OFFICIAL REPORT OF THE SENATE
DAILY HANSARD
6th Meeting – First Session
Eleventh Parliament
Date: Tuesday 3rd JUNE, 2025.
LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG
| 1.Hon. Seeiso B. Seeiso | Principal Chief of Matsieng |
| 2. Hon. Joel A. Motšoene | Principal Chief of Leribe |
| 3.Hon. Sempe Gabasheane Masupha | Principal Chief of Ha ’Mamathe, Thupa-Kubu, Teya-Teyaneng le Jordan |
| 4.Hon. Mamolapo M. Q Majara | Principal Chief of Ha Majara |
| 5.Hon. Tumane Matela | Principal Chief of Makhoakhoeng |
| 6.Hon. Moeketsi Moletsane II | Principal Chief of Taung |
| 7.Hon. Lerotholi Mathealira Seeiso | Principal Chief of Mokhotlong |
| 8. Hon. Lerotholi L. Seeiso | Principal Chief of Likhoele |
| 9. Hon. Theko D. Bereng | Principal Chief of Phamong |
| 10.Hon. Mojela T. Makhaola | Principal Chief of Qacha’s Nek |
| 11.Hon. Seeiso S. H. Nkuebe | Principal Chief of Quthing |
| 12.Hon. Nthupi A. Bereng | Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote |
| 13.Hon. K.L.K Khoabane | Principal Chief of Thaba-Bosiu |
| 14.Hon. Mitchel S. Maama | Principal Chief of Ha Maama |
| 15.Hon Moholobela M. Moholobela | Principal Chief of Matelile |
| 16.Hon. Bereng G. Seeiso Api | Principal Chief of Ha Ramabanta le Kubake |
| 17. Peete Lesaoana Peete | Principal Chief of Koeneng le Mapoteng |
| 18.Hon. ’Mako T.Mohale | Principal Chief of Tajane, Ha Moetsana le Ha Mohale |
| 19. Hon. Khoabane T. Mojela | Principal Chief of Tebang, Tšakholo le Ha Seleso |
| 20. Hon. Retšelisitsoe Mopeli | Principal Chief of Botha-Bothe |
| 21.Hon. Pontšo S. Mathealira | Principal Chief of Tsikoane, Peka le Kolbere |
| 22.Hon. Qeto Sekonyela | Principal Chief of Malingoaneng |
| 23.Hon.’Mawinnie Kanetsi | Senator |
| 24. Hon. Lebona Khoaele | Senator |
| 25. Hon. Thabiso Lebese | Senator |
| 26. Hon. ‘Maphakiso Lebona | Senator |
| 27. Hon. ’Mabataung Patricia Mokhathali | Senator |
| 28. Hon.Sehlooho HenryMonatsi | Senator |
| 29. Hon. ‘Makholu Moshoeshoe | Senator |
| 30. Hon. Neo Matjato Moteane | Senator |
| 31. Hon. Seabata Motsamai | Senator |
| 32. Hon.Richard Ramoeletsi | Senator |
| 33. Hon. Limpho Tau | Senator |
PARLIAMENT OF THE KINGDOM OF LESOTHO
SENATE CHAMBER
Tuesday 3rd June 2025
The House assembled at 10:30 a.m.
(MADAM PRESIDENT in the chair)
PRAYER
The Chaplain led the House in Prayer
MADAM PRESIDENT: Litho tse Khabane, ke kopa re qaleng mosebetsi oa letsatsi, ‘me ke kopa ke qale ka ho lumelisa. Rea leboha rea le amohela le bo-’m’e Mafumahali a ileng a nka karolo litabeng tseo ho neng ho uoe ho tsona ke kh’ok’hase ea bo-’m’e, ’me rea ba amohela. Re kholoa hore ba tla re qhatsetsa, ha ba na le nako, tsa koana moo ba tsoang teng, kaha tsa tsela ha li fele, Honourable Senator.
ANNOUNCEMENTS FROM THE CHAIR
Litsebiso tsa letsatsi la kajeno. LITSEBISO TSA LA 3rd JUNE 2025:
- Ea pele, ke ea hore hang ha Ntlo e phomola kajeno, Komiti ea rona ea Business Committee e kopuoa hore e kopane ka mane ka ofising ea Mookameli ho tla betla tsela ho ea pele ho tloha kajeno.
- Tsebiso ea bobeli, Litho tse Khabane, ke hore re na le pampiri e tala eo re e romelletsoeng marang-rang moo, haeba le ea e bona, ke Notice of Urgent Motion eo le e fuoeng ka marang-rang, Bahlomphehi ba ka. Eona e kopela ho tekoa hoa tlaleho ea Komiti ea Ketsa-Molao e holim’a Sets’oants’o sa 10th Amendment to the Constitution Bill, 2024 ka tlaleho e-s’o butsoe ho latela Standing Order number 85 (5).
- E hlahlamang, Litho tse Khabane, tsebiso ke ea hore kajeno hape ha Ntlo e phomola Litho li memetsoe thupelong e khuts’oanyane eo holim’a Afrobarometer e tla ba Lehakoe Recreation Centre, ’me Litho tse Khabane e tla re hang ha Ntlo e phomola ha Litho tse ling li ea ho Business Committee tse ling li be li se li ntse li toba hona Lehakoe. Kea kholoa hore Bahlanka ba lona ba tla le thusa hore ba il’o le fihlisa le ho le tataisetsa moo. Ebe Litho tsa Business Committee tsona li tla kopana le Litho tse ling tsohle kaofela.
Hosesane ka Laboraro la la 4 Phuptjane Ntlo e tla fetisa Sets’oants’o sa Molao sa 10th Amendment to the Constitution Bill, 2024 ‘me Sets’oants’o sena, Litho tse Khabane, le tla hopola hore se na le likarolo tse fapaneng; ke tsena tse hlokang simple majority, ho na le tse ling tse hlokang two-thirds (2/3) ea Ntlo ea Bakhethoa.
Ke boipiletso ba rona re le botsamaisi hore re ke re etse tsohle tse matleng a rona hore re tle re fihle re be teng mosebetsing hosesane e le hore re tsebeng hore re atlehise ho fetisa tseo tse hlokang 2/3 ea rona.
Ha re sitoa ho etsa 2/3, Litho tse Khabane, li-tla-morao ke hore Bill ea mofuta oo kaofela e oelelletse, ‘me e ke ke ea tseba le ho kena ka 11th amendment; e se e tla ea ho tseo tse hlokang 2/3 kaofela li se li tla ea ho referendum, ‘me referendum rea e tseba ke ntho e tlang kamor’a nako e telele hakae, hobane e le ntho e turu! E turu joalokaha re ea likhethong.
Ho molemo haeba re sebeletsa sechaba sena kannete le ka tieo re lekeng hore tseo re ka khonang hore re li fetise re li fetise, empa tseo re sitoang ho li fetisa ka mabaka a litaba tsa tsona le teng ke ntho e utloahalang. Eseng hobane mohlomong re sitiloe hoba teng mosebetsing. Ke boipiletso ba rona, Litho tse Khabane.
Ke kopa ts’oarelo, Litho tse Khabane, ke ntse ke lieha tjena hoba ke hona ke ntseng ke ithuta ho sebelisa directly taba ena eo re e fuoang mona, ‘me ke kholoa hore le lona Litho e ntse e le kuka nako e telele ho tloha pampiring e ‘ngoe ho ea ho e ‘ngoe.
Question, that Standing Order No. 31 (3) be applied, put and agreed to.
URGENT MOTION
MOTION 44: SUSPENSION OF STANDING ORDER NO. 86 (3)
HON.SENATOR. S. MOTSAMAI: Ntumelle, ‘Me President, Tafole le Litho tse Khabane, ke eme mona ho polanya tlaleho ea Komiti ea molao holim’a litaba tsa the 10th Amendment.
Ke ema mona ho kopela Motion ona o balehang tjena:
Hoo re ho kopang ke ho fanyeha Standing Order number 86 (5) e kopang hore Ntlo ena e behelle ka thoko e le ho lumella hore tlaleho ea komiti ea molao e sa kang ea etsoa circulate ka har’a matsatsi a mabeli a notice ahlokahalang re e behelle ka thoko.
I so move.
HON. K.L.K. THEKO: I second the Hon Senator’s, Mohlomphehi oa ka. Ke ema ka ho mo tlatsa, ‘M’e.
MADAM PRESIDENT: Kea leboha, Setho se Khabane. Ke teka taba hore na does this Hon. Senate resolve to suspend Standing Order number 86 (5), which reads as thus: a committee report may not be debated in the Senate unless it has been circulated to all Senators at least 2 days prior to the intended debate in the Senate. This is done in respect of the following report: report of the legislation.
QUESTION PROPOSED
HON. SENATOR L.M. SEEISO: Kea leboha, Madam President. (Hana rea ema?).
Kea leboha, Madam President, ka motsotso ona oo u mphileng oona. Ke ne ke re, Madam President, ka hare ho litaba tsena tsa Tenth Amendment, ke litaba tsa bohlokoa haholo tseo re tlamehang ho bua re inahanne ka bohlokoa ba tsona.
Taba ena e hloka hore Litho tse Khabane li fuoe pampiri ena ea Raporoto ea Tenth Amendment, li ithute eona e le hore ha ba fana ka maikutlo a bona ba be ba hlaketsoe. Re se ke ra e sobokella feela hore e tsebe ho feta!
Ke oona maikutlo a ka, Mohlomphehi, kea leboha.
(Pause)
Ke hore re e etsetse voting, hee!
(Laughter)
MADAM PRESIDENT: Ae, Setho se Khabane, joalokaha ke ile ka re litaba tsena tsa hau ke litaba tsa bohlokoa, tse utloahalang, ehlile morero oa Liraporoto oa hore li n’o qete matsatsi a mabeli e-ee be e le oona ono oa hore Litho tse Khabane li ithute tsona pele e le hore li tle li tsebe li-Bill tsohle; le litaba tse sebelitsoeng ka Komiting ba tle ba tsebe ho ithuta tsona, ba li utloisise, ba tsebe ho etsa inputs holim’a tsona.
Joale empa ha re se re e entse e le Urgent Motion tjena ke ho bonts’a hore re se re se na nako e lekaneng, ‘me ka Motion ona re kopa Litho tse Khabane ho amohela hore taba ena ba e utloele hona mona seemeng, ‘me ba e mamelisise ba be ba e nkele qeto hona kajeno.
Question that this Honourable Senate resolves to suspend Standing Order No.86(5) which reads as thus “A committee Report may not be debated in the Senate unless it has been circulated to all Senators at least two days prior to the intended debate in the Senate.” This is done in respect of the following Report:
Report of the Legislation Committee on Tenth Amendment to the Constitution Bill, 2024, put and agreed to.
MADAM PRESIDENT: Kea leboha, Litho tse Khabane.
Ntate Chairperson, ke kopa u tsoele-pele ka Report ea Komiti.
HON. SENATOR S. MOTSAMAI: Ha ke tsebe, ‘M’e President le Tafole, empa ke ne ke ile ka nahana hore e tla tataea ka hore Ntlha e Hlahlamang-empa hee, ere ke eme, ‘M’e, joalokaha u se u boletse hore ke eme.
Ke lebohe Litho tse Khabane ka-nnete ka taba ena e qetang ho etsahala.
Ke ema mona to table the Legislation Committee Report of the Review of Tenth Amendment to the Constitution Bill, 2024.
Mohlomphehi, Tlaleho ena eo re e ts’oereng kajeno ke mosebetsi o entsoeng ke Komiti ka Litho tsa eona tse leshome le metso e mene (14) joalokaha li thathamisitsoe kahar’a Tlaleho ka mono. Re ile ra fumana bots’ehetsi ba Bohlanka boo le bona bo thathamisitsoeng hore na Bohlanka boo ba rona bo eme ka tsela e joang.
Re tla hopola, Bahlomphehi, hore Komiti ena ea Molao mosebetsi oa eona oa mantlha o batla o hlakisitsoe haholo Litemaneng tsa Standing Order No.90(1) moo e hlalosang mesebetsi ea eona, oo oa mantlha e leng ho hlahloba Lits’oants’o tsa Molao tse tlang ka Ntlong ka mona, e re ha li qetuoe e be li khutlisetsoa ho bona hore ba li shebe. Joale empa ho ka sehloohong ke ho hlahloba hore na li ikamahanya le Molao oa Motheo kapa Melao e meng, kapa ha li hohlane le lintlha tse ling tsa Melao tse seng li ntse li le teng, e be bona ba tla tseba ho sheba.
Ho tloha mono empa ho etsa mesebetsi eo ka eona ba e fuoeng ke Ntlo ena ke oona mosebetsi oa rona oa mantlha ono.
Ha re sheba hore na mosebetsi oa rona o ne o ipapisitse le eng, e leng ntho eo re ka ra tloahelang ho e bitsa hore ke background, re tla hopola hore Basotho ke sechaba se ileng sa lumela hore taba ea Tlhopho-Bocha e be taba e teng ka hare ho naha ea Lesotho, ‘me litaba tsena li na le nalane e telele.
Mothati o mong oa teng oa mantlha ke oa hore e be ka la mashome a mabeli a metso e robong, khoeling ea Mphalane, selemong se fetileng sa 2024, re ile ra fumana Sets’oants’o sena sa Molao se ileng sa tla ka koano, ‘me sa fetisetsoa Komiting joalokaha e le tloahelo ea ts’ebetso.
Tsela eo re ileng ra sebetsa ka eona ke hore re ahile Tlaleho ena ka mafapha a ka bang mahlano ka tsela eo re tla sebetsa ka eona. Ea pele, ke eona ena e neng e etsa selelekela sa Tlaleho ena (introduction of the Report). Ea bobeli, e hlalosa hore na katamelo ea rona ebile ea mofuta ofe. Ea boraro, eona e tla bua ka taba ea hore na ka kakaretso Sets’oants’o sena sa Molao se jere eng, ‘me le lintlha tseo re reng re li fumane ebe re se re re re tla qetella ka ho etsa qeto (conclusion).
Bahlomphehi, ha re nka ntlha ena ea bobeli e buang ka hore na re sebelitse joang, Komiti e ile ea ikeletsa ka hore ha e se e fumane Sets’oants’o sena sa Molao, ke ka eona hore e tle e fumane hore Lekala le ke le tl’o tla le hlakisa, le polanya kapel’a eona lintlha-kholo tsa Sets’oants’o sena sa Molao, haholo-holo re sheba taba ea the objects and the scope of the Bill ekasitana le lintlha tseo ka kotloloho e leng tsona lits’iea tsa Sets’oants’o sena sa Molao se amanang le ho Hlomathisa Molao oa Motheo.
Komiti e boetse hape ea ikeletsa hore e shebe hore na ke bo-mang ba chang ba ts’ola Sets’oants’ong sena sa Molao, e le hore ba ke ba tle ba se shebe ha se se se bopehile Se-Molao tjena hore na maikutlo ana na ba a bona joang, ‘me ba tle ba tsebe hore ba hlahise maikutlo a bona.
Ka kakaretso re bile le batho kapa lihlopha tse fetang leshome le metso e mehlano tseo re sebetsaneng le tsona re le Komiti. Taba ena re ne re e etsa to fulfil Standing Order No.90 (3) moo re neng re batla oral and written evidence ho lihlopha tsena tse chang li ts’ola (stakeholders).
Ke kopa ke fete, ke bonts’e nalane ea hore na re tsoa ho kae le litaba tsena.
Bahlomphehi, litaba tsa Tlhopho-Bocha li qalile khale, feela ka mekhahlelo e ‘meli e batlang e qhalakane. Ka 2004 ho ne ho buua ka Parliamentary Reforms. Taba eno ka bo-eona e ne e bonts’a hore ho na le kae-kae moo Basotho ba reng ba hloka hore ba lokise litaba hona teng.
Ra boela hape ka 2014 ra qalella ho kena joale re se re hlaha ka lintlha tseo ka kotloloho re reng re batla ho sebetsa ka tsona, ka ts’ehetso ea bao re neng re sebetsa le bona, hobane lea hopola hore litaba tsena tsa Tlhopho-Bocha ka kakaretso li tlile hobane naha ena e ile eaba boemong bo bolutu. Ho ile hoa e ba le bolutu ka hare ho naha ena, hoa e-ba le likhohlano le taba eno ea conflict e ileng ea re nka nako e ngata. Kahar’a eona ba bang ba lahlehetsoe ke maphelo ha ba bang ba ntse ba le toronkong le kajeno.
E leng hore nalane ea naha ena e re re fetole hore na hana lebili lena la khotso le tsoile seporong hokae. Ke mona moo ho ileng hoa qetelloa taba eno ea hore re etse qeto ea Tlhopho-Bocha, ea re fa li-process tse re thusang hore re sebetsane le eona. Ke hona mona moo taba ea Tlhopho-Bocha e ile ea hlaha teng.
Re ka hopola hore re na le ntho eo re neng re e bitsa bo-Leaders Forum. Re na le bo-NRA (National Reforms Authority). Re na le ba neng ba etsa ‘ona mosebetsi ono.
Ke kopa hore ke fete, ke bonts’e hore re ile ra fumana mohau ono oa hore re hlakise hore na hantle sepheo sa Bill ena e etsa address lintlha life. Sepheo sa teng ke hore re etse Sehlomathiso Molaong oa Motheo oa 1993, oo re hopolang hore, che, re se re e-na le lilemo tse ngata ka oona.
E kholo ke hore Lihlomathiso tsena e be tse hlahileng moo re neng re leka hore re bone na li tla tlisa botsitso ka har’a naha ea Lesotho joang ka lintlha tsena.
Ke fete, Mohlomphehi, ke bonts’e hore taba ea 3.3 ke arrangement of the Bill, ka mokhoa oo e leng kateng le ka tsela eo re ileng ra e fumana ka eona.
Ke kopa hore ke mathele ntlheng ea bone e reng observations and recommendations. Re bile le lintlha tseo ka tsona re li hlokometseng e le tsona tseo re reng ke lintlha tsa bohlokoa ho latela hore na Komiti ha e kopana le Litho tse ling na re ile ra sebetsa joang.
Re ile ra kopana le Lekala, ‘me lona ha re se re kopane le lona la etsa emphasise lintlha tse kholo tsa hore taba ena ea Sets’oants’o sena ke ho hlomathisa Molao ona ka li-Clause tseo tse ling tsa tsona li buang ka lipuo tse ka sebelisoang ka har’a naha ea Lesotho (three official languages), tse kenyelletsang puo ea IsiXhosa, IsiPhuthi ekasitana le taba ea Puo ea Matsoho (Sign Language).
E ‘ngoe e kholo ke taba eo re tloahetseng hore ke ho etsa introduce affirmative action eo ka eona e leng hore na batho bana bao re ba nkang ba sekisetsoa na ke batho bao re ka nkang ba sekisetsoa, na ke batho bao re ka tsebang hore ba ka sebetsa joang, ‘me Constitution e ba beha kae, re tsebe ho bona hore na le bona ba ka kenya letsoho joang litabeng tse ba amang.
E ‘ngoe hape ke taba ea hore na tsamaiso ea rona re bona eka re ka tseba ho sebetsa joang tabeng ea moo re kenyang mokhoa oa ts’ebetso ea Matlo ana a Mabeli.
Ntlheng e ‘ngoe hape ke hore re bue ka taba eo re reng litsi tse ts’oanang le bo-DCEO na re li tackler joang le litsi tse ts’oanang le tsa ho etsa Human Rights Commission. E leng hore ke lintlha tseo re reng li hlaha kahar’a Sets’oants’o sena, ‘me ke hona moo re reng se ne se reretsoe hore se tsebe ho nanabetsa le ho bona hore na litaba tseo li ka fetoha joang, ho kenyelletsoa ekasitana le Ofisi ea Auditor General le tse ling.
Sena ke seo Bill ena e tlileng ka mona e le sona.
Ts’ebetsong eo ea rona ke moo re ileng ra qetella re batlile bona batho bana bao ke ileng ka re ke li-stakeholder, e leng ba chang ba ts’ola. Joalokaha ke chulo ka re ba feta leshome le metso e mehlano, le bona ba ile ba ‘na ba polanya lintlha-kholo tsa bona.
Re bonts’e hore ke ho tloha ka lona Lekala, Office ea Obusdsman, ka bo-Ministry of Foreign Affairs! DCEO le Litsi tsa Ts’ireletso ka boholo ba tsona tsona ebile li ne li ipheta. E le, Mekhatlo e ikemetseng bo LCN, Naka la Mohlomi, DPE le ba bang ekasitana le Mokhatlo oa Marena a Puso ea libaka ekasitana le Botsamaisi ba Paramente ea Lesotho.
Lintlheng tsena kaofela ba hlaisitse lintho tse ngata tseo ke tla li habanya feela, ‘me har’a tse ling li latela joana:-
5.1 Office of the Auditor General
Ba ha Auditor General ba ile ba hlaisa taba ea bona ea hore mohlomong ba bona taba ea Schedule 4 ho Bill mona, moo ‘Auditor General’ a hlahang hona teng towards the end of the ‘Hierarchy Order ea Specified Officers e shejoe, ‘me ke ka tsela eo ba ileng ba re fa eona. Empa ho feta mono, lintlha tse ling ba ne ba bona ba li ananela. E kholo-kholo ke hore e ‘ngoe e ne e le hore ho bonahala li-power tsa bona li sihiloe, li behiloe ‘Under Specified Officers’. Empa the Office of Ombudsman e ile ea hla ea tla ka lethathamo le lengata, moo ba neng ba bonts’a ntho e kholo-kholo ea bona e ne e le taba ea independency ea bona leho fetola lebitso e be ‘Public Protector’ ka mesebetsi e beuoeng mono hape le litaba tsa appointment ea bookameli ba Office eno, ele hore Office eno ka bo eona e ikarabelle Paramenteng. Ke lintlha-kholo tseo ba neng ba re fa tsona.
Ra kena Ofising ea DCEO. Ntlha e kholo ea bona le bona e n’e nts’ele eno ea ho fetola lebitso ho tloha ho DCEO ho tla ho Lesotho Independent Anti-Corruption Ethics Commission [LIAEC],
empa hape le tsela ea ts’ebetso le bona ba ikarabella Paramenteng le hore ba tsebe ho bona hore ba na le li-structure tse ba lumellang ho etsa mosebetsi oa bona, le taba ea terms of Reference tsa Security ea Director General ea bona ka tsela eo ba reng, e tlohe tabeng ea political interference e tsebe hore e etse mosebetsi oa eona ka kotloloho.
Ke kopa ke fete ke kene ho e latelang.
5.4 Ministry of Public Service
Public Service eo le eona e kileng ea ‘na ea hlahisa lintlha tsa eona tse kholo-kholo, empa har’a tse ling tsa eona e ne e ntse e bua ka taba ea Chief Accounting Officer – which we mention as improper since there were instances where there was more than one Principal Secretary. Hantle ntho e kholo ea bona mona, ke hore ba tsebe ho bona na ba ba accountable ka tsela e joang le hore na tlas’a lintlha lifeng, ‘me taba ena ke ntlha kholo e ileng ea hlaha.
5.5 Public Service Commission
Public Service Commission e ne e sena lintho tse ngata hakaalo; ene ese ele taba ea li-Clause tse ling, moo ba neng ba bua ka re-arrangement ea tsona hore na ba ka rata ho li bona li ka tsa sebetsahala joang.
5.6 Ministry of Foreign Affairs
Ho Ministry of Foreign Affairs ntho kholo e n’e le taba ea hore na o etsa professionalise taba ea bona ea boemeli ba Naha ea Lesotho Machabeng joang. ‘Me ntlha e kholo e ne e le ea hore ho shejoe taba ea hore li-appointee tse eang moo na ke tse fetileng methati efe? Mohlomong ba bua ka mokhoa oa hybrid, hore ebe ba nkuoang ebe re ka ba nka ele ‘political appointees’ empa joale re be le ‘li-career diplomat’ tseo ba tla tseba hore bana re tsebe ho tsitsa ka bona, ‘me le ho etsa identify hore ekaba place moo ho ka sebetsoang joang, mission tsa mofuta ofe?
5.7 National Security
Litsi tsa Ts’ireletso, ‘M’e President le Litho tse Khabane, li ile tsa hla tsa tla ka mekhahlelo ea tsona kaha mona ho na le moo Bill ena e ba kopanyang, ho na le moo e buang ka Litsi ka bonngoe, ‘me taba e kholo ea bona e ne e ntse e le ea hore le bona ba tsebe hore ba be le li-structure tse ba thusang hore ba balehe ts’uts’umetso ea Lipolotiki, le Lipolotiki li balehe ts’uts’umetso ea bona. Ke ntho e kholo-kholo eno.
Taba e ‘ngoe hape ene ele ho lokisa mabitso, joaloka setsi sa ‘National Security Services’ hore ba ka rata hore ba bitsoe joang ebile le hore ba tsebe ho bona le moo ba kopanelang mosebetsi, kahaho bonahala kotsi kapa taba e kholo in the paste ne e le moo ho sa sehelanoeng moeli, u fumane setsi sa Sesole se se se kene moo eleng mandate oa setsi sa Sepolesa, ‘me taba eno e ile eaba taba e kholo haholo, e reng Sets’oantso sena sa Molao se leke hore se tsebe ho thusetsa hore ho arolelanoe mesebetsi, empa ha ho etsoa complement; hase hore ho arolelanoe hore e mong a be independent joale a etse ho fapaneng le hoo Naha e ka tsebang ho bua ka hona, ‘me taba eno e ile ea eba taba ea bohlokoa haholo.
5.8 The Lesotho Defence Force (LDF)
Nakong eo re seng re sebetsana le Lesotho Defence Force ka kotloloho, emphasis ea bonae n’e le tabeng ea ‘National Security’ architecture moo taba ea bona e ne e hlahisoa ho shebanoe le taba ea ‘Estabilishment and Restructuring of the National Security Institutions’, as they appear in 145 1C kahare ho Sets’oants’o sena moo ho shebanoeng le taba ea hore ho etsoe pursue National Security through coordinated application of all means of the state power.
Lintlha tseno ke tse etsang hore ho lekoe hore ho sebetsoe ‘moho. Mohlomphehi le Litho tse Khabane.Ba hlahisitse lintlha tseno tsa bona ka kotloloho hore ba bona eka ke lintlha-kholo tseo bona e le Litsi, eleng LDF, eka sebetsanang le tsona.
Lesotho Mounted Police e ne e sena lintho tse ngata, feela emphasis e ne ntse e le ea hore…
MADAM PRESIDENT: Hon. Senator, ka lebaka lona lane la hore Litho tse Khabane ha li ea fuoa lipampiri pele kajeno, ke utloa u matha lebelo leo ba ka sitoang ho etsa capture lintho hantle, joale ke kopa hore – haholo bao eseng Litho tsa Komiti, ba tla tsieleha. Ke ne ke re u be detailed, u se k’a li etsa summarise hobane u re mohlomong le se le ntse le li tseba – ba bang ha ba li tsebe.
U ka tsoelapele, Setho se Khabane.
HON. SENATOR S. MOTSAMAI: Kea leboha, Madam President. Kannete ke ne ke lebeletse hore, Morena oa Thaba taba, eno e tla hlaha from the floor, empa hee, e re ke nke confidence ea Madam President, ke tsamaee le eena. Che! Le hore o tsoa Morija.
5.9 Lesotho Mounted Police Service
Taba e kholo mona, Lesotho Mounted Police Service proposed change of the name ea National Security Agency ba re mohlomong e bitsoe National Security Institution. Ke mane moo eba kopanyang teng hore re sebetsana le taba eno re le ‘moho. Ebe taba eno ba etsa refer ho eona, ba re it involves role or functions of National Security. Moreover, ba bua ka taba ea hore LMPS eona e lumela hore section 145 (3) should be deleted because it was duplication of section 145 (1), which states there shall be National Security Agencies which shall consist of Lesotho Defence Force, Lesotho Mounted Police, Lesotho National Security Service and Lesotho Correctional Service which shall be the only Security Agency in Lesotho.
Ea bona e ne empa e le taba ea hore feela ho lekoe ho shejoana le taba eno. Ke bonts’e hape hore kannete bona ba ne ba se na lintlha tse ngata except horepoint to emphasise e ne ele taba ea hore ho sebetsanoe le taba ea hore ha ho etsoa mosebetsi or in perfoming functions and exercising their powers National Security Agencies and their members shall remain professional and apolitical. Ntho e kholo kannete e ne e le eane ea lipolotiki, eo ba neng ba bua ka eona, Bahlomphehi.
5.10 Lesotho Correctional Service
5. 10 hona Page 19 mono, Morena Masupha, ke moo ho buuang ka Lesotho Correctional Services eo eona kannete e ileng ea hlalosa hore ba fetoloe Service. Hape taba eo ba neng ba bua ka eona ke hore ba ka rata hore hothoe: ‘there shall be Lesotho Correctional Service that shall be responsible for administration of corrections in Lesotho established to provide a safe, secure and human custody of inmates and rehabilitation of offenders with the objective of reorieintation and shall be the only Correctional Service in Lesotho’.
Ke taba feela ea ho nchafatsa mandate ono oa bona hore na e hlahe joang. Joale empa e ‘ngoe e neng e le emphasis ea bona, e ne e bua ka hore ke taba ea hore ba tla ikarabella ho Minister who shall be answerable to the minister responsible for Correctional Services. Ke ntlha eo ba neng ba e hlakisa moo.
Ke ne ke batla ke fete (ha na ho itsoe ke seke ka feta? Nts’oarele, Madam) ke bonts’e LCS proposed in clause 23 Section 145 C hore it should read as follows: ‘appointment and removal of head of the National Security Agencies’. And, Section 149 5 should read as follows: ‘a person who has not sat in any National Security Agency shall not be appointed to the command of any National Security Agency’. Mona ba ts’oana le Setsi sa Sepolesa hore esekare ha u ile ua ba in another agency, mohlomong ka LCS ebe neng neng motho ea joalo a ka nkoa a fihla a etsoa appoint ea ba Head of LMPS kapa Head of NSS kapa Head of LDF, or vice- versa. Ba re in terms of ho re u boloke history, nalane le tsamaiso e nepahetseng-motho eba a etsa head in the final analysis e ‘n’e be motho eo oa one of the other agencies, ‘me a ile a ba le relationship le Litsi tseno hore a tsebe nalane ea teng, hobane joale ba bona taba eno ekaba taba e ba fokotsang, ‘me hangata ke e ‘ngoe e bakang instability ka lebaka la hose khotsofale hoa ba ntseng ba nahana taba ea succesion ekaba ntho e teng kahar’a li-institution tseno.
Eleng ho re ho bohlokoa, Bahlomphehi, ho ea ka bona hore succesion plan in each of every institutio, e lule e le ntho e ntse e ba teng hore ho tl’o tsebe ho etsoa take over.
5.11 The National Security Service (NSS)
The National Security Service, which is NSS, eona e ile ea etsa propose taba ea hore Lebitso leno la bona le fetohele into National Intellegence Service, bona ba tsebe ho iketsa aligned to mandate ekasitana le ho ea sheba the other sister organisations tseo ba sebetsanang le tsona hore na li ea hokae.
5.12 Media Institute of Southern Africa Lesotho- MISA-Lesotho
Mohlomphehi, re ile ra kena ho media institution, ‘me ke ha Media Institute of Sothern Africa Lesotho, e leng MISA, eo eona kannete e n’e se na lintho tse ngata empa e le taba ea hore they support The Tenth Amendment in the National Reforms Authority in its stages of development, ‘me ba thabetse hore media e ile eaba karolo ea Reform. The reiterated that Section 149 P in Clause 23 of the Bill had been captured very well, and then in principle well activated.
5.13 Development for Peace Education
Development for Peace Education (DPE) ba ile ba hlahisa lintlha tse ngata kannete tseo basically tse ling tsa tsona li neng li ntse li se outside of the scope of the bill as it is, eleng litaba tsane tse hlahang morao, empa e kholo e ne e le ea hore ba ile ba bonts’a hore ntlha-kholo eo ba buang ka eona ke hore Clause 12 of the Bill on Joint Sittings of the two Houses of Parliament ba na le taba tabeng eno hore e hlakisoe, empa ba boela hape ba bua ka taba ea Independent Election Commission eo ka eona re neng re bua ka taba ea hore e thusoe hore e se ke ea eba eona Register of political parties, ‘me ho shejoe tsela e ‘ngoe.
Ba ile bahlahisa ho nyollela litaba tsa borena ba Likuena, Thaba –Ts’oeu boemong ba hore e be li principal chiefs. Ke lintlha-kholo tseo bona ba ileng ba re fa tsona. Joalokaha ke chulo, Mohlomphehi, li ne li bonahala li qaqolohane ho latela na Bill eo e neng e leng matsohong a rona e ne e re’ng.
5.14 page 22, re ile ra kopana mona le former chairperson ea NRA Morena Pelele Letsoela, eo le eena a ileng a beha lintlha tsa hae. Ntlha-kholo ea hae o ile a tlisa to the attention of the Committee that the tenth Amendment to the constitution seems to have omitted so many pertinent issues that were raised in the plenary 2. He emphasised that the amendment will not serve the desired result which it was intended for.
Lintlheng tse ling tsa hae tseo a neng a tlile le tsona (o ne a bile a e ntsoe accompany ke the former member ea Komiti ea National Development… ae not National development!) o ne a bua tabeng ea NDPC le issue ea taba ea hore mona kahar’a Bill taba ea National Development Planning board e bonahala e setse, ‘me ke litaba tseo re neng re ka rata hore li kenyeletsoe.
Kea kholoa joaloka ha re ntse re cho, submission e ne e ntse e kentse lintho tse ngata tseo tse ling tsa tsona li neng li ntse li se within the limit ea this Bill.
Naka la Mohlomi re ile ra ba le lona page 24. 5.15 le eona e ile ea hlahisa lintlha-kholo tsa eona haholo litabeng tsa Ombudsman, Public Procurement Authority, Accountant General Bill, le litabeng tse ling tse amanang le registration of Political parties under section 78 of the Constitution. Ke lintlha tseo ba ileng ba re fa tsona, Mohlomphehi.
Re ile ra kena ho litaba tsa ka 5.16 on Lesotho Council of non-Governmental Organisation. Li page 25, Morena Masupha. Ba ileng ba hlahisa lintlha tsa bona based on the Bill and the plenary ea eona pleaded that the Government should always have the financial muscle to provide the assistance to carry out the transition of a language when the need arises. Taba ea hore mane ho ne ho se ho ntse ho buua taba ea ho amohela lipuo tse peli joale ho bonts’itsoe hore taba eo e keke ea ba automatic hore tokomane e ‘ngoe le e ‘ngoe e tla ba ka lipuo tseo, empa e tla ‘ne e etsa transit, kahaba bone e tla hloka budget, therefore ‘Muso o lokise.
Lintlha tse ling ka ‘nete li teng, empa e ne e le taba ea hore Clause 5 re tlose lentsoe ‘may’ re etse substitute ka ‘shall’. Che! Ba bonts’itse lintlha tseo tse ling ke bona eka li tla hlaha ha ntse re ea pele.
Madam President, u tla hlokomela hore li ne li le ngata lihlopha tsena tseo re neng re ntse re sebetsana le tsona, ‘me ke mokhoa ona e ileng ea re nka nako hore re shebane le tsona. Re nkile Local Government Councils re se re ntse re khannile mosebetsi oa rona, ‘me ba ile ba kopa ka ‘nete hore ba tle ba tl’o beha litaba tsa bona.
Hantle ntho eo ba neng ba bua ka eona, they proposed that Local Authorities should be allocated minimum of 20% of the National Revenue to enable them to carry out their mandates effectively. This demand was rooted in the belief that equitable resources distribution is essential for meaningful decentralisation and improved service delivery at the crossroad level. Ntho e kholo e ne e le taba eo ea hore ho isoe ts’ebeletso kapa matla sechabeng, ‘me a se ee feela a hlobotse, empa a ee le lichelete tse tlang ho etsa hore batho ba etse mosebetsi hobane mosebetsi o le matsohong a bona.
Ke kopana hape le mokhatlo oa Marena, ho tloha ka Marena a libaka eseng a Lihlooho. Page 27, 5.18 ke moo ba ileng ba bonts’a hore bona taba e kholo ea bona ke hore they noted the key provisions – specifically section 103 (a), 100(b) tse ileng tsa tlosoa kahar’a Bill ea pele, eo ba neng ba e ts’oere, joale ba se ba bona ea bobeli – ‘me taba ea bona ke hore dissolutions li bonahala tse neng li nka taba ea ho etsa undermine the role of customary institution of Governance and diminish committee representation in national decision making processes.
Taba ea bona e ne e le hona mono, ‘me ba bonts’a hore lintlha tsena tse ling li ntse li hlaha kahar’a plenary 2, ‘me ka hona taba ea bona e ne e le hore ba bona ba entsoe exclude from this Bill ka tsela ea hore ba tsebe hore ba etse enhance participatory governance.
Ra ba le Ntlo ena ea Parliament ka Presiding officers tseo le bona ba ileng ba hlahisa litaba tsa bona ho rona, ‘me ntlha e kholo eo ba e entseng submit as their proposal to the tenth amendment e ne e le tabeng ea bona e amanang le Clause 8 (b) to be amended to include the phrase ‘members of their staff’. Ke eona ea bohlokoa haholo, eo ho thoeng immediately following the work, National Assembly e tle hlahe kamor’a teng.
Ba ne ba se ba ntse ba le specific hore na ke li-clause lifeng. In addition, they suggest the introduction of the new sub-section 3 under clause 3 stating: before any power confavour in section 2 above, by the Parliamentary Service Commission or any other person or authority, the commission or that person or authority shall consult with the President or the Speaker of the National Assembly. Ke clause eo ba neng ba bua ka eona hore e ka kena. Tse ling e se e le tse buang ka parliamentary affairs tlas’a clause 12, joalo-joalo.
Ke kopa ke tle ho li-recommendation page 27. Ke e neng e bua ka litaba tse general tsane haeba lea hopola, bahlomphehi! Process ena e bile le mekhoa ea ho sebetsa, empa e ne e le tabeng e amanang le local authorities moo ho neng ho buua ka eona hore e ka tseba hore na e ka kena joang taba ea paramount chief, ea composition of the Senate and ea the right to initiate and ea joint sitting. Tsena ke litaba tseo li neng li hlaha e le tse ling tsa tsona tseo re neng re li sheba re etsa recommendations, however, ra ba ra etsa qeto ea hore out of this process e ileng ea tsamaea ho eona, e leng komiti e ileng ea shebana le joint sitting, ha tsena tse ling e li entse note feela, hore e ile eaba litaba tse teng.
Kea qetela, ka uena Molula-Setulo, ke bonts’e section 7 ea corrections and typo and tutorial issues page 29. The committee noted that the bill had typical error in clause 23 in the heading of Lesotho Correction Service. Delete the last s from the word, ‘service’.
Ke ne ke batla ke kene ho conclusion, but pele ke etsa conclusion ke etsa acknowledge taba ea hore mosebetsi ona ha re ntse re o etsa ebile mosebetsi oo ka oona ho bileng le liqholotso tse ngata, feela tse neng li re thusa hore re tle re qetelle re nepa, ‘me ka hona bohle ba ile ba kenya letsoho, ba Ntlo eka sitana le Matlo a na a mabeli ka keta-pele ea teng lipuisanong tseno, ‘Muso, Letona le Khabane la Toka, Mohlomphehi Tona-Kholo, re ile ra sebetsa hore re tl’o fihla mosebetsing ona oo reo entseng. However, we all know re lumellane ka ts’ebetso tsa mofuta o feng from here, ‘me ke ts’epo ea komiti hore mosebetsi ona o tla tsoela-pele o tle o tsebe ho re nka re tsoele-pele.
Ka ho cho joalo u ntumelle hore, Mohlomphehi, ke kene tabeng ea conclusion of the report.
The committee recommendations for this bill were based on issues raised within the review of the bill that need to be addressed. The committee therefore believes that the House will consider the recommendations contained in this report and that the Report will receive the support of all Honourable members. The committee would like to thank the House for entrusting it with the responsibility of reviewing this Bill. The committee greatly appreciates the support given by the House to the Committee during committee meetings.
In conclusion, subject to Standing Order 52(3) the Committee resolved to submit this Report to the House for adoption.
Ka ho cho joalo ke ne ke re page 31 ke lintlha tseo e leng tsona tseo komiti e li nkang e le annexure, list of amendments. So, ke ne ke tla kopa hore I should go through them ‘me ke ne ke tla rata hore bohle ba ts’oare lipampiri tsa bona e le hore re tle re boneng.
1. In Clause 5, sub-clause 22A (2) line 1 after the word ‘’Parliament’’ delete the word ‘’may’’ and substitute with the word ‘’shall’’.
2. In Clause 12, sub-clause 2(b) after semi colon (;) add sub-clause (c) ‘’defuse potential or actual disagreement between the two Houses on constitutional matters or any other’’ and renumber sequentially.
3. In Clause 18, sub-clause 135G (3) line 1 after the word ‘’of’’ delete the word ‘’employment’’ and substitute with the word ‘’services’’.
4. In Clause 22, sub-clause 145(1) line 1 after the word ‘’security’’ delete the word ‘’agencies’’ and wherever it appears in the Bill and substitute with the word ‘’institution’’.
5. In Clause 22, sub-clause 145(1) © after the word ‘’National’’ delete the word ‘’security’’ and substitute with the word ‘’intelligence’’.
6. In Clause 22, sub-clause 145 delete sub-section (3) and renumber sequentially.
7. In Clause 22, sub-clause 146(1) (A) line 2 after the word ‘’subject’’ delete the word ‘’democratic’’ and substitute with the word ‘’civilian’’.
8. In Clause 22, sub-clause 146 © line 2 after the word ‘’gender’’ delete the following words ‘’sensitive and’’.
9. In Clause 22, sub-clause 146(3)(b) delete the word ‘’not’’.
10. In Clause 22, sub-clause 147(1) line 3 after ‘’full stop’’ insert the following words “the policy shall’’.
11. In Clause 22, sub-clause 149A (1) line 3 after the word ‘’gazette’’ insert the following words “for their appointment and removal of security chiefs’’.
12. In Clause 23, sub-clause 149C (5) line 1 after the word ‘’a’’ delete the word ‘’head’’ and substitute with the word ‘’member’’.
13. In Clause 23, sub-clause 149F (1) line 3 after the last ‘’the ‘’ delete the following word ‘’National Security Council’’ wherever it appears in the sub-clause and substitute with the following words’ “Prime Minister’’.
14. In Clause 23, sub-clause 149K (3) line 3 after the word ‘’Corrections’’ delete the following words, “who shall be answerable to the Minister responsible for the Correctional Service’’
MR VICE-PRESIDENT: Ntate Molula Setulo oa Komiti, u n’u nts’u le on floor, Ntate, ha ke tsebe haeba u ka tseba hore u re tataise re qetele taba eno ea lihlomathiso tsa 22.
CHAIRPERSON: Kea leboha, Ntate Molula-Setulo.
Litho tse Khabane, ke ema mona ke etsa Tlhahiso ea Amendment in Clause 22 Sub-Clause 148 2 (A) after the words “they” delete the word “Prime Minister” and substitute the word “King”.
In Clause 22 Sub-Clause 142…
MR. VICE-PRESIDENT: Ntate Molula-Setulo, u n’u s’u qetile ena, joale ke hore re tlohelle Morena Lerotholi a tl’o qetela tsane tsa hae.
HON SENATOR L.L LEROTHOLI: Mohlomphehi oa marumo Lekena, mokholo-khothi ha ho na le ntoa!
Feela empa ke re, Ntate Chairman, ke re ‘na ke leboha moea o bileng teng ka hare ho Litho tse Khabane. Re ka fapana ka maikutlo, feela ke ratile mokhoa oo taba ena re e shebisaneng kateng, Ntate Motsamai. Ha Motho a entse hantle a n’o bolelloe hoba hangata bophelong mona re na le ho tlotla motho ha a se a shoele.
Ke leboha Litho tsohle tse Khabane tse ileng tsa ananela taba ena,’me ke kopa ke tsoele-pele, Ntate Molula-Setulo, ka hore e ‘ngoe re tle re re in Clause 22 Sub-Clause 148 2(A) after the word “they” delete the word “Prime Minister” and substitute with the word “King”.
Taba ena re e bua ka maikutlo a macha, re re re ithutile litaba tsa nako e fitileng, ‘me mona re mpa re re re hahamalla pele molemong oa hore Motlotlehi o na le Tona Kholo o tla ‘ne a sale a na le Tona-Kholo eo e leng keta-pele ea ‘Muso, ‘me haeba ho na le moo ke reng ke hopola teng ke nka hore matsoho a eena Motlotlehi ke Mohlomphehi Tona-Kholo. Ka Tona-Kholo o tla b’a na le motho ea tla mo tlatsa ele Tona-Kholo, hore boemong bo tjena ba kopa Motlotlehi, ele hoba lithong tsohle ha li le ntle li phethahala nako eno eohle kaofela re re litaba tseno ke tsa Motlotlehi, ‘me re tla be re nka hoo e leng litaba tsa Basotho.
2. Eona e re in Clause 22 Sub- Clause 148 (4) after the last “the” delete the word “Prime Minister”.
Ka ho ts’oana e ntse e batla e ts’oana le eane ea pele hore ho tl’o kenngoe lentsoe “King” borarong. Re re, in Clause 22 Sub-Clause 148 (2) after paragraph (a) insert the following:
(b) ‘Prime Minister’. And renumber sequentially ka mokhoa o ts’oanang le 4!
Oh, ke 23, Ntate! Kea kholoa kamor’a tinare nyoko e tlile ka mahlong. In Clause 23 Sub-Clause….
Hothoe ha ke etsa tjena kea sisinya, and so, I so move.
Clause 22 as Amended proposed
HON SENATOR K.L.K THEKO: Mohlomphehi, ke rolela taba ena khaebana kaha ho e apesa ts’obotsi eo e e reretsoeng hase ho hobosa kapa ho nyenyefatsa, empa ke ho phahamisa, hobane hantle–ntle a King rings a King! That’s a work over batho ba hae, empa ka borumuoa ba hae bo ka sehlohlolong boo a ba fuoang ke Sechaba. E leng hore kajeno Ntate Matekane o fuoe matla ana le ts’obotsi ena ke Sechaba sa Basotho hore e tle e-be e eena lentsoe la Sechaba sa Basotho.
Empa ka holimo ho tsohle since nako ea Morena Moshoeshoe I ha esale re na le lebofe la Basotho e leng Motlotlehi Letsie la Boraro kajeno.
Ekile eaba Moshoeshoe II, ea ba Seeiso, ea e-ba ba bang ba baholo ho bona ba ileng ba ba teng. Taba e kholo ke continuity eane eo Ntate Motsamai a e ratang. Kea bona o qeta ho e fumana from dictionaries tsa hae.
O lula a bua ka eona ka nako eohle. Taba ea continuity, Mohlomphehi, ha e senye letho la lereli la matla a an incoming Prime Minister; the King will always be advised by His Prime Minister to execute every work. E leng hore Motlotlehi a ke ke a tsoha a se a re, ‘Masole, tsohang le ee ntoeng ke batla le il’o loana’! E ka ba ntho e makatsang!
Le Queen Elizabeth le Charles kajeno ba na le therisano eo ba lulang ka eona pele. Le Prime Minister ha a na le maikutlo ho nts’a mabotho o tla ea Buckingham Palace ba fihle ba qoqe taba eno.
Ka tsela e ts’oanang le mona re ntse re re ts’ebelisano-‘moho ea these two powers, e leng ea Sechaba – le ena eo e leng ea meetlo e sa leng e phela…. Ena ea meetlo e matla haholo, hobane ha le ka la sheba lintho tse ling kapa bosebeletsi bo bong boo lintho e leng lintho tse mpe haholo, like parting kapa ho ts’oarela batho ha ke bua ka Sesotho kapa eng, e fuoa Motlotlehi, empa tse kotsi li ntse li jaroa ke Tona Kholo.
Joale empa mona re re the King should be the person who would reign supreme on behalf of the Nation; e leng hore taba eno e se e se na a political flavour, empa e-be le National Flavour.
HON SENATOR M.M MOSHOESHOE: Ntate Molula-Setulo, ‘na ha ke na le litaba tse ngata ke ne mpa ke ema ho thoholetsa Setho se Khabane mong’a Amendment ena le ho akhela mantsoe a mabeli hore kannete ruri ka uena, Molula-Setulo, kamehla le matsatsi e ntse e le hantle hore u le Setulo sa Ntlo – che! E seng sena sa Komiti! Re ke re il’o tataisa Litho hore na ho tsamaisa Bill ba na le matla afeng ntle le Litho tsa Komiti ea Legislation.
Legislation Bill e fihlela ho rona Komiting mane, me rona re na le matla a ho kenya li-amendment tsa rona re tsitse le stake holders, re nyakurele, re be re etse tsohle, re be re etse submit a written report re tl’o e fa Ntlo.
Empa Litho tseo e seng members tsa Komiti eo li tlameha hore li etsoe train hore na ke stage sefeng moo bona ba ka etsang submit li-amendment tsa bona kaha ba na le tokelo e joalo, fully 100% ,e le motho ka bomong kapa e le a group!
So, ha ke rate ha e hlaha eka re loants’ana le Litho tsa Komiti! No! ha re loants’ane re ne re re feela there is a certain stage at which u tlamehang ho etsa submit amendment ea hau eo re neng re tla e amohela u fihle u e buelle.
U tlameha u nke full ownership on that amendment. Ke ena e ea hlaha, e na le mong’a eona hona joale, e ngotsoe hantle, ‘me oa e buelella, re ea e kenya ke ena; e tla kena e fete ha ho na mohla re tla e hana.
So, ha ba li tlisa ka nako ke ee ke bone le hona tjena li-Bill ha li fihla pherekano e-ba teng hona mona, so, ‘na ka ‘nete e se e le ka makhetlo a mangata le ka mane ka nako ena eo re neng re etsa Inheritance Bill – the same thing happened!
Ke ho re re se ka ra loants’anang.
HON. SENATOR S. G. MASUPHA: Hona le batho ka ntle ka mona ba itlatlarietsang ba reng Ntlo ena e koetetse 10th Amendment! Ka ke s’o utloe leshano le lekaalo. Rea tseba hore na Ntlo ea rona eane e nyane, e ka tlaase (National Assembly) e nkile litema tsena tsa rona tsa 10th Amendment nako e kae, feela ka lebaka feela la hore sepheo ke ho senya borena ba Lesotho, ba bonts’a ha Molao ona oa Leshome (10th Amendment) ose o qetile nako e telele haholo ka mona. Ha e le hantle re na le tokelo ea hore ha taba e le ka hare ho rona re e shebe ka nq’ena le ka nq’ena.
Mohlomphehi, ka hare ho naha ea Lesotho re marena a moetlo, a teng ka moetlo oa Lerotholi oo re bileng re tinkelelitsoeng ka hare ho Molao oa Motheo hore ebe re marena tjena. Ka hona, Mohlomphehi Madam President, ke sa boela ke phetha ke re ntho e kholo ke bots’epehi. Ha re ts’epahallaneng e le hore naha ea Lesotho e tle e tsebe ho ba le mofuthu.
Rona re le Marena re phela le Basotho mane moo ba phelang teng, rea tseba hore na ba batla’ng le hore na ha ba batle eng. Joale motho e mong ea nang le nako e nyane feela ea hore a be le monyetla ono o monyane ka hare ho naha ea Lesotho o se a utloa a kokomohile hoo a seng a le ka holimo ho Basotho, ‘me ntho eno ke phoso e lokela hore e fele. E tlameha hore e fele, Mohlomphehi.
Mohlomphehi, re leboha ka morao ho ho ipua hoa nako e telele hore re shebe hore na taba ena ea Molao oa 10th Amendment hore na e poqile, e ile holimo le tlaase nako e kae. Machabeng koana re se re bile re hlaha hampe. Re hlaha hampe, Mohlomphehi, ‘me ha e le hantle ha hoa lokela hore ebe ho joalo.
Haeba re ne re na le batho ba ithatang-mona moo re leng hona teng ha re qetellong re sa ntsane re tsoela pele hape. Ke rona bana re shebile Bill ea Leshome le motso o mong (11th Amendment), ka eona re entse boitlamo. Re entse botlaimo – boitlamo, Mohlomphehi kea e pheta, re entse boitlamo ba hore litaba tseo ebang li ile tsa salla morao li tle li tsebe hore li tl’o tla li kena kaofela hoa tsona ka hare ho eona.
Haeba hona le motho e mong lefat’seng mona ka hare ho naha ena ea Motlotlehi a kabang le bosoele ba hore taba ena eo Basotho ba e buileng, eo Morena oa ka oa Thaba a seng a boletse ka bokheleke bohle hore na Basotho ba ile ba r’eng –
‘me re tsamaile methati eno kaofela. E tla be e le bomali-mabe bo ts’abehang. Re mpa feela re sireletsa seriti sa naha ea rona ea Lesotho. Ke eona feela ntho eo re e etsang!
Ke se ke re, Mohlomphehi Letona la ka la Molao, ak’u re ts’epahalle, hle, Ntate puso ena re batla le eona e tsebahale machabeng hore naha ea Lesotho e teng, ‘me ea phela e na le melao e busang. Ha u ka re tsepahalla u tla bona hore na puso ena ea Mohlompehi Matekane e tla ea pele hakae. Empa ha u ka re soetsa u tsebe u tla be u soetsitse Basotho.
Ka hona, Mohlomphehi, kantle le hore ke se ke ka senya nako ke ema ke tlatsa Tlaleho ena ea Molula-Setulo oa Ketsa-Molao hore e fete ka tsela eo e leng ka eona.
Kea leboha.
[liatla]
MADAM PRESIDENT: Litho tse Khabane, ke bona ekare ha ho sa na li-input tse ling, ‘me ke kopa hore ke behe taba hore Ntlo e amohele le ho ananela Tlaleho ena ea Komiti ea Ketsa-Molao holim’a Sets’oantso sena sa Leshome le metso o mong sa tukiso ea Molao oa Motheo.
Question put and agreed to
Litho tse Khabane, ke kopa hore ha re phethetse mosebetsi ona oa rona oa hore re ananele Tlaleho ena ea Komiti ea Ketsa-Molao, ke boele ke le hopotse hape, beng ba ka, hore le lebelletsoe mane Lehakoe Recreational Centre moo ho nang le workshop ea nako e khuts’oane feela mohlomong ho tloha ha le tloha ka Ntlong ka mona ho fihlela mots’eare oa mantsiboea, e holim’a Afro- Barometer.
Ke boele ke le hopotse hape, Litho tse Khabane, hore bao eseng Litho tsa Komiti ea Business Committee ba ka hla ba tloha ba leba teng, ha Business Committee e tla lula metsotsoana e seng mekae feela; Litho tsa eona li tla ba etsa join at the workshop eo hang ha Komiti eo e phethela mosebetsi.
Ntlo e tla phomola ho fihlella hosane, Litho tse Khabane. Re tleng mosebetsing ka boitello le kaofela, hobane re hloka two- thirds (2/3) ea Ntlo ena hore e tl’o fetisa tokiso ena ea Molao oa Motheo.
Ntlo e tla phomola ho fihlella hosane ka 10:30 a.m
ADJOURNMENT
There being no further Business on the Order Paper Madam President adjourned the House without question put, pursuant to Standing Order NO. 16.
House accordingly adjourned at 11:42 a.m.