KINGDOM OF LESOTHO
PARLIAMENTARY DEBATES
DAILY HANSARD
OFFICIAL REPORT OF THE SENATE
5th Meeting – First Session
Eleventh Parliament
Date: Tuesday 23rd, April, 2024
LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG
| 1.Hon. Seeiso B. Seeiso | Principal Chief of Matsieng |
| 2. Hon. Joel A. Motšoene | Principal Chief of Leribe |
| 3.Hon. Sempe Gabasheane Masupha | Principal Chief of Ha ’Mamathe, Thupa-Kubu, Teya-Teyaneng le Jordan |
| 4.Hon. Mamolapo M. Q Majara | Principal Chief of Ha Majara |
| 5.Hon. Tumane Matela | Principal Chief of Makhoakhoeng |
| 6.Hon. Moeketsi Moletsane II | Principal Chief of Taung |
| 7.Hon. Lerotholi Mathealira Seeiso | Principal Chief of Mokhotlong |
| 8. Hon. Lerotholi L. Seeiso | Principal Chief of Likhoele |
| 9.Hon. Nthati Bereng | Principal Chief of Phamong |
| 10.Hon. Mojela T. Makhaola | Principal Chief of Qacha’s Nek |
| 11.Hon. Seeiso S. H. Nkuebe | Principal Chief of Quthing |
| 12.Hon. Nthupi A. Bereng | Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote |
| 13.Hon. K.L.K Khoabane | Principal Chief of Thaba-Bosiu |
| 14.Hon. Mitchel S. Maama | Principal Chief of Ha Maama |
| 15.Hon Moholobela M. Moholobela | Principal Chief of Matelile |
| 16.Hon. Bereng G. Seeiso Api | Principal Chief of Ha Ramabanta le Kubake |
| 17. Peete Lesaoana Peete | Principal Chief of Koeneng le Mapoteng |
| 18.Hon. ’Mako T.Mohale | Principal Chief of Tajane, Ha Moetsana le Ha Mohale |
| 19. Hon. Khoabane T. Mojela | Principal Chief of Tebang, Tšakholo le Ha Seleso |
| 20. Hon. Retšelisitsoe Mopeli | Principal Chief of Botha-Bothe |
| 21.Hon. Pontšo S. Mathealira | Principal Chief of Tsikoane, Peka le Kolbere |
| 22.Hon. Qeto Sekonyela | Principal Chief of Malingoaneng |
| 23.Hon.’Mawinnie Kanetsi | Senator |
| 24. Hon. Lebona Khoaele | Senator |
| 25. Hon. Thabiso Lebese | Senator |
| 26. Hon. ‘Maphakiso Lebona | Senator |
| 27. Hon. ’Mabataung Patricia Mokhathali | Senator |
| 28. Hon.Sehlooho HenryMonatsi | Senator |
| 29. Hon. ‘Makholu Moshoeshoe | Senator |
| 30. Hon. Neo Matjato Moteane | Senator |
| 31. Hon. Seabata Motsamai | Senator |
| 32. Hon.Richard Ramoeletsi | Senator |
| 33. Hon. Limpho Tau | Senator |
PARLIAMENT OF THE KINGDOM OF LESOTHO
SENATE CHAMBER
TUESDAY, 23rd April 2024
The House assembled at 10:30 a.m.
(MR. VICE PRESIDENT in the Chair)
PRAYER
The Chaplain led the House in Prayer
COMMUNICATION FROM THE CHAIR
MR.VICE PRESIDENT: Kea le lumelisa, Litho tse Khabane, ka morao ho phomolo ea Paseka, eo ke tšepang hore le e ketekile ha monate ka khotso le ka mofuthu; Phomolo eo e ileng ea etelloa pele ke mosebetsi o mo ngata haholo oo le ileng la sebetsa ka thata bosiu le motšeare ho fetisa Litšoantšo tsa Molao, tse ‘ne kaofela, eleng sane sa:
- Occupational Safety and Health Bill, 2024;
- Labour Bill, 2024;
- Administration of Estate and Inheritance Bill, 2024 eo re ntseng re hopola ka hloko hore na ntlha-kemo ea Ntlo e ile eaba efe ho eona;
- Ha ‘moho le Appropriation Bill, 2024.
Eleng ho re ruri, Litho tse Khabane, le ile la sebetsa ka boima bo boholo haholo pele le ea phomolong ea Paseka, empa kea tšepa hore joalokaha ke se ke boletse le e ketekile hamonate Paseka eo.
Announcements:
Re na le litsebiso tse tšeletseng, Litho tse Khabane, tseo ke kopang hore ke li fetisetse ho lona kapa ke fane ka tsona ho lona.
Tsebiso ea pele:
- Ke hore ho na le litokomane tsa tšebetso tseo ke kopang hore le tle le li fuoe, Litho tse Khabane, le tsebe ho ithuta tsona. Litokomaneng tseno ea pele ke litlaleho tse peli tsa Komiti ea Ketsa Molao holimá Melaoana e latelang:
Oa pele, Communication Subscriber Identity Module Registration Amendment Regulations 2024.
Ebe Molaoana oa bobeli ke Road Traffic Amendment of Schedule Regulations 2023.
Ke Tokomane ea pele e ts’oereng Melaoana eno e ‘meli.
Tokomane ea bobeli ke tlhahiso ea ho thehoa hoa Komisi ea mafapha a fapaneng holimá mobu, eleng Establishment of Inter-Agency Commission on Land. Tlhahiso eno ke ea Honourable Senator Motsamai, ‘me le eona le tla e fuoa.
Tokomane ea Boraro ke tsebiso ea Lipotso ka matsatsi a fapaneng ao a abetsoeng Lipotso tsa lona, Litho tse Khabane.
- Tsebiso ea Bobeli ke ea hore re le Ofisi re boetse re fumane lengolo la tletlebo, eleng Petition, le tsoang ho baahi ba Ha-Tšosane, le mabapi le sebaka sane seo ho qhalloang lithole ho sona mane Ha-Tšosane. Sehlooho sa tletlebo ena se baleha ka tsela e latelang:“Petition to remove Tšosane Dump-Site that poses Environmental and Health Hazards to our Community”.
‘Me Litho tse Khabane ho latela Standing Order Number 72 (2), Tletlebo ena e fetisetsoa ho Komiti ea Litletlebo ho e sebetsa.
- Tsebiso ea boraro, e ntseng ele mabapi le lengolo lena la Tletlebo, ke hore hang ha Ntlo e phomola kajeno, Litho tse Khabane, Komiti ea Litletlebo e tla kopana hona ka mona ka Chamber le baahi ba Ha-Tšosane.
- Tsebiso ea bone ke hore hosane, Litho tse Khabane, ka Laboraro, Komiti ea litaba tsa Bophelo bo botle, Phepo e nepahetseng le Litaba tsa Tekano e tlaba le baeti ho hlaha LPPA, moo ba tl’o bua le Komiti hammoho le lona bohle Litho tsa Ntlo ka litaba tsa Tekano le Bophelo bo botle, haholo-holo litaba tsa Mofetše oa botona le tlhahlobo ea teng, Lefu la Tsoekere le litaba tsa phallo e phahameng ea mali, eleng High Blood. Thuto ena ea LPPA e tla lateloa ke tlhahlobo ea mafu ana hona koano moahong oa Ntlo ea Senate kamoo ho tla etsoa litlhophiso kateng.
Litho tse Khabane li khothalletsoa hore li tle li nke karolo mosebetsing ona oa bohlokoa.
- Tsebiso ea bohlano, Litho tse Khabane, ke hore le tla hopola hore re Litho tsa Mokhatlo oa Liparamente tsa Machaba, eleng CPA (CommonWealth Parliamentary Association), ‘me re tla lula re le Litho ka ho lula re nchafatsa botho ba rona ka ho ntša seabo. Seabo sa rona ke M50.00, ‘me re tlameha ho qalella ho nchafatsa botho ba rona.
Tsebiso ena ho ne ho ngotsoe mona hore ho tla ntšuoa ho Tafole, empa joale ke ile ka hlophisa hore re tlohele Tafole, re hle re be specific hore na ke mang ea ikarabellang. ‘Me litaba tse joalo li tla isoa ho Deputy Clerk, eleng Ntate Khotso Manamolela.
- Tsebiso ea ho qetela, Bahlomphehi, ke tsebiso ea lefu la Mohlomphehi ‘Matlelima Anna Hlalele, eo ekileng ea e-ba Motlatsi oa Letona Lekaleng la Likoporasi, Ntšetso-pele ea Metse e ka thoko ho literopo, Bacha, Lipapali le Litaba tsa Basali.
Mofu o hlokahetse ka la 24 Tlhakubele, 2024, ‘me o bolokiloe Maseru ka la 05 ‘Mesa selemong sona sena. Mohlomphehi ‘Matlelima Hlalele ke mosali oa pele oa hoba Letona ‘Musong oa Motlotlehi ka selemo sa 1986. O ile a ipabola litabeng tse amang Temo, Phepo e nepahetseng, Litokelo tsa basali le Boikhollo bofumeng.
Hará e meng ea mesebetsi ea hae e bile mothehi oa Safe Our Souls Children’s Villages Lesotho, Herman Mayor School le Mokhatlo oa Maqheku o bitsoang Maseru Women Citizens Association. Ntlo e kopa hore Litho tse Khabane li ke li eme, re khutse motsotsoana ele ho isa tlhompho ho mofu ‘Me’ Matlelima Anna Hlalele.
[Moment of silence observed]
Rea leboha, Litho tse Khabane.
Moea oa ‘Me’ Matlelima Anna Hlalele le Balumeli bohle ba falletseng o phomole ka khotso Mohaung oa Morena.
Litsebiso tsena, Litho tse Khabane, li re fihlisa pheletsong ea mosebetsi oa Ntlo letsatsing la kajeno, ‘me ke kopa Litho tsa Komiti ea Litletlebo hore tlhophiso ke hore ba tl’o kopana le baahi ba Ha-Tšosane ha Ntlo e phahama kajeno.
Ntlo e tla phomola hofihlela hosane ka 10:30 a.m.
ADJOURNMENT
There being no further Business on the Order Paper, Mr Vice- President adjourned the House without Question put, pursuant to Standing Order No. 16 (3).
The House was adjourned accordingly at 10:45a.m.