HANSARD 21 MAY 2026

KINGDOM OF LESOTHO

PARLIAMENTARY DEBATES

SENATE CHAMBER

DAILY HANSARD

OFFICIAL REPORT OF THE SENATE

FIRST SESSION – ELEVENTH MEETING

ELEVENTH PARLIAMENT

Thursday 21^st May, 2026

LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG

1. Hon. Seeiso B. Seeiso	Principal Chief of Matsieng
2. Hon. Joel A. Motšoene	Principal Chief of Leribe
3. Hon. Sempe Gabasheane Masupha	Principal Chief of Ha ’Mamathe, Thupa-Kubu, Teya-Teyaneng le Jordan
4. Hon. Mamolapo M. Q Majara	Principal Chief of Ha Majara
5. Hon. Tumane Matela	Principal Chief of Makhoakhoeng
6. Hon. Moeketsi Moletsane II	Principal Chief of Taung
7. Hon. Lerotholi Mathealira Seeiso	Principal Chief of Mokhotlong
8. Hon. Lerotholi L. Seeiso	Principal Chief of Likhoele
9. Hon. Theko D. Bereng	Principal Chief of Phamong
10.Hon. Mojela T. Makhaola	Principal Chief of Qacha’s Nek
11. Hon. Seeiso S. H. Nkuebe	Principal Chief of Quthing
12. Hon. Nthupi A. Bereng	Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote
13.Hon. K.L.K Khoabane Theko	Principal Chief of Thaba-Bosiu
14. Hon. Mitchel S. Maama	Principal Chief of Ha Maama
15. Hon Moholobela M. Moholobela	Principal Chief of Matelile
16. Hon. Bereng G. Seeiso Api	Principal Chief of Ha Ramabanta le Kubake
17. Peete Lesaoana Peete	Principal Chief of Koeneng le Mapoteng
18. Hon. ’Mako T.Mohale	Principal Chief of Tajane, Ha Ramoetsana le Ha Mohale
19. Hon. Khoabane T. Mojela	Principal Chief of Tebang, Tšakholo le Ha Seleso
20. Hon. Retšelisitsoe Mopeli	Principal Chief of Botha-Bothe
21. Hon. Pontšo S. Mathealira	Principal Chief of Tsikoane, Peka le Kolbere
22. Hon. Qeto Sekonyela	Principal Chief of Malingoaneng
23. Hon. ’Mawinnie Kanetsi	Senator
24. Hon. Lebona Khoaele	Senator
25. Hon. Thabiso Lebese	Senator
26. Hon. ’Maphakiso Lebona	Senator
27. Hon. ’Mabataung Patricia                                Mokhathali	Senator
28. Hon. Sehloho Henry Monatsi	Senator
29. Hon. ’Makholu Moshoeshoe	Senator
30. Hon. Neo Matjato Moteane	Senator
31. Hon. Seabata Motsamai	Senator
32. Hon. Richard Ramoeletsi	Senator
33. Hon. Limpho Tau	Senator

PARLIAMENT OF THE KINGDOM OF LESOTHO

SENATE CHAMBER

Thursday 21^st May, 2026

The House assembled at 10:30 a.m.

(MADAM PRESIDENT in the Chair)

PRAYER

The Chaplain led the House in Prayer

ANNOUNCEMENTS FOR THE CHAIR

MADAM PRESIDENT: Litho tse Khabane ke kopa re qale mosebetsi oa letsatsi lena. Re na le litsebiso tse peli feela:

1. Komiti ea Litletlebo (Petitions Committee) e ne e hlophisitse hore kajeno e tla ba le kopano le Mongoli e Moholo oa toropo ea Maseru e leng Town Clerk ‘moho le baahi ba Ha Tsolo ho tla ts’ohla tletlebo ea baahi ba Ha Tsolo, empa kopano ena e tla thisa kajeno hobane ho bonahala Town Clerk a sitiloe ho ba available for kopano eno, ‘me ho’a utloahala hore Komiti e se e sa tlo kopana letsatsing lena.

• Bekeng e tlang ka Mantaha Komiti eane ea Ethics Amenities and Privilege Committee e hlophisitse hore e tla tla e kopana ka koano ka Chamber ho tla phethela mosebetsi o matsohong a bona oa tokomane eane, e leng draft ho bopa tataiso ho Komiti ho phetha mosebetsi oa eona ka bokhabane.

Litho tse Khabane ke bona eka tsebisong ea bobeli (2) moo ke neng ke bolela hore Komiti ea Ethics e tla kopana ke ne ke itse Mantaha athe ho itsoe Labobeli la 26 May 2026, e seng ka Mantaha. Kea leboha ho ba joale le Molula-Setulo oa Komiti ea rona ea SDGs o sa le teng hobane ke bona eka litaba tsa hae e ne e le tsona tse hlahlamang.

Ke bona eka Litho tsa Komiti ke hona li ntseng li itlhopha ho etsa present Report.

Tabling and Adoption of Report

HON. SENATOR J.A. Mots’oene: Ha ke u lebohe Mohlomphehi Madam President ke hlomphe Tafole ea hau, Honourable Minister ke u hlomphe, ke hlomphe Litho. Mohlomphehi ke ema mona ho tla fana ka ts’ebetso ea Komiti holim’a Tlaleho e buang ka taba ea maoala a ka etsoang ke ‘Muso ho fokotsa Tlhokahalo ea mosebetsi haholo re shebile Lekala lena la rona la Bacha la Social Development Youth and Gender.

Mohlomphehi taba ena ha ke ema mona ho fana ka Tlaleho ea Komiti ntlheng ena karolo ea pele tabeng tsa ts’ebetso ea Komiti ke taba ea introduction ka la 25 Hlakola, 2026. Lekala lena leo ke seng ke le hlalositse la Social Development Youth and Gender, ka Mohlomphehi Letona le Khabane le ile la ba ka pele ho Komiti e le ho tla itlhalosa hore na ebe maoala ao le a shebileng le hona ho inahanela ‘ona e ka ba afe re shebile lipehelo tsa mongoaha-kholo ho fokotsa taba ena ea tlhokahalo ea mosebetsi. Karolo ea bobeli its just terms of reference, ke moo feela Melaoana ena e re tsamaisang e fanang ka hore na Komiti e ka sebetsa ka sebopeho sa mofuta ofe? Karolo ea boraro empa e le taba ea hore feela na Komiti e bopiloe ka Litho tse kae le hona life. Karolo ea boraro khutlo ‘ngoe ke bohlanka bo thusang Komiti ho phetha mosebetsi. Karolo ea bone Mohlomphehi ke bonts’e hore kea kholoa ke karolo eo re tla qala hore re khobotle litaba teng ts’ebetsong ena eo Lekala le neng le teka maoala ana ka pele ho Komiti.

Mohlomphehi joalo ka ha ke se ke boletse hore na Mohlomphehi Letona le Khabane o ile a ba ka pele ho Komiti neng. Molula Setulo oa Komiti ka ‘nete o ile a amohela taba ea ba bileng teng tabeng ena e le ho tla buisana le ho mamela litaba tse tekoang ke Letona le Khabane ka moifo oa lona.

Mohlomphehi Molula-Setulo o ile a bonts’a ngongoreho ea hae haholo hobane ho hlokomelehile ho rona re le Litho tsa Komiti, ‘me re etelletsoe pele ke Molula-Setulo hore tlhokahalo ea mosebetsi ka hare ho naha ka mona e phahame haholo, ‘me ho phahameng haholo mono maoala ana a nonyetsa moruo haholo.

Joalokaha Mohlomphehi Letona a ile a hlalosa hore lipakeng tsa selemo sa 2024 ho fihlela selemong se holimo, linokong tse lekholo (100%) ke 48 moo ho bonahalang keketseho ea tlhokahalo ea mesebetsi e le teng haholo bacheng, a bonts’a hore ke bacha ba 4000 ba ileng ba fuoa koetliso naha ka bophara.

Mohlomphehi, ha Mohlomphehi Letona le Khabane a ne a fana ka litaba tsena tsa hae o bonts’itse hore khakanyong ea Lekala bacha ba 90 ba ile ba fuoa koetliso litabeng tsa boits’ematlelo lithutong tsa boits’ematlelo, ‘me har’a bona bacha bano bao ba fuoeng koetliso ba bang ke ba neng ba na le ho se iteka-tekanele ‘me taba eno e ile ea bonts’a hore ho batla ho shejoe bacha ka mokhoa o pharalletseng Mohlomphehi.

Ha re tsoelapele hape ho na le bacha ba 140 bao ba ileng ba itlama hore mohlomong bona ba ka kenya letsoho mesebetsing e fapakaneng. Ena e ka ba Makaleng a ‘Muso haholo e le hona hore ba bone hore ba ntse ba ithuta hore na ts’ebetso e ka ba ea mofuta ofe.

Mohlomphehi, 100 le 20 ea bona bacha ba ile ba thola ba se ba ba fumanetse mesebetsi. Mesebetsi eo ba e fumaneng Mohlomphehi re tle re hopole taba ena ea Sebabatso. Leano lane la Sebabatso leo ‘Muso o ileng oa tla ka lona. Bacha ba 240 ba ile ba koetlisetsoa litaba tseno tsa boits’ematlelo.

Re tla hopola hore Sebabatso mane re na le taba eane ea Boot Camp e ts’oaroang ke Setsi sa Ts’ireletso sa Lesotho Defence Force ’me Mohlomphehi bacha ba 60 ba ile ba fuoa khahlametso ea M5,000 molemong oa ho reka lipeo e le hore ba tle ba itlhahisetse lijo le hore ba nyolle khoebo eo ba bang ba bona ba neng ba se ba ntse ba kene kahar’a eona.

Mohlomphehi re tle re hopole hore litabeng tsena tse amang tlhokahalo ea mosebetsi ‘Muso ka taba ea Collective responsibility, ho na le bacha ba 20 ba ileng ba fuoa monyetla oa ho ea intlafatsa lithutong tsa bona machabeng ‘me Letona le Khabane le ile la bonts’a hore linaha tse kang China ke tsona tse bonahalang li ts’ehelitse mananeo kapa Maano a ‘Muso haholo.

Tabeng ena eo re qetang ho bua ka eona ho na le chelete e kaalo ka M1 million eo ‘Muso o ileng oa khahlametsa bacha ka eona e le hona hore e nanabetse letsoho litabeng tsa khoebo eo bacha ba ikakhetseng ka setotsoana kahare ho eona.

Ha ke qetella litabeng tsena, Mohlomphehi, ke bonts’e hore Letona le Khabane le bonts’itse hore ho na le Sets’oants’o sa Molao, the Youth Bill, se se ntse se le kapele ho Ntlo ena ea Paramente. Ha ke re Ntlo ena ea Paramente ke ee ke bone hangata, Basotho ba sa khone ho hlalohanya hore ha re bua ka Paramente re bua ka Matlo ana a mabeli e leng, Ntlo ea Mahosana le ea Bakhethoa.

Litabeng tsena tseo re qetang ho bua ka tsona e ne e le tsa karolo ea bone. Karolo ea bohlano ke moo Komiti e ileng ea bona mohlomong likhaello kapa ea ba le litlatsetso ‘me ho ile hoa ba le taba eo Komiti e buileng ka eona eo e leng tabahali kahare ho Ntlo ena ea Mahosana, moo ho hlokahalang taba ea theolelo ea matla sechabeng.

Ho bonahetse Komiti e hlokomela hore ho hlokahala hore bacha ba tle ba its’ematlele tabeng ena ea mesebetsi, ‘me ho na le taba ea tlhokahalo ea theolelo ea matla sechabeng.

Ea bobeli e ile ea ba taba ea tlhokahalo ea manane-thuto, haholo litabeng tsa Science, Technology, Engineering and Mathematics.  Litabeng tsena tsa tlhokahalo ea lithuto tseo tse ‘ne tseo ba buileng ka tsona, ke hobane ho hlokomelehile hore naha ea Lesotho e na le merafo, metsi, boea ba Farelane le Seiboko ‘me ho hlokahala Puso e ke e tsepamise maikutlo haholo holim’a tsona.

Ha re tla litabeng tsena tsa Technology, Komiti e ile ea hlokomela hore ho hlokahala boqapi kapa tlhahiso-leseling bakeng sa hore re rarolle mathata a teng bophelong ba morao tjena kahar’a linaha hobane ho se ho pheloa ka litaba tsa Technology.

Ha re kena khaolong ea bots’elela, e ile ea ba likhothaletso tseo Komiti e li entseng tse ‘ne ka palo. Ea pele e ile ea ba ts’ebeliso ea resources tseo re nang le tsona.

Re ka etsa mohlala ka lihlahisoa tseo re nang le tsona tse kang lebese, nama ea bo-’m’a lits’ibana, nama ea kolobe, poli, nku le likhomo haholo hobane liqholotso li se ntse li ba teng lefats’eng ka bophara ho latela maemo a ntseng a hlaha morao tjena a bokulo ba liphoofolo, ke tla cho joalo.

Ea bobeli ea ba the flea market. Taba ena ea likhothaletso tsena ha u sheba linaheng tse ling, ho na le libaka tseo re reng tsena ke tsa limmaraka ‘me limmarakeng tse joalo u fumana thepa kapa lihlahisoa ka mefuta. Joale ha batho ba ea libakeng tse joalo, ho ba bobebe haholo hore litaba tse joalo li etsoe.

Flea markets tsena kea kholoa hore li tle li nanabelehe kapele kapa li tsebahale, re ka sebelisa lipapatso liea-le-moeeng, le ho TV kapa likoranteng hore ho bonahale, ebe taba e batlang e tsosa morolo naha ka bophara.

Litaba tsena Komiti e ile ea bonts’a hore ha ho hlokahale hore li sebetsoe joale ka ha li sebetsoa hona joale, ebile u le paki ka taba tsa sello tsa Litho tse Khabane sa nako ena kaofela hore Mebuso eohle e bileng teng bosebeletsing le litabeng tse amang sechaba has been centralized. Li ile tsa beoa mona moo re reng ke khubung ea bosebeletsi haholo ‘Musong.

Ntlha ea boraro e ile ea ba taba ea hore ho ke ho hlokomelisoe bacha ka taba ena ea international scholarships, e leng ts’ehetso ena ea lihlapiso linaheng tse ka ntle, e ka ba tsa mose joaloka ha ho bonahala morao tjena ka morao hore ho hlahe bana ba eang linaheng tse mose. Re ka etsa mohlala ka China, India le tse ling tseo re fumanang hore ke li-scam ha se litaba tse teng, ke litaba tsa lefoofo tse qetellang li hlaha tabeng eane ea human trafficking.

Taba ena ‘Muso o tlameha ho e sebetsa kathata ho emisa boemo bona ka hore o fane ka tsebo sechabeng, e le hore taba ena e tle e se ke ea tloha ea its’ena bora ho naha ‘me ea tlisa tlhokahalo ea bofuma bo phahameng le tlhokahalo ea mesebetsi.

Ntlha ea bone ke hore ho ke ho pharalatsoe lihlahisoa tseo re nang le tsona naha ka bophara literekeng tsena tse leshome e le hore phokotseho ea tlhokahalo ea mesebetsi e tle e-be teng le ea bofuma.

Ho na le taba eo ‘Muso o e entseng ka ‘nete e ntle moo ho tholoang litaba ka marang-rang mona le mane mabapi le Bank Tower moo e neng e le Moaho oa Poso ea khale. Ha u fihla mono u tla fumana batho ba bokane ba ts’oere lifono tsa bona, litaba tseo… Makoanyane Square. Litaba tseo li tla tlisa thuso e kholo ho bacha hobane re phela lefats’eng la technology, leha re ntse re bona litaba tse ling li ntse li qopetsa tse nyarosang.

Re ile ra bona Mohlomphehi Tona-Kholo kae-kae joale a ts’oere sosara… che ke taba e tsebahalang ke tsoe ho eona.

Bacha bana ba tlameha ba etsoe equip litabeng tsa… Taba ena e tla thusa hore, e tla ba etsa equip tabeng ea Climate Change, temo le khoebo.

Ha ke beile hakana ke fihla qetellong ea Tlaleho ea Komiti ena ea Lipehelo tsa Mongoaha-kholo eo ke e tekang ka pele ho Ntlo ena e Khabane. Ke kopa Ntlo e amohele Tlaleho ena.

HON. SENATOR DR. T. LEBESE: Kea leboha, Madam-President. Ke u hlomphe, ke hlomphe the Honourable Minister present here with us, le lona Bahlomphehi.

Mohlomong ebile ke coincidence taba ena ea hore esale re emetse the Minister to come before the House to move taba ena ea Bill. The coincidence ke ea hore letsatsing la kajeno ha re teka litaba tsena tse amanang le youth unemployment, ebe o teng mohlomong a tlile ka mosebetsi o mong, empa eo ke emang mona ke tlatsa ka eona, ke hore Ntate Molula-Setulo ea entsoeng nominate ke eena.

O beile litaba tsena hantle ‘me ke litaba tsa Komiti leha ho le joalo, maybe let me point out some few issues tse sa kang tsa hlahella Tlalehong ena.

The one issue we discussed e ile ea ba taba ea skills mismatch e bonahalang e le teng tlhahisong e ngata ea litsebo tse fapaneng feela tse sa arabeleng tlhoko ea ‘maraka kahare ho ts’ebetso. We are now entering the graduation season, ba qeta ho ngola ba bangata, feela ba ts’oere degree tsa Sociology, History le DS. I do not know what they are going to do with those qualifications, ‘maraka ha u hloke courses tseno unfortunately.

E ‘ngoe eo re ileng ra e supa ke ea hore our youth are more dependent ho khiro e hlahang ‘Musong, ‘me hafeela the private sector e sa thusetse ka matla, re tla ba le mathata a ts’abehang litabeng tsena.

E ‘ngoe ke hore re ile ra bona hore the impediments of youth unemployment perhaps li tlisoa ke moruo oa rona o bonahalang o le monyenyane haholo ‘me o sa khone ho etsa accommodate tlhahiso eo e ka bang e teng ea lithuso tsena.

Taba tsena li ile tsa ba bohlokoa haholo if we do not seriously align litaba tsa rona tsa NSDP 2 as extended to respond to what the market needs. Re tla sala mona moo re leng hona teng, moo lona Lekala la Development Planning le tla nts’a scholarship selemo le selemo hore bana ba ee likolong, feela ba ‘ne ba il’o etsa courses tseo ‘maraka o sa li hlokeng.

Platform tse ling tseo re ileng ra li supa kaha sebui se buileng se ne se beha litaba tsa rona se supile taba ea ts’ebeliso ea marang-rang, ke taba eo re ileng ra e ts’ets’etha haholo.

Marang-rang matsatsing ana linaheng tse ling Honourable Minister through you Madam President, are being monitored. Batho ba se ba fumana teke ka li-platform tsena.

It’s somewhere we need to go hobane bacha ba rona ba lutse hae ka bongata ‘me ba na le litsebo tsa ho sebelisa some of these gadgets. Joale ebe litsebo tseo ha ba ka li sebelisa hantle, che e seng ea strip-chat, li teng tse ngata haholo platform tseno tse ka sebelisoang ‘me ha ba li sebelisa they are monitored and they are making money. 

E ile ea ba khothaletso e ‘ngoe eo ke utloang eka Ntate Molula-Setulo oa ka eo a neng a mo khethile o li behile hantle.

Ke ema mona ke mo tlatsa lintlheng tseo…    

HO. SENATOR S. NKUEBE: Kea leboha, Madam President. Ke homphe Tafole ea hau, Mohlomphehi Letona le teng koano, Litho le bohle ba teng kaofela.

Potso ea ka ho Setho se Khabane, ke hore na ebe ha se bohlale hore re le Ntlo ea Senate kapa eena a ka eletsa Letona le ikarabellang litabeng tsa thuto hore le ke le etse address taba ena e etsahalang ho Tertiary Institutions tsa rona tse kang NUL, Fokothi le tse ling hore course tsena tseo re fumang moo ha se tseo ‘marakeng li hlokoang, ‘me li mpe li behelloe ka thoko li etsoe replace ka tse hlokoang hajoale?

Kea leboha.

HON. SENATOR DR. T. LEBESE: Kea leboha, Madam-President.

Taba ena e bohlokoa haholo le haeba re bua eka mohlomong re eisa kapa ha re bonts’e bohlokoa ba non-stem subjects. We are not saying that, but seo re buang ka sona ke hore NMDS ka Budget ea eona e tl’o nts’a lethathamo le tl’o ea likolong.

Likolong moo e hlalosa feela ho re ‘NUL re u fa scholarship tse 1600 selemong sena’ joale ebe likolo tse joalo li etsa allocate ho Faculties and departments ka ho lekana joalo-joalo.

U tla fumana entry requirements tsa courses tsena tseo re bonang li se na ‘maraka, eseng tse se nang thuso, li na le thuso empa ha li na ‘maraka and they are not responding to seo naha e se batlang, mohlomong tse ling tsa Humanities. Ke tl’o pheta hape Madam President bo-Theology, Philosophy, and as they do them…

MADAM PRESIDENT: Naha ena ke ea Bo-Kreste Honourable Senator. Hantle re ntse re re Thuto Molimo e qale koana Primary. Naha e retsitse ka lebaka la hore li ile tsa tlosoa kahare ho mathathamo a lithuto tse teng.

Joale u se ke oa e kenyelletsa har’a tseno tseo u bonang eka ha li na ‘maraka, ‘maraka oa tsona ke ho sebetsa kelello ea ngoana hore e be motho eo e ka bang oa bohlokoa ka hare ho naha. Kea kholoa Course eno u tla e behella ka thoko.

HON. SENATOR DR.T. LEBESE: Re tla e bua issue ena Madam President ho fihlela re ba le consensus re e utloisisa. We are not saying they are totally wrong, but we are saying the numbers tseo re bang le the produce e hlahang mane e ngata haholo, ‘me ha e khone hore e be absorbed ka hare ho ‘maraka.

We need to work on the numbers, we need stem subjects: Science, Technology, Engineering and Mathematics. Ke bona bao re ba hlokang, Madam President.

Kea ananela Mohlomphehi hore ehlile re tlameha ho etsa platforms moo re eletsanang, mohlomong re eletsang Lekala re shebisanang le likolo tsa thuto e phahameng, ‘me lithuto tsena tseo Bahlomphehi le leng passionate ka tsona li kenelle, Madam President, e li tla kenella!

Joale empa lipalo tsa teng li mpe li theohe. Re mpe re ee moo re bonang ekare ‘maraka o re qobella hore re ee hona teng. Tsena tsa Philosophy le Theology, ka ‘nete e mpe ebe ka lipalo tse tlaase re lumelle stem subjects and the artesans, tsona tseo re li hlokang, ebe tsona tse kenang.

Taba eo Madam President, u bone se etsahalang mane Metsing a Lihlaba, we are failing to get diesel mechanics, boil makers, ha ba eo kahare ho naha ka mona, simply because we are producing what we don’t need for the the economy, for something that we knew hore Polihali e tl’o ahoa, le matamo a mang, re tla be ntse re lla ka eona taba e ts’oanang.

Kea amohela Mohlomphehi Morena oa Liphakoe, hore indeed we need forums to open-up, e le hore re bue ka litaba tsena. E le hore Madam President, ho tle ho se ke hoa hlaha ekare re re course tse ling li bohlokoa ho feta tse ling.

Re mpa re re, re mpe re be responsive moo ‘maraka o re lumellang hore re ee hona teng. Whilst we are still absorbing bana ba entseng courses tse ling tseo ho bonahalang li se na ‘maraka.

Ke tlatsa Report ena, Madam President.

Question that, the Report of the SDG’S Committee on it’s meeting with the Ministry of Social Development, Youth and Gender on Stratergies to combat Youth Unemployment in Lesotho, put and agreed to.

HON. SENATOR M. KANETSI: Kea leboha, Madam President. Ke u lumelise, ke lumelise le Tafole ea hao, Letona la rona le Khabane, Litho tsohle, le bohle.

Ka ‘nete e ne e le hona ke ntseng ke lokisa, empa ha u se u mphile monyetla, ha ke na ho o tlohela. Taba ena ke hobane ke khubu ea ntho e ‘ngoe le e ‘ngoe eo re ka lekang ho e etsa, ke crisis. E ile ea phatlalatsoa e le joalo, ke crisis. Mohlomphehi Khoaele, o ile a ema mona kea kholoa re tla e bua hangata ho fihlela re e fumanetse pheko.

Ke mpa ke batla ho tlatselletsa ho sebui se qetang ho bua Mohlomphehi Lebese, hore indeed ho na le subjects tsena tse ling tseo bana ba rona ba thallang ho ea ho tsona haholo hobane entry requirements tsa tsona li batla li le bobebenyana, li sa sebelise kathata haholo, empa tse sa tl’o re tsoela molemo in the long term. Re hloka ho sheba taba ea lipalo hore sekepele se se ke sa eba boima haholo ka scholarship, ebe se ea to non-sterm subjects.

Ke cho tjena hobane, hore naha ebe e ikemetse e tlameha hore re etse manufacture e tle e tsebe ho etsa export e ise lihlahisoa kantle ho naha e rekise. E se ke ea eba feela a consumer nation as we are. Re baji feela hona joale ha ho na leha ele thutsoana ea mollo eo re e etsang produce kahar’a naha ena. Joale le metsi ana a metsi re ntse re a etsa import I don’t know why because ho se ho na le bottling componies tseo re lokelang ho li etsa support hore li re fe metsi, feela re ntse re etsa import metsi.

HON. SENATOR J.A. MOTS’OENE: Kea leboha, Mohlomphehi.

Ke botsa Setho se Khabane, ho na le ntho eo a e buileng ea bohlokoa ‘me taba ena e melomong ea rona hle. Na Setho se Khabane se hlokometse hore naha ea China e na le setsoalle se sengata le naha tsee tsa Afrika? Litabeng tsena tsa technology ho batla ho le bobebe hore linaha li ka reka thepa tse ka matlafatsang moruo oa linaha tsa ‘ona haholo ke sheba ena ea metsi ka mechine eo ba e etsang e hlatsoang libotlolo ba boela ba li koaela ho fihlela li ea to the final product na?

HON. SENATOR KANETSI: Kea leboha, Madam President. Mohlomphehi oa ka ke hlokometse ebile ke se ke kentse order ea mechine. Le toilet paper ena e toilet paper, Ma-China a na le mechine e e etsang.

Batho ba Molimo re sitoa le ho iketsetsa leha e se e le toilet paper? Joale re ntse re reka ka ntle hobaneng? Ho na le ntho e ‘ngoe eo ekareng re ea e hloka joale bana ba rona ba etsa inherit problem ena ea ho hiroa ho feta ho etsa hobane mohlomong re sa tiise ka matla ho ba fa courses tsena tse hlahang tlas’a stem tsena tse etsang manufacture.

Ka ’nete ke batla ho etsa reiterate taba ea hore ka NUL ka mane, re bona litlaleho on Facebook mona nako ena kaofela tsa bana ba hlahang ka innovations tse ntle haholo, tseo u bonang hantle hore ekare ha re li etse recognize. Re lokela ho ba hloaea re ba etse recognize, re ba fe support, re ba rute taba ea patenting ba etse lintho tsa bona joale li tsoele-pele li etsoe produce.

Haeba ke bona bana bao re lokelang ho ba nka re ba isa training China, ha re nkeng bana bano ba rona in numbers, in those fields tseo ba bonahalang ba etsa produce litaba tsa manufacturing, re ba ise ba il’o fumana training.

Ha ke feta-feta hanyane ho tsena tsa manufacturing, which ka ‘nete ke reng ha re ke re bueng le National University of Lesotho le Lerotholi Polytechnic and other institutions. Re ke re tl’o bang le educational submit, eo re tl’o etsa turn things around hore ha re ea pele re ke re eeng re na le ntho e ts’oarehang, ea the new challenges tseo re li bonang kahare ho bophelo hona joale.

Tsena tse ling ke tse tl’o re thusa hobane litaba tsa History tsa ho itseba, tsa Sociology re ntse re hloka batho ba balang sechaba, re ntse re hloka batho ba rutang lintho, empa the numbers li tlameha hore li ee koana haholo ho feta ka mona.

Hona joale le batho ba entseng Molao ba se ba sokola mosebetsi ba sokola hona hoo! Joale re se re tlameha ho tla shebang hore na strategically re iketsa reposition joang Machabeng mona hore le rona re hlahelle.

Ha ke fihla ho ena Mohlomphehi oa ka, ho na le these small industries tse hlahang tseo e kang ha re li bone hantle, feela tse hirileng bana ba bangata haholo. Ke industry ena ea Beauty and Wellness, industry ena e bonahala e hola ka tsela e khethehileng. Hona joale ha re ka re bo-‘m’e ba phetle matsoho a bona ha ho na ‘m’e ea sa kenyang manala. Ke ne ke le ho workshop e ’ngoe Over-seas koana, ha ke sheba sechaba seno se mono ka bona hore bo-’m’e bana ba manala kaofela.

Joale u be u se u bua ka manala a matsohong le a maotong, u etse multiply hore na ke bokae ho etsa manala. Ha se ntho e ka tlase ho M300 manala ana, joale o ee tlase maotong M500 to M600 u e kentse mothong a le mong. Hee ke le bolleng chelete e moo!

Joale empa ke tse ling tsa industries tseo re sa li tsotelleng tseo re lokelang hore re nke bana ba rona Mohlomphehi oa ka re ba ise, le ba bashanyana ba ka khonang ho etsa manala ba ee, ba il’o etsa manala, ba il’o etsa moriri ba tsebe ho fumana employment.

Ka ‘nete ke kopa re etse promote sector ena ea beauty and wellness haholo. Ho na le ena ea wellness eo ba nang le faculty ea teng mona CUT Bloemfontein. Bana bano ba etsa Somatology. Ba re etsa massage, ba re etsa lintho tse joalo. That is another industry, e holang ka tsela e khethehileng eo ebileng e amang le maphelo a rona a letsatsi le letsatsi hobane re fumana stress se fapaneng ka mesebetsi ea rona e fapaneng.

Bana bano ha ba ile ba u ts’oara-ts’oara ka ‘nete khoeli e fela ekare u utloa leha u bitsoa,

So ke ne ke re ke tse ling tseo re tlamehang hore Lerotholi Polytechnic hee, Limkokwing hee, le tse ling, ba tlameha ho kenya course tsa mofuta o joalo, hobane ke tsona course tse relevant hona joale tse tla fana ka mesebetsi. Chelete e moo hee! Lea tseba Bahlomphehi ba ka hore na facial ke bokae? Ho otla motho mahlong moo, u mo etsa lints’i tsee, ke chelete e ngata hoo!

HON. SENATOR M. MOSHOESHOE: Madam President, ke ea u hlompha ‘M’e ke hlomphe Litho tse Khabane le Tafole.

Ke kopa ho botsa Setho se Khabane se ntseng se etsa advertise hantle industry ena hore na ka ‘nete ruri u khothalletsa hore bana bana ba fihle ba nke seretse sena ba re peqetse mahlong moo joale ke chenche ha ke hlaha mona, a nthoese weave ke be manala, ebe ha ke hlaha moo ha u sa ntseba hore e ntse e le ‘na?

Ke hore natural beauty eane ea Bosotho ba rona ea hore mosali oa Mosotho o oa ‘mona hore enoa ke mosali oa Mosotho. Ka short hair e ka reng ena ea ka ‘m’e, e se nang le letho, ke kame moriri ke tsoe ke tsamaee ke hlape, ke be sekono nka mpa ka il’o patala?

 Potso e ‘ngoe ke hore, ena ea massage ‘Me’ ke ea e utloa ka ‘nete oa tseba business tse ling li lahlisa batho boikarabello. ‘M’e Mohlomphehi, o ntse a bua hantle. ‘M’e o re ka ‘nete ha a na le stress a imetsoe o sitoa hore ntate Kanetsi a mo etse massage lapeng koa a mo silile kapa bana ba mo silile, a kenye maoto ka metsing a letsoai lapeng ka basekomong. Ke be ke tsamaee ke il’o patala koa, u reng hantle, a k’u hlalose litaba tsa hao?

HON. SENATOR M. KANETSI: Kea leboha. Ke ne ke re bo ntate Kanetsi ha ba na skills tseno. Batho bana ba nka course ena, ke lilemo tse peli kaofela. Ba rutoa feela le hore na letsoho lena la hao le ts’etse eng. Letsoho lena le na le likarolo tsohle tsa ‘mele ho uena mona leoto lena la hao ke likarolo tsohle tsa ‘mele ho lona mono.

Eleng hore ba ea rutoa hore ha ba ts’oere kae, ba ts’oere kae, u tlo hlaboloha. Haeba u ile mono u ts’oere ke hlooho, u tlo hlaboloha u tlohe mono e folile. Haeba u ile mono u na le pain e itseng, ba tla u etsa joalo, ha se lintho tseo ntate Kanetsi a tla tseba ho li etsa tseno.

Empa hee, ka ‘nete ke ne ke re ha re ka ba le submit ee, e tla re thusa hore re tle re bokelle litaba tsena ‘moho, re shebe hore na bophelo bo se bo shebile kae. Ekare rona re ntse re hula re shebile morao. Ha re sale koana, rea koana, pele feela! Re tsebe hore leha ho fanoa ka scholarships, re se ke ra li etsa limit feela to the stem, Mohlomphehi Lebese.

Stem is very important, feela ka litalenta tseo Molimo a re fileng tsona. Ho na le ba bang bao stem se tl’o ba siea ka ntle, ka lona lebaka la entry requirements joalo-joalo. Re ntse re lumela hore re ka ba nyolla ho tloha kae-kae, ho fihlela mona moo ba etsang manufacture.

Joale empa ho na le tsena tseo ke reng ke li non-stem, feela ke tsa bophelo ba letsatsi le letsatsi, tseo re bonang hore li ncha ke tsona tse kenang on fashion, tseo bo-’m’e le bo-ntate ba kenang ho tsona.

Hona joale tjena ke ee ke fumane bo-ntate ka salon, ba ntse ba etsoa lints’i tsa bona, ba kutoa, ba etsoa massage matlalo, litelu tsena li etsoa trim, li tloha koana li ea koana. Ke hore ha se taba ea bo-‘m’e feela. Ka ‘nete u bone hore ntate o tsoa lokisoa.

E leng hore ke moo chelete e seng e le teng hona joale. Le the best barbers in saloons mona, ke bahlankana. E leng hore re ke ke ra ba koalla ka ntle ha re etsa litaba tsena tsa Somatology hobane le bo-ntate le bona ba tla be ba hloka bo-ntate e le hore ba ba etse massage. E leng hore re ke ke ra koalla bashanyana kantle hore ba etse course tsena tsa Somatology and others.

Mohlomphehi oa ka, ha ke tla ho tsena tsa manufacturing, ke batla ho khutlela ho tsona hanyane, hobane hangata re li nka ekare ke litaba tse seng li le holimo tsa university feela. Joale empa ho na le ena eo ke tla bua ka eona letsatsi le leng le le leng, ea TVD, ea hore ka tlase ka mona ho ntse ho na le course tsena tseo bana ba sa etseng qualify ho kena university ba ka eang ho tsona. Bana ba etsang mapolanka le mesebetsi e meng ea matsoho.

E ntse ele karolo ea manufacturing. Ha re ka iketsisa ra nka statistics sa hore na ka ‘marakeng ka mono, bo-ntate bana ba etsang litafole tsa rona tsa kitchen, ba re etsetsang wardrobesbe ba hirile batho ba bakae, re tl’o hlokomela hore ba entse create mesebetsi. Ke bona ba lokelang hore re ba nke re ba ts’ehetse, re ba ise moo ebang ba isoa teng ba il’o betla li-skill tsena tsa bona, ba tsebe ho tla re tlela le ho re etsetsa lintho tseo re utloang hore ha li na li-but ka hare, tse chorileng, tse ntle. Ba thusoe le bona, ba tsebe ho etsa create mesebetsi.

Ke leboha Lekala la Thuto hobane ke hlokometse hore ka morao hore re bue-bueng ka eona, ka’nete taba ea li-assessment joale e ea etsahala le li-trade test li ea etsahala likolong mona. E se eka re ka etsa support taba eo ea li-trade test ba tsebe ho ba le mangolo, ba tsebe hore ka Polihali ka mane ba fumane mesebetsi hobane joale ba na le li-certificate tse nepahetseng. E leng ho re mono re se ntse re batla re le tseleng e hantle.

Kea leboha, Mohlomphehi oa ka.

MADAM PRESIDENT: Kea leboha Litho tse Khabane.

Kannete ke lumela hore li-input tsena tsa lona li thusitse Letona le Khabane haholo. Ke hore ke lehlohonolo hore ebe Letona le bile teng kajeno. Litabeng tsohle tsa bona le tla kenyelletsa maikutlo ana a lona e le hore li ke li tsebe ho ntlafala. Le hoja ke utloile ho buua haholo ka taba ea hore re ise bana kae-kae.

‘Na ke bona eka le ho lata litsebi ho ka ba even cheaper, ba tle mona joale ba nke bana ba bangata ka nako e le ‘ngoe, ba ba etsetse training litabeng tsena tseo re buang ka tsona tse fapakaneng.

E ‘ngoe ntlha, kea hore ke bona eka bo-ntate ba ne ba tla etsa attend ena ea massage le li-beauty what-what haholo ha ba ntse ba li fuoa ke bana ba banana. Joale le bo-‘m’e ba batla matsoho a matlanyana ha ba sililoa, joale kea kholoa taba ena ha e’a ts’oanela e nke lehlakore le le leng. E ts’oanetse e nke mahlakore a mabeli, motho ha a fihla mono a ikhethele hore ke batla massage a batlang a teba-tibile kapa massage a bobebenyana. Joale ebe re khetha bathong ba joalo.

Question, that the Report for the SDG’s Committee on its meeting with the Ministry of Social Development, Youth and Gender on strategies to combat youth unemployment in Lesotho, put and agreed to.

HON. M. M. MOSHOESHOE: Madam President, ka’nete ke ne ke se ke u hlomphile. Ke lebetse le ho hlompha Ntate Letona hobane ke mo furalletse.

Honourable Minister, ke kopa ts’oarelo.

Madam President, ke ema mona ke le Setho sa Komiti ea SDG’s e etelletsoeng pele ke Mohlomphehi Leboea Hloaele. Joale Mohlomphehi Leboea Hloaele, o mphile instruction ea hore ke eme mona ke teke Report ena ea Komiti.

Ka khoeli ea February selemong sona sena, Komiti ena ea haeso ea SDG’s le ea National Assembly ea SDG’s li ile tsa memeloa ho ea Phuthehong e kopanetsoeng National Assembly, moo ho eona re neng re menngoe ke moifo o tsoang IPU, SADC-PF le UNFPA Lesotho. 

Moifo ono o ne o memme Phutheho ea ho tla bua ka-the main theme on Sexual Reproductive Health Rights, e leng SRHR [SEXUAL AND REPRODUCTIVE HEALTH RIGHTS] and climate change hore na li tsamaisana joang ‘moho.

Re hlokometse hore taba ena ea Climate change, e leng pheto-phetoho ea leholimo, e amme naha ea habo rona ea Lesotho ka mekhoa eohle. Joale empa mona focus e ne le hore na Climate change e amme litokelo tsa thari le thobalano joang. Re ne re ituletse hona mono feela. Joale baeti bana ba rona ba ile ba fana ka li-Presentation. Ba re fa ka lithuto tseo ka’nete ba tlang ho nka mofao, oo ba neng ba tlile le oona.

Moeti oa rona oa pele e ne le Mr. Martin Chungong, ke eena ea neng a tsoa IPU ‘me Mr Martin o lekile ho re hlokomelisa hore taba ea pheto-phetoho ea leholimo, e se e le teng ebile re tl’o phela le eona. O bile a botsa, a re: ‘Na re itokisitse?’ Na re na le mekhoa eo ha Climate change e etsahala ka hare ho naha ea Lesotho ka mona, rona re le Members of Parliament re etsa joang hore Climate change e se ke ea ba le impact e boima haholo? Re lokisitse joang?

Taba ena o bonts’itse hore rona re le Maparamente in regard to SRHR re tlameha re lokise melao hobane li-major responsibility tsa rona le mesebetsi ea rona ea mantlha, ke oona oa ho etsa molao (legislation), oversight and budget. A re, re sebelise tsona lits’iea tse tharo (3) tseno tsa rona ho etsa molao, budget le oversight hore re thuse sechaba tlaase mane ho bona hore ‘Muso o etsa budget hantle hore SRHR ebe included nakong ena eo pheto-phetoho ea leholimo e tsokotsang lefats’e, e tsokotsang naha ea habo rona ka bophara.

Re hlokometse hore ha re tsoa ho season ea hlabula, re kena ho ea mariha linako ha li sa ts’oana; li se li fetohile. Re bona hape hona joale hore le lipula li se li na ka matlopotlopo ana ao, a makatsang re sa li lebella, ka nako eo re neng re sa e lebellang. Joale lipula tseno ha li na joalo li chencha ntho e ‘ngoe le e ‘ngoe. Li senya infrastructure. Re bone marokho a rona ha senyeha, ha li tsela li senyeha, lijalo tsa rona li senyeha li se li sa fihle moo re li lebelletseng, ho bajoa ka nako e fetang eane eo reng re ntse re e tloaetse ka eona.

Ha u lemme, u ntse u lebelletse hore ho tla bajoa ka nako e itseng ‘me re bone taba eno. Khothaletso e ne e le hore na re se re na le tsebo, na re se re na le knowledge ea hore re reke lipeo tse climate friendly? Lipeo li ea fapana, rona Basotho re tloaetse hore re be le sesiu ka mane ka hae, ebe re khetha peo re tla boela re ntse re e pheta, re e kenya mobung.

Joale ho hlokomelehile hore taba eno, ha e sa re sebeletsa, ha re sa fumana chai e nepahetseng. Joale re tlameha ho reka lipeo tsena tsa marao-rao, tse tla re thusa ka taba ea hore li tsebe ho amohela maemo ‘ohle a pheto-phetoho eo ea leholimo.

Sebui sa rona sa Bobeli Phuthehong eno, ke sona sane seo ke itseng o tsoa SADC-PF, ke Ms Boemo Sekgoma. ‘M’e Boemo Sekgoma le ea mo hopola ke ‘M’e eane ea tloaetseng ho re chakela mona SADC-PF, h’abo ke mane Botswana. Ebile eena sebui sa rona sa bobeli sa letsatsi leno.

Le eena o ne a re etsa brief ka taba ea Climate change hore na Climate change ena e etsa impact joang holim’a lefats’e. Eena a hl’a etsa hammer haholo holim’a basali le banana tabeng ea thari le thobalano, litokelo tsa bona tsa thari le thobalano hore na Climate change e ba ama joang. Ho ile hoa ba hoa etsoa mohlala ka ngoanana ea neng a robehile lengoele Thaba-Tseka koana, joale a tlameha ho tla sepetlele sa toropong Thaba-Tseka, e se le nako ea hae ea ho pepa.

Mohlomphehi Madam President, koana literekeng ka hobane litliliniki le lipetlele li hole haholo. re na le marontabole. Bana ba tsoang mahaeng koana ba hle ba tle khoeling ea ho qetela, ha a se a tseba hore ke khoeli ea borobong (9) ebe ba atametsoa haufinyana le sepetlele hore e tle e re ha nako eane e fihla e re eu! A be a le haufinyana a tsebe ho kena Sepetlele.

Ngoanana eno oa Thaba-Tseka ho thoe o ile a tlameha ho tsamaea 3 days ho tloha motseng oo oa habo. Ke kopa ke mpe ke etse protect lebitso la hae. Ho thoe o ne a tsamaee 3days and nights a ntse a tsamaea. Hae koana mode of transport hangata ha se libese kapa li-taxi feela, re palama litonki le lipere. Ha tonki le pere e le sieo heno, o tla tsamaea ka maoto.

Ngoanana eno re ile ra etsetsoa mohlala ka eena ho re o ile a tsamaea 3days and nights a ea sepetlele, a il’o pepa ‘me nakong eo a ntseng a tsamaea, a ntse a robaletsa a kopa boroko malapeng mona. Ka nako eo a ntseng a tsamaea, a robaletsa, a kopa boroko malapeng mona, a ba exposed to gender based violence.

Akere bo-ntate ba bang [e seng bo-ntate kaofela], ha ba bona mosetsana, ba bona ntho feela eo ba ka e sebelisang ka mokhoa oo ba ratang ka eona. Joale tlhekefetso eba teng. Hase eno ea tlhekefetso ka motabo feela. Ho na le eane e emotional, eane e emotional ebile e kenya discrimination.

Basotho re na le habit ena ea hore ha ngoana a ile a robeha lengole, ha e se ha re ‘mona nako ena kaofela ra be re se ntse re mo khoba ka mantsoe a bohloko, re mo botsa hore: “u ne u ntse u etsa’ng, ha u etsa lintho tsa batho ba baholo? Bona joale ntho e seng e u hlahetse”!

Joale u hobosa motho eno, ha u bone le hore oa mo hobosa ebile u mo kenya pressure, stress seo mental health ea hae e amehang haholo. Joale ngoana enoa ha a se a fihla Sepetlele mono, a le ka tlas’a khatello ea maikutlo, a bile a khathetse ke tsela ena e telele, a ba a iphumana a tlameha ho pepa pele ho nako e neng e baluoe ‘me a ba le li-complication tse mpe haholo.

Ke oona mohlala oa impact ea Climate change. Lipula li ne li na ka nako eo a neng a tsamaea mono. Hona hee, ke impact ea pheto-phetoho ea leholimo holim’a SRHR. Ke mohlala ono o ileng oa etsoa.

Re ile ra ba le Presentation ea moeti e mong oa rona, ea tsoang UNFPA, e le Lesotho representative. Eno eena o ne a bitsoa Ntate John Kennedy Mosoti. Ntate John Kennedy Mosoti, o ne a le teng le eena a re bonts’a hore na taba ea infrastructure naha e loketse e e etsetse budget joang ka nako ena eo Climate change e etsahalang. Ke hore ke nakong ena, eo marokho le litsela, ho lokelehang hore na li etsoa maintain joang.

Madam President, ke be ke u tlalehele ‘M’e, hore Selemong sena se fetileng rona re le Women’s Caucus, re ile ra ba ra fuoa Funding ke eona SADC-PF le UNFPA eaba ea rea e nts’a, ehlile re kopile hore re ke re ee mabatooeng koana, re il’o tsamaea, re il’o sheba hore na ha ho thoe Climate change e sentse marokho, e sitisa bo-‘m’e le masea ho ea litsing na ho boleloa eng.

Re ile ra etsa Moralo re le Women’s Caucus, ra ea lebatooeng la Phoqoane, Mafeteng mono. Ha re tloha Phoqoane, ra fetela Matholeng.

Ha re fihla Phoqoane mono, re fihlile ra etsa Pitso e kholo haholo mono, re le Women’s Caucus e leng Members of the Senate Women le Members of the National Assembly Women, re kopane re tsamaile, re hiretsoe likoloi tsa li-fortuner tse 8. Re palame likoloi tse ncha, re robala guesthouse Mafeteng mono. Ke hore lintho tse joalo, li etsa motivate hore motho a ee mosebetsing.

Ra tsamaea ‘M’e, ra ea Phoqoane ka likoloi tse ncha, ra kena re kolokile ka convoy e telele. Re na le lifoto, re tla u bonts’a ‘M’e le Report e teng u tle u bone hore ha ke iqabele litaba tsena.

Ha re fihla Phoqoane mono e ne e le Pitso e memehileng haholo ka’nete ra fumana masisa-pelo ana a haesale. Le rona ha re ts’ela mono joale, re ts’ela kahar’a noka e neng e omme. Ka nako eno, e ne e le nakong ea komello, ho ne ho omme; metsi a le sieo. Tsela e mpe hakaalo, e senyehileng ebile e le telele. Ke mpa ke lebetse hore na ke how many kilometers from the tarred road, e eang mono.

Ke hore ke tsela e mpe hakaalo eo hothoeng ba e tsamaea. Batho bano, re ne re il’o etsa taba e mona eo re tloaetseng ka hore ke Public participation joale re re, re ke re qoqe le bona re utloe hore na hantle batho baa ba phela joang moo. Re fumane mathata a hore bo-‘m’e ba bakhachane ha ba tla tsamaea ba ea sepetlele kapa tliliniking, ba tsamaea distance e telele ka maoto, ba ts’ela eona noka eno eo rona re e ts’etseng ka liraha majoe tsena, bona ba e ts’ela ba palame literekere, sekosekara kapa ha ba se na sekosekara o kopa lift sekosekareng haeba se ne se il’o feta mono.

Joale taba ke hore na se tla feta mohlang o eang tliliniking uena? Anti-natal care ea hau akere ho thoe u na le Bukana ho thoe ka date e itseng u tla ea tliniking. Ha e se ka nako ea hau, ha sekosekara se sa tsamae, u tla tsamaea ka maoto. Ha u tsamaea ka maoto ka mono, ka nako e ‘ngoe u fumana noka e tletse.

Ho thoe ‘m’e e mong haesale a emela lift mono ea sekosekara kapa eona terekere eno ho re e tle e re ha e tsamaea a tle a fetele koana, empa o ile a ba a pepela hona moo tseleng!

U tsebe literekere le likosekara li khannoa ke bo ntate, ‘m’e ha a pepa ka pel’a mahlo a bo-ntate rona ka Sesotho ae, ha se ntho e amohelehileng. Rona ha re makhooa ane ao e reng ha ‘m’e a il’o pepa ebe a ea le mosali oa teng ka moo a pepelang. -Ae!

Ka’nete e ne e le litaba tse mahlabisa-lihlong tseo re li utloileng ha re fihla mono. Ba re joetsa kamoo ba sotlehileng. Ba re joetsa hore le bana ba sekolo ba mono ba tsamaea distance e telele ho ea likolong. Ra ba ra pota Sekolong se seng se fefohile mono le Kereke; ke eona Climate change. Moea o makatsang o sitoang ho laoleha eaba o fefola kereke le sekolo. Re potile libaka tseno kaofela re ntse re batla maikutlo ka sebaka seno.

Ha re tloha mono, ra fetela Matholeng moo re neng re fumana ka’nete bana ba reipuoa le bo-‘m’e ka tsela e phahameng hona hoo! Matholeng ke mane tseleng e eang Van Rooyen, e kholo ha u tsoa ka Mafeteng ha u feta mane ha Morena oa ka oa Sehlooho oa Tebang.

Litaba tsena re li ngotse, ke Report ‘M’e. Ke li ama tjena hobane ke bone Bekeng e fetileng Report eno e tekuoe ka Ntlong ea National Assembly ‘me ke lebeletse hore le rona ka mona, re tle re fuoe monyetla re le Woman’s Caucus, re tl’o teka Report eno.

Mabotooa ano a mabeli, e ne e le just to pilot hore re ke re shebe hore kahar’a naha ea Lesotho ke eng tseo re ka li fumanang. Ke hona re tl’o tsamaea, re tl’o tla re sheba.

Ha re ntse re etsa joalo, re ntse re etsa eona taba ena eo SADC-PF le IPU li r’eng re ke re tsoe kahar’a Paramente, re ee mane sechabeng, re il’o sheba hore na bona ba phela joang le hore na impact ena ea Climate change e ba amme joang.

Joale litaba tsena tsa Report ena li ngata Bahlomphehi! Ke batla ba tle ba ipalle Report ena ha ba le hae, ba ithute eona. Joale empa ke tla qetela feela ka ho fana ka…

HON. SENATOR C. K. MAKHAOLA: ‘M’e Mofumahali, ka’nete re u mametse ka Report ena ea hau, ka makhethe a maholo. Joale ke re u bone masisa-pelo ana, litlokotsi tsena tseo Sechaba sena sa Molimo se phelang tlas’a tsona.

Joale ke re, ‘Me’ Mofumahali, ebe u ne u tsamaile e le uena u le Setho sa Ntlo e kholo hakana le e ‘ngoe e hlahlamang, ebe ho ile hoa tla ho uena botebong ba pelo hore ebe Sechaba see sa Molimo se sotlehileng kahar’a libaka tse hlobaetsang hakaale, ebe se ea tseba hore naha ee kea sona? Le ho re haeba se ea tseba hore naha ee kea sona se phothulohile, se tla imamella mathata ano kahar’a libaka tse thata tseo, ebe se leseling la hore na naha ka bo-eona, Lesotho, na re le Sechaba kaofela, le bona le uena, Mofumahali, le bohle ba phelang kahare ho naha ena, ebe bohle rea hlokomela kapa rea elelloa hore re kahare ho mathata a hlobaetsang, a sa robatseng, a molato kapa melato eo naha ena e leng kahare ho eona, eo re ka ‘na ra tsoha ho se ho thoe le tsebe lona kaofela le le tjena haesale ha lona mona (Interrupted)

MADAM-PRESIDENT: Setho se Khabane Order, ke kopa ho botsa hore u ntse u botsa Mofumahali holim’a litaba tseo a ntse a li bua na?

HON. SENATOR M. C. MAKHAOLA: Ho joalo Mohlomphehi.

MADAM-PRESIDENT: Litaba tsa melato na u li buile? Melato ea naha?

HON. SENATOR M. C. MAKHAOLA: Tsena ha a li bua empa ke re na ebe o hlokometse hore na leha a ntse a hauha hakaalo, na re tlokotsing e kakang eo re ka ‘na ra tsoha ho se ho thoe “uena o tla lisa likhomo tsa mane, uena o tla hlatsoa liphahlo tsa mane!” Re tlokotsing, ‘Me’ Mofumahali, na ua e nahana ntho eo kapa u bona mathata ao feela a Basotho bao feela na?

Ehlile re na le bothata re tlokotsing, re tsoha re ipotsa hore na letsatsi le leng le leng hore na (Interrupted).

MADAM-PRESIDENT: Kea kholoa o utloile, Setho se Khabane, Honourable Senator Moshoeshoe.

HON. SENATOR M. MOSHOESHOE: Madam-President ka ’nete ke leboha Morena ua ka oa Sehlooho oa Qacha ka ho bula kelello ea ka a re ke se etse channel feela ka holim’a SRHR le Climate Change ke nahane le ka nqa ena.

Ke utloa taba ena eo a e buang ele kholo hona hoo feela ha ke mo araba ke re ke kopa re tle re e qoqe ho platform e ‘ngoe. Ke tla mo fa sebaka a re etele, Senator Leboea, Chairperson of SDGs Committee re tle re meme Morena ua ka re mo fe platform. Ke kopa ha ke chulo joalo ke tsoelepele ka recommendations tsa Komiti.

Joale re entse recommendations, kea qetela, Bahlomphehi. Recommendations tsa Komiti ke hore ho loantša taba ena ea Climate Change, re etse avoid ho etsa purify moea oo re o hemang le ho lokisa hore (Interrupted).

MADAM-PRESIDENT: Litho tse Khabane, ke batla ho etsa point of order mona ka hore ke hlokometse hore ekare Litho li se li ikamohile matla a tsona. Tsela eo Litho li kenang li tsoa kahare ho Ntlo, ba le out of order ka teng ba etsa cross the floor, ha ea nepahala. Re ee re emele hore ke taba tšoanetseng hore e etsoe call to order ke Litho.

Ha motho a ntse a bua ha a etsoe cross, Litho tse ling tsa khale lia tseba, tse ncha li tšoanetse ho bona ka lona ha le e khotsa hore “order se ke oa etsa cross the Chair”. Kea leboha, Litho tse Khabane, tsoelapele Mofumahali.

HON. SENATOR M. MOSHOESHOE: Ke ne ke le mane moo ke reng ho bonahala hore ka ’nete taba ena ea Climate Change re thusetsana haholo, re leke ho sebelisa mekhoa e meng eo re tla sebelisa moea, re sebelise solar energy sebakeng sa ho fehla motlakase ebe re sebelisa metsi a rona hore re bone hore re fehla motlakase. Solar energy, wind le water.

Taba e ‘ngoe ke mokhoa oo re phehang ka oona, re leke ho pheha ka natural gas. Natural gas le mashala, batho ba bangata ke e bone eka ha ba e-so hlokomele hore li-toilet tsane tsa rona tsa pit-latrines ka ntle ka mane, li se li sebelisoa hore waste eno, hona le ntho eo ho thoeng ke Waste Management. Oona mantle ano a sebelisoa ho fehla gas e tlo pheha ka tlung. Ke ho re ha le le bangata le khona ho ea toilet lapeng, toilet e tlala ka pelenyana ebe joale re il’o nka waste eno ea lona, ebe le ea ho Waste Management Company e fihla e fehla e etsa khase. Khase e se e kena ka tlung ebe re pheha ka oona mofuta ono. Empa rona mahaeng koana re ntse re ratha patsi, re ntse re pheha ka patsi.

 Feela re khothalletsoa hore ha re qeta ho ratha sefate, re leme se seng. Lifate li fehla moea re se ke ra li qeta kaofela.

Joale ke re Mohlomphehi ha ke chulo tjena ke re ke kopela report ena ea Komiti hore Ntlo ena e Khabane e mpe ebe pelo e mongobo ho e amohela ka tsela ena eo ke e behileng ka teng, kea leboha.

MADAM-PRESIDENT: Ke kopa ea tlatsang Setho se Khabane, Honourable Senator Dr. Lebese.

HON. SENATOR DR. T. LEBESE: Kea leboha, Madam-President, re ile ra laeloa ra ba ra itlhopha ka taelo ea Ntate Molula-Setulo Madam President hore na ke mang ea tla beha report le hore na ke mang ea tlang ho tlatsa. Ke ntho ena u bonang re se ntse re thella tjena.

Setho se buileng ke ema mona ho mo tlatsa litabeng tseo a li behileng Madam President. ‘Me ha ke etsa joalo ke supe lintlha tse peli tse tharo feela tseo mohlomong re ileng ra li supa ha re ntse re tšetšetha litaba tsena hore litaba tsena tsa Climate Change and SRHR li bonahetse li ama litaba tse ling, ‘me o li amme litaba tsena empa mohlomong ho tlatseletsa feela litabeng tsa hae.

Tabeng ea maternal and pregnancy health, ka tsela ea hore bo ‘Me’ ho bonahala ba ba tlokotsing kamor’a likoluoa tsena tsa Climate Change. Mohlomong ekaba meea, lipula le ling, ba ba le litaba tsa miscarriage, ho ba le litaba tsa low birth weight, litaba tsa prem. Hape le ho nyoloha hoa sekhahla sa BP. Ke litaba tse ling tseo li ileng tsa supuoa litabeng tsena.

Hape e ‘ngoe e bonahetseng ele teng ke taba ea sekhahla sa mafu seo ka kotloloho se amang reproductive health. Litaba tsena ha re na le metsi a mangata, li re bakela likokonyana tse ka bakang Malaria linaheng tse ling. Empa ho rona e re amang ke litaba tsa Cholera.

Hape ha linoka li tletse marokho a khaoha, e etsa disrupt tsela eo batho ba eang litliniking ka eona mohlomong ho nka li-drugs tseo ba li sebelisang ekaba lipilisi tsa bophelo bohle, joalo-joalo.

E ‘ngoe hape mohlomong re ntse re le hona mono ke hore taba e joalo e bonahala e re bakela bolutu ba food insecurity and malnutrition, kaha joale e tlisa disruption   into the food value chains. ‘Me taba ena e re bakela mathata litabeng tsena. 

Ena ea GBV ‘Me’ Mofumahali u e behile hantle empa ea ho qetela ekaba ea litaba tsa mental health and its effects. Kaha joale litaba tsena tsa phetoho ea leholimo li bonahetse li baka taba ea anxiety, e baka depression as people are being displaced from one location to another. Mohlomong bopaki ke bona bo etsahetseng Cape-Town bekeng ena esa tsoa feta. ‘Me ke tlatsa litaba tsa Mohlomphehi Setho se Khabane se ileng sa khethoa hore se behe report ena hore e fela litaba tseo re ileng ra li tšetšetha, kea tlatsa Madam President.

Question proposed that the Honourable House to adopt SDGs Committee report on SDGs Informed on Legislative Scrutiny Focus on Sexual Reproduction Health Rights (SRHR) and Climate Change.

MADAM-PRESIDENT: Honourable Senator Mokhathali.

HON. SENATOR M. MOKHATHALI: Kea leboha, Madam President, ke hlomphe Tafole ea hau, ke hlomphe le Letona le teng kahare ho rona.

Le ‘na ke ne ke le teng ho workshop ena, ‘me ka ‘nete Litho tse buileng pele ho ‘na li buile litaba tse bohlokoa haholo. Ea bohlokoa haholo eo ‘na keneng ke qala ho e utloa hona moo ho workshop, ke eona taba eno e bitsoang SDGs Informed Legislative Scrutiny eo ke utloileng ele bohlokoa.

Ke ne ke bile ke utloa ekare re ka be re sa ea re fokola hakaalo, hobane ke ne ke utloa e re ama re le bangata bo Ketsa-Molao. Taba e kholo eo Litho tsa Bahlompehi li e buileng pele ke hore baeti ba rona ba ne ba re hlokomelisa hore Climate Change e teng, e se e tl’o phela le rona nako e telele. ‘Me e ama haholo batho ba bo ‘Me’, ba se ba hlalositse mabaka a mang a maholo.

A mang ke hore le litlamatlama feela tse neng li sebelisoa ke bo ‘Me’ ho etsa meriana haeba ngoana a kula, liea fela ka lebaka la Climate Change. Taba ea lijo re se re e bone le eona hore lia fela, empa taba e kholo ka taba ena eo ba neng ba bua ka eona ke SDGs Informed Legislative Scrutiny ke hore ha re etsa Melao, re hlokomele hore Melao eo re etsang nako eohle, re etsa re ipapisitse le hore na e ama SDGs lifeng. Re se ke ra etsa Molao feela re sa beha SDGs mona hore re bone hore na joale Molao oo re o etsang, ke hobane o ama li SDGs tse kae. Hobane sepheo ke hore le sona re li fihlele ka Melao eo re e etsang.

Ea bobeli e ne e le hore ha re etsa Melao, hore re se ke ra etsa Melao feela e tla qetella ele Melao feela e sa tlise intervention mathateng ao Sechaba se nang le oona. Re hlokomele hore Melao ea rona e etsa measurable ebile ena le time-line. Mohlala oa ntho eo nka e buang, ke ho re haeba re itse kahar’a Molao, ho tla ahoa Makhotla a bana, re se ke ra siea taba ele joalo kahar’a Molao. Ho bonahale hore na infrastructure eno e tla be e hlokuoa ke Molao ono, re e behe hore na e tla qetella ele teng ka nako efeng. Otherwise re tla etsa Melao feela e tla re ha rena le Melao eno ebe e lutse ha e sebetse, ha e etse intervention eo re neng re e hloka.

Ba ile ba re eletsa hape hore re bone hore Melao ea rona e etsoa review, hobe le nako eo re tla sheba hore ha re na le Molao o itseng rea sheba hore na Molao ho latela litaba tseo re neng re batla li o phethe, na o feela o sirellelitse litokelo tsa batho bao re neng re batla ho ba etsetsa oona. ‘Me re o etse review re tle re tsebe ho bona ha o hloka Amendments.

Joale ho ile hoa bonahala ha re ntse re bua ka mono eka rona re etsa Melao, feela ha se ha ngata haholo re bang le nako ea hore re etse review Melao eno. Ebile ha se ha ngata haholo re shebang hore lintho tsohle tseo ekabang infrastructure tse tla etsa hore Melao eno e sebetse rea li hlokomela, empa ke ne ke tlatseletsa ho tsona tseno hobane ke utloile eka li batlile li sala hore na taba eno ea Informed Legislation Scrutiny na ene e bolela eng, eleng eona eo ba neng ba etsa hammer haholo ho eona hore re be le Melao e felang e phethahatsa seo re se batlang, ‘me taba e kholo ea bona e ne ele taba ena ea Climate Change hobane ba re e se e le teng. ‘Me ha e le teng re bone hore Melao ea rona e ikamahanya le eona, kea leboha.

Question put and agreed that the Honourable House to adopt SDGs Committee report on SDGs Informed on Legislative Scrutiny Focus on Sexual Reproduction Health Rights (SRHR) and Climate Change.

MADAM-PRESIDENT: Ke kopa re etse Tlaleho eo ea ho qetela Honourable Chair, Ntlha ea tsamaiso Honourable Minister.

HON. MINISTER L. PITSO (Minister of Social Development): Kea leboha ‘Me’ Motsamaisi, hana kamoo ke lumelletsoe ho araba kapa kea thola?

MADAM-PRESIDENT: Ua thola Setho se Khabane, ke thabile haholo Honourable Minister kea bona hore kajeno ebile ba behile le uena u tle u tsebe ho ipenyetsa mono, u bue hantle joaloka bohle rea leboha Ntate, u ka tsoelapele Honourable Chair.

HON. SENATOR L. KHOAELE: Kea leboha Madam-President, Tafole le Litho tse Khabane. Ke ema mona ke beha ka pele ho Ntlo e Khabane report ea SDGs Committees holim’a taba ea Voluntary Review.

Ke tlaleho eo re e behang ka pele ho Ntlo kamor’a hore re be le kopano le Lekala la Development Planning, Ministry of Finance. Bahlomphehi selemo le selemo hoba le nako eo Mebuso e itlhahlobang hore na e pele kapa e morao hakae ho kenya tšebetsong SDGs goals tse bileng teng tse lebelletsoeng ho fihla pheletsong ka 2030, ’me ha re ntse ba itlhahloba hoba le ‘moka oa linaha tsa lefats’e, moo joale naha ka naha e fihlang e tlaleha hore na li-SDGs, tse hloauoeng selemong seno ho buue ka tsona le hore na naha e pele kapa e morao ha kae.

The meeting was confined naheng ea America mane New York ka 2025 ho il’o etsoa discuss hore linaha li etse report ea hore na tsona holim’a li-Sustainable Development Goals na li fihletse eng, ‘me ba ne ba sheba li-indicators tse 63 kaofela, ha li-SDGs tseo ba neng ba shebane le tsona tse hloailoeng li ne li le 6.

Ke kopa re mpe ke bonts’e feela hore na li-SDGs tseno tse hloahiloeng selemong sa 2025, hore na e ne e le life; e ne e le SDG 3, e leng Good Health and Well-Being, SDG 5, Gender Equality, SDG 8 Decent Work Economic Growth, SDG 13, Climate Action, SDG 14, Life Below Water, SDG 17, Partnership for Goals.

Tsena tse neng li hloahioe ka 2025, ha se hobane e le tsona feela, ke hobane ka 2022 ‘mokeng o ts’oanang ho ile hoa etsoa discuss tse neng li hloahioe ka nako eo,’me le ntumelle Bahlomphehi ke hle ke kene ho tsona ka kotloloho. Ke se ke ka hlalosa litaba tsa introduction tsena tse seng li entsoe ke Bahlomphehi ba entseng Reports ba li entseng pele ho ‘na, maemo a tsona a ts’oana.

Ha re fihla SDG 3, e leng Good Health, Ministry of Finance and Development Planning o ile a bonts’a hore naha ea Lesotho e fihletse hore ebe ho ba le a decline in maternal modality ka ho theoha hoa 54%, taba eno ba e bona e le katleho, ba bonts’a hape hore ba atlehile hore ebe bakhachane ba tseba ho pepisoa ke batho ba nang le litsebo, ba tseba ho pepela Litsing tsa Bophelo moo bophelo bo hlokomelehileng haholo.

Taba ena ke eona e etsang influence taba ea ho theoha hoa Maternal Modality, ’me ba re taba ena ea Skilled Labourers tse thusang bakhachane ho pepa and availability ea li-Health Centre, it is at 80%, ‘me taba ena ke katleho e kholo haholo eo ‘Muso oa Lesotho o e fihletseng ha o ea SDGs 3.

Ba boetse ba bonts’a hore li-case tsa (HIV/AIDS) li theohile haholo feela ka tsela e khethehileng, from moo li neng li le teng, ho tla moo ba reng ho se ho mpa ho setse prevalence but the (HIV/AIDS) cases li theohile kapare re they have halved mona moo li leng teng ha re bua tjena tlalehong eo ba fanang ka eona.

Ke mpe ke bonts’e hape hore tsietsinyana eo ba mpang ba e entseng highlight tabeng tsa bophelo ke ea hore Basotho ba qetoa ke botaoa. Basotho ba sebelisa joala ka sekhahla seo re nang le 9.1 litre per capita. E leng hore ehlile re noa haholo joale taba ena e baketse Lekala la Bophelo bothata ba hore mafu a pelo, a mats’oafo, a sebete ke qholotso e sa laoleheng ka lebaka la botaoa, ho latela sekhahla sa bona ho sechaba sena sa Basotho.

‘Me hape-hape ba bonts’a hore ntle le mafu ana ao ke a boletse likotsi li phahama haholo, li phahamisoa ke an increased or irresponsible consumption of alcohol amongst our people.

Ke mpe ke fetele SDG 5, e leng e na ea Gender Equality, tabeng ena ba bonts’itse ha naha ea Lesotho e atlehile haholo hore ebe tlhekefetso to non-partners e theohile haholo, but on the surprise turn or event ho bonahala e nyoloha kahar’a li-partners, tlhekefetso e theohile moo batho e seng li-partners haholo feela ka mora hore ho etsoe introduce Molao ona oa Counter Domestic Violence Act of 2022.

Empa ho bonahala bothata bo hlaha kahar’a malapa kapa kahar’a li-partner, observation ea bona ke hore taba ena e bakoa ke Economic Strain, re loana ho ba re le mafutsana, re loana re tseka hobane tseo re nang le tsona li re haella, re sa atlehe ho li sebelisa hantle, ebe li- partners li’a loana, so taba ena e bonahala e le taba e qalellang ho its’ema ka hare ho Basotho.

Taba e ‘ngoe eo ba e bonts’itseng ke ea hore ho bonahala ho na le katleho ea 18% decline, tabeng ea li-early marriages, moo bana ba neng ba nyaloa ba le banyane between the age ea 20-24, ehlile ho theohile haholo taba ena e neng e bonahala e le lenyalo ka sekhahla har’a the minors kapa batho ba ntseng ba le lilemong tse tlase. Ntho eno e ne e baka bothata ka hore…

HON. SENATOR M. MOSHOESHOE (Ntlha ea Tsamaiso): Ntlha ea Tsamaiso eo ke emang ka eona ke hore ’M’e, it’s hardly two weeks’ ha ke lemosa Setulo mona hore Litho tse Khabane li tloha litulong tsa tsona, li lula pel’a ntate body guard ea hau mane, kajeno ke ‘M’e Kanetsi, a k’u re a tlohe moo ‘M’e a kene ka mona.  Ha ke tsebe na hobaneng bo-‘M’e bana ba rata ho re ebesa e ba tloha ka mona ba ea ho ntate mane.

Kea leboha.

MADAM PRESIDENT: Che! Ntlha ea Tsamaiso mono e ne e mpa e le ho re feela Setho se lumelloe se kene, kea kholoa ka lebaka la hore ke ile ka bua ka hore o entse cross chair, o na sa tsebe na ha a e entse cross ke ha a entseng, leha a sa etsa cross ke ha a entseng. Ke se ke entse molaetsa Honourable Senator o tla tla hobane o tla be a sa etsa cross motho ea ntseng a bua.

HON. SENATOR L. KHOAELE: Joale ke ne ke bonts’itse Madam President ho re hona le ho theoha hono hoa manyalo a batho ba nyaloang ba ntse ba le banyane, ‘me taba ena ke katleho e kholo hobane e thusana hore ba tseba ho ba le monyetla o lekaneng oa ho intlafatsa thutong, le ho fumana mekhoa ea boipheliso le boikemelo, empa e le hore feela leha e le mona re e bitsa katleho e bonahala e etsahala hantle ntle le malapeng a ka Maloting, ntle le malapeng a futsanehileng, teng ho ntse ho bonahala prevalence ea lenyalo le lilemong tse tlaase e ntse e tsoela-pele ka Maloting le malapeng a futsanehileng.

Kea kholoa ea ho qetela tabeng ena ea Gender Equality ke hore ho bonahala ho na le ntlafalo e kholo, ho nkeng karolo hoa bo-‘m’e, ka hare ho litaba tsa lipoletiki and Leadership le hoja re e-s’o fihle hantle moo re ka reng ba se ba nka karolo at the leadership ea naha kapa at the higher ecotone. Ba ntse ba batla ba fella mane at the Local Government and Junior Managerial Positions.

Empa direction eona rea e bona, ke bao ba ea tla, ho na le moo ba tlang, ho na le moo ba tla qetella ba fihlile teng tabeng ena ea hore ebe ba etsa participate lipoletiking, ba etsa participate le botsamaising ba li-position tsa boikarabello bo boholo k ahare ho naha ea rona.

 At the current moment ba lipoletiking ba batla ba le around 30%, ba etsang participate e le bo-’m’e which is taba e kae-kae pela litebello tsa Machaba a Kopaneng hore ehlile ho ne ho lokela hore ebe we are around that, ’me e le hore taba ena re e entse achieve ka bokhabane bo ts’abehang re le naha ea Lesotho.

Ke mpe ke fetele ho SDG 8, re bua ka Decent Work and Economic Growth, mona teng ke moo re bonts’oang feela hore Cross Domestic Production ea rona and DGPR ea rona re le naha e bonahala e hloloa ho hola hore e fete 3%. Lilemo tse kolokaneng tse entsoeng trace mona, oa ithuta hore ka 2024 it was at 1.3%, ka 2026 it’s at 2.9%. Joale ka bokhuts’oanyane re a hloloa ho etsa pick-up hore re ee holimo. Re bonahala re ntse re tsamaea tlasenyana mane ho 3%, we are hardly getting there ‘me ke maemo a hlobaetsang haholo.

Decent jobs mona ba bonts’a hore participation in the Labour Sector ho boima haholo ho bona batho ba fumaneha ka hare ho a Formal Employment, ba bonahala bongata ba Basotho, haholo basali ba fumaneha ka hare ho Informal Sector.  Informal Sector ke eona e batlang e etsa absorb Basotho ka khiro.  Informal Sector e kenyelletsa Domestic Workers, Contractors, and many other Sectors tse seng formal haholo. 

They Constitute 80% ea khiro ea Basotho ka hare ho the Productions Sector. Ho bonahala re ntse re na le qholotso e kholo haholo feela ea ho etsa absorb batho.  Taba ena e kile ea re ha Dr. Lebese a bua ka taba ea li-stem tsena tsa hae_re se ke ra bua ka Theology.

Ke ile ka hlokomela hore ha a cho joalo o bua ‘nete hobane it’s clearly reflected hore ehlile re na le bothata ba ho etsa absorb batho ka hare ho Production Sector ,’me ke ne ke nahana ke bothata boo e  ka ‘nang eaba ke naha e nang le bothata, empa nakong eo a seng a ea tabeng ena ea hore re na le skill mis-match, le hore e ka ‘na eaba ha re na mofuta o joalo oa batho, bao re ba hlahisang ka hare ho li-university tsa rona, le li-college, ka hlokomela hore ehlile bothata bona ba decent work hore e ba etse absorb kahar’a Formal Sector bo ka ‘na ba bakoa ke taba ea litholoana tsa thuto ea rona.

Ke kopa ke mpe ke bonts’e feela hore the recovery ea naha ea Lesotho e bonahala eka ho na le moo re eang teng ka moruo oa rona, ke moo ho hlahang taba ea tourism, e bonahalang e hlahisa mesebetsi e mengatanyana e isang ho 8% contribution ea eona ka hare ho tlhahiso ea mesebetsi, ke mona moo ho nang le Roof of Africa, ha e hlaha, ho hlaha Maletsunyane Braai Festival, ho hlaha Moshoeshoe Walk, le tse ling kaofela tse bonahalang li etsa contribute haholo hore mesebetsi e hlahe ka bongata, e etsang absorb Basotho, ‘me ke boikarabello ba rona hore re bone hore ka ‘nete ehlile re bone hore Tourisim e ntlafala haholo.

Ke fete Madam President, ke bue ka SDG 13, e leng Climate Action, ke boemo boo re qetang ho bua ka bona ba phetoho ea leholimo ka Mohlomphehi Moshoeshoe. O ne a bua ka Climate Change, mokho e amang bana ba basetsana, ‘na ke lokela ke bue ka eona ke pharalla hanyane ka hore e beha litaba tsa Food Security tsietsing ka lebaka la komello e bang teng ka sekhahla, li-floods tse bang teng, re qetella re ba maemong ao ho bang hape le hore sechaba se be displaced from libakeng tseo batho ba phelang ho tsona hobane ho na le 1,200 people who were displaced ho tloha moo ba leng teng ba isoa nq’a e ‘ngoe ka lebaka la floods tse bileng teng le komello e sekhahla e bakang food insecurity ka hare ho sechaba sa rona.

Taba ena ea Climate Change e baka mathata ano a joalo, e qetelletse e le taba eo ho bang le likhohola tse senyang le litsela feela hore re be le access to litaba tsa bophelo hantle, le access to litaba tsa hore re fihlelle moo re ka sebetsang teng hore re hlahise, masimo a hoholeha ke likhohola, le moo re itekileng re hlahisitseng teng li-floods li fihle li tetebetse tlhahiso eno. Joale kea kholoa ke bona bothata bo bakoang ke taba ea SDG 13 ena. Ke bona liqholotso haholo mona ho feta likatleho tseo re li fihletseng re le naha.

 Joale ea ba SDG 14, e leng Life Below Water, teng ke moo re bang le tlhahiso e bonahalang e hola consistently ea Trout, e ne e le ka 2022 ha re ne re hlahisa Trout ea 1,150 tons, ea tlhapi ea Trout, empa ka lebaka la li-benefits tse etsoang ka ho hlokomela metsi, e entse increase to 2 022 ka 2023 to date. Kea kholoa e ntse e nyoloha joalo feela ho bonahala ho e-na le kholo haholo ea tlhahiso ea Trout ka lebaka la tlhokomelo ea rona ea metsi.

Ho na le project ea Renoka e re hlokomelang li-wetlands tsa rona ka tsela e khethehileng, ‘me boholo ba tsona bo bolokehile. Basotho ho bonahala ba ateloa ke thuto ea bohlokoa ea ho sireletsa le ho boloka li-wetlands. Bothata bo teng feela ke taba ea hore re ntse re sitoa ho etsa manage li-waste tsa rona kahar’a linoka, mehloli ea rona le matamo a rona, haholo-holo plastic e ba le khahlamelo e ts’abehang ho marine life, e leng bophelo bo ka tlasa metsi, ’me Lesotho le ile la ba la qetella le ikelelitse ho ba le molao ona oa hore plastic e mpe e rekisoe, e be le matsatsi ao e sa fumaneheng hohang joaloka Wednesday, re ts’oare lintho ka matsoho kapa ka li-shopping bags.

Those are the Bills kapa Melao e ileng ea feta to try and combat bothata bona ba taba ea plastic.

HON. SENATOR. J. A. MOTS’OENE: Kea leboha Mohlomphehi, kea kholoa ke botsa Mohlomphehi Molula-Setulo Potso ena, ebile e ntse e le ho mo nyanyeletsa, e se hobane hakaalo-kaalo ho le joang, empe feela e le hore re tle re matlafatse litaba tsena tsa ts’ebetso ea ‘Muso, ho re na o hlokometse hore ha re sheba S.D.G. 6, moo e buang ka ‘ona Metsi a hloekileng le sanitation e ka ea e-ba hantle hore ‘Muso o se ke oa sheba hore re qale re se re re, re etsa tlhahiso ea li–marine ka mokhoa o seng o le batsi haholo.

Empa re lokelang re e qale metsaneng mona, e le hore e tle e pharalle, re tle re qetelle metsana e se e ikopantse kapa e se e le ts’ebetso ea motse kaofela. E lokela e be ts’ebetso ea libaka kaofela, hoo e tla qetella e se e le litereke, tseo e tla qetella e se e le naha, re ikopantse e se e le tlhahiso ea naha na?

HON. SENATOR L. KHOAELE: Kea leboha Morena oa ka oa Leribe, ka ‘nete ehlile Mohlomphehi taba eo u e buang, ke taba ea bohlokoa haholo. Ke e tlatsa ho menahane hobane mona moo ke neng ke bua teng, ka moo ba re tlalehelang ka teng, ba shebile feela mona moo ho seng ho hlahisoa ka skill se seholo.

 Athe, ha re e qala ka hare ho metse le metsana ea rona, ntle le taba ea hore ehlile re tla be re ntlafatsa marine life–e tla be boetse hape-hape e ntlafatsa le moruo oa rona. Ke hobane re tla tseba ho hlahisa, re rekise, re ntlafatse le food security hobane re tla tseba ho re re ‘ne re je hape-hape hona moo. Ha se ntho e hlahisehang kathata hohang ha feela e etsoa hantle, Ntate ke e hahela lesaka haholo.

Ke kopa ke qetelle ka bua ka SDG 17, e leng ‘Partnership for the Goals’. Naha ea Lesotho joaloka linaha tsena, ke tla mpe ke bue ka ntlha e le ‘ngoe e kholo feela hore re le naha le rona re nka karolo e kholo haholo ka hare ho the global market. Ke hobane ke moo re lekang hore kapa re bapalang role e kholo re le naha litabeng tsa export.

Re tumme kapa stage seo re hlileng re bonahalang re sebetsa hantle haholo re le naha ke exportation ea wool and mohair hobane Lefats’eng re batla re ntse re etsa rank ho160 re le naha. ‘Me lekeno la chelete ea rona le balloa ho 38 000 000 USD per year ka exportation eno feela ea wool and mohair. And, we have increased ho tloha Lilemong tse fetileng. Ka 2023 we were at 53% capacity of exportation of wool and mohair.

Taba eno e re e re etsa the active participant on the global market tabeng ena ea wool and mohair. They did not highlight much holim’a Litaba tsa metsi. Kea kholoa Li-Observation tseo re bileng le tsona re le Komiti, ke hore ‘nete ‘Muso oa Lesotho kapa naha ea Lesotho e leka ka hohle to localize the implementation of SDGs, best they can, ‘me ho bonahala Tlaleho ena eo ba faneng ka eona ea 2022 ha re setse ka Lilemo tse hlano re fihla qetellong ea litaba tsena, naha ea rona e itekile haholo.

There are milestones, tseo re ka tsebang hore re ikotle sefuba ka tsona, ho re re tsebile ho fihlela litaba tsena, tseo re neng re nahana hore li ka re imela empa re ntse re ea.

Likhothaletso tseo re bileng le tsona, ke hore joalo ka ha bane ba bonts’a hore a mang a mathata a maholo, ao ba nang le ‘ona in the implementation of the S.D.G.s ke tlhokahalo ea li-resource le tlhokahalo ea chelete.

The goals are there, the strategies are there, but bothata ba Implementation ke hore ha hona chelete e sebelisoang kapa lisebelisuoa tse bang teng kapa tse available towards the Implementation of such Strategies. E lengho re re etse achieve the S.D.G.s goals tseo re nang le tsona, joale. Joale re le Komiti re ile ra khothaletsa hore ho ke ho be le li-Ministry kaofela tse amanang le taba ea Sustainable Development Goals kapa the Development Policy tsa naha ena ea Lesotho.

Ebe Li-ministry tseo e leng li-stake holder, ‘me li ke li sebetse li le ‘moho, li kopanye data, li kopanye li resource, li kopanye sohle ho bona hore li-finance litl’o khona ho thusetsa ka litaba tsa Implementation ea Meralo.

Sepheo-pheo e tla be e le ho its’ematlela, ho bona hore ba fihlela ts’ebetso ba le ‘moho kapa ba tla tseba ho tsamaea kapele when they have harnessed their resources, ba sebetsa ba le ‘moho. Re ne re etsa khothaletso hobane re ithutile hore Lekala le leng le le leng, le bapala karolo ea lona in isolation so much that the Development Planning Ministry e leng bona the custodian tsa litaba tsena kaofela, ho na le information eo ba se nang eona!

Taba e le hobane e ntse e etsoa ke Lekala le leng mane, so when they consolidate Li-Report tsena, tseo ba fanang ka tsona, ba ba le bothata ka hore hona le information eo ba e entseng miss hobane Lekala leno le its’ebeletsa moo le sebetsang teng. Ke hore they are working in silos.  So, re ne re kopa hore ba leke ho sebetsa ‘moho. E tla ba thusa taba eno.

Khothaletso e ‘ngoe hape-hape ebile hore ho ke ho be le ts’ebetso e khethehileng, eo ba e etsang ea ho etsa evaluate and monitor the progress. Mona e tl’a bee le hore ba tle ba tsebe ho etsa restrategise kapele moo ho bang le regress kapa moo ho bang le stagnation. Mohlala, Litabeng tsa TB ba bont’sitse hore naha ea Lesotho e stagnant ha e ee pele ha ee morao, and they are giving that Report out of that Observation.

 Mona, e ne e le Nakong eo ba neng ba il’o fana ka Report e akaretsang ea 2025, whereas if they had monitored and evaluated ts’ebetso as it progresses, ba ne ba tla tseba ho bona kapele hore there is stagnation here, ‘me ba shebe ho re na what would be the remedial measures tse nkoang ho felisa bothata bono! So, re ile ra boela ra khothaletsa haholo hore hobe le…

MADAM PRESIDENT: Point of Order Honorable Masupha!

HON.S.K. MASUPHA: Kea leboha Madam President. Ke ne ke kopa ka boitlhompho ke mpe ke etse cross, ke bona eka ke lokela ho lokoloha Mohlomphehi.

MADAM PRESIDENT: Mohlomphehi o tla koba, u tsebe ho feta Honorable Senator. Rea leboha Ntate, u ka tsoela pele Honorable Senator.

HON. SENATOR KHOAELE: Ka ‘nete o phahame ka Ntlha ea Tsamaiso ehlile ke se ke qetile Madam President.

Kea leboha.

MADAM PRESIDENT: Re kopa ea tlatsang Honarable Chair, Honorable Dr. Lebese.

HON. SENATOR DR. T. LEBESE: Rea leboha Madam President, Ntate Molula-Setulo o behile litaba tsa Komiti ‘M’e, ‘me ke ema mona ke mo tlatsa, empa he, ke mpe ke lumelloe ke supe e le ‘ngoe feela hore Nakong eo re neng re shebisisa Report ena ka li S.D.G. tsena tseo a buileng ka tsona, e ne el e nakong eo mohlomong the Inception of the Executive Orders which the US government took, li ne li e-s’o ka li kena ts’ebetsong.

 ‘Me re ile ra supa taba ea hore leha ho bonahala ho na le some good gains, tse bonahalang li le teng haholo Mafapheng a Health le Climate mitigation and adaptation, ts’abo earona ke ke hore there will be a redress ka lebaka la Executive Orders tseo joale li seng li pomme lekeno leo le neng le hlaha from the Development Partners.

Leha ho le joalo, Komiti e ne e ile ea supa hore e mpe e be boikarabello ba ‘Muso ka Makala ho kopana. Taba eo a buileng ka eona ea silo mentality e bonahalang ka hare ho Makala, hoba joale _e l e hore re mpe re kopanye li-resource to uplift, and at least enhance seo re nang le sona, re shebile 2030 joalo ka ha a supile, joalo ka ha Lipehelo tsena, li ne li fella 2030.

Ke tlatsa Ntate Molula-Setulo.

Kea leboha Madam President.

Question Proposed.

On S.D.G Committee, on the Meeting with the Ministry of Finance and Development Planning, on the Voluntary National Review.

HON. SENATOR KANETSI: Kea leboha Mohlomphehi le Litho tse Khabane, ka ‘nete re kopa ho amohela Tlaleho ena ea bohlokoa, e qetang ho behoa. E behile litaba ka tsela eo ke utloileng hore mosebetsi o ntse o etsoa. Hangata litaba tsena tsa li S.D.G, re batla re sa li ts’oare-ts’oare hantle tjena hore re li utloisise, ho re na hantle ke ling.

Empa mokhoa oo, ba behileng ka oona kea utloa hore na li shebile kae. Ntho eo ke neng ke bua ka eona, eo ke e entseng pick up mona Madam President, ea pele ke taba ea ho hlokahala hoa ts’alo morao (monitoring and evaluation). Ke taba e bohloko haholo eo. Mohlomong ha kea utloa hantle. Empa motho u ne u ka khothaletsa hore e re kaha taba ena, ea ho sebetsa in silos, ha Lekala le leng le le leng le its’ebeletsa koana, ha hona moo le amanang le le leng!

Ehlile e baka mathata a maholo, Taba eo!

‘Na ke ee ke hlokomele haholo leka ka mona ka hare ho Lekala la Tourism hobane joale tourism ha se ntho e ts’oarehang. E kenyelelitse Mafapha a mangata into 1. Ha u bua ka taba eno ea tourism feela u bua ka Makala ’ohle, ‘me u tla hlokomela hore e ba challenge le hore litaba tsa tourism li etsoe assess hantle, hore na re ntse re etsang. U tla fumana ho ichebeloa ntho e le ‘ngoe hobane mohlomong e le eona e bobebe ho shejoa, empa tourism e multifaceted, e complicated e ama Makala ‘ohle ao u ka a nahanang. E ka ba the banking sector, the insurance sector, the energy sector, the water sector you name it, agric everything is about tourism. Joale hangata re tla be re sheba litaba tsa culture feela, mohlomong re sheba litaba tsa attractions le litaba tsa maroko, e-e! Ehlile e pharaletse.

E leng ho re taba ena ea ho etsa coordinate and bring sectors together, ho etsa mosebetsi hore re tle re atlehe, e thata ke bona e re luba. E re luba tjena hobane le nako eo ho etsoang plan, e lemohlala, ha re tla be re etsa plan, mohlomong re etsa Review NSP2 ea rona, re re, re e etsetsa extention, ke Makala a fokolang a mengoang to do that.

E leng ho re coordination eane ea Makala to Makala, Lekala le leng ho bonts’a hore ha lena le sa sebetse hantle, lena le ke be la etsa perfom hantle, e batla e-na le khaello. Ke mokhoa ona re sebetsang in silos, ene ke mokhoa ona progress ea rona e bang khuts’oanyane.

‘Me mohlomong ho ne ho ka hoa ba hantle hore re be le Lekala, leha ke tsebe, ke tla re le ikemetseng kapa Section ea eng e ikemetseng kapa department e shebanang haholo felea le taba ea monitoring and evaluation ea Makala.

Ka tsela eno, ekare ba ka tseba to bring together Makala ana hore ba shebe hore na a ntse a sebetsa joang. Ke monahano feela, ke utloa eka ke ntho e bohlokoa eo taba ena ea SDG Report e hlahisitseng, e bonahalang e le teng. Ha re na eona, unit e joalo. Unit e ‘ngoe le e ‘ngoe kapa Ministry o mong le o mong, o na le monitoring and evaluation ea oona, in a document.

But, ha hona moo re shebang performance ea naha, ho re hona tjena e le holimo mane moo re shebang makala kaofela, na a nelehetsana ts’ebetso joang? Ke ea Pele.

Ea Bobeli, o buile ka hore Lekala lena la Tourism le bonahala le etsa contribute 8% into the GDP ea naha ena, ‘me ke utloa e le litaba tse bohlokoa haholo, and there is still so much we can do on tourism Mohlomphehi oa ka. Challenge e teng ke hore we don’t put the resources where our mouths are. Re bua feela hore re ka eketsa mesebetsi, re ka etsa lintho tse itseng, ra hira bacha ra etsang _feela Li-resource ha re li behe mono, re li beha elsewhere.

Joale ebe re ntse re etsa feela, re e bua feela re sa e fe support e lekaneng. Nka taboha ha ke bua ka tsona. So, e re ke khutle hanyane.

Ke tle ho ea Boraro, ke hore nka bua lets’eare lena kaofela ha nka tla ho tsena tsa tourism. So, e re ke khutle ha nyane, ke tle ho ena he! E ne e le hobane litaba tseo ke ‘nete ebile ha re hloke le lichelete tse telele, feela re hloka infrasture ka tourism ka mona, e re ke eme hona mono Molula-Setulo oa ka.

Ke kene ho ea Bone, o buile ka life below water, life below water ke e ’ngoe ea li-industry tseo li ka tsa hirang bacha ka sekhahla se seholo. Re shebile, ha ngata re sheba taba ea trout feela, tlhapi ena eo re e etsang produce Lesotho mona. Empa boithuto bo bong, bo ntse bo bonts’a hore ho na le litlhapi tse ling tse ngata, tseo re ka ra li rfumanang, re li etsa hore li be teng ka har’a naha ka mona.

 Re etse ntho ena eo re reng, re il’o etsa industry e feletseng ea Life below water. Ke hore ea litlhapi tse fapakaneng, tse ka mamellang boemo ba metsi a rona, tlhoeko ea oona le ho bata hoa oona (the temperature). Tseo ha re ka ra hla ra ithuta tsona haholo li ka etsa create mesebetsi e mengata, empa not only that, tsa ba tsa re fa le manoni a phepo e nepahetseng, eo re nang le bothata bo boholo ba eona ea boqaqachelana.

Ke hobane taba ea tlhapi ena le mefuta e mengata ea manoni, ao re ka ra a fumanang litlhaping ‘me ke industry eo ka lebaka la hore re na le metsi ‘na ke bonang e le low hanging fruits tseo re ka li sebelisang to create mesebetsi, ra etsa industry e kang ena ea litlhapi ho linoka tseo re nang le tsona, ‘me ra ithuta hore na li sebetsoa joang, eaba le rona re li etsa export.  Ke bona e le e ‘ngoe e ntle haholo taba eo.

Joale eaba hothoe ho bonahala re nyolohile ka involvement of women in leadership.  Ke utloa ke sa tsebe na ebe e e shebile joang, Tlaleho ena e ne e thetsitse hokae.  Re ntse re lla ka nako eohle ho Women’s Caucus Group hore ehlile taba ea representation ea bo-‘M’e e-ea fokola.

Ka’nete ha ke tsebe hore na ba ne ba shebile kae, empa mohlomong ha ke bala Tlaleho eo ke tla e bona.  E fokola haholo, mohlomong ka mabaka a fapakaneng, feela eona e-ea fokola – re lokela ho bona na re nyolla bo-‘m’e joang hore ba ke ba ts’oare li-position tsena tsa leadership.

Tlaleho ena e thetsitse hape le hore ho bonahala ho na le khaello ea bo-‘m’e ka hare ho formal sector ea likhoebo, ba le tlaase mane.  Ehlile bo-‘m’e ba tla nyoloha ka thuto, u be u bone eka ba bangata, ha ba fihla kae-kae b’a sala.  Ha ke tsebe hore na ke boemong bofe.  Ha ba fihla kae-kae b’a sala, ba se ba nyaloa, ba se ba etsa’ng, ho se ho sefeha ba fokolang, ba ka khonang ho ea ho li-position tsane tse ka holimo ha re tla ka hare ho formal sector.

Ha re tla boemong bona ba lipoletiki bo-‘m’e ba salla morao, hobane ehlile ha ba na li-resource tsa ho etsa campaign;  kahar’a malapa ka mona li-resource li lutse holim’a bo-ntate.  Bo-ntate ba atleha ho matha, ba thala ka li-budget, ba il’o etsa campaign ba batla hore ba tle ba khethoe.  Bo-‘m’e b’a fokola.

Mabaka a mang e ka ba hore ehlile ke hobane li-resource ha lia lula ho bona.  Ba bang ke eona ntho eane ea hore na hantle-ntle basali ba batla’ng lipoletiking, joalokaha eka e ntse e le taba eo re e behetseng feela hore bo-ntate ke bona ba ka eang ho tsona.

Bo-‘m’e ba hloka mokoka hobane ‘m’e chelete eo a e ts’oereng o e’o sheba hore na eena ntate o ja’ng ka eona, o e’o sheba hore na bana ba ea sekolong joang, ba ja’ng.  Ntate a ka ‘na a e pokothela eaba o e isa boiketong ba likhetho, ha ho na bothata, empa ha a khutla mono o batla hore na o ja eng, ‘me o e shebisitse ho ‘m’e potso eno.

E leng ho re ke lintho tse ling tse etsang hore re fokole hore re nyolohele ka holimo ho li-position tsena tsa leadership.  Taba eo e-ea re fokolisa, ha ke tsebe hore na re ka e etsa joang, ha ke na le karabo.

Nkile ka bona lilemong tsa ho feta kahar’a Li-Paramente tse fetileng ho na le quota e fanoeng.  It was a deliberate effort e entsoeng to preserve certain seats for women.  Ka’nete ntho eno e kile ea sisinya maemo a representation ea bo-‘m’e ho li-position, ba eketseha ka palo. 

Taba eno e ne e loants’oe left, right and center ke maemo a itseng a bo-ntate, ‘me ka bo-mali-mabe le ke bo-‘m’e ba bang.  Ha thoe ebe taba feela ea merit.  Taba eo ea tsamaea le khoboso ea hore na basali ba batla’ng lipoletiking.

E leng ho re taba eo ka’nete e ne e ka ‘na ea batla hore e shejoe bocha hore na ho khothaletsa bo-‘m’e e ntse ese hore ba sieloe quota eo, ba tsebe ho kena, hobane ka’nete ba etsa motsoako o motle ka hare ho Ntlo, hobane ba hlaha ka perspectives tse fapakaneng le tseo bo-Ntate ba ka shebang litaba ka tsona, ba haella holim’a litaba tseo bo-Ntate ba li buang, ebe re etsa Paramente e matla ha re ea re shebile litaba tsa bo-‘M’e.

Ka’nete ke sa chulo joalo, ke leboha Tlaleho ena e tekuoeng ke Molula-Setulo oa Komiti ena, ‘me ke tlatsa hore e amoheloe ke Ntlo.  Kea leboha, Mohlomphehi.

Question, that Report of the SDG’s Committee on the meeting with the Ministry of Finance and Development Planning on the Voluntary National Review (VNR) be adopted by the House put and Agreed to.

MADAME PRESIDENT:  Litho tse Khabane, re fetile mothati ona oa pele oa Litlaleho, ‘me re na le Letona le Khabane le tlileng ka mona hore le tl’o etsa Table the Bill joale ka ha le ne le ts’episitse.

Ke bona ho setse nako ea metsotso e mashome a mararo feela, ‘me kea kholoa re tla qala, ebe tse ling re tla boela re tsoela pele ka tsona bekeng e tlang.

Next Item, Mr. Clerk.

PROCEEDING ON SUBSTANTIVE MOTIONS AND BILLS

BILL

CHILDREN’S PROTECTION AND WELFARE (AMENDMENT) BILL, 2023

Second Reading

HON. P. LESAOANA (MINISTER OF GENDER, YOUTH AND SOCIAL DEVELOPMENT):  Point of Order, Mohlomphehi. 

Kea leboha, ‘M’e. 

Ke shebile Order Paper ea maobane ea Lipotso ea ka mona ka Ntlong.  Ke bone Potso ea No. 120 e le omitted mono –  kapa e se e hlakotsoe ha ke tsebe.  Ke mpa ke bua feela hore e tle e se ke ea tloha ea tla e se e na le li– star (***), empa Karabo e ne e le teng.  E ne e hlahile ha re ne re li etsa prepare. Order Paper ha e tsoa, ha e tloha ho Potso ea 119, eaba ho se ho hlaha ea 122.  Potso ea 120 e ne e le ea Setho se Khabane ‘M’e Kanetsi. 

Ke ne ke re ke etse tlhokomeliso – e tle e se ke ea ba omitted eaba e se e hlaha e na le li-***. 

Kea leboha, Mohlomphehi.

MADAME PRESIDENT:  Letona le Khabane, ke ne ke re leha e-ba e ne e le teng ho uena matsohong kajeno, re ne re ke ke ra tseba ho tsoela pele ka eona, hobane re na le letsatsi le behoang e le la Lipotso, e leng la Laboraro. 

Haeba Potso e joalo e ne e na le Karabo, Tafole ea rona kea kholoa e lokela e tle e kopane le uena e tsebe hore ha se hore ha e-ea arajoa, empa ele hore feela, che, e ile ea haelloa ke nako. 

Haeba Potso e joalo e teng, Tafole e tla re thusa hore e tle e kopane le Bohlanka ba Lekala la hau, Ntate.

Tsoela pele, Letona le Khabane, ka Sets’oants’o sa Molao.

HON. P. LESAOANA:  Kea leboha, Mohlomphehi.  Ke sisinya hore Sets’oants’o sena sa Molao se baloe Lekhetlo la Bobeli.

Sets’oants’o sena sa Molao ke sane seo re etsang Amend Molao ona oa Children’s Protection Act.  Mabaka a mangata a neng a etsa hore o etsoe amend. Ke hobane ho ne ho se ho na le litaba tsa bana tseo re bonang li sa sireletseha kapa li sa ts’oareha hantle:  litaba tse kang child marriage, adoption and many others.

Re ne re ile ra hla ra se etsa move haholo, empa re ne re ile ra ba le bothata moo ho neng ho na le bothata lipakeng tsa Lekala la haeso le Lekala la Public Service on the ratified Conventions and not only those Conventions but also the laws tsa pele le tseo re neng re li etsa suggest.  Oa rona o ne o re ngoana e tla ba ngoana ho fihlela a le lilemo tse 18.  Automatically, taba eno e bolela hore a ke ke a sebetsa ho fihlela a le lilemo tseno, empa Molao oa Labour o ne o bonts’a hore ngoana a ka sebetsa a le lilemo tse 15, feela che, a etsa ts’ebetso tse nyenyane kapa tse bobebe.

Ke eona taba-kholo e ileng ea re siea re se re le mono ha re tla ema ka ho tsoela pele ka Sets’oants’o sena sa Molao.

Ke ile ka utloa eka ka mor’a consultations – the matter was deliberated on oa ba oa fihlela pheletsong. 

Ka hona, Mohlomphehi, ke sisinya hore Sets’oants’o sena sa Molao se baloe Lekhetlo la Bobeli.       

HON. SENATOR M.M. MOSHOESHOE:  Madame President, ke ema mona ho tlatsa Letona le Khabane hore Sets’oants’o sena sa Molao eka re ka se phenyekolla, ra se bona na re se qoqa joang molemong oa ngoana.

 Mona re bua ka ngoana, ‘me rea tseba hore Molao oa rona oa Motheo o re ngoana ke ngoana ho fihlela a le lilemo tse 18.

Bophelong mona re na le li-stage tse supileng:  ke infant stage, e leng kholo ea lesea, ebe re ba le a child, mono ba bang ba kenang at adolescent stage at early childhood stage.  Li kopa-kopane. 

Joale mona re bua ka ngoana le boiketlo le litokelo tsa hae.  Re sireletsa ngoana kahohle ho bona hore ngoana ha a kene lenyalong a sale monyenyane lilemong, e leng eona taba ea child marriage.  Re bone hore ha ho na child labour, bana ha ba sebelisoe e le laborers, instead of going to school.  Ngoana a ee sekolong a se ke a tlohellisoa sekolo eaba hothoe a e’o sebetsa, ebe joale ka moputso oo a o fumanang ke oona o tl’o phelisa lelapa.  Re re ngoana eo a lokolohe a ee sekolong.

Joale re kene hape le litabeng tsena tsa adoptions – hore na ha u batla ho etsa adopt ngoana, le eena ngoana eno ea joalo re mo sireletse.  Re shebane haholo le litokelo tsa ngoana enoa.

Taba ena eo Letona le Khabane le e boletseng ke eona e entseng hore Sets’oants’o sena sa Molao ebe se nkile nako e telele hakana-kana.  Ka’nete sechaba se ne se se se lla ka ntle ka mona se re botsa hore na ebe ho etsahala’ng ka sona.  Re ile ra ba le ho isana holimo le tlaase ka taba ea lilemo tsena tsa 18 le 15 ka Makala ana a mabeli.

Kajeno lena taba eno re e hlotse, re entse sohle se matleng a rona ho lumellana hore, empa ho ntse ho na le mesebetsi e bobebe eo ngoana a ka e rutoang, a e sebetsa at the age of 15, e bobebe, e-ea qoolloa hore na ebe ke mesebetsi efe.

Mohlomphehi, re tl’o kena ho sona Sets’oants’o sena sa Molao, Temana ka Temana.  Letona ha e le mona le entse Selelekela ke ne ke re feela ke tlatse litaba tsena, hore Ntlo e Khabane e amohele hore re ts’ohle Sets’oants’o sena sa Molao.

Ka mantsoe ana, Mohlomphehi, kea tlatsa hore Sets’oants’o sena sa Molao se baloe Lekhetlo la Bobeli.

Question proposed

MADAME PRESIDENT:  Litho tse Khabane, re shebile na nako ea rona e setseng e kae pele re ea lijong tsa mots’eare, kahoo re kopa re mpe re phomotse Ntlo –  Letona le tla khutla hape.

Kea tseba hore ka Labobeli ke Cabinet Meeting. Ebe, Letona le Khabane, u bona eka u tla ikopa kapa re tle re re u tla tseba ho ba teng ka Laboraro?  Bill eona e tla be e ntse e hlaha ho Lenane la rona la Tsamaiso, empa availability ea hau, Letona le Khabane, ke eona e se tla re laola hore na re tsoela pele Labobeli kapa Laboraro.

HON. P. LESAOANA:  Kea leboha, Madame President. 

Ke kopa hore re tle re tsoele pele ka eona ka Labone, hobane ke tl’o ba sieo.

MADAME PRESIDENT:  Rea leboha, Litho tse Khabane.  Ntlo e tla phomola ho fihlela Labobeli ka nako ea mehla ea 10:30 hoseng.

ADJOURNMENT

Thereupon, Madame President adjourned the House without Question put, pursuant to Standing Order No. 16 (3).

The House was adjourned accordingly at 12:42 p.m.