng e salletsoe ke lilemo tsa ts’ebetso tse leshome le metso e ‘meli, ha Kao li le robong, Mothae li supile, ‘me Liqhobong li robeli. Leha ho le joalo lilemo tsena li ka eketseha ho latela mesebetsi ea boithuto e etsoang ke li-mine letsatsi le letsatsi.

 Lets’eng, Kao le Liqhobong li na le meralo ea ho etsa ts’ebetso e joalo eo re lebelletseng hore e tla eketsa nako ea ts’ebetso ea merafo ena.

Hape merafo ea Kolo le Lemphane e tl’o buloa haufinyane.

 Potso ea bobeli, e re na menyetla e teng ea hore ho ka buloa merafo e meng hape e mecha nakong ea lilemo tse hlano tse tlang, ‘me karabo ke hore, e, menyetla e teng ea hore ho ka buloa merafo lilemong tse hlano tse tlang kaha naha ea Lesotho e na le pokello ea majoe a lihloliloeng a litaemane (Kimberlite) e fetang makholo a mane, eo ho eona mashome a mararo a metso e robeli a lihloliloeng a enang le litaemane tse ka etsang khoebo.

Potso ea boraro, e re na meralo e teng ea ho ntlafatsa liabo tsa naha ea Lesotho ka har’a merafo ho tloha ho 30% ho ea holimo, ‘me karabo ke hore ke leano la ‘Muso ho nyolla kuno e hlahang li-mining ka mekhoa eohle, ho kenyeletsa le ho nyolla seabo sa ‘Muso ka hare ho merafo, empaka lebaka la litjeo tse holimo tsa ho qala le ho tsamaisa merafo, ha ho bobebe ho nyolla seabo sa mahala ka hare ho merafo.

 Potso ea bone, e re leano la ‘Muso ke lefeng ka ho rafa taemane ka tsela e tloaelehileng ea Peke le Kharafu sebakeng sa Basotho? Karabo ke hore Lekala le ntse le etsa boithuto ka mekhoa eo Peke le Kharafu e ka kenyoang ts’ebetsong ho sa rojoe melao ea thekiso ea taemane mebarakeng ea lefats’e. Sena se ntse se etsoa le mokhatlo o bitsong Kimberly Process Certification Skill.

Kea leboha.

MR. VICE PRESIDENT: Rea leboha, Mohlomphehi Letona le Khabane.

 Honourable Senator Mohale, ke kopa ke qale ka mong’a potso, mong’a khomo, Honourable Senator Mopeli. E tla be ese eba Honourable Senator Mohale ka morao.

HON.SENATOR T.M.MOHALE: Kea leboha, Mohlomphehi.

Ke utloa hantle ka mokhoa oo Letona le arabang kateng. Le re merafo e mene ka hare ho naha ka mona. Joale ho na le morafo mona oona ona o ntseng re bua ka oona oa Peke le Kharafu. E leng hore oona ha se morafo?

Ke lumela hantle hore Gazette e ne e tsoe mona ea hore Basotho ba sebetse ka Peke le Kharafu, Mohlomphehi. Na Basotho ba sebetsang ka Peke le Kharafu ha ba lelekoe moo morafong oo na?

HON.MIN.M.MOLEKO: Kea leboha, Mohlomphehi.

 Ha ke bala potso, e itse merafo e sebetsang ka ho phethahala, kahoo ha hona moo e ileng ea bua ka morafo oa Peke le Kharafu.

 Kea leboha.

HON.SENATOR T.M.MOHALE: Kea leboha, hle, Ntate. Ke ne ke se ke nyanyeletsa holim’a lipotso tsa Morena oa ka mona ka litaba tsa merafo, ka lipotso tse tharo.

Potso ea ka ea pele, ke ea hore na Ntate Minister ho bile le ntho e eo ho thoeng ke Covid-19 mona, eo re ileng ra bona e ama likhoebo ka ho fapana. Ebe Covid-19 ebile le khahlamelo e joang litaemaneng na? Taba ea Covid-19 ke kopa Ntate u re behe leseling hore na e bile le khahlamelo efe na litabeng tsa litaemane.

Potso ea bobeli, e ipapisa le Molao o ileng oa khaoletsoa ke nako ka koano ka Senateng, e leng Paramenteng e fetileng, moo ha o ne o tekoa, ho neng ho bonahala eka Lesotho le tla una makhethong a tla fumanoa litabeng tseo tsa li-‘maene.

Molao ono, ka lehlohonolo, o na le litaba ekare ha o s’o ka o feta. Potso ea ka ke hore feela na u ka hlakisetsa Ntlo ena e Khabane hore na ho khafisa li- ‘maene ka tšobotsi eno e neng e hlalosoa –  melemo eo e neng e ba le eona ho Lesotho ke efe? Le haeba mohlomong litaba li ne li tl’o tla li sitisa tšebetso ea li-‘maene, ebe ekaba mabaka a fe ao u ka a bontšang  Ntlo ena e Khabane?

Potso ea ho qetela, Ntate, e ipapisa le Litaemane tse ileng tsa nkoa Basothong, ‘Muso oa li reka, oa tla li rekisa. ‘Me potso ke hore na ebe ‘Muso o ile oa rekisa Litaemane tse kae? Le hore na, Chelete e ileng ea bokelletsoa ke ‘Muso Paramenteng e fetileng, ka Ofisi ea hau, Ntate, na ke chelete e kae na?

Kea leboha.

MR. VICE PRESIDENT: Honourable Minister of Natural Resources.

 Setho se Khabane, u ee moo u lulang teng, u tle u tsebe ho botsa lipotso.

HON. MINISTER M. MOLEKO (Minister of Natural Resources) : Kea leboha, Mohlomphehi.

 Ha ho tluoa Potsong ea hore na Covid-19 e amme limmaene joang, ka ‘nete e li thefutse joalo ka likhoebo tse ngata tse ileng tsa qetella li koetsoe. Ho fana ka mohlala feela, ‘maene oa Liqhobong o ile oa koaloa and o buloa hona tjena, o e-na le lintho tseo re reng ke accumulated losses kapa tahlehelo ea chelete e kaalo ka M4.7 Billion. Ke hona o buloang. Ehlile ho ile hoa ba le thefulo e kholo. Batho ha li-‘maene tsena li koaloa eaba ba lahleheloa ke mesebetsi, batho ba tlameha ho ea hae. Ehlile ho ile hoa ba le thefulo e kholo.

Ha ho tluoa tabeng ea Molao o tekuoeng oa khafa, ho re na ke Molao o nang le molemo litabeng tsa li-‘maene kapa o na le bothata, ke tla re ehlile o na le bothata haholo. Ha Molao oo o ka fetisoa ke Paramente ea e-ba Molao li-‘maene li tl’o koaloa boholo ba tsona, ho tl’o sala ‘maene o le mong oa Letšeng. Lebaka ke lena; ha u sheba na ntho eo ke reng ke tax-regime ea li-‘maene hona tjena e joang –  ke nka ele  a perfect tax-system. Ke ho re ke a perfect tax-system. Mohlala feela, ‘maene o kang Letšeng, moo re nang le 30% ea li-share, re nka more than 60% ea li-profit. Re na le 30% shares, hape re nka more than 60% of the profits.

Joale, ha re ka tlisa an additional burden ka likhafa tse ling, ke ho bolela hore li-‘maene tsena tse ling li ka oela. Ebile re na le li-Report tsa World Bank le IMF tseo ehlileng li chong joalo hore li-‘maene tsena ha le ka tlisa Molao ona li tl’o oela.

 E le mohlala, hore u tle u utloisise hore na ke bua ka eng, selemong sa ho feta feela Letšeng le ne le entse M2.9 Billion ele turnover kapa tsona li-sale. Ho eona re nkile 10% royalty eleng M290 Million pele re ka sheba hore na ba entse profits kapa losses, eaba re se re nkile M290 Million. Ba fihla ba etsa profit e kalo ka bo M450 Million, eaba ho eona re nka 25% tax e neng e isa nthong e kang M125 Million over and above the M290 Million royalty. Eaba ba etsa declare dividend ea M600 Million, ‘me ho eona ra nka 30% dividend, eleng M180 Million. Joale re se re nkile M290 Million ea royalties, re nkile M145 Million ea company income tax, joale re nkile M180 Million ea dividend.

Joale, Dividend eo bona ba e nkang, eleng the M600 Million declared, minus M180 Million eo re e nkang, ba tlameha ba nke M480 Million. Feela re fihla re nka 15% withholding tax on dividend, re fihla re hula about M60 Million re ba siea ka M340 Million. Joale haeba ba nkile M340 Million, re nkile almost M700 Million. This is a proper tax-system. South Africa mohlala feela, limmaene tse etsang loss, ha li etsoe charge royalty, feela rona re e etsa charge. Hore na o etsa loss or not, re etsa charge royalties.

Liqhobong e nang le accumulated losses tsa M4.7 Billion, re nka royalty. Joale na ba tla khutlisa that M4.7 Billion over what period of time ? The new Law e re: ‘a-e, re se re ntse re etsa tjena, re etse introduce a bad Bill e reng ha ba rekile, re etse 15% VAT on purchases tsa bona despite the fact that li-sale tsa bona li ea ka ntle ho naha. And, VAT is charged on the ultimate consume of the goods. U ke ke oa etsa charge VAT ho motho ea lutseng Belgium, ka ea lutseng America! Which means, joalo ka li-factory tse etsang export, ba tlameha ho etsa claim. Li-factory li etsa claim and all other companies tse etsang export outside the country. Feela ho thoe li-‘maene tsona feela –  not anything else-  li haneloe ho etsa claim, li be le additional burden ea 15% of the purchases or cost of sales.

Hona ke ho bolela hore company e ekang Letšeng you now want to charge about an extra M300 Million, haeba u etsa assumption ea hore purchases tsa bona ke M2 Billion. Ha li-sale ele M2.9 Billion u tl’o etsa charge additional M300 Million into the fiscas, ‘me ha hona mokhoa oa hore ba etse survive. So, ke li-challenge tsa taxes tsena tse etsoang introduce. Li etsa introduce even a ‘clause’ e reng: for companies, tse nang le those accumulated losses like Liqhobong ea M4.7 Billion, ha ba ka sebetsa four years, on the fifth year ha ba lumelloe ho etsa offset that loss against profits. ‘Muso ho tšoana l ha o ba etsa offset, so, every time ba tl’o etsoa tax.

Joale, ke tax Bill e so regressive, but World Bank le IMF li itse re se ke ra e etsa implement. Joale, re le Lekala ehlile re eme hona mono.

Kea kholoa hore Potso ea boraro e ne e botsa ka li-sale tsa litaemane. Ke tla kopa hore e kene ele Potso, e ikemetse, kea leboha.

MR. VICE PRESIDENT: Point of Order, Honourable Senator Motsamai.

HON. SENATOR S. MOTSAMAI: Ka ‘nete my Point of Order e tlisoa ke Ntate Minister because, Honourable Minister, you keep using the phrase ‘Bill ena’ kapa ‘Molao ona’. Isn’t that or this coming from within  the same Government you are serving –  the same Bill that we are talking about, eo u etsang refer ho eona? So, where is that collectiveness ea Cabinet tabeng ea hore the same Bill e tsoa Cabinet, e etsoa push ke oona ‘Muso ona? Joale, ho boetse ho hlaha hona hape! Taba ee e re fa eng, u ke u re thuse moo, Ntate?

Kea leboha.

MR. VICE PRESIDENT: Honourable Minister.  

HON. MINISTER M. MOLEKO (Minister of Natural Resources): Kea leboha, Mohlomphehi.

 Kea kholoa u ne u ka nepa ha u re Bill ena e ile ea etsoa pele ‘Muso o fihla. Joale ha e fihla, e ne ele part of the Bills tse neng li le in the process ea hore li sebetsoe. Feela mothati oo re leng ho oona ke eona ntho eno ea ho etsa debate Bill eno re le ‘Muso hore Bill ena ehlile ena le mathata, ha re e shebe pele e ka feta. Joale, ke nkile e le monyetla o motle hore ke botsoe potso eo, ke hle ke e arabe ka hona ka mona le tsebe ho e utloisisa.

 Kea leboha.

MR. VICE PRESIDENT: Honourable Senator Motsamai, ha ke ntse ke sheba mona, kea bona hore ehlile taba ena it is more of a question ho feta Point of Order, ‘me ke kopa hore u tl’o mp’u e etse e le potso. Ke ‘nete Mohlomphehi Letona o se a arabile, empa ho latela ha re ntse re e shebisana mona rea bona hore it is more of a question.

 Honourable Senator Kanetsi.

HON. SENATOR M. KANETSI: Kea leboha, Motlatsi oa Molula-Setulo, ka monyetla ona oo u mphang ona.

 Lipotso tsa ka li peli feela ho Mohlomphehi Letona.

Ke re, ’n’a hantle-ntle ke utloa ke amohela thuto ena eo re ntseng re e fuoa ka mona. Feela potso ea ka ke hore na Letona le ntse le etsa eng ho ruta Sechaba ka tlhaloso e tebileng ea litaba tsena, ho latela lerata leo re le utloang liea-le-moeeng le hohle mona la litaba tsena tsa li-‘maene le litaba tsa hore Lesotho le bonahala le sa une molemo oo le lokelang hore lea o una?

Ke utloa tlhaloso ena ea hau eka ke tlhaloso eo Sechaba se lokelang ho e tseba. Na ho na programme ea education e rutang Sechaba ka litaba tsee? Ke hobane joale se qetella se nka litaba mohlomong tse se nang li-facts, tse senang content e nepahetseng ha re thotse, re ntse re re ba tla ipatlela. Ke lumela hore Lekala le lokela ho ba le education programme holim’a litaba tsena. Ke potso ea ka ea pele. Na e teng? Haeba ha e eo, e tla etsahala neng?

Potso ea bobeli, ke hore na ha re ntse re mametse mona –  kea kholoa ho kile hoa ba le ‘moka, Mohlomphehi, mariha mona, mane Lesotho Sun, o neng ho bua ka litaba tsena tsa li-‘maene. Ka bomalimabe, ebe e tobana le mohla ho nang le session ea litaba tsena tsa Tlhopho-Bocha mane Maseru Avani, eaba joale re sitoa ho ea ho il’o imamella hore na hantle-ntle litaba li re eng ka litaba tsena tsa li-‘maene. Joale empa ke ne ke utloa hore ehlile mororo o teng –  haholo from Opposition, oa hore litaba tsena ha li tsamaee hantle.

Ke batla ho utloa hore na uena mohlomong Lekala la hau, ha le se le shebile taba ea system ea Botswana, eo ke utloang ho thoe e ntle hakana-kana tsamaisong ea litaemane, ho likhafa tsa teng, le kile la ka etsa boithuto bofe ba hore re ke re il’o bona hore na bona ba sebetsa joang, le rona re sebetsa joang? Na hona le seo re ke ra ithutang sona from their system ebe re e etsa adopt?

U buile mona hore lebaka le leng le etsang hore re sitoe ho etsa negotiate shareholding, ke taba ea capital cost ha re tla re tobane le litaba tsena tsa li-‘maene, eleng ntho e utloahalang. Mono, u ke u re hlalosetse hore na papisong le linaha tse ling, haholo-holo tse kang tsena tsa rona tse regional, na bona ba sebetsa joang. Do they have resources tseo ba li kenyang li le holimo hore ebe ba ka khona hore ba fumane shareholding e holimo? Rona joale re kena re sena sohle!

Na u ka re hlalosetsa joang ka taba eo?

 Kea leboha.

MR. VICE PRESIDENT: Mohlomphehi Letona, ha ke tsebe le haeba u khonne ho ngola.

 Ke bone hore re na le matsoho a mang a mabeli. Ke kopa hore u ntumelle hore re a nke; ntle le haeba ha ua ngola –  ke li entse note tsena, nka u thusa hore ke tle ke u hlalosetse hore na lipotso e ne ele life.

 Ke batla hore re ba fe monyetla re tsebe ho qeta, kaha ke bona eka ba bangata haholo; kea bona letsoho la boraro le qeta ho phahama.

Ke batla ho nka Honourable Senator Motsamai. Ke bone Honourable Senator Mohale, empa ere re tle re nke Honourable Senator Motsamai. O ne a na le potso, eaba o tla ka Point of Order.

 Ke bone hore Honourable Senator Seeiso ka Mokhotlong le eena o na le potso; le Honourable Senator Monatsi.

HON. SENATOR S. MOTSAMAI: Ke lebohe, hle, Ntate Vice         President.

Potso ena ea ka, ka ‘nete, e tla nyanyeletsa ea mong’aka pel’a ka mona, Honourable Mopeli ha a ne a bua ntlheng ena ea peke le kharafu. Ke ‘nete ke ne ke utloa a re sothetse tabeng ea hore ekare it is a mining company e sebetsang, athe joale ho ea ka Molao-ene ele taba ea ho fanana ho Sechaba sa Basotho ka mokhoa o bobebe oa artisan hore ba cheke, ba tsebe hore ba tsebe ho hoeba. Ke ka mokhoa oo eleng kateng.

‘Me ua bolela hore Molao o fetile o fanang ka taba ena. Joale ke ne ke re, Ntate, u k’u pharalle hantle ha u bua ka taba ea Kimberly Convention hore na u re ehlile re entse Molao o loantšanang le Lipehelo tsa rona tsa Machaba, tseo re keneng ho tsona? Na ke hona moo taba eleng hona teng? If so, re ka tseba hore litaba tsee li buisanoe joang, ele hore re tle re tsebe ho ea pele?

Ke hobane ke utloa joale haeba re entse Molao ka mona, joale ka nqa eane re bolela hore ho na le moo o thula-thulanang… na ke efe e tšoanelang hore e nke precedence in this context?

 Kea leboha.

MR VICE-PRESIDENT: Honourable Senator Seeiso.

HON SENATOR SEEISO: Kea leboha, Ntate Deputy President, ha u mphile monyetla ona.

Kea kholoa Ntate Letona la Natural Resource le sa le teng tjena nke ke botse ntlheng ena ea banna bana ba h’eso ba batlang mosebetsi kapa ho sebetsa le li-mine, hore na ‘Muso o ntse o etsa’ng hore o etse ka thata hore Basotho e be bona ba fanang ka li-service ba hirisa likoloi tsa bona, ba etsa eng?

 Re bone hore Tona-Kholo ekare o rekisitse business ea hae mono, joale kea kholoa mesebetsi eno e tla fuoa Basotho –  ha ke sure, empa ho etsahala joang hore re bone hore Basotho ke bona ba hirisang li truck tsa bona –  haholo bano ba haeso?

Kea leboha, Ntate

HON SENATOR S. H. MONATSI: Ke u lebohe, Ntate Vice-President, ke lebohe le Ntlo ea h’eso.

 Ke kopa ho botsa ntate Letona hore _‘nete litaba tseba ha lia hlaha…

MR VICE-PRESIDENT: Lula setulong sa hau…

HON SENATOR S. H. MONATSI: Kea leboha. Ntate Vice-President le Ntlo e Khabane.

 Ntate, ke ne ke re potso ea ka e khuts’oane joaloka motho e mokhuts’oane.

Ke ne ke re na ntate Letona a ka re fahlolla, kaha ha e sale naha ena pusong e fetileng, joalo ka ha a fihlile ka Ofising eno –  che, e se e ntse e le ntho e ileng ea bueha hore ho na le li taemane tsa Lesotho tseo le neng le li ts’oare koloing ea Lesotho ea ‘muso ka mose mono South Africa. Na ebe litaemane tseno ha a fihla ka mono ka Ofising eo a seng a le kahar’a eona na ebe ho sebelitsoe joang hore li khutlele ka har’a naha ee joalo ka ha bana ba Basotho ba robala ba sa ja ke tlala?

 Re bolaoa ke tlala le tlhobolo, kahoo na ebe a ka etsa joang hore  a ke a il’o batlisisa taba eo litaemane tsa Lesotho li khutlele ka har’a naha?

Kea leboha, Ntate Vice-President.

MR VICE-PRESIDENT: Rea leboha, Mohlomphehi.

 Rea leboha, Bahlomphehi, ka lipotso.

Mohlomphehi Letona le Khabane, ke ne ke re e ka ‘na eaba mohlomong tse ling ha u ka ba ua li etsa note, haholo qalong mane. Ebe u ne u re u tla li araba with immediate effect pele o li lebala?

Litaba tsa Honourable Kanetsi e ne e le hore u buile litaba tse monate haholo tse fanang ka thuto e matla haholo, empa joale o re ho latela lerata le teng ka hare ho Sechaba ka moo, na Lekala la hau le entse tlhophiso efe hore sechaba se fumane thuso ena, e le hore mohlomong lerata leno le tsebe ho fokotseha?

 Potso ea Honourable Kanetsi ea bobeli e ne e le hore na ho na le boithuto boo le seng le bo entse kapa boo le ntseng le rera ho bo etsa naheng ea Botswana khoebong eona ee ea litaemane hore na bona ba sebelisa leano lefe hore ebe ba atleha le ho fihla mona moo ba leng hona teng, mooba seng ba bile ba nyolla shareholding percentage ea bona?

 Ha ke tsebe, che, tse ling haeba li ne li sa hlaka.

Honourable Senator Motsamai o ne a botsa hore na re re re entse Molao o loants’ang lipehelo tsa machaba na? O re na Molao oo re o entseng o amanang le litaba tsee tsa litaemane re bolela hore rona re entse Molao o loants’anang le lipehelo tsa machaba?

 Athe Honourable Seeiso o ne a re na tlhophiso ke efe hore Basotho, haholo-holo bao a ba busang mane Mokhotlong, ba tle ba fumane monyetla oa ho hirisa thepa ea bona merafong mono. Thepa e kang likoloi le tse ling tse ka hlokahalang mono.

Ea ho qetela, eo ke ts’epang hore u ne u se o e entse note le eona ke ea Honourable Senator Monatsi eo a neng a re ho na le Koloi e kileng ea khaoletsoa ka litaemane tsa Lesotho ka mose mona ho la Afrika Borwa. O ne a re na boemo ba litaba tseo u fumana e le bofe kaha ke litaba tse etsahetseng Paramenteng e fetileng.

Kea leboha

HON M. MOLEKO: Kea leboha, Mohlomphehi.

Ha ho tluoa ho taba ea ho qoqa le sechaba ho se hlalosetsa boemo boo li-mine li sebetsang ka bona, ehlile ke ntse ke leka ka matla. Ke qalile ka hore ke ‘ne ke ee to television station ke bue ka litaba tsena. Ka ba ka qetella ke bitsitse ‘moka mane Avani Lesotho moo ke neng ke tl’o hlalosa, ke re le batho ba mpotse lipotso e hle ebe ntho e kang a public debate. Kea kholoa ke bile mono lihora tse tharo ke ntse ke hlalosa litaba tseno.

Process eno re e qalile. E tla re ha re ntse re khutla re bolela hore na ts’ebetso ea Makala a rona e ntse e tsamaea joang, re tla ’ne re tsoele pele re e hlalose.

Ha ho tluoa litabeng tsa boithuto ka Botswana, ke tla mpe ke e behe into context. Botswana e nts’a litaemane tse kaalo ka 20 million carats a year; ha rona re nts’a 1 million carats per year. We are at 5% production ea Botswana.

Hau leka sa hore u shebe hore na ntho eo hothoeng ba e etsa –  hobane ke ntho eo ho thoeng ba e etsa, ba loanela hore ba be 50/50 shareholding le bo De Beers, Uutlameha u e qhaqholle hore na e bolela eng. Ke qeta hore hona tjena rona ha re at 50% ha ke sheba collection ea rona. We are at more than 60%. Bona ba shebahore ba ea 50/50, feela joale re tlameha ho qhaqholla hore na e bolela eng.

U tla sheba hore ntho eo e e bolelang haholo-holo ke hore ba batla hore ba reke litaemane tsa li-mine ba tl’o ithekisetsa tsona., Ntle le hore ba tl’o ithekisetsa tsona, ba tl’o li nka ba li fe batho ba li etsang cut le ba li etsang polish. Ba re ke beneficiation.

Re ntse re tsoela pele re ithuta eona. ha u e shebile ho ts’oana leha u ka re taemane e tsoang lets’eng ea 900 carats, e rekisoang ka 400 million ‘marakeng oo barui le li-company tse batlang litaemane Van Clef, bo Louis VuittonVancouuver, Dior, joalo joalo, li lutse li e reka through batho ba ba rekelang eona. Ebe o re “aa” taemane eno ha re e nke, re tl’o e rekisa Maseru mona. Ho tla ba le the same people ba tla tla ba reke ka chelete e ngata ho feta mono moo ho nang le infrastructure ea ho e rekisa. Joale ke re ha se ntho e possible.

 Ntho e etsahalang ke hore Botswana can absorb li loss tsa hore li nke litaemane li li fe li-locals ka a below market price. Boithuto boo re ntseng re re rea bo etsa u thola hore bo ntse bo fana ka hore kae-kae ba ntse ba ba le li-loss, but ka lebaka la li-volume tsa demand eo ba e etsa absorb. Ha hona mokhoa oa hore rona re se re ntse re tseba hore re na le relationships lethe brand names tse rekang litaemane tsa Lesotho ka the highest price ebe re re re tl’o qala a market tier…

MR VICE-PRESIDENT: Mohlomphehi Letona, u ‘ne u shebe ka Setulong! Kea bona u shebile ka mane ka ho camera.

HON M. MOLEKO: So, ka ‘nete ke re e ba a big challenge hore joale ho se ho ntse ho na le a frame-work ea hore re thole the biggest price ka lebaka la hore ke bidding process e transparent, ebe re re, e-e, re e tlisa mona!

 Ntle le moo, re tl’o nka litaemane re li fe batho bao re reng ba tl’o etsa create market oa polishing? Potso ke hore na ha a qeta ho etsa polish a etsa cut taemane eno, o il’o e rekisetsa mang, hobane boholo ba batho ba rekang litaemane tsena, ke bane bao ke buileng ka bona. Ba rekang tsa Lesotho haholo holo ke Louis Vitton, ke bo Van Cleef, Cartier, joalo-joalo. Ke bona bao re batlang ho ba rekisetsa litaemane tsena.

Ka ‘nete e ba ntho e thata, kahoo boithuto bona re tla bo etsa feela ha ke bone hore na ha ho tluoa ho set-up eno ea Botswana na e tla re etsa fit joang. Ha re ne re ka ba le the same volumes tsa litaemane tsa bona, ke nahana chances are re ka be re etsa more money than them.

Joalo ka ha ke chulo, South Africa li-mine tse sa etseng profit ha ba li etse charge royalty. Rona re ne re tla be re li etsa charge ka li volume tseno tsa say 20 million carats a year.

Ke shebe potso ea Bobeli. Ke ile ka botsoa ka taba ea shareholding ea linana tse ling. Linaha ka ho fapakana li na le mekhoa e fapakaneng. Tse ling li na le chelete li kenya chelete hore li etse exploit li-mine tseno kapa li iketsetse li-mine. Tse ling, joalo ka Lesotho, re etsa framework e reng ha u qala u fihla re tlameha re nke ntho eo re reng ke free carry ea li share kapa li share tsa mahala. Li sa tloha feela re nka li share tseno tsa mahala re etsa melao ea Tax hore re tle re une molemo. Ke eona ntho eo re ntseng re e etsa. Re una molemo o moholo.

Ke shebe Potso e latelang. Ho ne ho builoe ka peke le kharafu. Melao ea peke le kharafu ke ntho eo motho e mong le e mong a batlang hore e be ntho e teng Basotho ba une molemo hore ba cheke. Ha se taba ea Molao eo e leng challenge. Challenge ke li processes. Ke li processes ka mokhoa o tjena: The Kimberly process e tla re ho se ke be ha tholoa li conflict diamonds Lesotho mona. Ho se ke be ha tholoa li diamonds tsa child labour, tsa Russian Diamonds tsena tse seng li entsoe ban kapa tse under sanctions. Ha li ka tholoa kahar’a Lesotho, naha e tl’o etsoa ban. Ha hona mokhoa oa hore e rekise litaemane tsena in the international markets. Ke the risk e teng.

Ntho eo re tlamehang ho e etsa address ke hore joale ha re bula Melao ena ea peke le kharafu re sebetsa, re etsa monitor ts’ebetso ea bona joang, hobane litaemane tsena motho a ka e nka litotomeng mono a tla ka eona a re e tsoa Lesotho. Which means re tlameha hore re be le li systems tse tsebang ho etsa identify source ea li taemane, ere ha motho a e tlisa a re ke e thotse ke ena, ebe re e kenya mochineng re re taemane ena ha hona mokhoa oa hore e tsoa lejoeng la Mokhotlong, e tlameha e tsoa lejoeng la Gauteng.

Re ntse re etsa boithuto bono le hore re tle re be le li budget tsa ho etsa set-up li lab tse tla tseba ho etsa test lintho tsena. Ha se feela hore re mathele moo re sena li system tsa safety! Ha batho baa ba cheka feela, ebe o chekile sekoti se seholo, o ka mono joale sea oela, sea ‘molaea, ke responsibility ea mang? Ea ‘Muso kapa ke responsibility ea mong’a mine!

Ke lintho tse ngata tse tlamehang ho shejoa hore taba ena e tsoele pele. ke mokhoa ona re ntseng re sebetsa le batho bana ba The Kimberly’s Certification Scheme hore ba re thuse hore na e ka etsahala joang hore e tle ere ha ho ba le liphoso le bona ba be ba sebetsa le rona hore, e-e, ebile ke rona ba le thoholelitseng hore le tsoele pele ka scheme sena.  So, ke taba e ntseng e sebetsoa.

Ea ho qetela, kea kholoa e ne e le… Not ea ho qetela. 

Morena Tholo o buile ka hore na li-mine li etsa joang hore Basotho ba une molemo litabeng tsa ts’ebetso ea bona.  Ho na le molao o reng, haeba Mosotho a batlile mosebetsi kapa ho na le tender kamoo, o tlameha a fuoe priority kapa preference, so long a etsa meet price technical ability le safety tabeng eno. 

Joale rona re le Lekala, ebile re itse ho li-mine, leha motho eno ka price a ka ba holimo ka bo-5%, le mo fe mosebetsi ono. 

Joale ha re bua tjena 89% ea mebetsi ea li-mine, e ntse e etsoa ke Basotho.    11% eno e setseng, ke eona eo re ntseng re sheba hore na ke hobaneng e sa etsoe ke Basotho.  Boholo ba eona ke mesebetsi eo re reng ke ea… e etsoang ke original equipment manufacturers tsa lintho tse kang li-plant. 

Mercedes Benz e ke ke ea lumella motho ea seng linked to Mercedes Benz hore a il’o etsa maintain plant ea bona.  So, ke tsona tseo re li shebang.  Feela kaofela ena eo re tla bona hore e ka etsoa ke Basotho, ehlile e tl’o etsoa ke Basotho, ehlile re eme mono hore e etsoe ke Basotho. 

Joale re ee re thome litaba tsena tsa likonteraka tsa bona, re li shebe hore na tse ntseng li etsoa ke Basotho ke life, tse etsoang ke melata ke life.

Joale hore le tle le utloisise, boholo ba likonteraka tseno tse kholo, ke mode and hull, ena e tsamaisang le ho cheka mobu.  Boholo ba thepa e sebelisoang ka mono ke ea Basotho.  Drilling and blusting, ke transportation le movement ea fuel.  So, boholo ke, hape ke bo-catering le laundry, li etsoa ke Basotho. 

So, ka ’nete eona re tla ‘ne re tsoele pele re bone hore ehlile li-mine tsena li ntse li tiisa ho ea pele.  Le mesebetsi e kahar’a li-mine, u tla thola hore boholo ke Basotho, haholo-holo Lets’eng.  Ha u ka fihla Lets’eng mono, u ka ‘na oa thola hore ke batho ba babeli feela ho ba bararo, ba tsoang ka ntle, boholo ke Basotho, ho tloha ho the CEO.

Ke kholoa hore ea ho qetela e ne e le taba ea litaemane tsa Ladybrand.  Ka ’nete ea litaemane tsa Ladybrand ha e ofising ea rona, hobane ke litaba tsa Mapolesa Ladybrand le the Security Agencies.  Rona re le mines ha ho na moo re kenang teng. 

Kea leboha.

HON. SENATOR L.M. SEEISO:  Kea leboha, Ntate Vice-President, ha u mphile monyetla ona. 

Ke ne ke batla hore, che, kea kholoa Ofisi ea Letona, mohlomong e ne e le Letona lane le fetileng, le neng le re ts’episitse hore le tla ke le re nke, le re ise ‘maeneng mono, re e’o e bona 89% ena ea batho ba ntseng ba sebetsa mono.  Ka ’nete ke ne ke kopa Letona lena le keneng letsatsing lena, le ke le re ise ‘maeneng mono, re e’o bona hore na ho sebetsoa joang ka borona. 

Kea leboha, Ntate oa ka.

MR. VICE-PREDIENT:  Bahlomphehi, ke kopa re e fete taba ena, re se re lutse holim’a eona haholo. 

E re re utloe, u le oa ho qetela, Mohlomphehi.

HON. SENATOR S.S. NKUEBE:  Kea leboha, Mohlomphehi Vice-President.

Ke lebohe le Matona a re etetseng letsatsing lena le lona Litho ka kakaretso. 

Potso ea ka ke hore na ho n’o ile hoa ba le ntho e ileng ea etsoa ke ‘Muso ona o fetileng, oa Paramente ea Leshome, hore bohle ba nang le litaemane tseo re sa tsebeng hore na li tsoa kae, ba li ise, ba thusoe ho li rekisa.  Neng neng ea emisoa ntho eno, ke sa tsebeng lebaka le ileng la etsa hore e eme, le lebaka leo e leng hore ‘Muso o n’o shebile hore ntho eno e tsoele pele.

Potso ea ka ea bobeli ke hore na, hana ha litaemane li ts’oeroe li isoa kae, li etsoa joang, lia senngoa?  Ke potsonyana e joalo feela. 

Kea leboha.

HON. M. MOLEKO:  Kea leboha, Bahlomphehi. 

Che, ho araba kopo ea Morena Tholo, ehlile re tla etsa memo.  Ke nahana ke ntho e ntle, haeba re ka le mema, le ke le tsamaee kahar’a limmaene, le bone hantle hore na ho etsahalang ka mono.  Ke nahana ka ’nete ke kopo, kapa keletso e ntle.  Ke tla e etsa note, ke tla re ba le meme le ke le ee.

Ha ho tluoa tabeng ena ea litaemane tseo ke tla re li ntse li haptjoa kapa li etsoa confiscate, ehlile ha li nkiloe, kamora’ nako e itseng ho etsoa li-auction ke Department of Mines, ho li rekisa. 

Hona tjena ke ne ke hlile ke batla ho bona hore na re na le tsona, ke ne ke kopile li-register tsa litaemane tseno, ba tle ba mponts’e tsona, hore na li kae, ebe kea sheba ho lisafe mono moo li teng na, hobane tse ling tsa litaemane tsena, u tla fumana li Mapoleseng hobane li na le li-case, ho na le liqoso kapa tse tlamehang hore li fete pele li ka etsoa auction, feela ho tlameha ho be joalo. 

Feela ntho eo ke e shebileng ke hore ho ile hoa ba le auctioneno e ileng ea ba teng mona.  Hake sheba lipalo tsa eona, ke hore ke bone li nkhathatsa matla, hobane ke ne ke sa bone ho bokelletsoe chelete e ngata haholo.  Feela joale ebile ke ntse ke ipotsa potso ea hore na litaemane tsena li tsoa kae.  Li tsoa kae, hobane ha ke re limmaene li etsa declare litaemane ha li li thotse?  Tsee li tsoa kae?  Hobane li khutlela mane moo u tla fumana he, re qetella re rekisa litaemane tse tsoang litotomeng. 

Joale re tlameha re tl’o sheba hantle hore na li ne li tsoa kae.  E khutlela mane moo ke reng, re tlameha ra be re na le mechini e tla sheba hore na source ea litaemane tseno ke efe.  Haeba re ka sheba hore li tsoa kahar’a naha, then ha ho na taba, e re re li rekise, feela ha ntse re etsa lintho tsena, re re re etsa create mesebetsi, ke mona moo re bulang risk ea hore re ka etsoa ban as a country, ho rekisa litaemane. 

Kea leboha.

MR. VICE-PRESIDENT:  Rea leboha, Mohlomphehi Letona le Khabane, ka ho araba lipotso.

Re kopa hore re ee potsong ea ho qetela ea letsatsi. 

Honourable Senator Mohale.

31. ABSOLUTE POVERTY IN LESOTHO

Hon. Senator M.T Mohale asked the Minister to the Prime Ministers’ Office whether he is aware of the pandemic poverty in Lesotho which is preponderate amongst rural dwellers, and if so;

  •  What programmes (short, medium and long) does he intend to formulate in order to reduce poverty with focus on root cause.
  • Is there any package of policies designed to bring together relevant Ministries to address structural changes in access to education by the poor rural communities, agricultural resources, health services, Social grants, employment opportunities, distribution of income e.t.c, as a way to root out absolute poverty in Lesotho.

HON. L. TAU (MINISTER TO THE PRIME MINISTERS OFFICE): Kea leboha, Mohlomphehi Vice-President. 

Potso ea Mohlomphehi Senator Mohale, e ipapisitse le litaba tsa bofuma le tlala, esita le tlhobolo, ‘me karabo ea eona e teng, Mohlomphehi. 

Karabo ea eona e re:

Letona Ofising ea Mohlomphehi Tona-Kholo, Mohlomphehi Tona-Kholo ka bo-eena, esitana le ‘Muso oa Lesotho, bohle ba hlokometse, ‘me ba ts’oenyehile hohle ke botebo ba bofuma, tlala le tlhobolo tse aparetseng naha ea Lesotho, haholo sechabeng se phelang ka maloting, esitana le metseng ehae.  Empa leha ho le joalo, ‘Muso o boetse o hlokometse hore koluoa ena e teng esitana le metseng ea litoropo. 

Ofisi ea Mohlomphehi Tona-Kholo e na le meralo e ‘maloa, e reretsoeng ho fenya taba ena ea bofuma.  Eona e kenyeletsa meralo e kang ea Poverty Reduction Programme, kapa Lenane la Phokotso ea Bofuma, Youth Apprenticeship Programme, kapa Lenane la Koetliso ea Bacha ho ba nolofaletsa ho fumana mesebetsi, esita le ho its’ematlela, Lenane la Seahlolo se Babatsehang (Smart Parnership), Setsi sa Thibelo le Karabelo ea Likoluoa (Disatter Management Authority), Lefapha la Poloko ea Lijo (Food Management Unit), esita le Ofisi e Hokahanyang Lijo le Phepo e Nepahetseng (Food and Nutrition Coordination Office).

Manane ana le Liofisi tsena ke ona a ka hare ho Ofisi ea Mohlomphehi Tona-Kholo, a reretsoeng ho loants’a litaba tsena tsa bofuma.

Ke kopa, Mohlomphehi Motlatsi oa Mookameli oa Ntlo ea Mahosana, ke tle ke kene ho lenane le leng le le leng ka botebo.

Ke qale ka Lenane la Poverty Reduction Programme, ‘me ke bonts’e maano a teng tlas’a Lenane lena la Phokotso ea Bofumana, hore ho tloha selemong sa 2018, Lenane lena le ile la thakhola moralo oa ho ntlafatsa le ho matlafatsa maphelo a balisana ba se nang mang oee, e le ho ba fetola bo-ramehlape ba Farelane. 

Ke bonts’e hore selemong sa 2018, ha Lenane lena le qala, ke balisana ba 16, ba ileng ba una molemo, ‘me e mong le e mong oa balisana a reretsoe hore a fumane li-oi tse 10 le ramo e le ‘ngoe, e le hore qetellong ea letsatsi ba tle ba fetohe bo-ramehlape, ‘me ba khone hore ba its’ematlele bophelong, e le hona ho loants’a bofumana maphelong a bona le a malapa a bo-bona.

Selemong sa 2019, e bile balisana ba 20, selemong sa 2020 ea eba balisana ba 16, selemong sa 2021 ea eba balisana ba 56. Selemong sa 2022, Lenane leno ha le ka ba la nts’etsoa pele, empa selemong sena sa 2023, Ofisi ea Mohlomphehi Tona-Kholo, Ofisi ea heso ea matlafatsa Lenane lena haholo, ka hore ebe e ile ea hloaea balisana ba 108. 

Lilemong tsena tsohle kaofela, linku tsena li ne li rekoa Afrika Boroa, empa selemong sena se holimo Ofisi ea haeso e ile ea ikeletsa ho qala pele ka ho batla linku tse joalo ka hare ho bahlahisi ba ka hare ho naha, ba hlahisang linku tsa Farelane tse ntlafalitsoeng, e le hona ho nanabetsa le ho matlafatsa maphelo a lihoai metseng le metsaneng ea Basotho. 

Lenane le ile la fumana liramo tse 108, esita le li-oi tse 152 ho Basotho.  Kakaretso ea eba linku tse 268, tsona tse ileng tsa sebelisoa, kapa tsa rekoa ka chelete e ka bang M7,000.  Ha tse 920 tsona li ile tsa tlatsetsa ho hlaha Afrika Boroa.

Ke mpe ke bonts’e joale ka ha potso e bolela, kapa e hlalosa, kapa e batla hore na ebe ho ea pele manane ana a reretsoe hore a tla etsoe joang ho ntlafatsoa, mohlomong ka nako e khuts’oanyane, esitana le e telele (short, medium to long term). 

Sepheosa Moralo ona ka ho otloloha ke ho matlafatsa balisana bana ba 108 selemo le selemo, e le hore ho ea fihla selemong sa 2027/28, mohlomong seo re ka reng ke selemo sa ho qetela sa nako ena ea ‘Muso o teng, kapa Ofisi ena ea haeso e teng, sepheo ke hore e be e le balisana ba 550, ba ntlafalitsoeng kapa ba matlafalitsoeng tabeng ena ea hore ho fenngoe bofuma. ‘me ha ba kopana le bao re seng re fetile ho bona hajoale, ba tla etsa 648.

Ofisi ea haeso ha e hlahloba hore na ebe balisana bana ba neng ba se na mang oee, ha ba se ba ntlafalitsoe, na ekaba lekeno litabeng tsa mokuto le tla ba joang ho bona, lipalo-palo kapa projection li bonts’a ha e mong le e mong oa balisana bano, ha re fihla selemong sa 2027/28, a tla be a etsa lekeno la M53,000 mokutong oa linku, ho latela hore na li tla be ntse li tsoala ha kae, ha ho uoa pele.

Joalee ha u sheba palo ena ea balisana ba 648, ha ba ts’oere hantle Moralong oo, ba o baballetse, o tla bo etsa lekeno le kopanetsoeng, kapa collective revenue ea bona kaofela, e tla be e etsa M34 million, 334 thousand. 

Joale re ka ela hloko he, Mohlomphehi Motlatsi oa Mookameli, hore na Moralo ona o tla ntlafatsa litaba tsa balisana ba neng ba se na mang oee ha kae, maphelong a bona le a malapa a bona.

Ke boitlamo ba Ofisi ea haeso ho nts’etsa pele Moralo ona ka balisana ba joalo selemo le selemo, ho fihlela 2027. Joale empa ho latela kamohela le ho babatsoa hoa Moralo ona selemong sena, ke bao ba ileng ba una molemo. Ofisi ea haeso e rerile ho anetsa moralo o ts’oanang ho tse latelang, selemong se tlang sa lichelete sa 2024/ 2025 moo re rerileng teng hore o mong le o mong oa meralo ena eo ke tl’o e hlalosa, o tl’o phethahale likhoeling tse ling le tse ling tse tharo tsa selemo, kapa per quarter, ka mokhoa oo ho eeng ho boleloe kateng.

Ke mpe ke bonts’e hore lihoai tsa Farelane, li ile tsa hla tsa beha sello se seholo ho Mohlomphehi Tona-Kholo hore ekare Moralo ona o ka fetisetsoa litabeng tsa poli ea Seiboko, kapa linkung tsa tlhahiso ea mohair ka mokhoa oo li leng kateng. 

Ofisi ea h’eso ehlile e shebile ho kenya taba ena tsébetsong selemong sa 2024/2025. E boetse e shebile hape hore ha lichelete li lumela e tle e kenye moralo oa ntlafatso ea leruo la likolobe (Piggery), ntlafatso ea bo-‘malitsíbana, e leng likhoho, mohlomong tsa nama le mahe, e boele e kenye ntlafatso ea likhomo tsa nama le lebese (national herd and beef improvement programme).

 Ka hona tsena tsohle li tle li tobisoe ho bahloki-hloki ho pharalla le naha, haholo bacha le basali. E leng hore lipalo-palo tsane tseo re li boletseng tseo ebang li entsoe project hore li tla be li fihletsoe ka selemo sa 2027 ho ntlafatsa balisana ba farelane, joale li tle li boele li ntlafatsoe mafapheng ana ao ke a boletseng.

Ke fetele lenaneng la bobeli, Mohlomphehi, la Youth Apprenticeship Programme, e leng lane la koetliso ea bacha ho ba nolofalletsa ho fumana mosebetsi esita le ho ba rupela hore ba itjare. Lenane lena re tla hopola, Mohlomphehi, hore le ile la tlosoa Lekaleng la Lichelete la tlisoa Oising ea h’eso ea Mohlomphehi Tona-kholo e le ka sepheo sa ho tla tsitsisa tsébetso matlafatsong ea bacha ba tsoang likolong tsa thuto e phahameng, e le hore ba nolofalloe ke ho fumana mesebetsi esita le bacha ba bang ho kenya letsoho mesebetsing ea ntlafatso.

Ntumelle, Mohlomphehi Motlatsi oa Mookameli, ke bontsé hore Lenane lena le nka bacha ba likete tse tharo le makholo a mahlano ka selemo ba tsoang likolong tse phahameng (post-tertiary) ho ba kenya ka mokhoa oa ho ba etsa attach likhoebong le litsing tsa ‘Muso le tse ling tse ikemetseng.

Office ea h’eso tlas’a Lenane, selemo le selemo, joale ka ha ho ne ho etsahala ha le ntse le le mane Lekaleng la Lichelete, ho behelloa ka thoko chelete e kaalo ka three hundred million maloti e il’o lefa bacha bana ka ntho e bitsoang stipend. 

Bona ba lefshoa ka tsela e latelang. ba nang le mangolo a Masters Degree ba fumana M3500, ba nang le Bachelors degree ba fumana  M3000, ba nang le Diploma ba fumana M2500, ha ba nang le Certificate bona ba fumana M2000.

Boholo ba bacha bana qetellong ea ts’ebetso ea bona ea lilemo tse peli e ee ebe Litsi tseo ba behiloeng ho tsona ho ithuta mosebetsi esita le hona ho fumana taba e mona e sokolisang eo ho thoeng ke experience ha batho ba batla mosebetsi, e ee ebe ba se ba fetoha basebetsi ba kamehla ha ho khahloa ke Litsi tse joalo kapa ke Makala a ‘Muso. Ba etsoa Permanent employees haeba ba ipabotse ka tsébetso le haeba likheo li le teng.

Ke ho bolela hore bacha bana, Mohlomphehi, ba ileng ba ka ba sokola haholo mosebetsi, taba eno ea attachments tseno e ba beha monyetleng o moholo oa hore ebe maphelo a bona a tsoela pele. Ka mokhoa o ts’oanang bacha ba kenang mesebetsing ea  ntlafatso metseng le metsaneng bona ba fumana M1200.

Office ea h’eso e rerile ho ea pele, Mohlomphehi Motlatsi oa Mookameli, ho ntlafatsa Moralo ona Selemong se tlang sa Lichelete ka hore e tle e etse kopo ea karoloana ea lichelete tsa nts’etso pele kapa capital budget, ele hore, haholo-holo ho bacha bana ba etsang mesebetsi ea ntlafatso, e tle e seke eaba taba feela ea hore ba kene likhoeli tse tharo joale ba tsoa ba fumane stipend,

empa ba kene likhoeling tseno tse tharo ho na le seo ba ithutang sona mesebetsing e fapakaneng e ka ntlafatsang maphelo a bona, e kenyeletsang mohlomong tlhahiso ea lifate tsa litholoana, meroho, litaba tsane tsa bo ‘malits’ibana tseo ke buileng ka tsona le tse ling. 

Chelete ena eo re reng e tle ebe karolo eane ea capital budget Moralong ona –  hobane e ntse e le sieo ka hare ho oona hajoale. Ke ho ree tle e etse set-up kapa e ahe litsi tse tlang ho khokahanya kapa ho rupela bacha bana tlas’a Lenane lena. 

Tumelo ea rona ke hore etlare ha ba tloha mono kamorao ho likhoeli tse tharo ba tla ea sebetsa kapa ba tla be ba fumane litsebo tsa hore ba itjare, joale mohlomong ba sebetse tlas’a Lenane leo re reng re tla le kenya ts’ebetsong le bitsoang contract arrangement moo ba itlhahisetsang malapeng a bo bona. Joale mane litsing tsane e se e ba tse ba hokahanyang le li’maraka kapa Market links hore lihlahisoa tsa bona li tle li fetele pele limmarakeng.

Ke a mang a maano ao re a hopotseng hore re tla a kenya ts’ebetsong selemong sena se tlang le ho ea pele e le ho ntlafatsa Moralo ona o seng o ntse o le teng.

Lenane le leng hape ke lane leo ke itseng ke la Smart-partnership rogramme, leo lona Ofice eo kapa Lenane leo le thetsanang ka mahetla le bahlahisi metseng le metsaneng ea Basotho esita le ho hokahanya ‘Muso le litsi tseo ebang li ikemetse tse kholo, le tse hlahang ka ntle ho naha, ho lelekisa ho theha mesebetsi ho khutlisa litsebo esita le hona ho ntlafatsa maphelo a Basotho.

Lefapha la bone, Mohlomphehi, ke lane leo ke itseng ke la lithibelo le likarabelo tsa likoluoa kapa Disaster Management Authority. Lona ha re tla tabeng ena ea karabelo ea likoluoa rea tseba hore likoluoa li bakela sechaba sa Basotho bofuma ka nako e ‘ngoe libe li ba hlokise le matlo a bolulo. Ka nako e ‘ngoe taba eno ea tlala feela ea tlhahiso e fokolang e ee ehle ebe koluoa ka mokhoa oo e leng kateng. 

Lefapha lena ke lona le reretsoeng hore le etse address hore le sebetsane le ho arabela tlokotsi ea Basotho nakong eo ba nang le mathata a ka bakoang ke likoluoa tseo ke li boletseng. Le taba ena ea tlala, Mohlomphehi, re tla hopola hore e bakoa, har’a tse ling, ke ho se be le bokhoni ha Basotho hore ba sebetse mobu, ba itlhahisetse.

Joale tlas’a Ofisi ena ea Thibelo le Karabo ea Likoluoa, Ofisi ea Mohlomphehi Tona-kholo e etsa boithuto selemo le selemo bo bitsoang Lesotho vulnerability assessment, moo ho shejoang hore na ke malapa afe ka hare ho naha ea Lesotho a hlileng a patetsoeng ke tlala le bofuma bona boo ho thoeng ke ba boja-likata, boo u tla fumana hore motho o se a rekisa sohle seo a nang le sona a sala ka se ‘meleng.

Boithuto ba selemo sena bo bonts’itse hore ke Basotho ba ka bang 590 000 ba hlileng ba leng tlokotsing ea bofuma haholo ka hare ho naha. Ho arabela boemo bona Ofisi ea haeso e ile ea ba le ‘Moka ka Mohlomphehi Tona-kholo ka kotloloho ho ella mafelong a selemo se fetileng le bo-mphato ba rona ntlafatsong kapa Development partners, ‘me ba bang ba bona, in particular naha ea People’s Republic of China, e ile ea arabela ka hore e fane ka lijo tse ka etsa tons tse 1054 tse neng li entsoe ka mekotla e 14000 tsa rice, le tse supileng tsa koro.

Joale empa ka holimo ho moo eaba ‘Muso oa Lesotho kapa Ofisi ea h’eso e boela e ikeletsa ka Setsi sona sena sa Disaster Management Authority hore e etse khoelehetso ho lihoai tsa Basotho hore ba tlise lijo litsing tsa poloko ea lijo tsa ‘Muso e le ka tsela ea ho li reka.

Mohlomphehi, Ofisi ea h’eso e ile ea etsa a deliberate decision ea hore e reke lijo tsena tsa lihoai tsa Basotho ka prices tse ka holimo ho prices tsa ‘maraka. Ke etse mohlala feela, price ea ton ea poone limmarakeng e ntse e tsamaea ho M3900, empa ‘Muso oa Lesotho, ka Ofisi ea h’eso, oa etsa qeto ea hore e le ho etsa motivate lihoai tsa Basotho, e le hore ba tle ba ee temong ka matla selemong se latelang, e leng sona sena seo re leng ho sona kapa temong ena eo re leng ho eona, ton ea poone ea rekoa ka M5500.

Taba eo, Mohlomphehi, rea e bona hajoale, hobane ho fapana le mathata ao ebang a teng kapa liphephetso tse teng ehlile Basotho selemong sena ba futuhetse temo haholo, ‘me re ntse re lumela hore ha re bua le bona ehlile ba entsoe motivate ke tsela eo Ofisi ea h’eso e ileng ea batla lijo ho bona.

Ofisi ea h’eso e ile ea reka tons tse 1200 tsa poone, eleng mekotla e 24000 esita le tons tse 240 tsa linaoa eleng 4800 bags tseo hajoale ke leng motlotlo ho tsebisa Ntlo ena, Mohlomphehi, hore li ntse li siloa leloaleng lane le leholo ka ts’ehetso ea Mokhatlo oa Lefats’e oa Lijo (WFP), moo joale li tlang ho tsamaisoa li isoe malapeng ane ao re reng a fumanoe a le vulnerable haholo.

Ke mpe ke bonts’e hore ha u kopanya lijo tse rekuoeng ke ‘Muso oa Lesotho le tsane tse phalletsoeng li ka ‘na tsa khona feela malapa a ka bang 45000; e leng hore re ntse re haelloa haholo, hobane ke malapa a ka bang 104000 a fumanoeng a le bofumeng le tlaleng ea boja-likata.

‘Muso oa Lesotho haufinyane kamorao ho Polelo e sa tsoa etsoa ke Letona la Lichelete haufinyane –  Ofisi ea h’eso e tla etsa phatlalatso ea hore lijo tse ntseng li le teng ka lirotong ho lihoai le tsona li boele li tle, hobane khoeling ea Loetse re ile ra etsa boithuto hore na ka morao hore re reke na ke lijo tse kae tse setseng ka ho lihoai. 

Re ile ra fumana hore ha ba ngolisa Litsing tsa FMU eka’na eaba ketons tse 3700, e leng about 74000 bags tsa poone.

Athe, linaoa tsona ehlile ho se ho se na letho, Mohlomphehi, ‘me tse ntseng li le ho lihoai re mathuleng a hore mohlomong ka nako ea matsatsi a mabeli, a mararo, re hoelehetse lijo tseo hore li tle kahare. Re se re entse kopo ea chelete e joalo.

Sepheo ke hore re il’o etsa address kapa re il’o sebetsana le taba eane eo re reng e ntse e le khaello ea lijo ka malapeng ao bofuma le tlala li ikakhetseng haholo. Kutloisiso ea rona ke hore eka’na eaba joale ha re etsa joalo, joale lihoai li tla hlahisa haholo, ‘me joale taba ena ea bofuma le tlala re tla e fenya.

Mohato oa bobeli o ntseng o etsoa ke Ofisi ea Thibelo le Karabo ea Likoluoa kahare ho Ofisi ea h’eso ke ho arabela taba ea matlo ao esaleng a nkuoa ke lifefo le meea e matla tseo ke itseng le tsona ka mokhoa o ts’oanang li lebisa bofumeng, hobane sebopuoa sa Molimo ke ntho e hlokang shelter ka holimo ho hlooho ea hae, le sebaka se amohelehang sa hore a phele.

Mohlomphehi Motlatsi oa Mookameli, Ofisi ena ea h’eso ea DMA hona ka hare ho ofisi ea Tona-kholo e qalile ts’ebetso e saleng e qetela ho etsahala selemong sa 2012.

Ke hopola eka ke bekeng e fetileng feela Laboraro ha e ne e thakhola mane Lebatoeng la Rothe moo re rerileng hore re tle re etse hore re buseletse Basotho matlo a bona a ileng a angoa ke likhohola a ka bang 90 nakong ena e setseng ea selemo sa lichelete, ‘me ka morao ho mono joale re tle re tsoele pele ho a mang a ntseng a amehile, hobane lipalo-palo li bonts’a ha e le matlo a mangata haholo a amehileng ho latela litaba tsena tsa pheto-phetoho ea leholimo. 

Mosebetsi ona o ntseng o etsoa, Mohlomphehi, ka mokhoa o ts’oanang le oona ha o siee morao hore re ntlafatse maphelo a Basotho ba tsebang mesebetsi. Sepheo ke hore mesebetsi ena e tle e etsoe ka baahi ba nang le litsebo, ba metse eno e amehileng. Taba eno ka mokhoa o ts’oanang, joalokaha potso ea Senator Mohale e bolela, e etsa hore e ‘ne e loants’e bofuma ka ha e tla be e theha mesebetsi ho ba nang le litsebo tse joalo metseng le metsaneng.

Taba ea bohlano ke Ofisi eane eo re itseng e sebetsana le khokahanyo ea phepo e nepahetseng le tataiso ea eona. Ha re ntse re sebetsana le litaba tsena tsa ho bona hore lijo-thollo tsena tse ntseng li rekoa ho lihoai tsa Basotho lia siloa, ha rea siea morao hore li siloe ka mokhoa o ntlafetseng kapa ka mokhoa oo ho thoeng li fortified. 

Taba ena re ile ra elelloa hore ha se maloala a mangata a Basotho ao ha re ne re batla ho sila lijo-thollo tse ngata hakana, joale re batla hore le bona ba ke ba fumane bonyane bo setseng Moralong ona –  re fumana hore eka ‘na eaba bokhoni ba hore ba sile ka mokhoa o fortified ha o eo, eaba re etsa engage kapa re thetsana ka mahetla le ba Lenane la Lijo la Lefatsé (WFP) ho bona hore na ho ka thusetsoa joang.

Ke haufinyane ha re ne re na le litsebi tse neng li tsoa mane Uganda tse neng li tataisa kapa li tl’o etsa boithuto ba hore na ekaba re ka ntlafatsa maloala a rona a metseng le metsaneng joang, esita le ho etsa boithuto ba hore na hantle ke maloala afe a hlileng a etsang fortify lijo-thollo nakong eo ba silang.

Re fumane, Mohlomphehi, hore ha se maloala a mangata haholo a etsang joalo. Re se re bile re ntse re kenya kapa re rala ho kenya ts’ebetsong hore maloala a Basotho a tle a be le bokhoni ba ho etsa fortify poone, kapa lijo-thollo, ha ba e sila, e le hore Moralong ona o moholo oo ‘Muso o rekang lijo tsa lihoai, joale o li sila ho loants’a tlala, le bona ba tle ba ahehe kapa ba etsoe capacitate kapa ba nke karolo khoebong eno ea ho sila ka hore ba etse upgrade maloala a bona ho tloha ho a tloaelehileng mohlomong ba kenye karoloana ena eo ho thoeng e etsa roller-mill, ka mokhoa oo ho leng kateng. E leng eona eo joale e khonang hore e ts’ele lihaha-‘mele kapa li-nutrients tsena tseo ho thoeng li etsa fortify grain kapa lijo-thollo.

Litaba tsena li tla etsa hore bo-ramaloala ba Basotho ha ba ne ba entse comply le lipehelo tsena tseo re tla li kenya ts’ebetsong le ho ba thusa hore ba ntlafale, joale ba tla nka karolo mosebetsing ona, ‘me bophelo ba bona bo ntlafale le malapa a bona a ntlafale.  Ba fumane khoebo ena ea li-volume tsena tse kholo hakana tseo ‘Muso o rerileng ho li sila.

Lefapha la ho qetela ke la Food Management Unit le ntseng le rerile ho sebetsana le taba ea toants’o ea bofuma le tlala.  Food Management Unit e na le litsi tsa poloko ea lijo kapa li-warehouse tse 47, ‘me re moralong oa hore Selemong sena se tlang sa Lichelete ka ho elelloa hore joale Basotho ba khutletse ka matla temong ho latela maano a kentsoeng ts’ebetsong ke ‘Muso ba tle ba be le moo ba bolokang lijo tsa bona ka mokhoa o baballehileng.

Selemong sona sena ka mor’a kotulo, ho na le se seng sa lihoai tse kholo haholo seo eitseng ha se ntse se paka lijo ho warehouse ea hae, eaba li heletsa lebota, la hla la oela fats’e, lijo tsa heleha tsa ea hlaha ka ntle.  Ofisi ea haeso e ile ea nyolosa ea theosa ho bona hore na lijo tseo tsa sehoai seo li ka bolokeha joang.

E leng hore taba ena ea ho ntlafatsa poloko ea lijo e bohlokoa le eona ka mokhoa o ts’oanang, hobane e ka arabela litaba tsena tsa bofuma le tlala mane sechabeng.

Ka holimo ho moo, ho na le moralo o ts’ehelitsoeng ke ba bang ba metsoalle ea naha ea Lesotho o bitsoang Maseru Grain Storage Logistics Hub, oo Ofisi ea haeso ka ho thetsana ka mahetla le Lekala la Temo o ntseng o kene lebelong le ts’abehang la ho bona hore moralo oo mohlomong re fihle kotulong ea selemo se tlang o phethetsoe. 

Ke moralo oo ka oona ho tla ahoa litaba tsena tsa li-silo tse bileng li nang le infrastructure ea ho tsamaea hoa literaka le eng kaofela tse kholo.

Ke mafapha ana a teng kahar’a Ofisi ea Mohlomphehi Tona-Kholo esitana le merero e reretsoeng ho leka ho fenya bofuma le tlala.

Karolo ea bobeli ea Potso e ne e re na ke maano afe…

HON. SENATOR M. KANETSI:  Ntlha ea Tsamaiso, Mohlomphehi…

Re laete air con ela le ela, ke bona e ka Litho lia robala, re tsebe ho phola.

MR. VICE-PRESIDENT: ‘Na ke bona Litho li mametse ka hlokolosi ena e haesale, empa he, ha ke hanane le hore e laetoe.  Ke kopa eona e laetoe, feela Litho tsona ke bona li mametse ka hlokolosi ena e haesale, li bile li mametse litaba tse monate ka mokhoa o makatsang.

HON. SENATOR L. TAU:  Karolo ea bobeli ea Potso e ne e re na ke maano afe a reretsoeng ho arabela liphephetso tsena, haholo-holo sechabeng se phelang libakeng tsa mahae lintlheng tsa temo, lits’ebeletsong tsa bophelo, ts’ehetso le ntlafatso ea bophelo, menyetla ea mesebetsi esita le karolelano ea lekeno.

Mohlomphehi, maano ana a nako e telele a hokahaneng ho arabela liphephetso tsena a tla ikarabelloa feela ke taba e le ‘ngoe, eleng taba eane ea theolelo ea matla sechabeng mafapheng ana a boletsoeng.  Ke ha feela re fihletse taba eno ea decentralization eo ke tsebang hore Lekala le amehang e leng la Local Government le se le ntse le e sebetsa, moo joale litaba tsena li tla sebetsoa hantle metseng mane moo sechaba sa Basotho se phelang teng.

Ka ho etsa joalo ke lumela re tla bona sekhahla se seholo sa ntlafatso ea bophelo ba Basotho le ho loants’a tlala le tlhobolo.

Kea leboha, Mohlomphehi.

HON. SENATOR T. M. MOHALE:  Kea leboha, Ntate. 

Letona le Khabane, Setho se Khabane ka’nete se li behile ka bokheleke, le lipotso tseo ebang kea li botsa tsa nyanyeletso li se li ipapisa le Potso ea ka hobane taba ena ea bofuma e namme haholo.  Lipotso tsa ka ha li thesele bokheleke bona boo Setho se Khabane se li behileng kateng.  Ese eka kamoso ha a tla Ipad ea hae e tla be e le teng. 

Ua bona bo-Ntate ba National Assembly bona ba penya li-Ipad, joale rona ke pampiri, e leng ntho eane eo re ileng ra re e fele.

Joale ka ha ke chulo, litaba tsena tsa bofuma ke tse bohloko hobane li ama mafapha a mangata bophelong ba rona.  Ha re lapa re sitoa ho fumana mesebetsi re le sechaba.  Rea lapa re le sechaba, ho feta mono re ja le lijo tse nang le khaello e nepahetseng.  Bana ba sitoa ho ea likolong le bokulo bo ba teng. 

Ho latela litaba tsena ho ile hoa e-ba le maano ka Ofising eo Letona le leng ho eona, a ileng a tsoaloa ke Summit ea Copenhagen ea March 1995.  Maano ano re le naha re ile ra nepa feela ena ea social grant and free education.  Maano ano a pharalletse.

Potso ea ka ke ho re ka Ofising ea Letona le Khabane ebe mathata a ileng a sitisa hore maano ao a kene ts’ebetsong a ileng a tsoaloa ke ha ho tsuoa ho Summit eo ke afe?

Re tla hopola hore ho na le ntho eane eo ha ho ne ho buua ka selemo sa 2020, e ne e tla ba mathata ana ao re buang ka ‘ona hona tjena a tla be a felile.  Ho ile hoa ba le ntho eane e neng e bitsoa Vision 2020, eo hoja re ile ra e ts’oara hantle, re ka be re se mona moo re leng hona teng.

Potso ea ka e ‘ngoe, ke hore ebe Letona le ithutile mathata a ileng a etsa hore ebe maano ana ao Ofisi ea Letona le Khabane le ntseng le a teka ha a ka a phethala? 

Ebe le ithutile hore na ebe re ntse re le bofumeng bo ts’oanang le ka 1995 ha ho ne ho raloa? Ebe likhoqetsane e bile life?

Maanong ana ao Letona le buang ka ‘ona, rea leboha. Ke bona Letona le bua ka balisana le ka bacha, feela rea tseba hore maqhekoana le batho ba nang le bokooa ka mefuta ea bona , ke bona batho bao re tsebang hantle hore ka lebaka la maemo a bona, ba na le likhaello tse ngata, ‘me ba na le mathata a ts’abehang. 

Ebe bona meralo e tla ba thusa hore ba tsebe ho iphelisa ke efe?

Letona le buile mona ka litaba tsa balisana le phoofolo.  Litaba tseo ke neng ke batla ho botsa ka tsona ke tsena tsa lijo.  Letona le bonts’itse hore Basotho ba ithukhubelitse temong selemong sena, feela re na le lilemo tse isang ho leshome, Basotho ba sokola peo.  Leha ‘Muso o ikemiselitse hakana hore o felise bofuma, feela peo eona eo ‘Muso o leng teng o le khoebong ka ho rekisa peo, ka’nete ke batla ho utloa ho Letona le Khabane hore na ebe eo taba ea hore peo e ba teng, feela lihoai ha li e fumane, e le hobane ‘Muso o kene khoebong, ebe eo Letona le bona eka le tla kopanya matsoho joang le Lekala la Temo, e leng lona le amehang le ho thusana hore peo e fumanehe ha bonolo ho Basotho na?

Ea ho qetela, ke ea hore litabeng tsena tseo Letona le buileng ka tsona ho bonahetse hore re le naha ea batho ba 2 million, tlala e re tobileng selemong sena e tl’o ama batho ba 580,000, ‘me ke ¼ ea rona re le naha kaofela.  Boemo boo ba hore ntle le 45,000 ena eo Letona le buileng ka eona ea Basotho ba tla tseba ho phela, Letona le bona eka eona le tla e feta joang?

MR. VICE-PRESIDENT:  Kea bona hore Letona la Machabeng le itokisetsa ho tsamaea, joale ha re ntse re sheba mona, kaha joale ho na le matsatsi ao ke ileng ka ba sieo ka Ntlong ka mona sometimes, nako e ka etsang beke, ke fumane hore ee, ha ke ne ke nahana hore Letona le ile la ba teng nakong eo ke neng ke le sieo, ke fumane hore Letona le ne le qala ho ba teng ka Ntlong ka koano, le be le etse Polelo. 

Ke ne ke re pele Letona le lokoloha, nke ke mo kopele hore a ke a fumane lehofi joale ka ha e le hore ke lekhetlo la hae la pele a ba ka Ntlong ena…(LIATLA)…

Kea leboha, Litho tse Khabane.  Ke ne ke re pele a tsamaea ka’nete re mo tsipe ka lehofi le ho mo amohela hore ka’nete rea mo amohela ka Ntlong ena ea Senate ha e le mona a qala ho tla.

HON. SENATOR L. TAU:  Kea leboha, Mohlomphehi. 

Ka’nete ke leboha lipotso tsena tse nyanyeletsang tse tsoang ho Setho se Khabane.  Ke lintlha tsa bohlokoa, ‘me tse kholo haholo.

Setho se bonts’itse ka ho otloloha hore the Copenhagen Summit ea 1995 e ne e na le liqeto tse ‘maloa, empa re bonahala re le naha re atlehile ho kenya ts’ebetsong mohlomong tse peli feela, e leng ea social grants and free primary education.

Joale e ‘ngoe ea potso ea Setho ke hore na har’a litaba tse ntle tse neng li buue kahar’a Vision 2020, na ebe Ofisi ea haeso e bona eka hantle-ntle bothata bo bile hokae hore ebe litaba tseno ha lia fihleloa.

Ka’nete ha motho u sheba nalane ea naha ea habo rona, mohlomong nakong ea lilemo tse mashome a mabeli le ho feta tse fetileng kapa ho tla koano, motho u bona liphephetso tse kholo haholo.   

Ntho eo motho u ka e supang ke e ‘ngoe eo ke utloileng e ntse e thetsoa mona, Mohlomphehi Motlatsi oa Mookameli, ha ho buua ka litaba tsa Palestina, hore na re le naha re ka ithuta eng ho tsona litaba tsa boitsitso le ho etsa focus litabeng tsa bohlokoa tseo re hlokang hore re tebise maikutlo holim’a tsona.

Mohlomong lilengoana tse hlano kapa tse supileng kamor’a hore ho hopoloe hore ho ka kenoa tabeng ena ea chebelo-pele ea 2020, re bone kannete naha ea Lesotho e hloka botsitso haholo ‘mebusong, ebile ‘mebuso e fetoha hangata. Re bone taba eno e lebisa moo mohlomong maano a sitoang hore a kenngoe ts’ebetsong,

mohlomong le tsona liqeto tseno tsa cooperated society, Mohlomphei Mohale, hore e be li kena ts’ebetsong.

 Taba ena eo ho thoeng ke bophethahatsi! Joale empa e ka holimo-limo re bone tahlehelo e kholo ha ho tluoa tabeng ea lichelete tse bakoang ke ho se ts’oare lichelete hantle esitana le litloaelo tsena tseo ho thoeng ke tsa bobolu.

Mohlomphehi Mphato oa ka Letona la Lichelete ha a fana ka boemo ba lichelete lilengoana tse ‘maloa tse fetileng o ee a bonts’e hore ho tloha lilemong tsa bo-2012 e ne e le ha a qalella ho kena litabeng tsena tsa li-Coalition Government, ‘me ho bonahetse ehlile ho ba le bothata haholo litabeng tsa ts’oaro e ntle kapa paballo ea lichelete, mohlomong ke hona hore li-Coalition Government li ee li qetelle li etsa compromise taba ea ho boloka lichelete kapa eona taba ea accountability ka mokhoa oo ho leng kateng.

Joale a bonts’a hape hore ka lipalo –  eseng ka khopolo taba feela hore mohlomong ho tloha lilemong tsa bo 2016/17 e be ho o ile hoa e-ba hobe le ho feta. Hoa hlaka, hee, hore bosieong ba lichelete meralo eno e metle eno Senator Mohale ke bothata feela hore meralo eno e ne e ka ea phethahala.

E leng hore taba ea ho hloka botsitso le ho feto-fetoha hoa mebuso kapa ho hloka botsitso hoa ‘muso o ntseng o le teng le taba ena ea corruption li lebisa tabeng ea ho sita ho kenya ts’ebetsong bophethahatsi.

Senator Mohale o boetse a bua ka taba ea hore na e be maqheku ‘ona ka kotloloho na ntle le hore feela e be ba na le li-grant tsena ho ka etsoang ka bona.

Ha re ntse re fana ka lithuso tsena tseo re buileng ka lijo kapa ka lijo tsena tseo re buileng ka tsona re ntse re boela re fana ka tsona li bile li tsamaea le tsona litaba tsa lipeo e le hore ba tle ba tsebe hore ba holisoe tabeng ea ho itlhahisetsa, eseng tabeng ea ho fuoa feela, e le hore ba fihlele boits’ematlelo.

Kea kholoa o ne a bile a buile le ka bacha hona tabeng eona eno, empa e bohlokoa-hlokoa, e kholo, eo a e buileng ke bosieo ba lipeo tseo ba reng na e be re thetsane ka mahetla le Lekala la Temo, na re etsa joang ho eona.

Ke maobane feela ha taba ena kae-kae on forum e ‘ngoe e ne e ntse e shebisanoa hore e ka ‘na eaba le hoja ‘Muso o na le morero o motle hakaalo-kalo oa hore o etsa capacitate Basotho ka ho hlahisa lijo – na feela taba ee e sustainable.

Ha u sheba hore na ke chelete e kae eo ekabang mohlomong ‘Muso oa e kenya joale u sheba hore na tlhahiso e joang ke ee reng na e be ka nako ea lilemo tse mashome a mabeli le ho feta joale re ntse re le tabeng ena ea mofuta oa temo, na e be ha re e-s’o fihle moo re reng lihoai tsa rona na ehlile lia ikemela na kapa li ikemetse!

Ke etsa mohlala feela, Bahlomphehi, hore hajoale e meng ea mekotla ea peo eo ke e ratang haholo, Honourable Senator Mohale, ke e lengoang haeso koana, ’me ke M 369, feela ha u reka marakeng mane ke M1 100.

E leng ho re tlatsetso eno e etsoa ho tsoa Mokotleng oa Sechaba. Taba ke hore na ka lilemo tsena tse mashome a mabeli re ntse re etsa joalo na re se re hlile re fihlile moo re reng re ka fihlela boitjaro ka lijo na?

Ke hore na ke chelete e kae e sebelitseng lilemong tsena tse mashome a mabeli na?

Hoja ha kea tlohella  ba fats’e ke ne ke tla re pone e ka ‘na eaba eona mokotla oa eona e ka ‘na eaba o etsa likete tse hlano kaofela kapa tse ts’eletseng.

Joale ke re kannete taba ena ea bosieo ba lipeo ke kuluoa, ‘me e re re le ‘Muso re lokela hore re ke re hlahlobe bocha leano la rona la hore na taba ena ea ho etsa subsidize na ha rea lokela hore re tobe ka kotloloho ba hlileng ba hlokang haholo na! Na ehlile ke bohle ba lokeloang ke subsidy ena na!

Na e be Mohlomphehi Motsamai o hloka ho etsetsoa subsidy na kapa na e be Mohlomphehi Motsamai ha a jelle ba hlileng ba hlokang haholo hore ba etsetsoe subsidy na; le hore bano ba hlokang subsidy kapa ho etsetsoa tlatsetso na e be ha ho hlokahale hore ba se ke ba etsetsoa subsidy, empa ba hle ba fuoe feela e le hore kamor’a lilengoana tse itseng ba alosoe hore ba tle ba itjare, ba its’ematlele.

Joale ba seng ba le commercial le bona ba mpe ba ts’ehetsoe mohlomong ka maano ao ho ka shebisanoang le libanka hore na e be ho ka etsoa joang. Taba eno ke ntse ke lumela hore e ka etsa hore peo e anele, hobane kannete ba khonang, ba ka ‘nang ba khona ho iphumanela tsona, Mohlomphehi Mohale, ke bona ba nkang haholo mane moo ho etsoang li-subsidy ho feta ba hlileng ba hlokang.

E leng hore litaba tsena ke litaba tse lokelang hore li shejoe hore ‘Muso o lokela hore o be khoebong eno ea ho fana ka lipeo kapa ea ho rekisa lipeo, kapa o lokela hore o thuse ba hlokang hore ba be le tsona joale e be ba khonang hore ba iphumanele tsona ba thusoe ka litsela le maano a thetsanang ka mahetla le libanka ka tsela ea khoebo hore ba iphumanele tsona na, ba be commercial.

Taba eno ke ntse ke lumela hore e ka ‘na ea re bolokela lichelete tse ngata haholo tse ka eang otherwise mesebetsing e meng ea ntlafatso e mengata haholo.

Ke entse mohlala mona, ke phethela Potso ena ea Mohlomphehi Mohale, hore re ile ra batla lijo, empa ua bona hore lijo tseo re li batlang ho lihoai tsa Basotho e ka ‘na eaba ha ba khone le ho re fa lijo tse isang ho li-million tse mashome a mararo, feela likhakanyo tsa lichelete ha li ea Lekaleng la Temo lilemong tsena li ka nq’ane ho Billion feela e le ‘ngoe?

Ke ho bolela hore na chelete ena e ntse e ea kae! Che, e ‘ngoe e ntse e ea mesebetsing e meng ke ‘nete, feela ke bolela hore na e eang to production na e be eona e felletse hokae. Ke litaba tse lokelang ho hlahlojoa e le hore ‘Muso o tle o tsebe hore o tsoe tabeng ena eo ekang o hoeba ka litaba tsa lipeo joale, e le hore o thuse ba hlileng ba hlokang hore ba li fumane.

Kea leboha, Mohlomphehi. E ka ‘na eaba ke siile tse ling, empa hee, kea leboha.

HON. SENATOR P.S. MATHEALIRA: Kea u leboha, Ntate Vice-President.

Ka uena, Ntate, ke hlile ke na le thahasello tabeng ena eo Mohlomphehi Letona a ntseng a e araba.

Ke tla kopa hore potso ea ka e ipapise le mokhahlelo oane oa hae oo a qalileng ka oona oa balisana. Balisana baa, ka uena, Mohlomphehi Vice-President, ke botsa Letona hore na ba khethoa ba ipapisitse le eng?

Taba ena ke e botsa hobane ke bone ho siuoe Borena ka thoko, empa joale liphoofolo tsena tsona li tla motseng moo Morena a tla tlameha hore a ngolle sehoai bukana, a e tlatse, ‘me bukaneng ena ea sehoai ho na le likarolo feela tse reng, lerekoa, ho tsoala, bohali le lifisa, ha ho na moo ho thoeng tlatsa ena eo a e filoeng e le mpho.

Joale e ba le bothata ha Morena a tlameha ho tlatsa lenane la liphofoolo on master book hore na tsena tsona li tsoa kae, li fihlile joang kahar’a motse.

Letona ak’u etse hore u k’u ikopanye le ofisi ea Borena, Ntate, re tle re tsebe ho thusanang, hobane joale balisana baa phasa-phasa ka liphoofolo.

Tse ling li utsuoa letsatsing lona leno leo li fihlileng ka lona, joale mong’a tsona a e-s’o li tsebe le hantle. Re sitoa le ho mo etsetsa lengolo hore na o il’o batla linku tsa mofuta mang.

Ea bobeli, ke ena eo a buileng ka eona e ntle haholo eo a buang ka bacha ba isoang liofising tsa litsi tse ikemetseng esitana le liofising tsa ‘Muso. Ka uena, Mohlomphehi, ke kopa ho botsa Mohlomphehi Letona hore na batho bana selemong sona sena ka November baa tsamaea, joale

re lula re ngola re bonts’a hore re se re ba rutile mosebetsi liofising tsa Marena a Sehlooho, likheo li teng, re se re ba kopela hore ba hiroe. Taba eno ha e etsahale.

Ena e se ebile e le kopo, Mohlomphehi Letona, hore kannete re se re ntse re ba kopa, hobane ha re hireloa bangoli, joale batho bana re se re ba rutile mosebetsi –  ba hle ba mpe ba hiroe permanently.

Ea boraro ,ebile e le ea  ho qetela ke ena e buang ka litaba tsa DMA. Na Mohlomphehi Letona o re kapele ka potlako ho tla etsoa polelo ho tl’o rekoa lijo hape? Potso ea ka ke hore na e le hore sehoai se ntse se tl’o rekisa mekotla e 100 feela?

Mohlomphehi Letona, rona ka Leribe ka mona ua re khama, Ntate. Lipoone tsena li ntse li lutse, re ntse re na le likete-kete  tsa lipoone ka malapeng. Ha ke etsa mohlala feela, mane haeso Moreneng re ntse re e-na le likete tse peli feela tse setseng, tse e-s’o rekoe.

Re ne re kopa hore mothangoana oa hore lihoai tsena tsa haeso tsa Leribe li tle li mpe li rekise ha ngata, re ke re nyolle lenane, e se ke eaba hore sehoai se rekise only 100 bags.

Kea leboha, Mohlomphehi.

HON. SENATOR S. MOTSAMAI: E-ea, Ntate, ke ne se ke re a mpa a li nke li le peli.

Kannete ke lebohe, Mohlomphehi Motlatsi oa President, ke lebohe Litho tse Khabane le Honourable Minister.

Ke na le thahasello ho tloha qalong mane ea linku hore na tsena tsa 2018/19/20 na le se ile la hlaha la bona hore na li hokae, na li ntse li le teng? Haeba li ne li tsoala ke tsoala e eketsehileng ha kae? Mathata a teng? E le hore e tle ese ke eare ha re fihla 2027 ra fumana re ts’oere tsa selemo seno feela e be kamorao ka mona re tl’o sitoa ho ea mane moo u ntseng u bua ka M34 million. Potso ea ka e hona mono.

E kholo-kholo kannete ha u sheba hore na investment costs tabeng ena ea linku ea projections ke bona e ka teng le tsamaile hantle le batla le shebile hore le tle le tsebe ho nyalahanya, hobane ha u bone leha ho se ho ka hoa thoe le sebelitse 3 million joale e ba le etsa estimate 4 kapa 5 million ke bona e le lipalo tse teng.

Kannete ke mpe ke sale ka e le ‘ngoe, Mohlomphehi Vice-President, ke nahana hore I get a little bit worried hangatanyana –  e se e le lekhetlo la bobeli, haeba ha se la boraro, ha ke ntse ke utloa lipolelo tse teng. Honourable Minister mona o qeta ho bua ka eona.

Ke maoba pele ho mona feela re ne re na le Mokhatlo oa Sepolesa ka mona le Commissioner. Commissioner a hlobola matla a ho re ts’ireletsa, a re joetsa hore re its’ireletse, re il’o ba mahokela! Ka nako eno o bua ka a Public Servant.

Minister of Finance o ne a lutse mono maoba mona a bua polelo e ts’oanang ea hore motho e mong le e mong o shebile ‘Musong joale kannete re ts’oanela hore re ithukhubetse. E ne e le ha re ne re bua ka Development Bank. Ha ho na moo ‘Muso o ka etsang Development Bank re ts’oanela re ee to Commercial banks. My God! Why do we have a Government?

Honourable Minister, u re re se ke ra khahlametsoa ‘Musong ona o hulang li-tax tsa rona, hobane u re re na le potomanenyana then at the end u re ‘Musong mola, u eme lebitsong la ka? This is what we call the social trust! You are a public trust and public trust has to do the functions tse tsamaellanang! Why trust ela e bitsoang Government e le teng? Only to cater for its citizens to the maximum.

Ke utloa ‘n’a ka ena ehlile le tlisa mololinyana o nts’osang tjena oa hore ekare le ntse le re, no, ha ba itjare! Ha re itjare, rea jaroa, u re beha moo re tsebang hore re tsamaee ‘moho!

Ha u ka ua etsa hona joale in this investment ea linku! , uUa bona hore na u ba siile ho kae? Ha ua re ba ee bankeng ba il’o batla liramo le lioi, u ba file tsona; ha ua re ba ee bankeng! Bona hona tjena ha u só hloloa ho khutlela ho bona –  joale rona u re re khutlele moo re ntse re le tjee?

Kea kholoa ha u e-s’oka u ba bala hantle, Honourable Minister. U tl’u k’u shebe! Ua bona uena kaha u mokhotsi oa ka….

MR. VICE-PRESIDENT: Mohlomphehi..!!!

HON. SENATOR S. MOTSAMAI: …kea qetela, Mohlomphehi.

U tl’u k’u shebe li-high officers tsa the last three years. Ke ho re ha ke re li-highest, Honourable Vice-President, ke bua ka batho ba ileng ba ba ka mona ba ts’oanang le ‘na tjena, ba ileng ba ba Botoneng joalo ka Honourable Mohlomi mona, ba ileng ba ts’oara mesebetsi e metle –  u k’u nchebele bona hore na ba ho kae hona joale. Ba jooa matlo, ba jooa tsohle! Joale u sitoa ho isa sekoebo ho bona?

HON. SENATOR S.K. MASUPHA: POINT OF ORDER!

 Ache, kannete Ntlha ea Tsamaiso eo ke emang ka eona ke ea hore kea bona hore nako e otlile. Na re ne re ke ke ra fuoa metsotsonyana re qetele Lipotso tsee tsa rona, Mohlomphehi?

MR. VICE-PRESIDENT: Litho tse Khabane, ke kopa tataiso ea lona hore na le ka rata hore re be le metsotso e leshome le metso e mehlano?

 Ba re, NO!

Question put and agreed to.

HON. MIN. L. TAU: Kea leboha, Mohlomphehi Motlatsi oa Mookameli.

Kannete ke qale ka potso ea pele, e neng e re balisana na hantle ba khethoa joang? Lenane lena ha le qala lilemong tsa ho feta le ile la potapota le litereke, ‘me selemong sa 2022 ke kene ofisingena ke fumana ho se ho reriloe ebile ho raliloe hore lenane lena le ka phethoa literekeng tsa Berea, Leribe le Butha-Bothe ka hare ho Makhotla a Puso ea Libaka kapa Local Councils tse fumanehang libakeng tseo tse tharo.

Joalokaha ke boletse hore moralo ona ha o ka ba oa tsoela-pele ka 2022 ka lebaka la phetoho e ileng ea e-ba teng pusong esale liphetoho tsa lichelete –  2023 e ile eaba ho tsoeloa-pele ka moralo o neng o se o ntse o le teng.

Office ea h’eso e ntlalehela hore balisana bana ha ba khethoa ba khethoa ka hore ho shejoe Councils hore na ke bafeng bao ehlileng ba hlokang ka ho fetisisa. Hoa hlaka lipalo li tla ba holimo, ‘me joale ha lipalo li ba holimo e be ba khethoa ka lotho. Ke eona tlaleho eo ke e fumaneng eo ea hore ba tla khethoa joalo, ‘me ba ne ba se ba ntse ba le mathuleng a ho lebella hore ba tla tla ba nehoa linku tsena, eaba office ea h’eso e fihla e phethahatsa moralo oo ka mokhoa o motle haholo.

Mohlomphehi Senator o hlalositse hore ho bonahala Borena bo siiloe ka thoko. Kannete, Mohlomphehi, kea leboha ka tlhokomeliso le keletso eo, ‘me ha re kena khabong selemong sena se tlang re tla etsa bonnete ba hore Borena boa kennella ho tloha mane khethong esita le ho fihla mane moo re fanang ka thepa ena le ho sheba hore na hantle re tla re linku tsena li tle li ts’oauoe e le tse tsoang hokae, hobane joale tsena tsa seoa holimo ha li eo ka mane ka bukeng. Ha ho na moo ho ngoetsoeng seoa holimo, joale ha re tsebe hore na re ka r’eng.

Kannete ke leboha tlhokomeliso eno, Mohlomphehi, ‘me ke tla etsa bonnete ba hore taba eno re ea e lokisa.

Tabeng ena ea bacha ba tlang liofising kapa ba behoang litsing tsa ts’ebetso e le hore ba fumane experience, re mathuleng a ho phethela ho abela bacha ba ngolisitseng selemong sena kapa ho etsa placement, ‘me moralo ke hore ka la 1 Ts’itoe ba be ba kena liofising. Mohlomphehi o boetse a bonts’a hape hore ba bang mohlomong ba se ba le teng,  ‘me ts’ebetso ea bona e ea khahlisa –  ‘me re rata ha ho le joalo; ha ba sebetsa hantle, hobane ke eona taba eo re e lebeletseng hore ere ha nako ea bona e fihla u fumane hore ba se ba khotsofalitse beng ba bona, hobane ha ba etsa kopo ea hore ba hle ba bolokoe, likheo li le teng, kannete ha ho na bothata ba hore re bone hore rea ba kopela.Re tla e sebetsa taba eno, Mohlomphehi.

 Ea boraro, o ne a botsitse hore na ka lihoai, mothati ona oo re tl’o kena ho oona na ba   ntse ba tla ba le mokhoa oa ho rekisa mekotla e lekholo feela.

Mohlomphehi, ke mpe ke bonts’e hore re na le lihoai tse kholo le tse nyenyane. Ha re tla beha sekepele sa mekotla e sekete, e seng e lekholo –  ke tla tla hore na Leribe ho ile hoa etsahala joang.

Ha re tla beha sekepele sa mekotla,  re re sehoai ha se  tlisa se se se fete mekotla e sekete ke hobane re ne re re le ba tlang ka sekotlolo sa sheleng ba kopanya hore ba etse mokotla, le bona ba tle ba khone hore ba tlise. Joale ebe kamor’a mono re boele re hoelehetse lihoai tseo.

Ke mpe ke bonts’e hore litereke tsohle li ile tsa hla tsa fetisa sekepele seo re neng re se behile kapa li ile tsa ba ka tlaase ho sona setereke ka seng, hobane re ne re shebile lipalo-palo tsane tseo re reng na ke batho ba bakae ba anngoeng ke tlala ho latela litereke.

Leribe le Berea ho bonahetse lihoai tsa teng li hlahisitse haholo, ‘me rea tseba hore lijo li ntse li setse li le ngata haholo ka malapeng. Empa lihoai tsa Leribe tsona ka hore ebe li ile tsa bona hore sekete sena se se se le holimo haholo, eaba lia lumellana hore sehoai ka seng ha se tlise makholo a mararo a mekotla feela.

Ba ile ba re se se ke sa fetisa makholo a mararo, joale e tle e re mothating oa bobeli ebe lia tlisa lihoa. Joale ha li ka ba tsa fihla mothating oa bobeli, hobane joale ba bangata ba nile ba hlahisa haholo. Ke lumela hore Linare tseno tsa h’eso tsa bochabela lekhetlong lena( e leng hore re tl’o etsa khoelehetso hape) ke bone eka lekhetlong lena ehlile re tl’o batla tse ngata ho feta pele ho latela chelete eo mong’a Lekala a re kopetseng eona. Re tla leka hore re nke boholo ba tsona, kea u ts’episa, Mohlomphehi.

Mohlomphehi, Motsamai o ne a itse na lihoai tsane kapa balisana ba ileng ba amohela lilemong tsa bo-2018/2019 na bona re se re ile ra hlaha ho bona na? 

Ho joalo, Mohlomphehi. Bahlanka ba Lekala ba lula ba ba hloela na thepa e lula e ntse e bolokehile na le hore e be e se ke eaba ba bang ha li qala li fihla li le leshome li tsamaea le ramo ba be ba se ba re ba lebohe balimo ka e le ‘ngoe na.Ba re Molimo ha a fe motho ka letsoho ba ke ba lebohe.

Ehlile re ba beha leihlo hore li ntse li bolokehile. Ke be ke bontše hore liramong tsane tse lekholo le leshome le metso e robeli (118), tse fuoeng ba selemong sena, liramo tseno li tsoa ka hare ho naha ea Lesotho ho bahlahisi ba Lesotho mona, empa tse hlano tsa tsona li tsoa ho balisana ba bang ba ileng ba fuoa ka 2019. Ke ho bolela hore ba tšoere hantle.

Ea ho qetela, ke ena eo Mohlomphehi Motsamai a tšoenyehileng ka hore na re re ba se ke ba khahlametsoa na?

 Ka ‘nete sello sa Mohlomphehi Motsamai, Mookameli, ke feela hore joale ke ile ka bontša hore tse ling tse ileng tsa ama naha ea Lesotho tabeng ea lichelete haholo ke litaba tsena tsa tšebeliso tsa lichelete le bobolu le eng kaofela, mohlomong le ho imeloa ke li social programmes tseo e ileng eare mohlomong ha li kena tšebetsong lilemong tse ‘maloa tse fetileng hoa se ke hoa shejoa hantle hore na li tla ‘ne li itjare na ha ho uoa pele.

Taba eo e fihla e etsa khaello ea lichelete, ke ka lebaka lena Mohlomphehi a tla utloa re ntse re khothaletsa hore taba ea boikemelo e bohlokoa haholo, ele hore taba ena ea ho tlatsetsa e mpe e shebe bao ehlileng ba hlokang e le ka ‘nete. Hape empa e le hobane ba nang le mokhoa joalo ka ‘na le eena hantle sechaba sa Basotho se re file monyetla oa hore re be mona moo re leng hona teng.

‘Muso o mpe o thusetse mohlomong ka hore o etse litlhopho tse guaranteed mohlomong ho li-commercial bank re tle re tsebe hore re itšetlehe ka tsona re tsebe le ho il’o hlahisa. Empa bana ba senang letho bona, ba se ke ba tlatsetsoa feela ba hle ba neoe joale ba tataisoe hore ba itjare ka ‘nete.

 Ke ‘nete eo re lokelang hore re tobane le eona eo, Bahlomphehi, ho latela maemo a lichelete a teng ka hare ho naha.

Kea leboha, Mohlomphehi.

MR. VICE-PRESIDENT: Litho tse Khabane, le itse ha le amohele hore re eketse nako?

 Hantle re fihlile pheletsong ea mosebetsi oa kajeno, hobane re se re fetile –  in terms of Standing Order 16 re se re tloletse ka nq’ane ho sona.

Taba ena e bolela hore, Senator Kanetsi, ha re na monyetla oa ho tsoela-pele, Mohlomphehi, hobane Litho ha lia amohela hore re eketse nako. Ke hona moo e re bolaileng teng, hobane joale e itse ha ke re ke eketsa nako eaba Litho lia hana, ‘me taba ena e mpha monyetla oa hore ke lebohe Mohlomphehi Letona kapa ke lebohe Bahlomphehi Matona ka likarabo lipotsong tsena tseo ba li arabileng. Ka ‘nete ba li arabile ka mokhoa o much more detailed.

Eo ke e thabetseng ka ho fetisisa qetellong mona ke ea hore taba ena ea khetho ea balisana ba fuoang liphoofolo ka ‘nete ha e tl’o fella ho councils feela, empa Marena a tl’o fuoa monyetla hore e tl’oba karolo, ‘me ke nka ho nepahetse haholo hore ho be joalo, hobane ena ea hore mesebetsi eo ba neng ba ntse ba etsa joale kaofela hoa eona e se e isitsoe ho council e etsa e ke ho na le competition lipakeng tsa bona le mak’hanselara, athe ba tšoanela ho thusana ho etsa mosebetsi.

Ke leboha haholo, eke e ka etsoa taba eno, hobane Marena ke li-resource tseo re nang le tsona ka hare ho naha ena tse  ka tsa re thusang ho ntšetsa mesebetsi e meng e mengata, e imetseng mafapha a mang a ‘Muso… le bo Makhotleng mane ba imetsoe feela, linyeoe ha li tsamaee, ‘me Marena a ka re thusa ba rupeloa ba etsa mosebetsi oo.

 Litho tse Khabane, ka ‘nete ke lebohile haholo.

ADJOURNMENT

Thereupon Mr Vice-President adjourned the House without Question put, pursuant to Standing Order 16(3).

The House was accordingly adjourned at 13:11 pm.