OFFICIAL REPORT OF THE SENATE
DAILY HANSARD
6th Meeting – First Session
Eleventh Parliament
Date: Tuesday 30th September, 2025.
LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG
| 1.Hon. Seeiso B. Seeiso | Principal Chief of Matsieng |
| 2. Hon. Joel A. Motšoene | Principal Chief of Leribe |
| 3.Hon. Sempe Gabasheane Masupha | Principal Chief of Ha ’Mamathe, Thupa-Kubu, Teya-Teyaneng le Jordan |
| 4.Hon. Mamolapo M. Q Majara | Principal Chief of Ha Majara |
| 5.Hon. Tumane Matela | Principal Chief of Makhoakhoeng |
| 6.Hon. Moeketsi Moletsane II | Principal Chief of Taung |
| 7.Hon. Lerotholi Mathealira Seeiso | Principal Chief of Mokhotlong |
| 8. Hon. Lerotholi L. Seeiso | Principal Chief of Likhoele |
| 9. Hon. Theko D. Bereng | Principal Chief of Phamong |
| 10.Hon. Mojela T. Makhaola | Principal Chief of Qacha’s Nek |
| 11.Hon. Seeiso S. H. Nkuebe | Principal Chief of Quthing |
| 12.Hon. Nthupi A. Bereng | Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote |
| 13.Hon. K.L.K Khoabane | Principal Chief of Thaba-Bosiu |
| 14.Hon. Mitchel S. Maama | Principal Chief of Ha Maama |
| 15.Hon Moholobela M. Moholobela | Principal Chief of Matelile |
| 16.Hon. Bereng G. Seeiso Api | Principal Chief of Ha Ramabanta le Kubake |
| 17. Peete Lesaoana Peete | Principal Chief of Koeneng le Mapoteng |
| 18.Hon. ’Mako T.Mohale | Principal Chief of Tajane, Ha Moetsana le Ha Mohale |
| 19. Hon. Khoabane T. Mojela | Principal Chief of Tebang, Tšakholo le Ha Seleso |
| 20. Hon. Retšelisitsoe Mopeli | Principal Chief of Botha-Bothe |
| 21.Hon. Pontšo S. Mathealira | Principal Chief of Tsikoane, Peka le Kolbere |
| 22.Hon. Qeto Sekonyela | Principal Chief of Malingoaneng |
| 23.Hon.’Mawinnie Kanetsi | Senator |
| 24. Hon. Lebona Khoaele | Senator |
| 25. Hon. Thabiso Lebese | Senator |
| 26. Hon. ‘Maphakiso Lebona | Senator |
| 27. Hon. ’Mabataung Patricia Mokhathali | Senator |
| 28. Hon.Sehlooho HenryMonatsi | Senator |
| 29. Hon. ‘Makholu Moshoeshoe | Senator |
| 30. Hon. Neo Matjato Moteane | Senator |
| 31. Hon. Seabata Motsamai | Senator |
| 32. Hon.Richard Ramoeletsi | Senator |
| 33. Hon. Limpho Tau | Senator |
PARLIAMENT OF THE KINGDOM OF LESOTHO
SENATE CHAMBER
THURSDAY 30TH, SEPTEMBER, 2025
The House assembled at 10:30 a.m.
(MR VICE-PRESIDENT in the Chair)
PRAYER
The Chaplain let the House in Prayer
ANNOUNCEMENTS FROM THE CHAIR
MADAM PRESIDENT: Litho tse Khabane, ke kopa ho le lumelisa le hore re qaleng letsatsi la kajeno ka litsebiso tse latelang:
- Kajeno Tafole ea lona e ne e ile ea re e lokisetsa hore le tla isa Litho tsa Komiti ea boiketlo ka koana ka moahong oa rona oa Senate o mocha, empa joale e fumana e thulana le letsatsi leo mekonteraka eohle e bileng involved e il’o etsa handover kapa inspection ea ho qetela linthong tsohle tseo e neng e li etsa, joale re sa tsebe hore na ba tla qeta neng.
Ka hoo re bona eka ekare Litho li tla sitoa hore li il’o hoba teng, hobane batho ba technical ba ntse ba etsa mosebetsi o mong o final oa bona. Re se re ts’episa hore etlare ha re bula re khethe letsatsi leo ba tla ea tsebisoa ka lona.
- Ea bobeli, Litho tse Khabane, ke hore Office ea Mongoli e Moholo oa ‘Muso e memela Litho tse Khabane ketekelong ea mashome a mahlano a metso e robong ea Boipuso ba rona ba Naha ka Moqebelo ona oa la 4, ‘me etla ketekoa ka hore ho tla etsoa Temo ea lifate, Joale empa ka ho fetisisa ke bona eka ekare ho arotsoe litereke ka litereke, ka ketekelo eo.
Maseru, ele mohlala feela, ho tla ketekeloa Thaba- Bosiu. Ke ne ke kopile Ntate Clerk hore a le romelle programme eno ea teng, le eohle ea literekeng hore na ho tla ts’oaroa ketekelo eno joang – abile a le romella le li programme.
- E ‘ngoe hape, Litho tse Khabane, ke hore re na le moeti ea tsoang The People’s Republic of China , ele motlatsi oa… hana re mo bits’ang ka Sesotho? Oee! , Chairperson? ‘Vice Chairperson of ‘. Ke Motlatsi oa Botsamaisi ba Ntlo ea Paramente ea People’s Replubic of China .
Ke moeti a moholo haholo eo re ileng ra mo amohela kaha o fihlile. Ba ne ba tla ‘mokeng o mong Khauteng a be a kopa hore o tla pota le Naheng ea rona ea Lesotho, ‘me re boetse re tiisitse setsoalle le ho qala se seng hape sa Liparamente tsa rona tse peli – ea People’s republic of China le ena ea rona ka kotloloho. O re tsebile re le ma-Senate le hoja, Litho tse Khabane, re ne re lokela hore re boele re il’o kopana le eena le moifo oa hae mantsiboea at a gala dinner eo a neng a e etselitsoe ke Paramente ea rona ea Lesotho re bile re memme Litho tseo eleng li Chairman ka Matlong a mabeli a Paramente.
Ka hare ka moo ka Tafoleng e neng e sietsoe li-Chairman tsa rona tsa Ntlo ea rona ea Senate ho ne ho ile ‘Me ‘Mawinnie feela, a lutse a le mong hoo re ileng ra ba ra kopa hore moifo oa China o mp’o mo tlatselletse, Litho tse Khabane. Ebile masoabi a makaalo ao joale ke sa tsebeng hore haele mona batho ba ne ba ntse ba kopana le eena ba bua, re etsa mingle, rona re itimme monyetla o joalo! Ebile joale ke ne ke ile ka botsa Ntate Molise ka re na re na le li apology na ? Eaba o re ha ho na li apology.
Litho tse Khabane, ka nako e ‘ngoe ha re kopuoe lintho ke kopa hore re li phetheng, hle, hobane ka moso ha li se li etsahala re sa mengoa kapa ho sa thoe letho ho rona e tla ba taba e le nyenyefatsang ebile e le utloisang bohloko. Ruri ke kopa hore re tiiseng ha re etsa lintho tse il’o emela Ntlo ea rona .
Kapele ho lona, Litho tse Khabane, le fuoe pampiri e tala ea Urgent Motion, ‘me rea tseba hore as per Standing Order Number 31 (2)…
Order! Order, Honourable Senator!
URGENT MOTION
QUESTION PUT AND AGREED TO
MADAM PRESIDENT: Honourable Chief Whip
HON SENATOR K.L.K.THEKO: Ae, Mohlomphehi, re ba hlotse bano. Bahlomphehi bana baneng ba re, che, re se ke ra koala, rona re batla ho koala!
Ke laeloa ke uena le Tafole ea hao e hlomphehang hore ke etse Tlhaiso ena ea kajeno ea 48 e bonts’ang hore:
The Honourable House of the Senate when it rises today, Tuesday 30th September 2025, it do adjourn until Tuesday 21st October 2025 at 10:30 a.m., in order to allow Honourable Members of Senators to go for the Independence Break in line with the Parliamentary Calendar,
Ka hona, he, Mohlomphehi, litaba ke tseo tse re fuoang taelo ea hore ka lebaka la Calender eseng e ntse e tsebahala, Lesotho joaloka linaha tse kileng tsa ba tlas’a ts’ut’sumetso kapa bona bokolone kapa e kileng eaba a protectorate ea England, re ‘ne re hopole nako eno.
Ke bone lengolo le leng, Mohlomphehi la baitseki ba Basotho bao eleng khale ba etsa mosebetsi ona hore kannete Letsatsi leo la Independence la la 4 October ha le lule hantle ho Basotho ba bangata kapa ba bang ka lebaka la hore le na le bokolone bo bongata.Le batla le rata e tle ke re na le boinehelo.
Joale empa rona re batla ho le aka ka hore ke letsatsi le ts’oaeang boikemelo ba Sechaba sa Basotho, hore botle bo be le eona ts’obotsi ea hore bo tsoele pele sechaba e be ka bosona se tsoele pele ho etsa mesebetsi ea sona. Ho tla lengoa lifate, ‘me ekare li tla lengoa haeso Thaba-Bosiu ke Motlotlehi Khosi Morena oa Basotho, esitana le Mohlomphehi Tona-Kholo, ba tla kopanela ts’ebetso eo.
Ho tla be ho etsoe launch logo ho latela litaba tse tla hlaisoa hona moo mabaleng a kereke ea LECSA Thaba-Bosiu moo haeso, ‘me ke se ke ntse ke le mema, Litho tse Khabane, hore ha re eeng re il’o ba mmoho mono! Che, taba ea hore ho tla ba le lijo teng ha ke na ho tseba, empa taba-kholo feela ke hore re ke re il’o kopanang ho ikhopotsa mosebetsi ono oa Boipuso ba Naha ea Lesotho.
Ka hona ke ema kannete ho kopa feela hore re ananeleng ho etsa mosebetsi oa Thaba-Bosiu. Ka li 4 ho tla ba le mokhoa oa ho tlosa lihalahala ka holimo ho thaba, hobane sehalahala se re atetse, empa kea kholoa e ‘ngoe ea litaba tse kholo tse ntseng li lokela ho sebetsoa ke hore Qhobosheane ena ea Moshoeshoe I e ke e lokisoe bocha ka taba ea ho lengoa lifate tsa indigenous hoena le tseo tsa makhooa, hore re tle re tsebe ho etsa Thaba-Bosiu e sale e ntse e le Qhobosheane eabo rona ea Sechaba sa Basotho kaofela.
Ntate Motsamai re na le pina eo a neng a ee a e mamele ha a tlile mono Thapelong ea hore, ‘enne ebe ua utloa uena makakamela, ha u re Lesotho le felisoe. Ho tla senyeha ha e se e loana e tiile”. Ena ke ‘ngoe ea Lipina tsa Basotho tseo ba li binang.
Ho na le batho ba bang hona tjena, ba emeng ka maoto hore Lesotho le etsoe incorporate into South Africa hobane le hlolehile ho ipusa ka lebaka la tlhokahalo ea mosebetsi le litaba tse ling.
Joale ke re, ‘na litaba tse joalo ke tsa mengala! Ke tsa batho ba hlolehileng hore lehaeba ba le teng kahar’a lipolotiki, ba ikutloa hore ba tlameha hore ba nehele Lesotho hore le ee ka South Africa, e be karolo ea li-province tsa South Africa because ba re ba hlolehile ho bona the future ea Lesotho kapa boikemelo ba Lesotho, e le naha joaloka ha e ile ea etsahala!
E leng ho re, mesebetsi ea Morena Moshoeshoe I, eo a ileng a e etsa ea ho phutha sechaba, ho se bopa ngatana ‘ngoe – hore e be re sechaba tjena, re tjee, re tjee ka lebaka la linatla tseo.
Ba bang ba re, ae, ha re ineheleng, hobane re sitoa ho iketsetsa mesebetsi. Re sitoa ho ba independent because of our geographical status making, hobane re potapotiloe ke naha e kholohali, ea South Africa.
Ke ka hona batho ba bang ba reng, ae, ha re ineheleng, empa joale ‘na ke ntse ke re hase hobane ke na le monyetla oa hore e be ke Morena, empa e tla be e le ho rohaka Basotho ka bo-bona le batsoali ba rona haeba re ka re re inehela hore re il’o ba karolo ea li-province tsa South Africa.
Mohlomphehi, ka ‘nete ke nka monyetla ona hore ke re ho Litho tsohle haeso tse Khabane, ha re eeng, re il’o ketekang kapa ho ikhopotsa taba ea Lesotho hore ke naha ea habo rona, eo re ileng ra ka ra e theha ‘me re ntse re tsoela-pele ho e ntlafatsa leha ho le thata.
Kea leboha, Mohlomphehi.
(Liatla)
HON. SENATOR S. MOTSAMAI: Madam President, ke ne ke nahanne hore li tla tsoa le Motlatsi oa Principal Chief of Thaba-Bosiu, empa hee, ‘M’e, ke ka ho latela Protocol. Ke ne ke e shebile joalo.
Ke leboha motsotso ona oa hore ke ema mona ke tlatsa Morena oa ka, oa Thaba-Bosiu, ka taba ena ea hore ka ‘nete re ke re phomotse Ntlo ena e Khabane, e re ha e se e phomotse, re ee ka mekhahlelo le ka libaka ho fapana ho ea kenya letsoho tabeng ena e Ketekelo ena ea rona ea Boipuso.
Boipuso ke mokete o moholo haholo. Hangata ka Nako eno ea Khopotso ke nako eo re hopolang hore na re tsamaile leeto la mofuta ofe, la baholo ba rona, re hopola hore hana ba ile ba itlhaba sehlabelo ka matla, le ka tsela ea mofuta ofe.
Hangata ha re etsa Ts’ebetso ena, ka nako ena, e ee be e le hobane re batla hore re ba hopole ka seo ba ileng ba re etsetsa sona, hobane re majalefa a mesebetsi ea bona. Taba eno, e ts’oanela hore e re rute hore ka borona re be le boikemelo litabeng tse amang naha, hobane naha ke ntho e kholo, ke seo u ipitsang ka sona. U fuoe, ‘me u ts’oanela hore u sebeletse taba eno.
Ke ‘nete hore morao tjena re se re na le batho bao re ba bitsang baji ba boitseko, e leng batho ba sa tsebeng hore lefa leo ba le sietsoeng ke la boitseko, ke mokhoa ona ba tla sheba koana le koana, ba itahle, ba bang ba rate hore re koenngoe ke ba bang, hobane feela ba re nka eka ekanna eaba ha rea fihlela litaba-tabelo tsa lipelo tsa bona.
Empa ha se ba bangata, leha taba eno e le teng. Ha ke e-s’o bone motho a hana batsoali ba hae hobane ba na le mefokolo e itseng kapa hobane bona bophelo ba bona bo sa fihla moo batsoali ba bang ba bo fihletseng, e be motho o s’a hana batsoali ba hae.
Ka ‘nete ena ea ho hana Lesotho la h’abo rona, hore re na le bana le batho ba baholo, bao re ntseng re tsamaea ka ntle ka mona le bona, feela ‘mele ea bona e Lesotho mona empa lipelo le menahano ea bona e literateng tsa Amerika le Afrika Borwa.
Ha u bona re lutse mona, re ntse re sebetsa, taba eo ke eona ena eo re ba bitsang bo-mokakailane, hee, Morena oa ka oa Thaba-Bosiu. Ke eona ena eo re ba bitsang mateketa, ‘me taba eno e bohloko haholo.
Ha ke chulo joalo kea tlatsa, Bahlomphehi, ha re eeng Moketeng oo, re il’o hopola boitlhabo boo re bo etselitsoeng ke baholo ba rona.
(Liatla)
Question proposed
HON. SENATOR S.B. SEEISO: I have neither eyes to see nor ear to hear and thus, I cannot speak.
Ha ke se na litsebe, ke se na mahlo nka bua ka r’eng?
No, you cannot speak, if you cannot hear. That’s how the biblical hereon of it, is.
(Laughter)
Madam President, kea leboha, ‘M’e. Ha ke na le litaba tse ngata empa ke rata hore ke behe taba e khuts’oanyane ea hore Letsatsi la Boipuso, kea kholoa, ntate Motsamai, you will agree with me ha ke re, ke qholotso kapa haeba batho re lutse ka mona ka Ntlong ea Senate, e lokela hore e be ke qholotso ea hore na Boipuso bono, taba ena eo Morena oa Thaba-Bosiu a e buileng, eo u mo tlatsitseng ho eona hore we should be proud of who we are, ke taba.
Re lokela hore in that pride, ho ikotleng sefuba hoa rona, re beng sebete hore re ke re ikoalle kahar’a boikhutso boo re ka bang le bona hore na hana Boipuso ke eng, bo bolela eng.
Re qeta ho keteka Lilemo tse Makholo a Mabeli maobane mona. Khoelehetso e ne e ntse e le eona eno, Ntate Motsamai, ea hore hana Basotho re bo mang, re eng, re eang pele joang ka ho ikotla sefuba hono.
Ntate Motsamai, Selemong se tlang re keteka the Golden Jubilee (60 years of Independence).
Ke the Long post kapa ke design e tsela ena e eang Gauteng, empa ho tla ne hothoe Kroonstard 50 km! Joale ebe ua e feta e be ho tla thoe kae kae, ke these many kilometres.
Ke hore na Matsatsi ana ao re buang ka ‘ona, Litho tse Khabane, le uena ‘M’e President le Tafole ea hau, na re feela re tebisa maikutlo ho lekana hore re hooeng ka lentsoe le le leng joaloka mohlanka oa Molimo Jeremiah a re, “tsoelang ka ntle le eme mapatlelong ka bo lona. Ha le utloa le hooe ka lentsoe le le leng le re,“Molimo oa rona e ka na eaba maobane re ile ra fosa. Kajeno re bonts’e tsela.”
Joale ha le kene Tseleng eo, ‘M’e Mofumahali oa ka oa Rothe, re tle re tsebe ho fumana ea rona phomolo. Mohlanka oa Molimo Jeremiah o cho joalo.
Basotho ha re tsoeleng ka ntle re eme holim’a Thaba-Bosiu. Re hooe ho Moshoeshoe I le Balimo ba rona ba khale, re botse hore na hana tsela re ile ra e fosa hokae, ‘me haeba re tla arabjoa, ts’epo ea ka ke hore ha re le mono Thabeng ea Sione re tla feela re arabjoe, re tle re tsebe ho fumanela Meea ea rona phomolo.
Ka hona, Madam President, my few humble words towards this Motion ke hore ha re eeng, re il’o phomola, empa ‘na qholotso eo e etseng e lula e le teng letsatsi le letsatsi kapa motsotso le motsotso e ntse e le hore na hana re le Basotho ba kajeno, ha re hetla morao, na re ntse re reng ho ea pele hoa rona.
We should not just celebrate but we should introspect for the future of this country. Naha ena le bana ba rona le litloholo tsa rona deserve better from us, batho ba ka har’a Ntlo ena. I will not talk about other people who are not in this House. I will talk about Honourable Members in this House, that future generations are looking at this Honourable House with legitimate expectation that we shall leave them with hope out of the dark talk of unemployment, poverty and all these other things that are surrounding Basotho.
Empa motho u ntse u e-na le ts’epo ea hore Letsatsi leno le haufi le lipelo tsa rona. Joale empa re hloka hore re itjoetseng hore re tla joetsanang linnete, Morena Michael, re se ke ‘na ra oka seso ka makhapha.
The truth will save us and until we get there, to the destiny of what the truth is, we will always find fault in what we are doing.
Ka mantsoe ana, ‘M’e, moruti o buile, Ha ke tsebe hore na ke moruti oa ho kae! Empa moruti o buile, ‘me kea leboha.
HON. SENATOR M.M. MOSHOESHOE: Madam President, kea u hlompha.
Madam President, ua tseba ‘na ke ne sa tl’o bua ka litaba tsee! Ke ne ke tl’o etsa Ntlha ea Tsamaiso.
Ke ne ke etsa Ntlha ea Tsamaiso. E be nka tsoela-pele ka eona?
MADAM PRESIDENT: Tsoela-pele, Setho se Khabane.
HON. SENATOR M.M. MOSHOESHOE: Mohlomphehi, ka ‘nete kea leboha. Re lebohela Motion ona o tsamaisitsoeng ke Chief Whip, oa hore re tsamaee-re il’o phomola.
Lentsoe lena la ho phomola hangata le ‘na ke ee ke utloe le nkimela hobane joale ha re phomole; ha re fihla hae koana, sechaba se re emetse, re sa il’o etsa lipitso, re fana tla litlaleho, empa hee,
mokete ona oo re o memeloang re tla ea re ke re il’o keteka letsatsi lena le leholo re leme lifate, ‘me kea ts’epa lifate li lokisitsoe. Ka nako e ‘ngoe e ee e re ha re fihla mono re fumane lifate ha li eo! Empe ebe li lokisitsoe e tle ere le rona ka South ha re tloha Mohale’s Hoek re leba Qacha’s Nek, ho latela program ena Ntate Molise, ra be re lokiselitsoe mokhoa oa ho tsamaea , mokhoa oa ho ja ,mokhoa oa hore lifate li be teng,mokhoa oa li-tool – li kharafu, Mohlomphehi! E re ha re fihla re fihle re kene ts’ebetsong!
Joale empa hee kea tseba logistics tseno ho na le eo ke tla mo botsa tsona hore na li nepahetse, ele hore ka ‘nete haeba lifate ha li eo re mpe re leme tsa rona tsa metseng.
Feela empa kannete rea le ananela letsatsi lena hore re il’o keteka le Basotho re thabe le bona.
Nka tsoela-pele ka Ntlha ea Tsamaiso?
Ntlha ea Tsamaiso eo ke neng ke ema ka eona, Madam, ke holim’a annoucement eo u e entse hoseng ha ho buloa Ntlo mona. U itse Komiti e sitoa ho ea ka mane ka moahong o mocha ka lebaka la inspection e neng e etsoa. Kannete ke ne ke etsa Ntlha ea Tsamaiso hore na, ’M’e, ekaba u s’u lokisitse joang hore bonyane ha re bula kamor’a li 21 re mpe re il’o etsa official opening ea moaho oo ‘M’e? Ua tseba ha re sa ipatla ka moo!
Hape ke hore na u na le budget ea ho etsa mokete mohlang re bulang? Ha re na ho bula Ntlo e kaalo kaalo ka Sitting feela tjena; u hl’u mp’u itukise e tle e re haeba hee u s’o etse budget joale chelete ea kotara ha e tsoa, hee, re tle re mpe re bule ka note e phahameng haholo!
Ke eona Ntlha ea Tsamaiso ea ka.
MADAM PRESIDENT: Rea leboha, Litho tse Khabane.
Ke bona u pentse, Morena! U na le Ntlha e ‘ngoe ea Tsamaiso? Ke kopa ho araba ena pele, u tl’u tsebe ho tla e beha.
Setho se Khabane Mofumahali Makholu, Ntlha ea hau ea Tsamaiso haele hantle ha se Ntlha ea Tsamaiso. Kea kholoa u n’u leka hore u mp’u hlabe Setulo malotsana. Hana ho thoe ke’ng? Ho se tents’a ts’ea!
Litho tse Khabane, ehlile ke ile ka re hona tjena ho ntse ho etsoa lintho tsa ho qetela ke batho bane ba fuoe mosebetsi ka mafapha a fapaneng ba metlakase, metsi, desks! Kaofela ba il’o kopana ka lona letsatsi leno, ke ka hoo re sitoang hore le ka ea ho ea bona.
Ke ile ka ba ka ts’episa hore ha re se re butse re tla sheba letsatsi leo Komiti eo e neng ehlile e itheriselitse e tla isoa ka lona. .’Mme, ha u tsebe ka mokh’o ke sitoang ho robala. Ha ke batle ho bula Ntlo eno ka senotlolo, ke batla ho e bula ka mokh’o ona oo u batlang re bule kateng.
Ke Ntlo e kholo haholo, empa re lokela re fane ka monyetla hore re tle re tsamaise His Majesty le Ntlo ea hae re mo fe nako ea hore a tle a il’o etsa tour the House, the building le Letona la hae le leholo ,Letona la Parlimentary Affairs, le Mong’a lichelete. Hona le matsatsi ao re seng re ba behetse hore ba tle nne ba ee ba il’o etsa tour the building. ‘Me ha re qetile ho etsa joalo, Litho tse Khabane, joale Public Works e tla be e-se e re file go ahead hore re le fa moaho oa lona ke ona.
Mohlang ba re fileng oona feela le tla bona ka lerole ho qoba hore joale rea nyoloha re ea ka Ntlong eane! Ekare ke utloa hantle! ‘N’a le tla utloisisa hore na ha ntse ke amohela baeti ba lekanang le baa bao ke reng re ba amohetse maobane joale ke ba amohella ka ofising eo le e tsebang eane e ka mane eo re lulang ho eona na eba masoabi a joang! Empa ke ee ke re mats’eliso a ka ke hore ha ho sa le hokae re tla noang tee ka ho eane e kaholimo e ncha Ntlo.
E leng ho re litaba tseo tsa hau li se li le catered for, re se re bile re ntse re bua le Letona la Finance hore, ‘M’e, re ntse re tl’o ea moralong ona, ha re qeta ho etsa li-cost re tla tlisa re tl’o kopa chelete ea hore re ke re bule Ntlo eo ka mokhoa o nepahetseng.
Empa lona ha le na mengoa, Litho tse Khabane, hobane ha le menngoe ha le tle! Ha re tl’o tla re le mema le tla sala ka mona ebile le tla lula ntse le kenela ka mona, hobane ha le ee!
Le maobane ana a mats’o motho enoa oa moeti o na tlile ka lerato lohle a le phuthelletse mofao, empa ha re na le joetsa le oona mofao ono hobane ha le ee ha le mengoe.
Ka hona, Litho tse Khabane, ke kopa hore ke behe taba.
Kapa, Setho se Khabane, u ntse u na le Ntlha ea Tsamaiso?
Tsoela pele, Setho se Khabane!
HON SENATOR K.L.K.THEKO: Kea leboha, Mohlomphehi.
Ae, ka ‘nete! Taba eo ke neng ke rata ho e kopa ke hore u k’u… taba ena ea communication eo u ileng ua e etsa ea hore ho tl’o ho ee batho ba itseng, eleng chairpersons, ka ‘nete ke ena e u soabisitse, hobane hoja u ile ua re joetsa kaofela re ka be re o tlotlisitse mosebetsi ono oa hau!
Joale empa ke ne ke re na ebe u ke ke be ua ba mosa ua ka ua etsa share le rona mofao?… ‘Na ke le bone on TV ka ‘mokho u n’u thabile kateng, ka ba ka cho ka re e kanna eaba ho na le litaba tseo batho ba na ba le tliselitseng tsona tse monate. Mohlomong u re phutheletse litaba tsa bohlokoa kaha Machina ke batho ba fanang; ha se batho ba bo rice le lintho tse joalo!-
Joale a k’u etse share le rona, hle! Eba molemo u etse share le rona hore na le buisane ka’ng uena le Ntate Sekhamane ha le ntse le qoqa le Mohlomphehi enoa. Na ha ea u fa lintho tse kang bo lihlapiso le mesebetsi e meng eo e nkanna eaba China e kanna ea re fetisetsa ho eona? Hao, Mohlomphehi! U s’u re ho hang ha u na ntho ea e buileng motho eo, eo u ka e etsang share re ke re thabe re le Ntlo ea hau?
MADAME PRESIDENT: Setho se Khabane, kea utloa ha se le Ntlha ea tsamaiso u batla litaba tsena tsa rona. Empa joale ha ke tl’o bua, ha ke tl’o u joetsa tsona; u tla tla ha re tl’o u fa tsona litaba tseo tsa rona!
Joale ebile ka lebaka la bohloko boo ke ne ke bo utloile, ka re ha ke sa le kopela letho, ka re, ache, ha ba hloke Machina le lithuso tsa ’ona Litho tse Khabane1
E leng hyo re, ache! Chair of Chairs ke eena ea sa etsang mosebetsi oa hae ka ho fetisisa.
Question put and agreed to
RESOLVED:
That this Honourable House when it rises today, Tuesday, 30th September, 2025, it do adjourn until Tuesday, 21st October, 2025 at 10:30 a.m. in order to allow Honourable Senators to go for Independence Break in line with the Parliamentary Calendar.
MADAME PRESIDENT: Litho tse Khabane, joalokaha memo eo Ntate Molise a le romelletseng eona e bonts’a ketekelo ena – ebile e tla be ele e thakholang that Golden Jubilee ea 60 years Lesotho le ipusa. E leng ho re joalokaha re ile ra qalella actitivities ho ea fihla date ea Independence day, ea ho ea fihla letsatsing lela la Boipuso la lilemo tse 200 Morena Moshoeshoe I a thehile sechaba sena – le hona tjena ho tl’o ba le activities ho tloha ka Independence day ena ho ea fihla Independence day ea selemo se tlang, e tla be ele eona 60 years tse ntseng li keteka building up to 60th Anniversary Golden Jubilee. E leng ho re re lokela ho eang, hee, Litho tse Khabane, hohle moo re menngoeng teng.
Ntlo e tla phomola, hee, Litho tse Khabane, ho fihlela ka Labobeli la 21 Loetse, 2025.
ADJOURNMENT
The House was Adjourned accordingly without question put, pursuant to Standing Order 16 (3).
Accordingly, adjorned at 11: 23 p.m.