KINGDOM OF LESOTHO
PARLIAMENTARY DEBATES
SENATE CHAMBER
DAILY HANSARD
OFFICIAL REPORT OF THE SENATE
FIRST SESSION – ELEVENTH MEETING
ELEVENTH PARLIAMENT
Tuesday 24th March 2026
LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG
| 1. Hon. Seeiso B. Seeiso | Principal Chief of Matsieng |
| 2. Hon. Joel A. Motšoene | Principal Chief of Leribe |
| 3. Hon. Sempe Gabasheane Masupha | Principal Chief of Ha ’Mamathe, Thupa-Kubu, Teya-Teyaneng le Jordan |
| 4.Hon. Mamolapo M. Q Majara | Principal Chief of Ha Majara |
| 5.Hon. Tumane Matela | Principal Chief of Makhoakhoeng |
| 6.Hon. Moeketsi Moletsane II | Principal Chief of Taung |
| 7.Hon. Lerotholi Mathealira Seeiso | Principal Chief of Mokhotlong |
| 8. Hon. Lerotholi L. Seeiso | Principal Chief of Likhoele |
| 9. Hon. Theko D. Bereng | Principal Chief of Phamong |
| 10.Hon. Mojela T. Makhaola | Principal Chief of Qacha’s Nek |
| 11.Hon. Seeiso S. H. Nkuebe | Principal Chief of Quthing |
| 12.Hon. Nthupi A. Bereng | Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote |
| 13.Hon. K.L.K Khoabane Theko | Principal Chief of Thaba-Bosiu |
| 14.Hon. Mitchel S. Maama | Principal Chief of Ha Maama |
| 15.Hon Moholobela M. Moholobela | Principal Chief of Matelile |
| 16.Hon. Bereng G. Seeiso Api | Principal Chief of Ha Ramabanta le Kubake |
| 17. Peete Lesaoana Peete | Principal Chief of Koeneng le Mapoteng |
| 18.Hon. ’Mako T.Mohale | Principal Chief of Tajane, Ha Ramoetsana le Ha Mohale |
| 19. Hon. Khoabane T. Mojela | Principal Chief of Tebang, Tšakholo le Ha Seleso |
| 20. Hon. Retšelisitsoe Mopeli | Principal Chief of Botha-Bothe |
| 21.Hon. Pontšo S. Mathealira | Principal Chief of Tsikoane, Peka le Kolbere |
| 22.Hon. Qeto Sekonyela | Principal Chief of Malingoaneng |
| 23.Hon.’Mawinnie Kanetsi | Senator |
| 24. Hon. Lebona Khoaele | Senator |
| 25. Hon. Thabiso Lebese | Senator |
| 26. Hon. ‘Maphakiso Lebona | Senator |
| 27. Hon. ’Mabataung Patricia Mokhathali | Senator |
| 28. Hon. Sehloho Henry Monatsi | Senator |
| 29. Hon. ‘Makholu Moshoeshoe | Senator |
| 30. Hon. Neo Matjato Moteane | Senator |
| 31. Hon. Seabata Motsamai | Senator |
| 32. Hon.Richard Ramoeletsi | Senator |
| 33. Hon. Limpho Tau | Senator |
PARLIAMENT OF THE KINGDOM OF LESOTHO
SENATE CHAMBER
TUESDAY 24th MARCH, 2026
The House assembled at 10:30 a.m.
(MADAM-PRESIDENT in the Chair)
PRAYER
The Chaplain led the House in Prayer
ANNOUNCEMENTS FROM THE CHAIR
MADAM PRESIDENT: Litho tse Khabane, kea le lumelisa letsatsing la kajeno. Ke kopa re qale mosebetsi oa letsatsi la rona la kajeno ka litsebiso tse latelang:
- Tsebiso ea pele, ke hore re ile ra etsa tsebiso ka mona hore ho na le memo eo Marena a Sehlooho le Litho tsa rona tsa Ntlo a e etselitsoeng ke Lekala la Local Government and Chieftainship, moo ba neng ba ea workshop e neng e reretsoe hore e tle e be Lancer’s Inn, ho ea bua litaba tsa tšebelisano ‘moho ntlheng ea ngoliso ea mafu a hlahang ka thoko ho litsi tsa bophelo. Empa kopano e joalo e bonahala e chechisitsoe, hobane re fumane molaetsa hoseng hoa letsatsi la kajeno hore e se e tlaba ka Labohlano la la 27 Tlhakubele 2026 ka 11:00 a.m. mane Lancer’s Inn. E leng ho re, Litho tse Khabane, phutheho e joalo e fetotsoe ha e sa tl’o ba ka letsatsi leo e neng e reretsoe hoba ka lona.
- Tsebiso ea bobeli, Litho tse Khabane, ke hore kajeno ha Ntlo e phomola, Komiti ea Litletlebo, eleng Petitions Committee, e tla kopana ka hona ka mona ka chamber, ‘me e tlabe e kopane le K’hamphani ea Metsi le Likhoerekhoere, eleng WASCO, ‘moho le Standard Lesotho Bank. Litaba tseo ba tl’o li tšohla e tla ba thapeli eo Sechaba sa Parklands Estate se e entseng.
Ka morao ho moo Komiti e joalo e tla kopana le baahi ba Ha-Tsolo ele tšalo-morao ea likhothalletso tse ileng tsa etsoa ke Komiti Paramenteng ea Leshome, kaha re ile ra fumana seboko sa Sechaba hore litaba tsa bona ha lia tšoareha hantle.
- Tsebiso e hlahlamang, Litho tse Khabane, ke hore ke tla kopa hore le fuoe report e hlahang Komiting ea Bophelo, Phepo e Nepahetseng le Tekano (Health, Nutrition and Gender) e holim’a Workshop on Sexual Reproduction and Health Rights hore le ithute eona pele e tla tla tekoa ke Molula-Setulo oa Komiti eo ka Ntlong.
- E hlahlamang, Litho tse Khabane, ke hore Hoseng hoa kajeno ke le tlalehela hore Komiti ea Lipehelo tsa Mongoaha-kholo (SDG’s Committee) e ile ea kopana ka 09:00 a.m. kajeno ho ananela litlaleho tse tharo tse holim’a tšebetso e entsoeng ke Komiti. ‘Me kea kholoa ba tla itlhophela letsatsi la ho tla re behela litaba tsa report eo ea bona.
- Ha ele hosane ka Laboraro la la 25 Tlhakubele, Komiti ea bolisa holim’a boitlamo ba ‘Muso (Committee on Government Assurances) e tla kopana ka Committee Room Number 3 ka mokatong oa pele, ho tla ananela tlaleho ea Komiti e holim’a ketelo ea Komiti Setsing sa Maseru e Bohareng sa Lichankana (Maseru Correctional Facility). Kopano e tla ba hoseng ka hora ea 09:00 a.m.
- E hlahlamang e re, Litho tse Khabane, ka lebaka la hore re ne re hlophisitse hore Komiti ea Ketsa-Molao e tle e kopane hang ha Ntlo e phomola hona hosane ho tla shebana le Melaoana e ka pel’a Komiti, re hlokomela hore mosebetsi oa letsatsi la hosane o boetse o mongata haholo hore Komiti e joalo e ka kopana hona hosane. Re ile ra kopana le eona ka therisano le eona re lumellane hore re tle behe letsatsi leo Komiti e tla kopana ka lona leo eseng la hosane ka morao ho tulo.
- Hosane tulong ea Ntlo Letona la Toka le Molao le tla ba teng ho tla teka Melaoaona e latelang:
- Administration of Estates and Inheritance Amendment of Schedule Regulations 2026.
Ka morao ho mosebetsi oo Matona a Khabane, joalo ka ha ele letsatsi la Lipotso, a tla ba teng ho tla araba lipotso. ‘Me hang ha Ntlo e qeta ka lipotso re tla fetela tlhahisong e tekiloeng ke Morena oa Sehlooho oa Leribe Hon. Senator J. A. Motšoene eo sehlooho sa eona eleng “Tharollo ea sekhahla sa Basotho ho ea Afrika-Borwa le tširelletseho ea bona”.
‘Me ese ele hore, Litho tse Khabane, ele ho tla tlatsa Tlhahiso eo, re lekeng hore re ithute eona, re kopane le Bohlanka ba rona ba Research hore ba re etsetse mosebetsi oo re tla tla o sebelisa hosane.
Re ntse re boetse re lebelletse Setšoantšo sa Molao oa Likhakanyo tsa Lichelete oa selemo sa Lichelete sa 2026/2027. ‘Me hang ha se fihla, joalo ka ha le tseba, Litho tse Khabane, hang ha se fihlile Litho tse Khabane, lea tseba hore Molao ha o re lumelle hore re o boloke matsatsi a mangata.
Re tla lokela hore re be teng kaofela re itlhophiselitse likhakanyo tseo ho tla li sebetsa ka nako eno eo re e fuoeng re be re li qete. Haeba e fihlile ka letsatsi la hosane, re tla sebetsana le Molao ono ka Labone, empa haeba o sa fihle mohlomong re se re tla o lebella bekeng e tlang.
8.Ha ele ka Labone la la 26 Tlhakubele 2026 teng re tla qala ka tšebetso ea rona ka ho tšohla le ho ananela tlaleho ea Komiti ea Bophelo, Phepo e Nepahetseng le Tekano, e holim’a Thupelo holim’a Sexual Reproduction and Health Rights. Ke mane moo Molula-Setulo oa Komiti eo mohlomong a tl’o teka litaba tsa tlaleho eo ea Komiti ea hae.
Litsebiso tsa kajeno, Litho tse Khabane, li fella mona letsatsing la kajeno. Ha ke tsebe haeba hona le….
Ke bona Honourable Senator Masupha.
Setho se Khabane, ke kopa haeba ele Ntlha ea Tsamaiso mohlomong u hlakise kapa ele Potso, re seke ra re Point of Order feela, hobane re lumellane hore li-Point of Order li etsoe haeba ho robiloe tsamaiso. Haeba ke ntlha eo empa u batla ho e beha u ka tsoela-pele, Setho se Khabane.
HON. SENATOR S. K. MASUPHA: Kea leboha ka boeletsi ba hau. Ehlile ke ntlha ea tlhakiso. Ke leboha ka litsebiso tseo u li entseng tseo ke utloang hore ke tsa beke kaofela.
Ke Makala feela hore ho na le taba mona e ileng ea qhoma ka hare ho Ntlo ka mona malebana le taba ea bolulo ba rona re le Litho, eo ebileng e ileng ea isoa Komiting ea Boiketlo ba Litho. Har’a Litsebiso tsena tse ngata ke utloa, Mohlomphehi, taba ena ea Komiti ena e sa hlahe hohang!
Ele hore e ka ‘na eaba ke ntho eo Ntlo e bonang e sena thuso, kahoo e tla e hlahisa mohlang e utloang eka e tla e hlahisa…
MADAM-PRESIDENT: Order, Setho se Khabane!
Setho se Khabane Morena oa Leribe.
HON. SENATOR J. A. MOTŠENE: Ke se ke ema ke le mosesane hobane joale ha ke tsebe hore na Morena oa Lioli ha hothoe a re Ntlha ea Tlhakiso – joale mohlomong ke liphetoho tse ntseng li ba teng joalo ka ha re lutse ka phethoho – haeba ke e beha hantle Mohlomphehi.
Ke re kannete ka uena, Mohlomphehi, re kopa u k’u re kopanye le Komiti ea Amenities hobane joale ha re bone ekare e ea re thusa ka litaba tse amang tšebetso eo re utloang ekare e tlare ha re le ka mona ebe re phuthulohile. ‘Me le ka leboteng, re ntse re lahlela joale re bona ho thotse, tuuu!! Ke ho re ha hona motho ea ratang ho bua ka litaba tseo ebang rea li hlahisa, ‘me ke litaba tse amang rona kaofela re le Litho ka mona.
Ka thuso ea hau, Mohlomphehi, ke nahana hore re tla il’o lula haeba feela u re file sethala sa hore re kopane le Komiti e joalo re le Litho tsa Ntlo, joale re e tekela lingongoreho tsa rona ho fihlela re fihlela kutloisisano re le ‘moho.
Kea leboha, Mohlomphehi.
MADAM-PRESIDENT: Litho tse Khabane, ke hlokomela hore ehlile Morena oa Sehlooho oa Lioli u nepile ha a re ha rea bua ka litaba tseno in our announcements mona, ‘me ke tlaleheloa ke Ntate Clerk hore Komiti e joalo e ile ea lula ea Amenities. ‘Me ke hona e ntse e hlopha report; ha report e le teng matsohong ba tla e fa Litho e etsoe circulate, ‘me ba tla boela ba re tekela eona ka koano.
Morena oa Leribe, litaba tsa hau ke bona eka li se li le pelenyana, ‘me ke re u tl’u emele report, ere haeba mohlomong litaba tse joalo u bona eka li ntse li hloka hore li tle li tšetšethoe, re tle re hlophe litaba tsa hore re li tšetšethe ‘moho.
Ha ke chulo tjena, Litho tse Khabane, ke kopa, hle, hore Ntlo ena ke ea Sechaba, ‘me Sechaba se lebelletse hore re tl’o bua litaba tsa bona ka hare ho Ntlo ena. Ke ‘nete boiketlo ba lona le le Litho tse Khabane bo bohlokoa, empa ho entsoe litokiso hore lintho tse kang tseo – hona le hore re meme media hore o tl’o utloa ha re ntse re bolela ka hore na rona re batla ho etsa eng, ha re batle ho etsa eng, re li tšohleng likomiting tsa rona, ‘me li etsoe solve likomiting tseo. Ha re le ka mona ebe re tlisa litlaleho. ‘Me boholo ba litlaleho tseo re li tlisang ka mona ebe tse amang Sechaba.
‘Na ke bona ele taba e tla re fokolisa re le Ntlo haeba re tla be re tl’o bua litaba tseo eleng tsa rona re ntse re kopana letsatsi le letsatsi, ebe re tl’o li bua mona re li buela ho sona Sechaba. Ke khothalletsa hore re emeleng hore litaba tsa rona re li sebetseng – haholo tse re amang re le Litho kaofela – re li sebetseng Likomiting, li be li lokisoe hona Likomiting moo.
Kea kholoa litaba tsena lia utloahala. Re hlompheng hore Sechaba sena se interested litabeng tse ngata haholo tse kang tsena tseo u li hlahisitseng, Morena oa ka oa Leribe. Ke tsona tse kholo tseo se batlang ho utloa hore na le se tsotella ho le hokae.
Kea leboha.
Ke Point of Order, Setho se Khabane?
HON. SENATOR R. P. L. PEETE: Le ‘na I am confused hore na u tla e akhela hokae! Kea kholoa e tla ba uena…
MADAM-PRESIDENT: Ke kopa u lule fatše ke u hlalosetse.
Ke re, Litho tse Khabane, re ile ra buang re sa le Paramenteng eane ea khale hore ha re ema ka Ntlha ea Tsamaiso, motho ea mametseng o re ho na le Tsamaiso moo e fosoang. ‘Me taba eo ea rona – haholo ha re le Litho tsa khale kapa tsa nako e telele tse teng ka mona, rea tseba Point of Order ke nako eo ho thoeng tsamaiso e lobuoe ele hore re tsebe ho ruta Litho tse ncha tse fihlang ka hare ho Ntlo hore na Tsamaiso e nepahetseng ke e feng.
Empa haeba ke taba ea ho se khotsofale kapa ua nyanyeletsa kapa u n’u batla ho thathiseletsa – ha ke tsebe na u ka e bitsa eng, but ha e amane le tsamaiso. Tsamaiso ke mona moo re fuoeng tsamaiso e ngotsoeng ka hare ho Standing Orders. So, ha re re Ntlha ea Tsamaiso re etsa hore Setulo se lumele hore ho na le ntho e fosahetseng, ene motho ea ntseng a ithuta ka hare ho Paramente o qetella a lumela hore hoa nepahala hore ha a tla ka taba e feng kapa e feng, a re Ntlha ea Tsamaiso.
Ke eona taba eaka.
HON. SENATOR R. P. L. PEETE: Kea leboha, ‘Me’.
‘N’a hona hoaka ke Point of Order.
Ke utloa eka ua e loba ha u re haeba re na le li-corncern re li bue Likomiting. ‘N’a ke Setho sa Komiti ea SDG’s le Legislation. Joale ena ea Amenities ha ke Setho sa eona, kahoo haeba ho na le ntho eo eleng concern ea rona ka har’a Ntlo, kutloisiso ea ka ke hore ka har’a Ntlo ena, ‘M’e President, ha hona letho leo re le patelang Sechaba. Media o teng ha o hloke hore u ipate media.
Anything eo eleng concern ea Litho ka har’a Ntlo ena e tlameha hore e etsoe raise; ha re e patele Sechaba. Ha ho na letho leo re le khokhobisang, ha hona lekunutu leo re reng rea le bua ka mona le se ke la fihla Sechabeng. Haeba Litho li na le concerns tseo li batlang ho li hlahisa ka har’a Ntlo ka mona, ha hona Standing Order se re thibelang hore re se hlahise lingongoreho tsa rona kapa moo ebang re thoholetsa Ntlo kapa Likomiti moo li ntse li sebetsa hantle ebe re tla tla re ba le ntho e tla re sitisa.
Kutloisiso ea ka ‘na ke hore platform e nepahetseng ke hona ka mona.
MADAM-PRESIDENT: Setho se Khabane, ha kea fosa tsamaiso hohang. Ehlile litaba tse buuang ke Komiti eo – ha u Setho sa eona, feela ha u na le lingongoreho u tla atamela Komiti e joalo, ‘me e tla mamela litaba tsa hau. E tla u fa litharollo. E sa u feng litharollo kapa e lulang ho etsa decision life kapa life tse sa ameng uena u le mong, tseo ebileng li amang mohlomong Litho tse ling kaofela, e tla tlisa tlaleho ka mona, ‘me mohla letsatsi leo la tlaleho re tla tšohla tlaleho eo, ‘me le be le bontše hore ha lea khotsofalla tsela eo ka letsatsi leo tlhahiso eo e etsoang ka lona.
‘Me haeba ha re lokela ho etsa mosebetsi o mong – kapa out of nowhere, letsatsi le chabang le le likelang re bua ka litaba tsa boiketlo ba rona – re tl’o bua tsa Sechaba neng? Re tšoanetse hore re otlolleng litaba, Honourable Senator Kueneng, hobane lona le Litho tsa nako e telele. Bana ba ka tlang ka mona ka Ntlong ea Senate kapa batho ba ithutang taba tsa Paramente, ba ts’oanetse hore ba ithute ho lona ho feta eng kapa eng as litaba li sebetsoa ‘me ‘nete e tiihileng ke hore hafeela ho sa lobuoa tsamaiso, u mpa u hanana le tsela eo Setulo se behang litaba ka eona, ha se Ntlha ea Tsamaiso.
Tsamaiso eona e re Setulo se bonts’e ntho e nepahetseng, e hlahang kahare ho li-Standing Order ‘me haeba ho na le moo li-Standing Order li reng re tl’o tla bua hore joale ‘na ha ke batle ho lula mona, ke batla ho lula mane ke bona eka ha ho na moo le sona se chong joalo and Litho tse Khabane ke kopa re ikobeleng tsamaiso ka tsela efe kapa efe. Re ke ke ra lula mona re ntse re kapisana ka litaba tsa boiketlo ba rona boo re seng re itse ho na le moo bo sebetsoang teng.
Haeba le batla ho mengoa Komiting eno e le hobane le batla hore litaba tseo tsa lona li il’o etsoa capture ka hare ho report eo; do so, e seng e re ha re ntse re emetse report ebe re se ntse re bua litaba tseo re sa tsebeng le haeba li entsoe address ka moo. That is my point.
HON. SENATOR J. A. MOTS’OENE: Ke kopa u re hlakisetse holim’a taba tsena, ke ile ka ema ke re re kopa kapele-pele hobane ke concern eo re utloang eka e tla etsa hore re sebetse, re etse mosebetsi oa Ntlo re phothulohile. U k’u re kopanye re le Ntlo le Komiti e amehang ea Amenities re le Ntlo Mohlomphehi, joale what I have just heard from you ke hore Komiti e tla etsa tlaleho ka hare ho Ntlo joale haeba re utloa eka tlaleho eno re na le letho ho eona re tla ba le tlhahiso. Ke re Mohlomphehi, re kopa uena u le Setulo hobane ka leboteng la Litho tse Khabane tsa Ntlo ena re kaofela ka mono re le Litho, ‘me kopo ea ka ke le Setho sa Ntlo ena ke kopa u k’u re kopanye le Komiti e joalo. Re batla re behe litaba tsa rona tseo re ntseng re li bua ka leboteng joale e thotse komiti e sa re fe karabo.
MADAM PRESIDENT: Litaba tsa hau li ea utloahala, ke tla u araba Mohlomphehi, empa ka ho fetisisa ke ne ke re na ka lebaka la hobane Komiti ha e-s’o le fe eona report ke ka lebaka la’ng ha le sa nke monyetla oa hore le kope Chairperson eo haeba ha a lumele ho kopana le lona e le hore maikutlo a lona a hapelloe ka hare ho report? Haeba ha a lumele joale le ka tla ho rona hore re kene lipakeng.
Ke bona eka e ntse e le nako ea hore Litho tsohle tse nang le maikutlo li ka hla tsa ea hona Komiting eo, tsa lula le Komiti e tle e tsebe ho etsa incorporate taba eno.
HON.SENATOR J. A. MOTS’OENE: kea kholoa ke lepepele ha u utloe hore na ke reng ha ke etsa kopo ho uena.
MADAM PRESIDENT: Honourable Senator, ke ne ke kopa hore hle, re se ke ra qeta nako e telele, ke utloa eka kea utloisisa na u r’eng. U batla hore Ntlo e kopane le Komiti ea Boiketlo e le hore le tsebe hore e tle e hapelle maikutlo a lona, ‘me u re le ntse le sebetsana le Komiti le bua ka leboteng, ke eona ntlha ea taba eo, re fe monyetla hee.
Ha u tl’o bua litaba tseo u inahanelang tsona Mohlomphehi oa ka because ha re tl’o tla re u joetsa tseo re inahanelang tsona le rona kapa ka uena, ke ne ke re feela ha e le mona u tlaleha hore le ntse le kopa ‘me joale komiti ha e etse respond, re kopa u re fe monyetla hore re tle re kopane le Chairperson litabeng tseno. Ke bone eka u ntse u na le litaba Honourable Senator Peete?
HON. SENATOR R.L. PEETE: Ntho eo ke neng ke e bua feela Madam President ke hore u se ke ua re ts’abisa hore re tle ho uena ha re na le sello. Uena, ka kutloisiso ea ka ke hore u lokela hore u le Moetapele oa Ntlo u re mamele na re reng, and then ha u utloa eka ntho eo ha se ntho eo re ka e etsang address kapa ra e etsa debate kahar’a Ntlo ka nako eo, uena u na le matla a hore: ‘I defer taba ena to the relevant Committee’.
E seng hore re qetelle re se re tsitsipane, motho u ts’aba hore u tlo tla u re ha u oa ea Komiting k’eng? Ke boikarabello ba hau hore u re utloe hore na re reng hobane Litho li lokela hore ha li e-na le any concern li se ke tsa ts’aba ho tla ho uena kapa ho ts’aba ho bua taba eno kahare ho Ntlo. Uena ke uena ea tla etsa your own assessment hore na ntho ee na e hloka hore re e etse debate kahar’a Ntlo hona joale kapa we have business e ngata. Taba ee ebe ha re e etse defer to the Committee. Re lebeletse hore u cho joalo, unlike hore re re re ts’aba media e tla re utloa – ha re ts’abe media ka mona.
MADAM PRESIDENT: Ho joalo Setho se Khabane ha ke le ts’abisi le ho le ts’abisa empa le lona ke le kopa hore le nke likhato tse molemong oa lona le tse molemong oa sechaba. Ha ke re le hore le ts’aba media feela ke re ha re bolokeng seriti sa Ntlo ena ka hore ha re etseng lintho tsohle tse etsang hore re bonahale re le batho ba nkang litaba tsa sechaba, re li fe first priority. Ke arabile Morena oa Leribe hona joale tjena ha a re o kopa hore ba kopanngoe le Komiti hobane ba ntse ba e kopa ka mane ka leboteng ha e amohele, ke itse re kopa a re fe monyetla oa ho re ripotela empa hape le lona Litho tse Khabane Office ea Mookameli e ntse e butsoe ka mane.
Some of the things, ke ntho eo u ka reng ua tsoha u ea mono, hore hela, re entse molaetsa o tjena ‘M’e a k’u kene lipakeng, ebe ke kena lipakeng, ebe ho tsejoa hore ho sebetsoe, hore Komiti e mamele litaba tsa lona, e tsebe hore e nke qeto. Le ka etsa joalo ka ho ea ka Ofising, le ka etsa joalo ka hore le nketsetse molaetsa le ‘na ke tsebe hore ho na le litaba tse joalo, tse ntseng li etsahala hoba ha ke eo ka leboteng leno, e le hore ke tsebe ho kena lipakeng than hore re emise Ntlo kaofela, mohlomong ho na le batho ba bang ba se nang interest litabeng tseno. E be re ba emisitse ka mona re bua ntho eo re ka e buang ka motsotso feela, Kea leboha Litho tse Khabane.
HON. SENATOR R.L. PEETE: Nka qetela Mohlomphehi?
MADAM PRESIDENT: Ua tseba Morena oa ka ke kopa ho u hanya ke se ke ka u fa Ntlha ea Tsamaiso, re tla le kopanya le Komiti le tla qeta litaba tseno ebe le se le tl’o re fa litlaleho tseo le seng le li entse, Kea leboha.
Litho tse Khabane ke bona eka mosebetsi oa rona oa letsatsi lena oa Ntlo o fella mona, re emela ho kena Komiting eane ea Petitions, eo ho itsoeng e tl’o lula ka hona ka mona in the Chamber, Ntlo e tla phomola hofihlela hosane ka 10:30am
ADJOURMENT
There being no further Business on the Order Paper, Madam President adjourned the House without Question put, pursuant to the Standing No. 16(3).
The House adjourned at 10:58 a.m.