KINGDOM OF LESOTHO
PARLIAMENTARY DEBATES
SENATE CHAMBER
DAILY HANSARD
OFFICIAL REPORT OF THE SENATE
FIRST SESSION – ELEVENTH MEETING
ELEVENTH PARLIAMENT
Tuesday 26th March 2026
LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG
| 1. Hon. Seeiso B. Seeiso | Principal Chief of Matsieng |
| 2. Hon. Joel A. Motšoene | Principal Chief of Leribe |
| 3. Hon. Sempe Gabasheane Masupha | Principal Chief of Ha ’Mamathe, Thupa-Kubu, Teya-Teyaneng le Jordan |
| 4. Hon. Mamolapo M. Q Majara | Principal Chief of Ha Majara |
| 5. Hon. Tumane Matela | Principal Chief of Makhoakhoeng |
| 6. Hon. Moeketsi Moletsane II | Principal Chief of Taung |
| 7. Hon. Lerotholi Mathealira Seeiso | Principal Chief of Mokhotlong |
| 8. Hon. Lerotholi L. Seeiso | Principal Chief of Likhoele |
| 9. Hon. Theko D. Bereng | Principal Chief of Phamong |
| 10. Hon. Mojela T. Makhaola | Principal Chief of Qacha’s Nek |
| 11. Hon. Seeiso S. H. Nkuebe | Principal Chief of Quthing |
| 12. Hon. Nthupi A. Bereng | Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote |
| 13. Hon. K.L.K Khoabane Theko | Principal Chief of Thaba-Bosiu |
| 14. Hon. Mitchel S. Maama | Principal Chief of Ha Maama |
| 15. Hon. Moholobela M. Moholobela | Principal Chief of Matelile |
| 16. Hon. Bereng G. Seeiso Api | Principal Chief of Ha Ramabanta le Kubake |
| 17. Peete Lesaoana Peete | Principal Chief of Koeneng le Mapoteng |
| 18. Hon. ’Mako T.Mohale | Principal Chief of Tajane, Ha Ramoetsana le Ha Mohale |
| 19. Hon. Khoabane T. Mojela | Principal Chief of Tebang, Tšakholo le Ha Seleso |
| 20. Hon. Retšelisitsoe Mopeli | Principal Chief of Botha-Bothe |
| 21. Hon. Pontšo S. Mathealira | Principal Chief of Tsikoane, Peka le Kolbere |
| 22. Hon. Qeto Sekonyela | Principal Chief of Malingoaneng |
| 23. Hon. ’Mawinnie Kanetsi | Senator |
| 24. Hon. Lebona Khoaele | Senator |
| 25. Hon. Thabiso Lebese | Senator |
| 26. Hon. ‘Maphakiso Lebona | Senator |
| 27. Hon. ’Mabataung Patricia Mokhathali | Senator |
| 28. Hon. Sehloho Henry Monatsi | Senator |
| 29. Hon. ’Makholu Moshoeshoe | Senator |
| 30. Hon. Neo Matjato Moteane | Senator |
| 31. Hon. Seabata Motsamai | Senator |
| 32. Hon. Richard Ramoeletsi | Senator |
| 33. Hon. Limpho Tau | Senator |
PARLIAMENT OF THE KINGDOM OF LESOTHO
SENATE CHAMBER
THURSDAY 26th MARCH 2026
The House assembled at 10:30 a.m.
(MADAM PRESIDENT in the Chair)
PRAYER
The Chaplain led the House in Prayer
ANNOUNCEMENTS FROM THE CHAIR
MADAM PRESIDENT: Litho tse Khabane, ke kopa re qaleng mosebetsi ka Litsebiso tse latelang:
Tsebiso ea pele ke ea hore re ntse re lebelletse Sets’oants’o sa Molao sa Likhakanyo tsa lichelete tsa selemo sa lichelete tsa selemo sa 2026/2027, ‘me joalo ka ha re ile ra bolela kapa joalo ka ha le tseba Litho tse Khabane, hang ha se fihla kahare ho Ntlo re lokela hore re se bue re se qete letsatsing lona leo. Re tla etsa tsebiso hang-hang haeba se ka fihla re ntse re le ka Ntlong. Mohlomong re tla ikeletsang hore na re tsoele-pele ho se bua kajeno kamor’a lunch e le hore se tsebe ho feta kapa ke bona eka tsebisong ena ea rona ea bobeli re boetse re hopotsa Litho tsa College of Chiefs hore li menngoe mane Lancers Inn ka hora ea leshome le motso o mong hosane. Bahlomphehi le menngoe mono ke Lekala la lona la Borena, Litaba tsa Lehae le Sepolesa.
Sepheo sa memo eno ke ho ea ts’ohla litaba tsa ts’ebelisano-’moho ntlheng ea ngoliso ea mafu a hlahang ka thoko ho litsi tsa bophelo, ‘me ho oa utloahala hore ha re ka ra leka hore re se fetisetse hosane se tla thulana le memo eno e seng e ile ea fetisoa ka Labohlano empa litaba tseno kea kholoa Ntate Clerk o tla ‘ne a re tsebise hore na se se se fihlile. Haeba se ka fihla re bona eka re tla sitoa hore re se ts’ohle letsatsing lena in the afternoon mohlomong re tla kopa Litho hore re etse a revised Order Paper e etsang propose, e etsang sitting next Monday.
HON. SENATOR S.K. MASUPHA: Kea leboha Madam President, ke hlomphe Litho, ke hlomphe bohle ba teng ka koano. Mohlomphehi, haeba ho buuoa ka taba ea phutheho ea rona ea Labohlano e Lancers Inn, re fumane tsebiso ka Molula-Setulo oa rona ho re phutheho e joalo e chechisitsoe ho se ho tla boleloa nako e ‘ngoe.
HON. SENATOR J.A. MOTS’OENE: Kea leboha Mohlomphehi, ke u hlomphe, ke hlomphe Tafole, ke hlomphe Litho tse Khabane. Mohlomphehi ke balile Standing Order Number 79. My concern towards that Standing Number ke issue eane ea rona ea ho lula ka mona, ‘me eo ke neng ke kopa uena Mohlomphehi hore re le Litho u ke u re kopanye le Komiti e amehang. Ka ba ‘na ka hlalosa hore….
MADAM PRESIDENT: Order! Morena oa ka hle! Morena oa ka ke ne ke kopa hore litaba tseo kaha re ile ra re le ke le re fe monyetla oa hore re ke re le thuse ho li sebetsa re se ke ra etsang eka re ntoeng. Litaba tseo tsa lona le ile la re re le kopanye le Komiti ea… e ntseng e sebetsa litaba tseno ka ba ka cho hore ha e-s’o tlise report e tla tseba hore e kenyelletse litaba tseo tsa lona ka hare ho report ea eona ’me ka lebaka la hore Molula-Setulo oa eona o hlile a ikopa hona bekeng e fetileng ho re o na le mabaka, ha se eena feela ea ikopileng.
O ikopile ka mongolo ho re o tla ba sieo bekeng ena ka litaba tsa hae tsa lelapa tseo a leng sieo ka hare ho naha, ‘me litaba tseo re ntse re li tseba hore re lokela re li etse. Re ke ke be ra ba ra le phoqa li tla etsahala. Ke eona taba eo ke reng ke e ts’etlehe ho uena. Ke bona eka u s’o bona eka e ka re li se li liehile, li liehile hobane ehlile beng ba Komiti ho na le bothata ba hore ba ka lula mohlomong, feela re se re ile ra ba bitsa ra ba bolella litaba tsa lona le concern ea lona.
HON. SENATOR S.K. MASUPHA: Ntlha ea Tsamaiso Mohlomphehi…
MADAM PRESIDENT: Ke Ntlha ea Tsamaiso Setho se Khabane?
HON. SENATOR S.K. MASUPHA: E! Mohlomphehi.
MADAM PRESIDENT: U tl’o mpolella hore na Tsamaiso e fositsoeng ke efe akere?
SENATOR S.K. MASUPHA: E! Mohlomphehi. Ke mpa ke re feela ke lokise litaba tsena tsa hore ha ho thoe Molula-Setulo ha a eo, ke ea hore na Ntlha ea Tsamaiso ea ka ebile e na le potso, ke ea hore na e le hore ha Molula-Setulo a ka a ba sieo ha ho na letho leo Komiti eo e tla le etsa? Hobane taba ena ke taba e hlokolosi e tlamehang ho re e t’soaroe hantle ebile e potlakileng. ‘Na ke e nka e le very urgent molemong oa boiketlo…
MADAM PRESIDENT: Ke kopa ho re Setho se Khabane u lule fats’e. Taba ea hore Mookameli oa Komiti ha a eo, mosebetsi o entsoe Komiting, ‘me mosebetsi o ho Litho tse ling kaofela, e se e le mosebetsi o lokelang hore o tle ka Ntlong, empa ha ho na le consideration e ‘ngoe ehlile ho lokeloa ho emeloe Litho tse ling kaofela li lule. Litaba tsena Litho tse Khabane ke ne ke kopa hore li se ke tsa arajoa ke ‘na hobane ehlile li ama ‘na hore le lumela hore ke ‘na ke entseng mosebetsi ono ke le mong, empa ke kopa le amohele hore re ntse re sebetsa litaba tseno.
Ha ke tsebe ho re na ha li le urgent ke ha li le joang Mohlomphehi hobane mona moo le lutseng ha ho na letho le tsoang kapa leo le le nkang. Le lutse hobane administration e ne e bona ho hlokahala. Ha ho na letho leo re reng lea fetoha, haeba ho na le ntho e ‘ngoe e tla etsoa e le reconsider e tla etsuoa ka nako ea teng.
HON. SENATOR J.A. MOTS’OENE: Mohlomphehi ke ne ke kopa Ntlha ea Tsamaiso…
MADAM PRESIDENT: Ke kopa hle re se ke ra kena ho eona Mohlomphehi oa ka, ka tsela eo ke seng ke hlalositse le amohele hore re ntse re le sebelletsa litaba tseno.
Next item Mr Clerk.
Item Number 2
MOTION
Resolution on the influx and protection of Basotho in South Africa.
MADAM PRESIDENT: Litho tse Khabane ha ke boele ke Teke taba hore Ntlo ena e Khabane ea Senate e khothalletsa ‘Muso ho re tlhahiso ea mesebetsi le kholiso ea moruo e-be lit’siea tsa mantlha tsa Puso hore Lesotho le tle le its’ematlele le se its’etlehe ka AfrikaBoroa ka mesebetsi le hore ho matlafatsoe mafapha a bophelo le thuto kaha a tla fokotsa sekhahla sa Basotho ba t’selang maliboho ho ea batla lits’ebeletso tsa mantlha. Hape ‘Muso o matlafatse lits’ebeletso tse fanoang ke Ntlo ea Boemeli ba Lesotho Afrika Boroa sebakeng sa tlhokomelo le ts’ireletso ea Basotho ha ba le ka hare ho naha eo. Litho li ka bua.
HON. SENATOR P.L. PEETE: Kea leboha ‘M’e President. Ke ema mona ‘M’e ho tlatsa Tlhahiso ena ea Setho se Khabane Morena oa ka oa Linare, e malakabe pelesa! Tlhahiso ena Mohlomphehi ke Tlhahiso e matla haholo eo re lokelang hore re ke re tebise maikutlo ha re bua ka litaba tse kang tsena. Taba ena ke taba e kholo haholo ‘M’e hobane e re ha u ka oa e shebisisa hantle e bua ka likamano tsa Basotho kapa Naha ea Lesotho le Naha ea baahelani e leng South Africa. Taba e kholo eo re lokelang hore re e hlokomele ke hore South Africa ha re na sekoti sa ho ipata re tlo phela le eona re le sechaba sa Basotho, ‘me le eona e le naha e lokela hore e ikamohele hore ka hare ho eona e na le naha e ‘ngoe e nang le sovereignty ea eona.
‘M’e President taba e kholo eo ke emang mona ho ts’ehetsa Setho se Khabane Morena oa ka oa Leribe, ke hobane Mohlomphehi o etsa Tlhahiso ena hobane a bona tlokotsi eo Basotho ba phelang ho eona. Ha re ea South Africa mane ekare re ’mutla oa lintjeng. Ke mokhoa ona moo Morena oa ka oa Leribe a reng re ke re bone ho re na re ka iketsetsa joang hobane mphe-mphe e ea lapisa. Motho oa lebala, batho bana bao re ileng ra ba ts’ehetsa ka nako e telele ho bonahala ba se ba lebetse.
Re laetsoe ke Ntate Khosi Rabasotho hore re hlahise lijo, re iphepe ka linako tsohle selemo ho pota. Re se ke ra ba ra ts’oenngoa ke hore na linaha tsa bokoloni na li tla loana ha kae, le hore na li hlahisa ha kae, re tsebe hore whatever eo ba e etsang produce e le linaha e ka ba feela cherry on top, holim’a ntho eo rona re se ntseng re e hlahisitse. Ke ntho eo Morena oa ka oa Leribe a e buang hore ‘Muso o ke o bone hore ha re hlaisitse lijo tsa rona li etse circulate ka hare ho naha ka mona li re anele kaofela.
Ke taba e bolutu haholo Ntate Joel le Ntate Mopeli ha e ka ea re ha re hlahisitse lijo Marena a ka eaba li tlameha hore li lule ka lisiung ka mono li be li bolle ka mono, li jeoe ke ts’upa li le ka mono ka lisiung. E le hobane Matona a rona a sa etsa arrangement ea hore lijo tsa rona li etse circulate kahar’a rona. Oa tseba hore ho na le bo-nkhono le bo-ntate Moholo ba robalang ba itsosa Ntate Theko feela hona le Lihoai tse lemang haholo.
Ho ne ho ntse ho boleloa mona hore ho na le sehoai Matsieng se hlahisang lebese la 300 mang-mang litres per day feela kea tseba Bela-Bela mane, Bela-Bela Primary ke ee bone matichere a teng a ntsa matha ka lituntoana a ntsa batla lebese. Ba matha, ba tlala-tlala le naha ba batla lebese. Ka nako e ‘ngoe ba be ba le etse smuggle from South Africa hobane Bela-Bela Primary mono re se na lebese joale batho ba fepang sekolo mona ba sa tsebe ho re na ba le nka kae ba qabetsoe.
Ke khutlela mane Ntate moo re reng e se eka re ka etsa mesebetsi e-be teng ka hare ho naha joalo ka ha u cho Ntate. ‘Muso o bone hore mesebetsi e-ba teng. Ha re lekile re entse li-plan, re entse makhobonthithi re le sechaba sa Basotho hore mesebetsi e-be teng, hobane mesebetsi ha se ho sebetsa mine feela kapa ho sebetsa liofising, ha re hlahisitse lijo li le teng ho be le moo lijo tsena re li isang teng.
Ke batla ho tla etsa Potso kahar’a Ntlo ena hore na o itlhophile ha kae for market, for produce eo re tlo e hlahisa selemong sena hobane selemong se fetileng ho ile hoa thoe ho rekisoe mabele Ntate Masupha. Ho ile hoa thoe re nke mabele a rona ‘M’e Nthupi re a ise setsing ho il’o rekoa eaba ho fihloa ho rekoa lijo tsa Bakhethoa feela, batho bana ba Basotho ba hlahisang mekotlanyana e 5, e 6, e 10 eaba bona ba khutla ba sa rekisa.
Taba tse kang tseno ntate Joel, Motion ona oa hau ha o arabeloa o ka arabela litaba tse kang tsona tseno. Ke hore re itlhahisetse mesebetsi re fokotse sekhahla sa Basotho ba eang South Africa ba il’o fetoha lisono, ba il’o fetoha lits’ehisa ka mane ebe ho tletse Basotho feela mane Lindela ba sa utsoang, ba sa betang, ba sa etsang robbery, ba sa etsang letho ba ileng mono feela ho oa leka tsa bophelo. Ebe ho tsomanoa le bona ka lintja le ka likatse empa ho na le litlokotsebe tse tsejoang mono tse ngata, tse bolaeang batho, tse utsoang, tse etsang rob banks, tse etsang lintho tsena tse mpe kaofela.
Feela ebe Basotho ba ileng makichining ba tsongoa hore ba il’o pakoa mane Lindela, motho ebe o beuoe mono o tlohelletse bana ba hae, o tlohelletse lelapa la hae. The shortest period eo motho a e bolokoang mono ke selemo kapa selemo le likhoeli, a s’o ahloloe, a s’o hlahe ka pel’a Lekhotla.
Ntho eno ha se justice, ke ho hlokela Basotho toka. E se eka ‘Muso oa Lesotho o ka bona hore na – mohlomong Letona la Litaba tsa Machabeng le bone hore na le kopana joang le counterpart ea hae, ba buisane ka litaba tsena.
Ha ke re motho oa lebala, Mohlomphehi, ke leka ho bolela hore naha eno e ts’oeu e ile ea phela ka tlokotsi ka lilemo tse telele Batho bano ba ileng ba phela ka tlokotsi e mpe lilemo tse telele, ke nakong eo ba neng ba tseba Lesotho, he, ba ne ba le hlompha.
Maburu a ne a ba saeletsa ka lintja, li ba ja. Ntja e je motho e mo qete, ebe ha ho moo motho a ka llang teng, ebe ba habo motho eno ha ho na moo ba ka llang teng. E ne e le nakong eno, e ne e le era eno ea apartheid. Ho se na moo ba ka balehelang teng, ba ne ba pholosoa ke ho balehela Lesotho.
Batho bana re ne re ba pata mona Lesotho ba South Africa. Ba ipata mona. Maburu a ba batla ka lintja le ka likatse ka mane, e be b’a tseba hore moo ba ka ts’abelang teng ke Lesotho, ba fihla ba ipata naheng ena.
Mofu Motlotlehi Ntate oa Ntate Mohato e leng Ntate Bereng – o ne a sireletsa batho bano ba South Africa. Mofu President Mandela taba eno o hlokahetse a e tseba, hore moo ba neng ba ts’abela teng ha ho thoe ho thata ke Lesotho, Mozambique, Botswana, Swaziland and other neighboring countries. Kajeno South Africa ha e bona Basotho e bona meutloa-ea-lintjeng.
Ke batla ho hopotsa Setho se Khabane Morena oa Leribe taba eo ke tsebang hore oa e tseba – Ntate Thabo Mbeki o tlile mona bekeng tsa ho feta e le ka letsatsi la sehopotso sa Mofu Motlotlehi Moshoeshoe II. O buile litaba tse ngata haholo tseo a neng a re hopotsa hore na naha le sechaba sa South Africa se ile sa phela hamonate joang ka ts’ireletso ea Mofu Motlotlehi Moshoeshoe II.
Re ile ra mo thoholetsa, ra mo opela liatla, ele ha a ne a bua litaba tse monate tseo kajeno re ithutang hore bana ba pusong ba lebetse taba eo.
Ke rata ho hopotsa Morena oa ka oa Matelile hore bophelo ke ntlolana-ntlole. Kajeno ke ‘na, hosane ke uena. Ua bona ANC tsela eo ke bonang e khanna litaba ka eona, e lebetse hore at one-point e ne e ntse e le National Party ka mono. National Party e le thick and firm, e sa nahane hore ANC e tla ba eona e tla nka puso ka nako e ‘ngoe. (Ke bua ka National Party ea Maburu, e seng ena ea Machesetsa). E ne e sa nahane hore at one point in time, ANC e tla ba eona ‘Muso naheng eno. Ka 1994 taba eno e ile ea etsahala.
Ke rata ho hopotsa bo-Ntate Gwede Mantashe hore hona joale ke Matona, ba ikutloa eka ba se ba fihlile moo ba eang, empa…
HON. SENATOR J.A. MOTS’OENE: Potso, Mohlomphehi.
Kea leboha, ‘M’e.
Ke hopola litaba tse ling ha Setho se bua ka Gwede Mantashe. Joale ke re na Setho sea hopola mofu ntate Terror Lekota o ne a re: “Makhooa a ne a ikentse melingoana, a fofela holimo mane, ANC ea re, tlohong koano, bashana ba haeso, tlohong moo majeng!” Na Setho se Khabane ha se bone eka litaba tseo li tla tla li ipheta le ka mokha oo oa ANC kamoso na?
HON. SENATOR R.P.L. PEETE: Potso ena ea Setho se Khabane ke e fahlollang. Ehlile ke bona eka Setho se ntataisetsa ho nepa. Potso ena hase potso per say, ‘na ha ke e mametse, ke utloa eka e nkhannela hore ke e’o nepa.
Ntate Lekota o ne a bua a re Makhooa a ikentse melingoana, ele hobane a le holimo mane, empa hona ho re Makhooa a utloisisa hore a black man is a human being, ea ts’oanang le bona.
Taba ena eo Setho se e buang ke eona ena eo ke reng ANC e lokela ho utloisisa hore e lokela ho hlompha Lesotho, Basotho, Tona-Kholo le Motlotlehi oa rona, hobane ho ka etsahala hore in the near future or in the long run, ebe ANC ha esale puso, ebe pusong e se e le ho hong.
Ua tseba ANC e ne e sa nahane ka 1994 hore ho tla ba le ‘Muso oa coalition le mekha e meng! E ne e nka hore ha ho na ntho e ka e thenthang. Look today, ha e tsebe ho ikemela, e hloka ho tlatselletsoa ke mekha e meng, hobane bophelo ke lebili boa pota-pota. Nakong eo u ntseng u le mane holimo, u se ke be ua ba arrogant ho bane ba tlase mane, because you might meet them on your way going down, u e’o thulana le bona tseleng.
ANC ke bona eka e utloa eka ha e sa hloka Lesotho ka letho. Unfortunately, ‘na ke bona eka e le hloka haholo ho feta pele. Bo-ntate Gwede Mantashe ha Tona-Kholo ea Lesotho a ne a ile a e’o kopana le Basotho – re na le Basotho ba bangata haholo ba phelang naheng eno. Re tlaleheloa hore o re Tona-Kholo ea rona e etsa linakeli le litlokotsebe tse phelang naheng eno. Ke utloa e le motho ea itumellang ho fosa, o itumella ho kheloha ele motho e moholo. Oa bonts’a hore o se a khathetse, oa utloahala hore ha a sa etsa apply kelello ea hae hantle hore e ‘ne e hlomphe batho ba bang ba baholo.
It doesn’t matter how Lesotho might be small in terms of geographical space, empa ho rona re le sechaba sa Basotho – Lesotho ke ntho e kholo haholo, ke ‘M’a rona. Ke ne ke nahana hore ba lokela ho re hlompha re le sechaba sa Basotho.
Nkile ka utloa ho thoe Motlotlehi Khosi Rabasotho o ne a feta ka borokhong bona ba Maseru, ho thoe o ile a hlekefetsoa hampe ka mono, ho thoe oa sechoa, ho sechoa likoloi tsa hae. Ke hona mane moo ke reng na batho baa ba lebala kapele hakaakang!
Ke ho re ke se ke re, Mohlomphehi, na batho baa le Motlotlehi, motho e moholo hakaalo-kaalo ba utloa ba na le sebete sa hore ebe ba ntse ba mo tontonts’a ha a feta ka moo naheng eona eo ea hae!
Ba tlameha ba ‘ne ba hopole hore na Free State ke’ng, e tsoa hokae, e fihlile joang ho bona hore ebe ke naha. Ba tlameha ba ‘ne ba ikhopole hore ebe naha eo ke karolo ea South Africa e fihlile joang ho bona, hobane e inketsoe ka thutsoana ea ‘mooane, kapa e inketsoe ka likhoka, kapa e nkuoe ke bane ba neng ba ba hlekefetsa ka nako eno, bane ba neng ba ba bolaea, ba bolaea the black people in South Africa. Ke bona ba ileng ba hapa naha eno ea rona, ea Motlotlehi.
Haeba kajeno batho bao ba neng ba lla, ba tlala-tlala le naha, ba matha, likolo li chesoa ke Maburu, bana ba bolaoa – u hopole bo-June 16, ho bolaoa motho ka sehloho, a ts’aelletsoa ka lintja, a khakhathoa, a bolaoa, a penngoa ka tang, motho, a human being, a bolaoa ka sehloho sa mofuta o joalo, joale ebe kajeno bona batho bane ba neng ba baleha, ba ts’ela linokeng ele ha ba balehela Lesotho, kajeno lena ke bona ba reng Basotho ba ileng ba ba amohela ba se ke ba kena li-clinic tsa bona, ba se ke ba kena lipetleleng tsa bona – ke bomali-mabe bo bokaakang!
Ke bona eka ntho e etsang hore ebe batho ba lieha ho nahana, ba hona mono naheng ea boahelani, ba re etsa judge hampe ka lebaka la batho bana ba ipitsang litali kapa bo-zama-zama, hobane le bona batho bano ba habo rona ba re kenyetsa metsi ka moeli. Ha ba fihla ka mane, ba lutse ka thoko ho molao, ba bolaeana ka bo-bona, ba bolaea batho, ba lithunya tse seng molaong. Ba etsa lintho tsohle ka’nete tse re hlabisang lihlong.
Ke nahana lintho tseno tse ntseng li etsoa ke batho bano bao e leng Basotho, haeba ke bona, hobane certainty ea hore batho bano ehlile ke Basotho, ntle le hore feela ba bonoa ba apere likobo, ba nkile melamu – joale motho ha a nkile molamu ho thoe ke Mosotho. Ha ho na ho hong ntle le hono ho re’ng batho bano ba ntseng ba etsa lintho tseno – ba mp’a ba bonahala feela ba nkile…
Nts’ireletse, Mohlomphehi …
MADAME PRESIDENT: Morena oa Matelile, u batla ho mpolaisa batho baa ba ka North!
HON. SENATOR R.P.L. PEETE: Batho bano bao ho belaeloang hore ke Basotho, bano ba ntseng ba etsa liketso tseno tse mpe – ea pele, ha ba na litokomane, ha ho tsejoe moo ba lulang, ha ho tsejoe mabitso a bona, ha ho na mang ea ka netefatsang hore batho bano ke Basotho.
The only way ea ho etsa judge hore e ka ‘na eaba ke Basotho ke ho ba bona ba apere likobo. Ka lebaka la hobane ba bonoa ba apere likobo – ke eona ntho e etsang hore ho lumeloe hore e ka ‘na eaba ke Basotho, le ka ho bonoa ba nkile melamu.
Joale ke re na etlare…
MADAME PRESIDENT: Setho se Khabane, ke bonts’oa mona hore u setse ka metsotso e ‘meli. Hape ke ne ke re kaha our Researchers ba teng ba tla ke ba re fumanele hore na molamu ke’ng, hobane molamu cannot just be a stick. Ebe AI e ke ke ea re thusa, ea re fa hore na molamu e ka ba eng!
HON. SENATOR R.P.L. PEETE: Ha re e bitse feela molamu, hobane re bua le Basotho, ha ho na taba.
Batho bana ba etsoa judge ka hobane ba nkile molamu…
Question, that Hon. Senator R.P.L. Peete be permitted to speak again, put and agreed to.
HON. SENATOR R.P.L. PEETE: Kea leboha, Mohlomphehi, hore ebe ke ekelelitsoe nako.
Ke ne ke re batho bano ba etsang litlolo tseno tse mpe tsa ho bolaea batho ke ee ke utloe ho thoe ba ka tloha ba kena moo ho rekisoang mothamahane, at a tarven, motho a fihla a sa khethe, a bolaea batho randomly, ho ichoelle batho ba bangata, ebe oa tsoa oa baleha.
Ntho eno e-ea re tlontlolla, ebile e mpe; ka tsela efe kapa efe ha re na ho e emela re le sechaba sa Basotho, ha re lumellane le boemo ba mofuta o joalo, ka tsela efe kapa efe! Batho bano ba ikhethelang ho phela bophelo bono, ke bona ba ikhethelang ho bo phela. Ha ke utloe eka ntho eno ke policy ea ‘Muso oa Lesotho. E iketsetsoa ke batho bano ba batlang ho etsa joalo. Ka’nete rona re le sechaba sa Basotho ha re lumellane le boemo bono bo joalo.
Ke ne ke mpa ke re taba ena e se ke ea etsa hore ebe ka eona Lesotho le sechaba sa eona se tla etsoa judge hampe ke ‘Muso oa South Africa hore ebe e tla ba Basotho ba innocent, ba ntseng ba tsamaea naheng eno ba e’o batlana le mokhoa oa bophelo, ebe ba tla lelekisoa, ebe motho o tla hlokisoa ho phela le bana ba hae, kapa ho sebeletsa bana ba hae, ebe o e’o pakoa teronkong a sa ahloloa for such a long period of time.
Ke ne ke re ‘Muso oa Lesotho o ke o bone hore na o ka etsa maoala afe joale ka ha mong’a Tlhahiso, Morena oa ka oa Leribe a supile.
Mohlomphehi, ke batla ho qetella taba ena ea ka ka ho hopotsa Ntlo ena e Khabane hore President Ramaphosa o kile a mengoa mane USA, a menngoe ke Ntate Trump hore ba ke ba e’o buisana ka litaba tsa khoebo le khoebisano le phelisano as such.
Ntate Ramaphosa o ile a hlaha mono e le sono e ts’abehang, a tontonts’oa ka lipotso ke Ntate Trump, a mo entse sono. Ha ke tsebe haeba ntho eno le ne le e bone. A bonts’a hore South Africa ha se naha ea khotso.
Ntate Ramaphosa o ile a leka ho arabela, a leka ho hanyetsana le taba eo. Eaba o re ho penngoe leboteng ho bapalisoe ntho eno, ele ha a batla to prove to Ntate Ramaphosa hore South Africa ke naha e se nang khotso, particularly e loants’ana le batho ba basoeu. Eaba ho hlaha Ntate Malema a ntse a bua mono a re ‘kill the Boer, kill the farmer!’ Eaba Trump o re, ‘you see!’
Ntate Ramaphosa ke ne ke bone a sitoa ho lula setulong hantle, a ntse a ema a sheba ho video eno. Ke ho re ka bona hore o tsietsing oa ipotsa hore na o tla e thiba joang. Eaba motho eane eena o ntse a tsoela pele a re, ‘kill the Boer, kill the farmer!’
Ke ho re ke leka ho bonts’a hore na ke litaba tse bolutu hakaakang tse ka hlahelang motho.
Ha a arabela o ile a arabela ka diplomacy e kholo haholo a re, “Ntate Trump, ea pele South Africa ke naha ea democracy, motho enoa a ka ‘na a bua ntho eo a batlang ho e bua. Ntho eno eo a ntseng a e bua ha se policy ea ‘Muso oa South Africa. Ntho ena e ntseng e buuoa mona ke motho eno ea ntseng a re, ‘kill the farmer, kill the Boer’ e itsoela molomong oa motho enoa, ha se ‘Muso oa South Africa. U ke ke ua re motho enoa ea ntseng a bua ntho ena ke South Africans, empa ke Malema ea ntseng a bua ntho eno eo a ntseng a e bua.”
Ke batla ho khutlela mane moo ke reng batho bano ba ntseng ba bolaea batho, ba thunya batho, ba re ke li-zama-zama, we are not going to allow ‘Muso oa South Africa to name those people ele ‘Muso oa Lesotho kapa ele Basotho. It is a group of people ba ikhethetseng ho phela ka tsela eno eo ba batlang ho phela ka eona, eseng hore ke Basotho – Basotho ha ba joalo, Basotho ke batho ba khotso.
E leng ho re e ka ba bohlokoa, Mohlomphehi, hore ‘Muso oa rona oa Lesotho must not shy away to confront ‘Muso oa South Africa ka phatla e phahameng hore rona re le Basotho, we demand hore le phele le rona hantle, le se ke la re hlekefetsa ha re tla South Africa.
Ke boikarabello ba ‘Muso oa Lesotho, Ntate Joel, hore o bone ka hohle hore o hlahisa mesebetsi to minimize the number of Basotho who go to South-Africa seeking for jobs. Re iketsetse mesebetsi mona Lesotho. Re leme! Re se ke ra batla ho hiroa ke ‘Muso. Re iketsetse.
Ho na le ntho eo ke e utloileng, Morena oa ka oa Butha-Buthe, Morena Mopeli, ha u ne u bula Ofisi ea hau mane Butha-Buthe. Ntate, Mohlomphehi Tona-Kholo, o ile a bua taba e kholo haholo eo ke belaelang hore u ntse u e hopola a re, ‘Basotho ba eme ka maoto ba iketsetse litene tsena tsa paving hobane sekontiri se seng se tl’o tla se e-ba teng Lesotho e se e tl’o ba sa litene tsena tsa paving.’ A re, ‘re eme re etse,’ joale eena a tl’o tla a reka ho rona re le Basotho. Ke taba taba eno, Ntate, u oa e hopola.
So, my worry ke hore e se ke ea mpa ea tla ea behoa tjena, (ke batla motho eane a rekotang (recording) a mpehe hantle on record, ba tle ba nkutloe) e se ke ea mpa eaba, Ntate Tona-Kholo, ha a re o hlahisa mesebetsi for bacha, batho ba Basotho bao ho se nang moo ba sebetsang, ebe mesebetsi eno e tl’o tla e etsoa conquer ke Bakhethoa ba Sechaba, batho ba seng ba ntse ba e-na le muscle o massive, ba seng ba ntse ba e-na le mokhoa oa bophelo.
Ha se hore ke re ba se ke ba sebetsa kapa bana ba bona ba se ke ba sebetsa, feela at least mesebetsi eno e joalo e se ke ea mpa eaba e tl’o tla e etsoa conquer ke bona feela, ebe Basotho bana bao, Ntate Tona-Kholo, a neng a leka ho ba hlahisetsa monyetla ea mosebetsi ha ho na moo ba tl’o kena teng.
E mpe ebe hore haeba ntho eno e tla ba kobo-anela, e mpe ebe kobo-anela e se ke ea re ha re se re hlahisitse eaba re sokola hore na re rekisa hokae.
Ke khutlela tabeng eane ea mabele moo ho ileng hoa thoe re hlahise mabele, re a ise mane re il’o a rekisa, Ntate Sempe. Ea re ha re fihla mane hoa fihla hoa ema literaka tsena tse kholo tsa Bahlomphehi e le tsona tse rekisang pele. Eaba Basotho bana ba tlang ka mekotlanyana ea bona e leshome, e seng mekae, e ts’eletseng eaba ba khutlela le eona hae e sa rekoa. E ntse e le hae le hona tjena, e ntse e le litorong tsa rona ebile e se ebile e le ts’upa. E se e le lijo tsa liphoofolo.
Ka mantsoe ana, Madam President, ke tlatsa Tlhahiso ena ea, Mohlomphehi Morena oa ka oa Leribe, Morena khomo-ea-litlali, leha ke utloile hore o ngongorehile mono ngoaneno oeso hore o ne a e-na le Point of Order ea hae e sa kang ea etsoa address hobane, Ntate Molise, o ile a re ntho eno e entsoe ke uena ea ho re beha litulong, mona moo u re behileng. A re e tsejoa ke uena, ha a ikarabella ka Whatsapp group. O ile a re eena ha se eena. A re e tsejoa ke Madam President.
Ka groupung e teng taba ena joale hona joale tjena …
MADAM PRESIDENT: Nako ea hau e felile, Morena.
Lula fats’e.
HON. SENATOR R.P.L. PEETE: Kea leboha.
HON. SENATOR S.M. MAAMA: Kea leboha, Madam President, leha joale ke utloa – Kea leboha hle ke isa hlompho ho uena le Litho tse Khabane tsa Ntlo ena ea Mahosana.
Ke tlatsa le ‘na ka matla Tlhahiso ena ea Setho se Khabane, Morena oa ka oa Leribe, ena ea tlhokahalo ea hore na le Basotho bane ba South-Africa ba ka fumants’oa kapa hoa thehoa mesebetsi joang ea Basotho ka kakaretso hore ba tsebe ho iphelisa.
Ntho e kholo, ‘M’e, ke ea hore, hei, ua tseba leetong lee leo re neng re le nkile, e re khathatsang matla ke ea hore re bone moo ho neng ho lenngoe lifate tse kholohali. Lifate tseno tse lenngoeng ke lifate tseo re neng re ntse re bua ka tsona mona ebile li laetsoe ke literaka. E leng hore lia tloha merung eno li il’o etsa mesebetsi.
Rona mona re buile ka taba ena ea lifate hore lifate tsena – Ha ke tsebe ha ho ntse ho thoe bothata ke ba mosebetsi kapa bothata ke sepane sa Ntate Tona-kholo. Ha re tsebe hobane ena ha e hloke le tlhokahalo e kaalo ea mosebetsi hobane mechini ebile e teng mona e ‘meli e lutseng feela. Liomisi li teng le lintho tse ngata, tse pakuoeng feela tseo ebileng li qetellang li fetoha li ba mafome, tse rekiloeng ka lichelete tse ngata tsa naha ena, tseo le rona re ka beng re ntse re etsa oona mapolanka le lintho tse ling.
Kea ipotsa hore na ha ho thoe mesebetsi ha e eo, eo re ka ra e thehang ke ho bolela eng. Le ‘na joaloka, Morena oa ka oa Mats’ekha, ke ne ke re ka ‘nete ‘Muso oa haeso o k’u etse moifo o moholohali, che ebile South Africa eona ke ee ke bone eka e etsa moifo o moholo haholo ha e tla e tl’o batla lintho tse itseng, ehlile e ea tla, e tla ka moifo o moholohali ‘me ba tle litabeng.
Ha ba se ba tlile litabeng mona – ha u ea litabeng u lebella lintho tse peli. Ka hare ho lintho tse leshome u lebella hore tse ‘ne tsona li tla phethahala, tse ts’eletseng tsona leha ba ka ba li lahla. Ha batho ba tla lipuisanong, tse hlano rea li bua, empa tse tharo ke lebelletse hore joang kapa joang ba li nke.
Ke ne le tabeng eona ena ea batho bana – ke se ke etsa sets’oants’o feela sa hore na ebe ha Basotho ba South Africa ba ka khutlela hae mona kaofela hoa bona, hore na ebe e ka tla ba bolulo ba mofuta ofe ha tlhokahalo ea mosebetsi e se ntse e re imetse, e le kholo ha kana-kana. Ha ba se ba ka tloha ba tla koano, ba tloha bo- Ceres mono or anywhere ebe e ka ba ts’obotsi ea mofuta ofe? Re ka bona litlolo tsa Molao tse kae?
‘Nete ke eona ntho eo ke e botsang ke reng re le Basotho re tlameha hore re tobe moo taba e leng hona teng. Re hle re tobe hobane, ‘M’e President, boemong boo u fihlileng ho bona ha ua fihla ho bona feela. Moeta-Pele e mong le e mong ea fihlileng boemong bo phahameng o ile a hata mahetleng a batho ba bang hore a be ka holimo.
E leng hore u ke ke oa fihla boemong bo ka holimo u sa ka oa hata mahetleng a batho ba bang. Ha u qeta ho fihla ka holimo re lebelletse hore na u re etsetsa joang. U re etsetsa eng uena re u fihlisitse ka holimo.
Baeta-pele bana bao re ntseng re leboha matla a bona a maholo ba fetileng ntho ena ea khethollo ea ‘mala ba ile ba e loants’a haholo. Ke hona moo re reng re tlameha hore re tope, re lule hona teng le naha ena ea boahelani e tsebe hore e ntse e re hata litorong, empa ha re ka ‘na ra e koekoetla eaba re ntse re ea koana le koana, ka ‘nete le bona ba ke ke ba ipona liphoso tseo ba ntseng ba li etsa.
HON. SENATOR S.K. MASUPHA: Kea leboha. Morena oa ka.
Ka, Madam President, ke rata ho u botsa hore na ha u re batho bana ba ka nqane, ba balehetseng linaheng tse ling, haholo-holo South Africa ba se ke ba tla hae, kapa ehlile u cho joalo u re batho baa ba se ke ba tla hae hore ba tl’o fumana mofuthu oa naha ea habo bona?
Ke ne ke rata hore taba ena u tl’o e otlolle hantle, Mohlomphehi.
E leng hore ka mantsoe a mang u hanana le Tlhahiso ee ea Morena oa ka, na?
HON. SENATOR S.M. MAAMA: Ka mokhoa o tletseng, Ntate, empa ke ne ke re feela leha ba ne ba ka khutla kaofela, ebe e ne e tl’o ba bophelo ba mofuta ofe ha esitana re se ntse re e-na le bothata batho ba robalang ba itsosa hona joale.
Tlhokahalo ea mesebetsi eane eo, Ntate Khoaele a ileng a ka a e etsa hore tlhahiso ea mesebetsi – e le boima – ea bacha.
Ha ke re batho bana ba se ke ba tla hae, empa ke re ba tle hae ba hlophiselitsoe hore ha ba tloha ka mane, ra be re ba hlophiselitse hore ba tle ka koano. Joale empa ke re le eona naha eno eo ba leng ho eona joaleka ha Morena oa Mats’ekha a cho, ha re e tobe hore na hana e tsoa hokae ha e tla ba e mono.
Morena Leabua o ne a re batho bano ha se liphoofolo, o ne a re ke batho. Ke tla be e sale ke ntse ke bua ka eena hangata hobane ke eena ea hlileng a neng a le kapele-pele ho sireletsa Ma-ANC. O ne a re batho bano ha se liphoofolo, ke bana ba bo rona ba tle koano. Batho baa se ba lebetse?
Ke na le lintlha tse hlano feela tsa bona. Ba phaphathehetse linaheng tse ling ka ts’oanelo, ba etsetsoa likampo tsa bona koana. Lesotho mona ha ho oa ka hoa e-ba le lintho tseo re reng ke likampo. Ma-ANC a ne a phela le rona ka hare ho malapa a rona, malaeneng ba hirile ka hare ho matlo a rona. Linaha tse ling li ne li ts’aba hore ha li re re batho ba tl’o lula le bona ba ne ba tla be ba itlisetsa lenono moo e tla re ha Maburu a tla a ba setse morao ebe larita.
E leng hore lithuso tseo ba neng ba ba fang tsona ba ne ba li fana likampong tsane tsa bophaphathehi tseo ba neng ba li etselitsoe. Rona ha rea ka ra ba le ntho ea mofuta ono.
Lesotho mona re ne re ba nka e le bana ba bo rona, ke ka hona ba ileng ba ba ba nyala ha ba fihla mona. Bongata ba bona ba neng ba le mona ba nyetse bana ba Basotho ba tlohang mona. Re na le bosoare ba rona hobane Morena Leabua a ne a ba rutile – ha ke batle hore ke ‘ne ke re Morena Leabua e tla hlahisa batho ba bang hampe ha ke ntse ke bua ka eena. ‘Musi oa ka nako eo o ne a re ke bana ba bo rona re se ke ra ba nyatsa.
Ea bobeli ke eona eane ea hore licheleteng tsa thuto ea naha ena, tsane tse fuoang Manpower… ho thoe ke Manpower? Ha ke tsebe ho thoe ke National Manpower Development Secretariat.
Ntate Leabua cheleteng eno eo e neng e fuoa Basotho hore ba il’o ithuta ka eona, 25% o ne a re e behelloe ka thoko e be ea batho ba tlileng ka mona ba Ma-ANC le bona ba fumane thuto. O ne a re hosane batho bana le bona e tla be e le baeta-pele. O ne a re e behelloe ka thoko le bona ba ts’oaroe hantle. Ba ratang ho ithuta ba ‘ne ba tsoele-pele ho ithuta. Ba kene ka NUL ka mono ba le bangata hampe.
Batho baa ba se ba lebetse moo ba tsoang teng?
Re ne re rata hore le baphatlatsi ebe ba teng mona litaba tsena ba li ise ho Embassy ea South Africa mona hore leha ba ntse ba hlokofatsa batho bano ba habo rona, re utloa bohloko kaofela.
‘Muso ha o k’u etse moifo mono – re na le banna le rona ka mona kahar’a Ntlo ena ea Senate, bao moifo ono o ka boptjoang le ka bona, ka Marena a mabeli, a mararo eaba tlama-thata hoa il’o buua mathata a sechaba sena sa Basotho. Re il’o ba hopotsa hore na hana ba tsoa hokae.
Ke ntse ke le mantsoeng ana a Morena Peete. O ne a bile a re litlhoko tse ngata tsa thuto – lea bona hore batho baa ba bang le mangolo a bona eka’na eaba baa lebetse ka koa? O ne a re ba li batle feela ba se ke ba thibeloa ka bophelo. Ha ba ne ba tseba hore batho ba ne ba rutehile, ba ne ba lumelloa hore ba ‘ne ba nts’etse lithuto tsa bona pele.
E ‘ngoe ke ena ea… ebile ke lebala e kholo! O ne a bile a re batho bana hore ba se ke ba lelekisoa, ba tsejoa, ba ratang hore ba fumane boitsebiso ba naha ena ba bo lokolleloe. Ba bang ba bona ba ne ba se bile ba ipitsa bo-Thabo e le hobane ba fetotse mabitso a bona hore bane ba tlang kamorao ba se ke ba ba tseba. Ke menyetla eo mebuso ea rona e neng e ba file eona.
HON. SENATOR R.P.L. PEETE: Ke ne ke re ke batla ho botsa, Morena oa ka oa Sehlooho oa Ha Maama, hore na, Ntate, ha u ntse u bua ka litaba tsee tsa thuto, ho fihlile tlhokomelong kapa to your attention hore likolo tse kang Peka High School, Leribe High Schoolo, Lesotho High Schoolo. Moshoeshoe II High School, Thabeng High School le tse ling half of bana ba sekolo ba neng ba kena mono ka linako tseno e ne e le South Africans na?
HON. SENATOR S.M. MAAMA: Ka ‘nete ke leboha potso ena ea hae hobane o ntse a nkhopotsa tse ling tse ngata haholo.
Morena Peete o bua taba ea bohlokoa hobane boholo ba bona ka nako eno ba ne ba kene likolo Lesotho mona. Tsona tsena tsa li high school tseo a seng a li boletse ba ne ba kena likolo mona ba tlohile ka koana ba balehetse mona. Re ba amohetse rona.
Ea ho qetela ‘Musi oa ka nako eno o ne a re batho bana re ke ke ra nehelana ka bona ho ‘Muso oa Khethollo ea ‘mala, re ka mpa ra shoa ra fela ‘me mantsoe ano a ile a phethahala.
Ka li 09 December, 1982, Basotho ba ile ba bolaoa. Ba fihla ba kena bosiu mona ba fihla ba rinya batho. ‘Muso oa ka nako eno. Baphaphathehi ba 30 kaofela ba shoa le Basotho ba 12. Kakaretso ea makase a neng a le mono haeba ke sa hopola hantle e ne e le Pitso Ground mono e ne e le 42. A teresitse mono ra ba bona hore ke bana batho bana ba shoele, feela ba shoele ka lebaka la lenono leo re ileng ra ipitsetsa lona hore batho bana ba tle kahar’a naha ena ea rona.
Ba se ba lebetse hore bana ba bang ha ba na batsoali ba bona. Bana ba bang ha ba na bo-ntata bona hobane ba ile ba shoa feela ka hore ebe ba ile ba lula ba bapile le Ma-ANC?
Ke lintho tse tlotlollang ka mokhoa o makatsang hore ebe joale ka ha Morena oa Mats’ekha a bonts’itse hore ebe motho feela oa Letona o fihla a re Tona-Kholo o ne a le kae-kae, ka tšoanelo o ne a ile kae-kae likopanong. Ke hore ke lintho tse tlotlollang ka mokhoa o makatsang.
‘Muso o nang le boikarabello, ho sa tsotellehe hore na polelo e ne e etsoa ke letona kapa eng, empa o tlameha ho nts’a polelo hore lintho tseno tseo a ntseng a li bua ke tsa hae bona e le ‘muso ha se karolo ea tsona.
Ho fihlela hajoale tjena ha ke tsebe haeba ‘Muso oa South Africa o kile oa nts’a polelo ho ts’oela litaba tseno ka mathe.
Nakong e fetileng ea Morena Leabua, letona le ne le ke ke la iketsetsa boithatelo feela kahar’a puso eno. Le ne le tsamaea le pele letsatsi le likela.
Joale hoa bonahana hore moeta-pele oa South Africa, Ntate Ramaphosa o qabetsoe hoo matona a seng a itaola. Haa tsebe hore na a ka ba laola joang.
Ena eona e ntse e le hore re ke re ithute hore Mohlomphehi Tona-Kholo ke motho e moholo ka tsela e makatsang ‘me moo a tsamaeang leha a ea shopping o tlameha hore a tsebise mang kapa mang hobane re lebelletse hore a ‘ne a phele, a phelele Basotho nako e telele.
Ha re batle hore litaba tsane tse kang tse kileng tsa etsahala mona ka Tona-Kholo ea rona Ntate Mosisili, ebe li tl’o tla li etsahala, ebe batho feela ba tl’o tla ba itlhahela feela ba fihla ba il’o thijoa State House mane ba batla ho bolaea Moeta-pele a mo kaalo-kaalo. Ha re batle ha li ka tsa ipheta lintho tsa mofuta ono.
Ke ne ke qetella ka eona eno ea – ha ho se ho le joalo, Ntate Tona-Kholo Leabua e ne e le motho ea bohlale ka mokhoa a makatsang. O ne a re ha li se li le tjena batho ba se ba shoele ba le bangata tjena, litaba tsena ha li sa ntlhoka, li se li hloka Hlooho ea naha ‘me o ile a feela a fa Ntate Motlotlehi, a re, Ntate Motlotlehi li se li tlameha ho tsoa le uena. Sechaba sa hau ke sena se shoele eaba Ntate Motlotlehi o oa tsamaea o ea Lekhotleng la Ts’ireletso la Machaba a Kopaneng, ho ea lla ka sechaba sena sa hae se bolailoeng, se rintsoeng se ne se sa itokisetsa ntoa ‘me a khutla ka resolution ea 52, of the 15 December,1982.
Joale eaba ho thoe lits’enyehelo tsohle tseo batho ba neng ba hlasetse mona ba li entseng, e leng ‘Muso ono o li patale. Ke sa re ke ntse ke hopola mona ho ntse ho bonts’itsoe mona hore ba patale lits’enyehelo tseno. E ne e le chelete e kaalo ka 40 million US Dollars.
Ho fihlela hajoale Basotho ha ho na nako eo re kileng ra tsitsinya South Africa hore na lits’enyehelo tseno tseo bana ba batho bana ba bang ba shoeleng, batsoali ba bona ba shoeleng, bo ‘m’a bona ba shoeleng hore na – le mehaho le lintho tse ling tse itseng hobane ha ba fihla mona ba ne ba sentse thepa le meaho ea batho.
Ho fihlela hajoale tjena re ntse re phaphatha khotso ho South Africa. Ha ho na le motho feela ea eeng a ke a e thetse feela hore ache, batho bana ha ba ke ba patale chelete ena e bonts’itsoeng tokomaneng ena. Le hona joale! Re tla bua feela re halefe nakong eo South Africa e hatellang bana ba bo rona mane, e ba tsukutlang kathata, ke hona moo re tla beng re re ba lebala moo ba tsoang teng. Likhato tseo re li nkang ke life?
Madam President? Oh! Kea leboha, ‘M’e, joale ke ne ke re ka ‘nete batho bana ba Ma-ANC bona re ne re le ntho e le ‘ngoe le bona, ebile ba ne ba tseba. Ebile ‘Musong oa bona re ne re lebelletse ho re molemo o isoa molemong. Basotho ba re khalapa lia buseletsana. Ba re matsoho a hlatsoana.
Re ne re lebelletse hore ha e le bona kajeno lena, ache Basotho ba tla tetebela. Le Basotho ha ho na ho ntse ho thoe ke baahelani. South Africa e re pota-potile, Madam President. Ha ho na le mokhoa oa hore feela re ka baleha ho eona. Ha ho na le naha e ka re hlaselang eba e tlola South Africa.
Joale re ebe re bua litaba tsena ka ‘nete le boemeli ba ‘Muso bo le sieo.
MADAM PRESIDENT: Ke bao ba kena monyako.
HON. SENATOR S.M. MAAMA: Joale ba fihla re se re thetha, ‘M’e, re qetile.
E ntse e le boipiletso ba rona hore re re re na le banna ba litaba le hona ka mona ka Senateng bao ‘Muso lintho tsena o ka li nkang, ba etsa moifo. bo-Dr. Lebese ke bana le e mosehla. Morena oa ka oa Matelile o re le e mosehla le Marena a mabeli ka mona. Ke banna bao re ba ts’epang. E mosehla ke bona eka ha a eo ka mona.
Re kopa hore naha ea habo rona e ke e bope moifo ka ‘nete o ka buang le South Africa hore ha ho se ke hoa nkoa Basotho e le melata naheng eno. Ba se ke ba lebala moo ba tsoang teng.
Ke thathamisitse litaba tsena kaofela hoa tsona moo ke reng Ma-South Africa ha a hopotsoe moo a tsoang teng. Re shoele mona ka 1982, re shoa ka lebaka la bona, empa rona re ne re ntse re ba ahetse hore, ache, batho bana ho na le nako eo ba tla fumana tokoloho joale mohlomong ha ba fumana tokoloho ke hona re ka buisanang le bona e se e le Puso.
Joale empa hona joale tjena ha ho bonahale eka ho hang le puo ea rona feela ha ba e batle – feela ba siteloa batho bano ba rona ka mono. Ba siteloa bana ba rona, ‘me ba ba etsa lintho tse joang le litseleng feela! Joale moraong ona ho se ho batloa le litjotjo litseleng!
Kannete, ‘M’e, ke ne ke re ‘na ke otlile, ‘me Matona a ka a Khabane haeba a teng koano mona a tla fuoa Likhatisoa tla il’o li sheba, mohlomong a imamelle tsona, a se a le moo a leng bang.
Feela rona re ntse re ipiletsa ho Muso hore ‘Muso ha o k’u etse moifo o matla, o ke o il’o bua ka litaba tsa ts’otleho ena ea Basotho mono. E le hore ba hopotse batho bana ba tsoa hokae.
Kannete ke phethela litaba tsa ka, ‘M’e, ka hore le eona ena ea temo ke ne nkanna ka re ke bua ka eona, ‘M’e, empa ke batla ke e tlohele hanyenyane, hobane ke entse Tlhahiso ka eona. eona ena ea temo feela, ea mobu oa temo.
Mobu oa temo ha o sa le eo ho hang! Che, ha ke tsebe ka koana ka h’abo Morena oa Leribe. Teng ha u ka bona na mobu o tsamaea joang, ke ho re letsatsi le letsatsi (joale ke se ke kena Tlhahisong ea ka)!
Kea leboha, hle, ‘M’e, ha ke li otlile hakana ke li otlile kannete. Ke leboha haholo, ke leboha motsotso ona.
Hon.Senator S.K Masupha: Ha ke lebohe, Madam President, ke hlomphe Ntlo – haholo ke hlomphe Bahlomphehi Matona a qetang ho kena: Letona la Litsela le Mesebetsi e Meholo le Letona la Lichelete le Bahlomphehi ka Ntlong eane ea rona eo re e hlomphang haholo.
Taba eo Morena oa Linare a e entseng mona ke taba e kholo hoo e neng eka ke taba e neng e ke keng ea feela e ka lula. Ho loketse ho lula ho buua ka eona nako le nako, ho fihlela mohlomong Muso o utloa hore na rona re re eng ka mona ka Ntlong ea Mohosana. Morena oa Leribe o boletse kannete ka mokhoa o hlakileng.
(Ho na le motho a butseng mic mona)!
Morena oa Leribe o boletse ka mokhoa o hlakileng hore o ts’eetsa taba ea hore o hlahisa hore Muso o etse ka mekhoa eohle ho re o its’ematlele.
Ntlha ea Bobeli ke hore Muso ona oa rona o leke ho bona hore Basotho bana ba balehang tlala, bana ba eang Naheng eane ea Afrika Boroa, ba bonoe hore ba thusoa malebana le bothata bo leng teng kahare ho Naha ena ea Lesotho.
Mohlomphehi, Naha ea Lesotho ke Naha e hlohonolofalitsoeng ke leholimo ka lebaka la sebopeho sa eona sa makoliopo, lithaba le lintho tsena kaofela, ‘me litaba tsena li etsa hore ebe metsi a Lesotho a ba mangata kahare ho Naha ena.
Re ile ra tseba esale ho tekeneloa Litumellano tsa hore Naha ea Lesotho e rekisetse Naha ea South Africa metsi. Empa ke le motho, ke ipotsa hore na ebe taba ee ea meropotso eno e fanoang khoeli le khoeli…
Hon.Senator T. Lebese (Point of Order): Rea leboha, hle, ‘M’e President.
Ke mpe ke lebohe Morena oa ka, hle, ha a mpha monyetla oa hore ke mpe ke bue.
Kannete ke qeta ho ferekana, Madam President, kaha joale ke hlokomela re qeta ho fuoa Order Paper mona. Joale ke bona eka ntlha ea eona ea Pele e bua ka litaba tse ling. Ke ile ka Makala ha Hon.Minister a se a kena a phuthile tsa habo, eaba ke re, lintho li tla etsa change. Joale ha ke sheba phone, ke fumana hore ke bona ho s’o ngotsoe litaba tse fapaneng le tsena tseo re ntse re li qoqa. Eka tsena tseo re ntseng re li khakhatha li hlaha Bobeling.
Ke re u mp’u fane ka tataiso, Madam President, ho re na hana re etsa joang hona joale?
Kea leboha, ‘M’e.
MADAM PRESIDENT: Kea leboha, Setho se Khabane, ehlile u nepile.
Litsebisong tsa ka ke ile ka le hlokomelisa hore re ntse re emetse Appropriation Bill ‘mehang ha e fihla re tla etsa liphetoho tse tla re lumella hore re fane kapa re sebetsane le Bill eo.
Hakere rea tseba hore, che, Government Business e nka priority le hore oona molao oo ke Molao oo re lokelang hore re o bue, o sebetse letsatsing lee, re be re o fetise letsatsing lena?
Taba eo ke neng ke mpa ke batla feela ho e cho ke hore Morena oa ka a qetele, hobane o ne a se a eme ha ke fuoa litaba tsena. Joale ke ne ke re a qetele litaba tsa hae, ke tsebe hore re tsoele pele re etse consider the new Order Paper.
HON.SENATOR S.K. MASUPHA: Kea leboha, Mohlomphehi. ke tla hlompha nako. Ha ke n’o bua nako e telele haholo molemong oa litaba tsena tse tlang kamorao hore ke ts’etlehe puo ea ka.
Ke mpa ke leka ho bonts’a feela hore Naha ea Lesotho – ha ke re ha hona letho leo e ntseng ele etsa, ke mpa ke leka ho bonts’a feela hore ho bonahala eka ekare, mohlala, ke batho bana ba hoholehang ka bongata bona bo bokana, ba eang Linaheng tse ling – haholo Naheng ea bohaelani. Taba eno ke sesupo feela sa hore ho lokela hore ebe ho na le phoso e teng kahare ho Naha ea rona,’me phoso eno e lokela hore Muso o e lokise.
Ha re sheba lipalo-palo re fumana hore Naha ea Lesotho-population ea eona ha re bapisa le batho ba kantle ho Naha, ele Basotho, e menahana habeli ho rona ba kahare ho Naha ena ea Lesotho.
Tabeng eno ho bonahala lipalo tseno li ntse li nyoloha ho fapana le hore li theohe. Phoso eo ke e hlokomelang, Mohlomphehi, ke ea hore Molao oa rona oa mobu kahare ho Naha ena o shebahala o retsitse. Mobu o n’o nts’o le matsohong a Marena, ‘me o nts’o babaleha hantle. Empa eitse kamorao hore ho fetoloe feela hore mobu o tlosoe matsohong a Marena – bona na Naha e senyeha joang!
Taba eno le se ke la e sheba hanyane, empa le tsebe hore ke sekhahla seo etlare ha ho le tjena kamor’a lilemo tse peli re tla be re sena moo re lemang teng. Ke e ‘ngoe ea lintlha tse kholo tseo Naha e lokelang e li shebe ka leihlo le chatsi.
Ke hobane ha re sheba – ke ne ke ntse ke bua ka taba ea metsi, empa joale ke se ke tla ho ena ea mobu. Ke hobane mobu ke ntho ea bohlokoa haholo kahare ho Naha ea Lesotho, eo ho tlamehang hore Muso o bone hore ts’imo e ‘ngoe le e ‘ngoe ea Mosotho, ha e lale; ha ea lokela hore e lale. Ha ts’imo e sa lokela hore e lale, taba ena e tla tla e etsa hore moruo oa Naha o phahame.
Ke ne ke buile ka taba eane ea metsi. Ke re na ha metsi esale a rekisetsoa Afrika Boroa, na ebe Mohlomphehi Letona la Lichelete haele mona a le teng na o ile a hlokomela hore taba ee ea ho lefa metsi khoeli le khoeli – na litjeo tsee li lokela li nyolohe le inflation ebe li ntse li nyoloha ka tsela eo!
Kapa joale chelete esale e lula ho tloha nakong ela, ha ho etsoa sign Tumellano? Ke e ‘ngoe ea litaba tse bohlokoa, tseo Naha ea Lesotho e tlamehang hore e li shebe ka leihlo le chatsi. Hona joale batho ba na ba Lesotho bana ba ntseng ba ts’elela Afrika Boroa, ba ts’ela Malibohong ba tena ba ts’ela Malibohong ka lebaka la lephako la tlala ea bana bao ba ba sieang kahar’a malapa. Ba tena ba il’o inehella batho ba il’o ba hlokofatsa ka ‘nqane ka lebaka feela la hobane kahare ho Naha ea Lesotho taba ea lipasa ke bothata.
Ke buile le Mohlomphehi Dr. Lebese mona – re buile kantle, re bua in the corridors mona, ke re, Mohlomphehi, taba eane eo le ileng la ea ka eona ka mane ka lipaseng ke bona eka joale hona joale e hloele mekoalaba. Hona joale ha Ntlo ena e ka koaloa mona, ea ea ka mane ka lipaseng ea ea ho sheba hore na bothata bo ka mono na ke bofe – ke boieane.! Ebile ba bolela hore lipasa ha li eo.
Ho s’o bile ho na le priority ea hore li fuoe batho ba bang ba itseng, ‘me taba eo ke eona e tl’o etsa hore Basotho ba tsamaee feela, ba itsamaele feela ba il’o hlokofatsoa ka ‘nq’ane ho Naha.
Eleng ho re ka tsela e ‘ngoe Naha ea Lesotho e tlameha hore e bone e lula fats’e ka lipuisano. Ke ee ke utloe ho nts’o thoe Naha ea Lesotho e ntse buisana le Naha ea South Africa, Mohlomphehi, empa boholo ba Litumellano tseno tse fihletsoeng ‘n’a ke ee ke bone li sa phethahale.
Eleng ho re ho bonts’a hore bolulo ba rona mona moo re leng hona teng, mona moo Morena Moshoeshoe I a ileng a re beha teng, kannete taba ena e lokela hore e ke shejoe ka leihlo le nang le mohau hore Naha ena ea Lesotho – moqotetsaneng mona moo eleng hona teng, re lokela hore re fumane mochophoro.
Ha u ntse u lokisa litaba tsena tsa Naha ea Lesotho, eane e ka ‘nqane e lokisoa hantle, eseng e lokisoa joalo kaha Mohlomphehi oa ka a nkhakang ka lebitso a nts’a lokisa kateng, e tlameha hore eona e lokisoe hantle ho bonahale hore Naha ea Lesotho e amana le Linaha tse ling tse mose. Ha thepa ea rona e boea e tloha mona e ea Malibohong, e tsamaee hantle ho se na motho a nts’a e sitisa.
Ebile le litjeo tsena tse ngata tse etsoang charge hore ebe boea bo ntse bo tsamaea, ha bo tloha mona bo ea Durban kapa bo ea Port Elizabeth mono, moo bo fihlang teng bo fihle feela ho sena litjeo tsa letho. Bo ee bo il’o fihla mane moo bo rekisoang teng.
Feela joale empa litaba tseno li shebahala ele tse ling tsa lintho tse ka bakang mathata kahare ho Naha ea Lesotho.
Naha ea Lesotho – kea qetela!) Mohlomphehi Letona la ka kea le rata hore ebe le teng kajeno la Lipalangoang le Mesebetsi e Meholo. Ha re ka ra sheba lipula tsena tse nang, tseo re ke keng ra li loants’a hoban ke tlholeho ea Morena Molimo – marokho a oa a Basotho a ileng a etsoa khale. Lits’epe lia tsofala, li ba mafome. Ha li se li le mafome, li qetella li se li ntse li robeha feela.
Na taba ee e kile ea ka ea hlokomeleha hore marokho a felile a lokeleha hore a nchafatsoe; aa a maoto?
Ke se ke tlohella taba ea litsela, Mohlomphehi, ‘me ha ke buile hakana – leha ke bona u s’u batla ho nthiba…
Madam President: Ae, ke ne ke batla ho botsa hore Setho se Khabane – kea tseba u Setho se nang le lishoto tse matla. U n’u ka rata le hore u bue ebile u phuthulohile na? Ha ho molemo hore re sa u time nako ea hau, re mpe re fetise Government Business, e tle ere ha re tsoelapele ka letsatsi le leng, ebe u qala u tsoelapele ka litaba tsa hao? Ke hobane ha u ka bua letsatsing lena ra re u qetile ha u sa tla bua hape!
HON.SENATOR S.K. MASUPHA: Ka ‘nete ehlile ekaka u ka pelong ea ka! Hona joale ke se ke bua feela, ke leka ho hlompha nako, Mohlomphehi. Kannete ke se ke hlompha nako ea hau, hape ke utloa eka ke se ke ntse ke siteloa Ntlo.
Kea Leboha, ehlile ha kea qeta, Mohlomphehi.
MADAM PRESIDENT: Ae, oa nteboha, kannete, Setho se Khabane oa bona ke mo etsetsa favour!…
[Laughter}
Re lebohile, Litho tse Khabane. Ke ne ke kopa, hle, re ke re phomotse Ntlo leha ele metsotso e leshome (10 minutes) ele hore ho ntse ho etsoa multiply the Bill. Ha ba qeta feela ebe re tsebe ho tla qala ka eona, e tsebe ho feta. Rea leboha.
Eleng ho re re tla khutlela ka…
What time is it, Ntate Clerk?
Ho thoe re khutle ka 11:55 a.m.
The House was Suspended for a 10 minutes’ break.
House resumed at 12:03 hrs
MADAM PRESIDENT: Litho tse Khabane, Kea leboha re mpa re bile moraonyana ka metsotso e mehlano (5) feela. Ke kopa re tsoeleng pele re qaleng ka Order Paper ena e revised.
Next item Mr. Clerk
PROCEEDINGS ON SUBSTANTIVE MOTIONS AND BILLS
BILL
2.APROPRIATION BILL, 2026/2027
RELEVANT STAGES
MADAM PRESIDENT: Honourable Minister please take us through all stages.
Second reading
HON. R. MATLANYANE (Minister of Finance and Planning): Kea leboha Madam President. Ke ema ho sisinya hore Sets’oants’o sa Molao se bitsoang Appropriation Bill, 2026/2027 se baloe methati eohle e lokelang.
Mohlomphehi, ke nako e mona eo re sebetsanang le likhakanyo tsa lichelete tse tla sebelisoa ho sebeletsa sechaba sa Basotho litlhokong tsa bona tsa selemo sena le se tlang. Honourable Madam President ke kopa hore ke tle thathamise litaba tsa this Bill. The Bill before us operationalizes the budget presented under the theme Accelerating Economic Transformation, Building Resilience. Bahlomphehi ba ka le Madam President, allow me to briefly underscore the economic condition that shaped the couching of this Appropriation Bill.
Re hlokometse Mohlomphehi hore lefats’e la rona le kahara liphetoho tse ngata tse seng monate moruo oa lefats’e o ea tetema ka lebaka la ho hloka botsitso hoa lefats’e ‘me ha ke etsa statement ka mane ka National Assembly (Joint Sitting) re le ‘moho sa likhakanyo tsa lichelete tsa 2026/2027 ho ne ho bonahala ho na le lintoa le likhohlano tse teng ka hare ho lefats’e tseo ebileng li ntseng li tsoela-pele hobane e ile ea re re se ntse re le kahare ho ts’ohla statement seo eaba ho boetse ho qhoma ntoa e ncha mane Iran eo joale ho hlokomelehang hore ntoa eo e batla e ama lefats’e kaofela kapa likarolo tse ngata tsa lefats’e kaofela ‘me e na le li-tla-morao tse bohloko tsa hore re hlokometse hore mafura ke tse ling tsa lintho tse tla ameha.
Rea tseba hore ha mafura a ameha litheko tsa lintho tsohle li ea nyoloha ‘me likhakanyo tsena tsa lichelete Mohlomphehi ha li ea kenyelletsa hore ebe re ne re lebelletse litaba tse joang. Feela ho ne ho se ntse ho bonahala hore ehlile lefats’e le ea hosele.
Mohlomphehi ha re ne re bala re ile ra ithuta hore global growth e hakanyelitsoe hore e tla hola kapa moruo oa lefats’e o tla hola ka 3.3% ka 2026 ebe o theoha hanyane ka 2027 ho ea ho 3.2%. Ka nako eo re ne re ntse re bona hore ho na le li-risk tse teng joalo kaha ke cholo Geo-political tension, tighten financial conditions and climate related shocks. Koano sub-Saharan Africa re ne re bone hore moruo o tla hola ka 4.6% ka selemo sa 2026 and 2027 empa re hlokometse meruo e menyane joalo ka ona oa naha ea rona e tla ‘ne e tsoele-pele ho iphumana e hahlameloa haholo e-ba exposed ebile e-ba le volatile external conditions including litaba tsa hore khoebisano le khoebo le lefats’e ho bonahala ho na le lintho tseo kapa li-policy tse etsang hore e se ke ea tsamaea hantle trade barriers mohlala li-tariff tse ileng tsa kenngoa ts’ebetsong ke naha ea Amerika and other disruptions in global supply chains.
Ha re tla lefats’eng la rona la Lesotho. Lesotho reconnect 4.2% growth in 2024/2025 taba ena e ne e susumetsoa haholo ke phase 2 of the Lesotho Highlands Water Projects le mesebetsi ea eona eo re hlokometseng ka nako eo e ne e le sehlohlolong e le nakong eo ehlile mesebetsi e meholo e mengata e etsoang.
Re hlokometse hore ha re tla selemong sa 2025/2026 kholo ea moruo oa rona e ile ea theoha haholo ea ea ho 1.4% taba ena e ile ea bakoa ke external shocks tsena tse hlahang kantle moo re ileng ra bona tsona li-tariff li nyoloha haholo.
Re tla hopola re ile ra fuoa 6% tariff ‘me ea ama haholo karolo ea moruo mane moo re nang le li-export teng haholo-holo ka lifemeng ka mane. Empa ho feta moo ra bona le liteko tsa litaemane lefats’eng kaofela li batla li theoha haholo ‘me taba ena e ile ea bakoa ke hore re ile ra hlokomela hore ho se ho na le litaemane tsena tse iketsetsoang industry ‘me li batla li se li kene ka hare ho ‘maraka e leng hore tsena ha li rekoe haholo tsena tsa rona – ke 2025/2026.
Ha re sheba re ea pele in the medium term we project hore the growth ea rona will remain modestly at 1.5% in 2027/2028 at 1.6% in 2028/2029. Ha re fetela pele moo re hlokometse hore litheko e leng inflation, inflation ea rona remains moderate at 4.3% in 2025 ea etsa stabilize at between 5.5% and 4.7% over the medium term. Ha re sheba the physical position ka selemo sa 2025/2026 total revenue e leng lekeno le ile la ema ho M27.1billion eo ha re e lekanya re bonang hore ke 60.2% of GDP e leng tlhahiso ea rona.
Re lebelletse hore selemong sona seo sa 2025/2026 re tla fumana re na le a surplus e ka ‘nang ea etsa 3.2% of GDP. Taba ena e bakuoe ke hore ebe re ile ra fumana higher water royalties at 4.7% empa ka ho fetisisa re hlokometse hore Makala ha a sebetsa hantle, their deficiencies ka hare ho Makala tse entseng…
HON. SENATOR J. A. MOTSOENE: Ke kopa ts’oarelo Honourable Minister. Ho na le litaba tseo u ntseng u bua ka tsona ehlile ha li eo matsohong a rona mona ‘me re utloa re lahlehile. Ha u bona Litho tse Khabane li ntse li phetla litokomane tsena tseo re li fuoeng ha u sheba the first page e bua ka the statement of objects and reasons. Ha u tla kamona hape e se e le mane moo the Bill e qalang joale ke li-schedule ka recurrent expenditure le capital expenditure ‘me litaba tsena li etsa hore re lahlehe haholo. Kea leboha Mohlomphehi.
MADAM PRESIDENT: Kea kholoa Letona le tla araba. Ke bona eka taba ena a ntseng a bua ka eona ke koantsanyane ea hae feela ho le hlalosetsa. Feela che u tla araba.
HON. DR. R. MATLANYANE: Kea leboha Madam President. ho joalo Mohlomphehi ke ntse ke bua ka pampiri eo ke neng ke itukiselitse eona ho etsa selelekela feela ‘me selelekela sena ke utloile se le bohlokoa hobane se re hopotsa litaba tseo re ileng ra libua mohla monene ha re ne re kopane joale re lihopole e tle e re ha ke tla mona Bill ebe e le hore ke se ke bala Bill ke hopolitse Ntlo hore the budget statement e ne e itseng. Kea leboha Mohlomphehi.
Haeba ke lumelloa ho tsoela pele mohlomong nka ea kapelenyana ho sona e le hore ke tle ke kene litabeng. Ke ne ke bontsitse hore capital budget ea rona kapa budget ea rona ha e ea perform hantle ke ka hona re nang le surplus ena ka lebaka la tieho kapa tiehiso ea ho etsa mesebetsi haholo-holo mesebetsi e meholo.
Ke ne ke se ke ile ka hlolosa Mohlomphehi hore ntoa ena e qhommeng re ntse re le ka hare ho budget mona e tla ama naha ea rona haholo ‘me re ntse re etsa technical analysis eo joale e tla tla e re bontsa hore na e re ama ka tsela e joang ‘me re lokela ho etsa joang. Ka ho cho joalo ke se ke ntse ke re le ha re tlisa budget tjena Bahlomphehi ba ka budget ena ha re ntse re e ea joale re etsa implement e kanna ra iphumana re tlameha ho etsa li-adjustment mane le mane e le to respond to lintho tseo re tla hlokomela mohlomong li amehile haholo. Tlala ka mohlala, liteko tsa mafura, khase le petrol ekanna eaba tse ling tsa tsona, tse tla ama le temo, ha mafura a phahama ka sekhahla se holimo ntho e ‘ngoe le e ‘ngoe e ea ameha.
Re ne re ile ra bontsa hore ka selemo sena sena sa 2026/2027 ke kopa ho fana ka li-highlight hore na budget ea rona e ne e itseng. Re ne re bontsitse hore the Appropriation Bill e fana ka hore re tla sebelisa chelete e kalo ka M30.97 billion e leng about M67.3% GDP selemong sena seo re tlo kena ho sona. Re ile ra bontsa hore revenue ea rona sona selemong sena e tlaba ntho e ka etsang M29.6 billion e leng hore haeba re tla etsa spend M30.97 billion empa re entse collect M29.6billion hoba le deficit e nyane. Income tax ea rona re lebelletse hore re tlaba le M5.7billion-kapa ke kopa ke litlohelle tsena hobane ke li-components tsa revenue ena. Empa kamane ka SACU revenue re tlaba le M10.07 billion e tla kena. Ho tloha mono ke non-tax revenue ea rona. Chelete e ‘ngoe e bonahalang e le kholo ka hare ho non-tax revenue ke ena ea metsi eo re lebelletseng hore re tla fumana M5.75billion.
Ke bontse hore ho tlatseletsa ho revenue ena eo re reng ke li-tax re lebelletse hore re tla fumana li-grant kapa lithuso tse etsang M2.6billion e le donor grants and specific grants tse in-kind sometimes tsa health, agriculture and water e leng support tseo re li fumanang ho bafani. Re boetse re hlokometse Bahlomphehi ba ka hore taba ena ea M2.6billion ke ho theoha hobane M3.49 billion ka selemo se fetileng e leng hore bafani ba rona kapa chelete eo re ntseng re e fuoa e ntse e qhepha ‘me e qhephisoa ke hore linaha tse re fang kapa bafani ba rona joale ba shebane le litaba tsane tse holimo koana tsa lintoa tseo ba ts’oaraneng le tsona. Ka mona ka likalimong re shebile hore re tla fumana li-loan tse etsang about M3.1billion for 2026/2027 ‘me ke li-loan tse tsehetsang mesebetsi e meholo ea litsela, metsi and energy joalo-joalo. E boetse e tsehetsa li-social sectors, health, education le social development. Re boetse re na le etsehetsang productive sectors joalo ka agriculture le trade.
Ke mpe ke bontse hore ‘Muso o ntse o etsa priorities haholo-holo hore ha re etsa likalimo re etse likalimo for high impact growth enhancing projects. Le hoja re ntse re shebile hore le ha re kalima joalo we must remain sustainable re se ke be ra kalima hoo re imeloang ke mojaro oa sekoloto. Mafelong a January of 2025/2026 sekoloto sa naha se ne se le M22.7billion ‘me taba eo e lekana le 50% of GDP ea rona. Ha re se re bapisa le linaha tse ling re naha e batlang e sena sekoloto ho latela hore na tse ling li imetsoe hakae. Tseling haholo-holo hloahloeng ena ea rona likaholimo ho 100% of GDP so rona re 50% of GDP. 88% ea sekoloto sena ke sekoloto se liphehelo litlase haholo moo o fumanang hore re patala interest e between 0% le 2% ehlile li tlase haholo.
Ka mane ka expenditure re hlokomela hore recurrent expenditure ea rona e tla etsa M21.97billion e leng 47% of GDP. Capital expenditure e tla etsa M9.03billion. mona re ntse re leka ka matla hore re nyolle capital expenditure e le hore re ahe naha ea rona, re ahe infrastructure ea rona e leng public investment taba eo.
Ke se ke boletse hore sekoloto sa rona e se e le 50% of GDP M22.7billion, se theohile from 54.3% of GDP. Lekala la Agriculture le fuoe chelete e kaalo ka M1.1billion e le chelete e tla etsa mesebetsi ea lekala leo hore tlhahiso ea lijo e mpe e ntlafale le hore re nyolle tlhahiso eo hore e mpe e thuse the rural communities ho itlhahisetsa some income and to strengthen ntho eo re e bitsang food security. E le hore batho ba tsebe ho ja.
So re lebelletse tlhahiso e phahameng haholo e le ea temo, e le ea liphoofolo esita le tse ling. Re lebelletse a high return investment in here. Re nka Agriculture e le a high return investment area haeba e ka sebetsoa hantle.
Re boetse re lebelletse hore re etse improve our farming practices hore li be sustainable. Re hlokometse taba ena ea pheto-phetoho ea leholimo hore e batla e re tlaelisa kapa e etsa hore le ha re entse invest ha kaalo, re se kotule haholo. Therefore, we have to invest sustainable farming practices and systems.
Ke fetele mokhahlelong oa bobeli ka human-capital development. Re na le Makala a ‘maloa a sebetsanang le investments in human capital development. Ke Lekala la Bophelo, re hloka basebetsi, re hloka sechaba se phetseng hantle.
Ke Lekala la bobeli la Education, we invest ho bana ba rona ka thuto hore ba be le litsebo ba tsebe ho sebetsa.
Ke Lekala la rona lane la Gender moo re nang le litsiane tse eang ho Maqheku a rona hore a hlokomelehe, batho ba phelang le bokooa ba hlokomelehe le bona hobane ke batho. Bana bao mohlomong ba seng ba se na batsoali hore ba hlokomelehe le bona.
Litaba tseo kaofela li tla nka chelete e kaalo ka M8.1 Billion ha li kopane. Ke Education, Health and Social Sectors tsena tse sebetsanang le batho.
Lekaleng la Health le le leng feela, within envelope eno ea M8. 1 Billion, le nka M3. 1 Billiion, e leng hore ana a mang a nka this M5. Billion. Ke sa re la Thuto le nka ntho e ka etsang M3. 5 Billion. E leng hore M1. 5 Billion e ea ka mane ka Social Development.
Re tle ho Infrastructure Development. Re buile hore re na le program e intensive ea ho aha infrastructure. Infrastructure ena ke eo re lebelletseng hore keeona e ka re hlahisetsang mesebetsi, ka ho re e thusa khoebo, haeba ke ea lemang a tsebe hore a tsamaee a ise tlhahiso ea hae ‘marakeng. E mong ke oa boea, mono moo a kututseng teng li tle li tlohe mono li ee mebarakeng koana. Ke litsela, ke meaho le tsohle, metsi, motlakase joalo-joalo.
Litabeng tsena tsa Infrastructure, re tla sebelisa chelete e kaalo ka M6.5 Billion ha ke se ke e akarelitse.
Re boetse re na le Lekala la Bohahlahuli (Tourism, Culture and Sports). Ke Lekala leo le tla nka chelete e kaalo ka Two Hundred and Eighty Eight and Seven Million Maloti.
Re na le Lekala la Marang-rang e leng ICT and Digital Transformation ka Three Hundred and Eighty Six and Four Million Maloti.
Ka bokhutšoanyane ke khopotso eo ke e etsang ea hore na budget ea rona e eme ka tsela e joang.
Ha re kena to the Bill Bahlomphehi, Bill ena ea rona joale ka ha ke chulo, ke Bill e tl’o etsa allocate Financial Resources for Selemo sa 2026/2027, e le hore mesebetsi ea sechaba e tsoele-pele. Joale chelete ena e tla ea Makaleng a ‘Muso ka ho fapakana.
Ke etsa propose hore ka hare ho consolidated fund e be re tla hula chelete e kaalo ka Twenty Eight Billion, Two Hundred and Fifteen Million, Four Hundred and Eighteen Thousands, Two Hundred and Eighty Maloti.
Chelete ena e tsoa kae? Ho latela Bill ena re bontša hore Government Revenue e leng mane moo ke itseng ke Tax, ke Non-Tax Revenue, tsena tseo e leng rona ba etsang collect, SACU, kaofela li tla etsa Twenty-Seven Billion, Six Hundred and Forty-Two Million, Forty Nine Thousands, and One Hundred and Sixty Nine Maloti.
Ebe re fumana Donor Grants, ke mane moo ke itseng rea fuoa. Re fumana ho tsona Two Billion, Two Hundred and Thirteen Million, Nine Hundred and Ninety-Five Thousands, Eight Hundred and Two Maloti.
Ebe re fumana li-loan. Ka ho li-loan ka mane re tla fumana Three Billion, Ninety-Eight Million, Seven Hundred and Fifty-Six Thousands, Four Hundred and Eighteen Maloti.
Re tsoelepele re re:
Schedule A, B and C li bontša hore na chelete ena e arotsoe joang ka Makala a ‘Muso le tšebeliso ea eona. Ke schedule A eo, ke hle ke re Schedule A ke Recurrent Expenditure ka Makala, ‘me kakaretso e etsa Eighteen Billion, Eight Hundred and Ninety-Three Million, Eight Hundred and Nineteen Thousands, Fifty Three Maloti.
Schedule B ke Capital Expenditure, e leng tšebeliso ea chelete e sebelisetsoang eona mesebetsi ena e meholo. Eona e etsa ka Makala kaofela Nine Billion, Twenty-One Million, Five Hundred and Ninety Nine Thousands, Two Hundred and Twenty Seven Maloti.
Schedule C ke Administration Account, moo tlas’a eona re nang le Contingency Fund. Contingency Fund ke chelete e behelloang ka thoko hore haeba ho ka hlaha ntho eo ebang re ne re sa e lemoha ka nako ena kapa eo re sa hlokomelang hore e ka re hlahela joalo ka Covid kapa eng, ebe re ka tseba ho nka ho eona, ke Three Hundred Million.
Eleng hore kakaretso ea chelete ena ke Twenty-Eight Billion, Two Hundred and Fifteen Million, Four Hundred Eighteen Thousand, Two Hundred and Eighty Maloti.
Mohlomphehi, ke kopo ea rona ena ‘me joale ka ha ke ile ka sisinya.
Ke sisinya hore Setšoantšo sena sa Molao se mpe se baloe methating eohle.
I Propose that the Bill be read at all stages ke Ntlo ena e Khabane.
MADAM-PRESIDENT: Honourable Senator Peete, u tlatsa Letona akere?
HON. SENATOR R. P. L. PEETE: Kapa oa mo tlatsa Ntate Minister?
Mo tlatse.
MADAM-PRESIDENT: Senator Minister.
HON. N. M. MOTEANE (MINISTER of PUBLIC WORKS): Ke ema mona ke khothalletsa Ntlo ena e Khabane hore e amohele Appropriation Bill 2026, ‘me ke tlatselletsa feela ‘Me’ President ka hore ke bontše Ntlo ena e Khabane likhatelo pele tseo mokhoa ona oa ho sebetsa lichelete tsa sechaba o bonahalang ka tsona.
E se ele nako e telele Lesotho le tšoenyehile ka likhakanyo tsa lichelete tseo boholo ba tsona li eang ho ho bitsoang chelete ea leino, eleng Recurrent Budget, eo joale ka ha Letona le Khabane le bolela, u hloloang ho supa hore na u entse eng ka eona u le ‘Muso.
Leano lena le lecha la hore ho ‘ne ho eketsoe chelete e eang investment e nyolohe, ‘me ke hlokometse ha ke sheba mona hore ha re bapisa le selemong se fetileng, percentage ea capital expenditure e ntse e nyoloha ha u nka palo lekholong.
Joale ka ha Letona le se le bontšitse, chelete ena e tlameha hore joale e etse lintho tseo re li supang. Ha ke sheba, ke khothallesta Ntlo ena eso, ke bona hore ntle le tse ileng ho Letona Lekaleng la habo la Finance and Development Planning at over One Billion Maloti, empa o file Makala ho latela seo Makala a tlamehang ho se etsa.
O buile ka hore o etsa invest in infrastructure, ‘me ka hare ho invest infrastructure ke transport. Litsela tse etsoang ke Lekala la Public Works and Transport, kapa tse etsoang ke Lekala la Local Government, ha u li matahanya li le peli tjena o’a bona hore Makala ano a le mabeli a fumane chelete e ka etsang M2.4 Billion.
Joale empa ho khothatsang hape ke ka mona ka Lekaleng la Energy hobane ‘Muso o ikelelitse ho nka leano le lecha le reng ha ho na motho eo ha a batla motlakase a ke keng a o fumana. Joale ‘Muso o ipehetse nako ea hore litaba tsena li tla be li etsahetse ka 2030, hundred percent electricity distribution or availability.
E ‘ngoe hape taba e khothatsang ke ena ea metsi, hobane ha metsi a le sieo bophelo ha bo eo. Letona kahar’a Natural Resources mona moo metsi a lutseng teng, o boetse a fana ka M1.8 Billion. Joale taba ena e’a khothatsa hobane e tla etsa hore re tsebe ho fumana metsi sebakeng sa ho phela, empa hape le sebakeng sa noesetso le merero e meng, ‘me ea khothatsa taba eo.
Mohlomphehi ke kopa hore re ake_ kopo ena ea Letona, ‘me re nka mantsoe ao a a sebelisitseng ha a ne a le ka Ntlong eane ea Bakhethoa, moo a ileng a re:
Chelete ena le e nke le le Makala le se ke la bapala ka eona, kapa le se ke la e nka eaba ha le e sebelise, hobane ha e sa sebetse it is a promise unfulfilled. Development is brought about by using capital expenditure to create employment. Joale litaba tsena e se e le hore Makala ao re tla a abela lichelete tsena a li utloisise hore na Letona le ne le bolela eng.
Ka mantsoe ana, Mohlomphehi ke tlatsa Letona le Khabane la Lichelete.
Question Proposed
MADAM-PRESIDENT: Litho tse Khabane le tla hopola hantle hore ke hona mothating ona feela moo Litho li fuoang monyetla oa hore li bue ka lebaka la tsela ea tsamaiso ea mofuta ona oa Setšoantšo sa Molao.
Kea u bona Morena oa ka oa Leribe.
HON. SENATOR J. A. MOTŠOENE: Kea leboha Mohlomphehi, ke mametse Mohlomphehi Letona ha a ne a ntse a teka likateng tsa Setšoantšo sena sa Molao. Motho o hetla morao nakong eo re neng re lutse ‘moho le Ntlo ea Bakhethoa ha a ntse a teka Likhakanyo tsa Lichelete tsa 2026/2027.
Mohlomphehi, ke ema mona ke se na le mantsoe a mangata hobane Litho tse Khabane lia tseba hore litaba tse amang lichelete tsena tsa Sechaba, li lumelletsoe feela ka Molao oa Motheo ho kena ka hare ho Ntlo ena ka letsatsi le le leng.
Joale ha re sheba Makala ana, re sheba palo ea ‘ona. re ntse re hlokomela hore na ke boieane bo bo kakaang ba Makala ao re lebelletseng hore litšebeletso li isoe Sechabeng. Re sheba palo ea ‘ona re ntse re hlokomela hore na ke boieane bo bokaakang ba Makala, ‘me ao re lebeletseng hore lit’sebeletso li isoe sechabeng.
Mohlomphehi Madam President, ka uena ruri ke takatso ea Ntlo ena e Khabane hore Likhakanyo tsena tsa Lichelete ha li ebe li etsoa tjena, ekare li ka ba le ponaletso. Ka ponaletso, Mohlomphehi, ke mpa ke re feela boholo ba naha ena ea habo rona ea Lesotho, tsela eo e bopehileng kateng, ekare ho ka etsoa theolelo ea matla sechabeng ka sebopeho sa hore Makala ane a literekeng mane a etse account to the Central Government ka officers tse teng li-ofising mona Maseru kapa ebe bona ba alosang ts’ebeliso ea lichelete tse joalo.
Ke thabile haholo ke mametse Honourable ministers – Letona la rona la Lichelete le Letona la Mesebetsi e Meholo ha ba bua ka hore ehlile ba abile Lichelete tsena e le hobane ba re li il’o sebeletsa sechaba.
Mohlomphehi, re lipaki hore re ntse re bona Makala ka likhaohano tsa ‘ona ha a etsa lits’ebeletso – motho ebile u sa batle hore u ‘ne u supe hore Lekala le itseng, feela ho latela puo ea hau, Honourable Minister of Finance, ka boemo bona bo teng ba lintoa tsena tse teng, e ka ba bohlale hore re le keta-pele re ts’oaraneng ka matsoho ho tloha holimo ho ea tsoa tlaase mane ho monna, mosali le ngoana oa Mosotho hore joale re ithute hore it’s high time re tlamehang re itlhahisetse, re iphepe.
Ke bua sena, Mohlomphehi, hobane litaba tse ling tseo re li hlokomelang – ha u sheba mobu oa rona moo re ka lebellang hore re ka hlahisa lijo u fumana hore joale re jala matlo le masenke, hoa benya hohle mona masimong. Taba eo, Bahlomphehi ba ka, e ka loka hafeela re ka ra ts’oaranang ka matsoho ra ba le lerato la naha ena.
U buile le ka taba ea metsi, Honourable Minister. E re na le metsi kahar’a naha ena, le ho tloha khale kahar’a metse le metsana ea rona a bile teng, empa kholo ea sechaba e ntse e ba teng; e ne eka re ka tla ka maoala a hore re atolose likhakeletsi tsa rona, hobane ha re ka hlokomela, Mohlomphehi, ho latela tsela eo naha ea habo rona e ahehileng kateng, terrain ea naha ena metsi a libakeng tsabo rona boholo ba teng lekholong – kea kholoa ke 80%, a theoha ka drainage feela metsi a joalo.
‘Me lipompo tsa sechaba li bile teng, feela pokello ea metsi a il’o tsoa lipompong tse joalo ka har’a metse le metsana ea rona u tla fumana hore morao tjena li se li imetsoe, hobane le tokiso ea tsona ha e etsoe hobane ke tsa khale haholo.
Joale ke re, Mohlomphehi, hle, e tle e re ha re tl’o tla re komela litaba tsena tsa Likhakanyo tsa Lichelete – Letona le Letona le se le e tla kahar’a Ntlo ena e Khabane, ra be re li komela re se re ithutile hore na Lekala le itseng le fuoe bokae,’me na ngoahola kapa ngoahola-kola le ile la sebelisa bokae, la ets’ang, hoa sal’ang, ele hobane mohlomong ho na le khaello e itseng kapa mohlomong ho sa ka hoa ba le meralo e nepahetseng na.
Ka ho rialo, hle, ke sa inanathe, ke re ke ema mona ke tlatsa hore Sets’oantso sena sa Molao se fete kahar’a Ntlo ena, se il’o sebeletsa Basotho.
Kea leboha.
HON. SENATOR P. L. PEETE: Kea leboha, ‘M’e.
Kea u hlompha, ke rata ho hlompha Bahlomphehi Matona, Litho tsa Ntlo ena e Khabane le Tafole ea hau.
Ke ema mona, ‘M’e, ke tlatsa hore Sets’oants’o sena sa Molao se fete se il’o sebeletsa Basotho. Ke thabetse litaba tsa Infrastructure Development, ke thabetse litaba tsa Human Capital Development, ke bona Re-Current Expenditure e le ntle. Joale empa ho feta Recurrent ke utloa ke thabetse Capital Expenditure, Madam President, haholo!
Kutloisiso ea ka ke hore e bua ka taba Infrastructure. Ho ‘na Infrastructure ke hore re tla ba le litsela, marokho le meaho, Honourable Minister of Finance. Re tla ba le lipetlele, le litoro tsa ho boloka lijo tsa rona sebakeng sa Lekala la Temo. Sena se re ho rona ka’nete hono e tla be e le kholo ea moruo, Madam President.
Ke rata ho qala ka Lekala la Bophelo. Lesotho mona motho haeba e le motho oa haeso koana Mats’ekheng, haeba a ka ea to a clinic mono eaba ha a khone ho alafuoa hantle kapa Sepetlele Mapoteng, o etsoa refer to Maseru mona Sepetleleng se Seholo.
Ka ‘na nka thabela ha re ka ra fihla boemong boo re seng re re motho ha a tloha Leribe kapa Mokhotlong kapa literekeng koana, ha a entsoe refer to Sepetleleng se Seholosa Maseru, ebe moo re fumanang assurance ea hore mono mokuli oa rona o il’o fumana kalafo e nepahetseng joale; ebe moo re tsebang hore ha re sheba Recurrent le Capital, re tsebe hore mono ho tla be ho na le Ma-nurse a boemong bo ho standard sa machaba, ‘M’e.
Re tsebe hantle hore ha motho a etsoa refer to Maseru Sepetlele se Seholo sa Queen Mamohato Memorial, mono ho tla be ho na le lisebelisoa, scans, ho tla be ho na le mechini e sebetsang hore re fumane na motho enoa haeba ntho ena ke cancer kapa o hloka ntho e mona eo hothoeng motho oa cancer o kengoa kahar’a eona re tsebe hore Lesotho mona re tla ba le lintho tse joalo.
It is because if you go across the borders tsa Lesotho, u ea ka nqan’e, litjeo tsa bophelo li se li ba holimo haholo, ‘me ha li je ho Mosotho as an individual. Naha ka bo-eona e ea kenella moo ho senyeheloa, ‘me haeba re ka etsa hore Lekala la Health le its’ematlele, le be le lintho joale ka ha le abetsoe tjena, re bone ho ba le kholo kahar’a Lekala la Health. Re bone ho sa be le nako eo hothoeng litlhare li felile ha u le mane at the clinic ea haeso ea Bela-Bela kapa Sepetlele sa Maluti Mapoteng.
Ke ne ke re, Madam President, ha re ka ra ba le lingaka tsa boemo bo nepahetseng, hobane ka’nete Recurrent ke eno e ntle, e re ho rona ho ka batloa lingaka kapa lingaka tsa rona…
Ua tseba re na le bana ba Basotho ba keneng sekolo haholo, ‘M’e, ba balehetseng linaheng tse ling, hobane ba utloisisa hore meputso eo lingaka tsa rona li e nkang ho e isa hae ke meputso e bobebe haholo, e sa khoneng hore e ka etsa sustain motho oa boemo ba ngaka mona Lesotho!
Sena se bolela hore haeba re ntse re hola, re phahama ka tsela ena eo re ntseng re phahama ka eona, Budget e ntse e ntlafala, re tl’o qetella re entse retain batho bano ba rona ba litsebo hore ba tlohelle ho ’na ba re baleha ba il’o ntlafatsa meruo ea linaha tse ling.
South Africa leha e re loants’a tjena e ikotla sefuba ka li-engineer tsa bana ba Basotho ba tsoang mona, ba kentsoeng sekolo ke Government ea Lesotho, ba ileng sekolong ka lits’enyehelo tsa Manpower, bao kajeno lena Manpower e sa khoneng ho ba etsa trace hore ba khutlise lichelete tseo – hobane e khona ho etsa trace bana ba mona Lesotho.E se eka re ka khona ho etsa retain batho bano ba joalo.
Ke tla Lekaleng la Thuto. Lekaleng lena ho na le nako eo re ileng ra bolelloa hore Form 5 e ea khaoloa, bana ba se ba tla fella ka Form 4. Ha ke tsebe na ka ntho eno e ne e le hobane re ne re batla ho etsa achieve eng. Che, e ka ‘na eaba e ne e na le li-tla-morao tse molemo.
Feela rona re le Basotho kapa ‘na Litho tse Khabane lia tseba hore ke ne ke es’o utloisise na haele hantle ntho eo re batlang ho e fihlela ke eng ka ho etsa joalo.
Ea bobeli, re ntse re le hona moo lekaleng la Thuto, Honourable Minister Finance, ke hore ho na le ntho ena eo hothoeng ke A- Level, eo bana ba rona mona Lesotho ha ba qeta Matric ba tlamehang hore ba ee South Africa ba il’o e etsa hore ba e fihlele ba tle ba tsebe ho fumana entry point ka South Africa, hobane university/tertiary level ea teng ha e amohele ngoana oa Lesotho mona ea tsoang Mohale’s Hoek High, Morena oa Phamong – o tlameha ho etsa bridge hore a tle a tsebe ho kena ka mane.
Ke taba ea hore na standard sa rona sa education ha ke ee ke bone batho bao ha re fihla likolong koa re ba phahametse hakaale, ebe ke hoban’eng ha hothoe standard sa rona ba se etsa doubt? Ha nke be ke utloisise hore na bana ba tsoang Lesotho High School ba hloka hore ba il’o itlhopha hantle hore ba tsebe ho kena ka South Africa, Tertiary Institution tsa teng joang!
Ha se ba Mohale’s Hoek feela, Morena oa ka oa Phamong.
Ke ne ke rata hore, Madam President, re se ke ra tlola Lekala lena la Temo hoba ke mokokotlo oa naha.
Morena Leabua o ne a ile a etsa liemahale tse ntle hampe tse ileng tsa fihla tsa etsoa abandon ke mebuso e ileng ea tla kamor’a hae. Ke soaba hore haeba beng ba eona ba teng ka mona ba se ke ba utloa eka ke ba etsa attack; ha ke etse joalo, lona bana beso. Feela ntho eo ke ileng ka ithuta eona ke hore Morena Leabua o ile a sebetsa kathata haholo a etsa liemahale tse ileng tsa etsoa abandon ke mebuso e ileng ea tla kamorao ho moo.
Ha re hopoleng hore ho ne ho na le lisiu tsane tse neng li bolokela lijo ha ho kotutsoe, tseo hona joale eseng ele white elephants tse sa etseng letho, tseo re sa bolokeng letho, ntate Sempe.
Ho ne ho na le Selakhapane seo e neng e re Basotho ha ba na le liphoofolo tseo ba batlang ho li nts’a hore ba tsebe ho isa bana likolong, ebe u isa likhomo tsa hau tse leshome moo, u il’o khutla le chelete joaloka funder bail. Joale ntho eno ha re sa na eona hona joale.
Re lokela hore re ee Vanderbijlpark, kaha batho bana ba masholu ba utsoa liphoofolo tsa rona ebe ba li isa teng, because ha ho na moo ba ka li tlisang teng mona Lesotho. E se eka Lekala la Temo… hobane tlhoko ea rona re le sechaba ha se lipeo feela le manyolo, empa re hloka hore Lekala la Temo, broad as it is, le re fihlele ka hohle-hohle re le Basotho!
Ke hobane leha re bua ka taba ea ho iketsetsa mesebetsi, ha re bue ka taba ea hore feela re leme lijo-thollo masimong feela kapa li-fruits kapa vegetables, empare batla hore re hlahise le liphoofolo, re hlahise liramo, likhomo tsa nama, joale selakhapane se be teng hore se reke.
Ho tlameha hore re etse secure… ke tla tla ke etsa potso ka taba ena. Re etse secure mebaraka.
Hona joale ke utloile hore batho bao re ntseng re rekisa linaoa ho bona ba re selemong sena ha ba tl’o tla ba li reka. E leng hor e tlhahiso eo re e entseng ea linaoa eka ‘na eaba re hametse letanteng. Eka ‘na eaba tlhahiso eno ea Basotho ea linaoa tseno tse ngata-ngata tseo re ntseng re li rekisa, batho bano ba ntseng ba reka ba re selemong sena ha ba tl’o reka.
E se ele taba ea hore Lekala la Temo le bone, Honourable Minister, joale ke ha re thusana, hore na le re thusa joang hore re se ke be ra lahleheloa ke tlhahiso eno eo re e hlahisitseng. Ke rialo hobane Basotho ha ba lahleheloa, ha ba tl’o tla ba re Lekala la Temo, empa ba re ‘Muso kapa ba re Matekane.
Joale, hore re sireletse lebitso la Mohlomphehi Tona-Kholo enoa oa Basotho, eo Basotho ba mo ratang, ke hore ka linako tsohle re bone hore lintho tsohle tseo a li ts’episitseng sechaba li fela li etsahala.
Joale ke ho re hore banab’eso bana ba bang ba tl’o khona ho bua ka tse ling…
HON. SENATOR. DR. T. LEBESE (Ntlha ea Tsamaiso): Ke ema mona ka Standing Order 16(5).
Morena oa ka o ntse a ts’oere hantle, a khobotla hantle, empa ke ne ke hlokomela hore Madam President re se re atametse hora ea 13:00 pm. Joale karolo eno ea bohlano e supa hore Madam President lipuisano li tla fella feela ka hora ea pele, li be suspended up until 14:30p.m.
Ka hona ke ne ke ipiletsa, Madam President, hore na ebe ha Setho sena se ntse se ts’oere hantle hakana re le mosebetsing ona oa bohlokoa, na ebe re ke se eketse nako mohlomong ho fella ka 13:45pm ele ho qetela ts’ebetso ena na?
Question put and agreed to.
Ke ne ke le moo ke neng ke ntse ke leka ho hlalosa Litaba tsa ka. Ha e le hantle hometsahalang, ke taba feela ke ea ho re selemo le selemo ha re fihlele target ena eo re ipehelang eona, ‘me taba ena e ama lekeno kapa e ‘ngoe ea li-revenue tsena tseo re buileng ka tsona tsa income tax, the SACU revenues le li-non-tax tseo re li etsang.
Ke bona sekepele sena seo re ipehelag sona, Honourable Minister, sa M10 billion +/- se le holimo haholo, hobane ka lilemo we have been failing to meet target ka bompoli boo Afrika Borwa e bo etsang litabeng tsena tsa pokeletso ea rona.
U tla lumellana le ‘na, Honourable Minister, hore ho ntse ho thatafatsoa tsela eo ho bokelloang li-revenue ka eona malibohong ‘ohle a Lesotho. Re ile ra bona ha ho kenngoa melaoana ke Afrika Borwa hore ba se ba hloka setlankana sa rona sa tokomane ea ho eta se tle se tempuoe, ba hloka photo copy, ‘me knowing sechaba sa habo rona litaba tsena ha ba li etse, Honourable Minister.
Thepa ha e kena ka mono moo motho a tsoafang a delay e kabang teng ka borokhong o pata thepa e joalo, ‘me tahlehelo eno ea Loti leno leo re ntseng re lahleheloa ke lona – ke etsa compound tabeng ena ea hore lipehelo tseo Afrika Borwa e re behelang tsona re le linaha tsa selekane khoebisanong le khoebong in the SADC region li bonahala li ntse li phahama selemo le selemo.
Taba ena ha ba e etsa, Honourable Minister, ha ba rerise mang kapa mang. Ha ba tloha feela ba re ka li 01 Loetse lipehelo ke tsena and we just have to follow.
Ke ne ke re, ‘M’e, the moving target ena ea rona ke bona re ipeha khatellong, ‘me re se re na le record ea lilemo tse fetileng hore na ha re ne re ipehetse hore re tla etsa collect M10 billion na efela re e etsa collect? E be taba ee ha e tlise khatello tabeng eo lekeno kapa li-projection tsa rona li bang kateng?
Ke ananela le ho thoholetsa Budget ena ea selemong sena tlas’a boemo bona bo thata haholo, Madam President, hore ke bona Lekala le lekile haholo ka allocation ena. E se eka Makala a ka ba complient a etsa litaba ka tsela eo ba lokelang ho li etsa kateng.
Kea tlatsa, Mohlomphehi, Madam President.
HON. SENATOR S.K. MASUPHA: Kea leboha, Madam President, ka hore le ‘na nke ke fuoe monyetla ka lichelete tsena tseo Lesotho le li abeloang (Re-current Bill).
Ha e le bonnete chelete ena eo Lesotho le bang le eona ha ngata e ee e shebahale e sa lekana. Ke re ha e ea lekana hobane hona joale ho na le Motion ona oa Morena oa ka moo a bonts’itseng hore ho shebahala eka ekare ho na le kae-kae moo lintho li sa tsamaeeng hantle.
Taba ea bobeli, Mohlomphehi, ke taba e bonahalang e le ka sehloohong hore na ke hoban’eng ha Basotho ba tsamaea ba hoholeha hakaale-kaale, ba tsoa ka har’a naha. Ke ho bonts’a hore moruo oa Lesotho o putlame. Naha e ‘ngoe le e ‘ngoe ha moruo oa eona o putlama u tla bona khoholeho ea batho ba e sieang ba etsoa ba ea linaheng tse ling.
Nka etsa mohlala ka naha ea Zimbabwe. Zimbabwe e kile ea kena kahar’a mathata a ts’abehang ‘me re ile ra bona ha Ma-Zimbabwe a kena ka sekhahla se ts’osang ka hare ho naha ea Lesotho, e le hobane ba ne ba baleha mathata a neng a le teng ka hare ho naha ea bona.
Le rona ha re ke re itlhokomeleng, Mohlomphehi Letona la ka, ka uena Madam President, hore re tlameha hore le rona re ke re its’isinye re bone hore na re phahamela marole ka tsela efeng.
Ke se ke ipiletsa hore e ke chelete ena – bonyane bona boo re nang le bona bo ka sebelisoa hantle, ka makhethe.
Ha ke sheba, ke qale ka Lekala la ka leo ke le ratang e leng Lekala la Bophelo. Lekala la Bophelo ha ke le sheba ke bone hore le tsitsiletsoe ka ‘nete, empa bona ha ba beha litaba tsa bona ba re ba batla hore ba tl’o sireletsa Primary Health Care. Yes, ke ‘nete Primary Health Care ke ntho ea bohlokoa ka har’a naha ea Lesotho hobane ha ho sireletsoa mafu pele a kena ke ntho e kholo haholo, feela
ho na le ntho e ‘ngoe eo ke boneng eka e ea etsahala kahare ho Lekala la Bophelo. Ho na le lefapha le bohlokoa haholo leo ke lumelang hore ke mokokotlo oa Lekala la Bophelo, ebile ke mokokotlo oa naha ea Lesotho; ke Lefapha la Thuto ea tsa Bophelo, e leng Health Education Division.
Nakong eo lefapha leno le neng le sebetsa, le phela, ke le karolo ea lona ka ‘nete sekhahla sa mafu se ne se theohile haholo. Se ne se theohile, hobane re ne re kenella ka har’a metse ka mona re ruta Basotho hore ba itlhokomele, ba se ke ba ea lipetlele ba se ba kula ka sekhahla, ‘me ka ‘nete ha ho ka hoa shejoa lipalo tsa nako eno le lipalo tsa hona joale ho ka fumanoa phapang e tsăbehang.
Ba se ke ba ea lipetlele kapa ho kula ho sekhahla. Kannete ha ho ka shejoa lipalo tsa nako eno, le lipalo tsa hona joale ho ka fumanoa phapang e ts’abehang.
Mohlomphehi ke u bonts’e hore ke se ke ile ka kopana le Letona la Bophelo ke le sisinya ka taba ena ea ho tsosolosa Lefapha lena la Thuto ea tsa Bophelo. Kannete ke utloile ke sa utloe hore o ntsa r’eng. Ebile ke bone hantle hore batho ba okametseng Lefapha leno hona joale, e se e mpa e le sets’osa feela sa hore feela e teng.
Ha e le hantle ha e phele taba ena, ha eo! Mohlomphehi, Lichelete tsena li se ke ‘ne tsa tsoa feela ho sebetsoa masaoana ha Lefapha leno le ka la nyoloha la sebetsa kannete mafu ana a mangata a tla theoha kahare ho Naha ea Lesotho.
Ke tlohella taba eno hanyane Mohlomphehi ke ea Lekaleng la Thuto. Lekala la Thuto Morena oa Mats’ekha o sa le amme hanyane ke mpa ke re feela ke mpe ke matlafatse taba tsa hae ka hore kahare ho ‘Muso, A-Level kahare ho Naha ea Lesotho, ke likolo tsena tse private tse ikemetseng.
Potso ekaba hore ke hoban’eng kahar’a Curriculum ea Lesotho level eo e le sieo? Ke level e thusang hore ha bana ba ka tsoela kantle, ba se ke ba sokola hobane bana ba rona ha ba tsamaea ba ea kantle linaheng, motho o tlameha hore a theoleloe tlase ka mokhahlelo o le mong kapa e ‘meli tlas’a hobane feela boemo ba thuto bo le tlase ‘me taba eno e tlameha hore e hlokomeloe Mohlomphehi.
Taba ea Manpower, re ee utloe hangata hore Manpower ha ea ts’oaroa hantle Mohlomphehi Letona la ka. Manpower ha e ea ts’oara hantle ho hang. Re bone ka Sekolong sena sa rona se Seholo sa sechaba ka mona ka Roma, ha ho na selemo se fetang ho se strike. Empa e e-ba se bakoang ka boomo. Empa ha litaba li ne li ts’oeroe hantle, litaba tseno li ke ke tsa etsahala.
Lekala la Temo ke mathata feela a ts’abehang ke mona liphoofolo tsa Basotho li shoa ka tsela e hlabisang lihlong. Liphoofolo tsa Basotho lia fela Mohlomphehi ka lebaka la hobane taba ena ea lefu lena la Food and Mouth Disease la Molomo le Likholoane. Ke Lefu lena le ne le sa lokela hore ebe le ea kena kahare ho Naha ea Lesotho. Re na le masole ao ho thoeng a sirelelitse meeli ea Naha ea Lesotho.
Ke ile ka utloa ke hlajoa ke lihlong ha Letona le re ba ts’etse le nokeng. Hao! E le hore masole ao a se a tlositsoe moo Meeling ea rona ea Naha ea Lesotho. Ke cho tjena hobane ke batho ba tlamehang ba be meeling mono bosiu le mots’eare. Kea qetella Mohlomphehi.
Ke qetella taba tsa ka, ka Borena. Rea leboha kannete Mohlomphehi hore ebe o qetelletse o shebile Marena. Ho na le mokhahlelo o mong oo ho ileng hoa hlaloseha hore litaba tsa lichelete tsa bona ha li ka ba tsa fihla ho bona.
Ke Mokhahlelo ona o holimo ho thoe ke Area Chief 1.
Batho bano ha ba kena ho hang. Ebe ke hobane’ng ‘Muso o sa ka oa ikeletsa Mohlomphehi hore haeba ho fumanoa hore Lichelete li felile tse ka khonang li thuse Marena ao, hore ebe bonyane ba ne ba lokela ebe ba ile ba etsa linyehliso. Taba ea tax ha e ne eka ea nyehlisoa Mekholong eno ea bona, le ne le tla bona hore bonyane-nyane bo ne bo tla hlaha mono.
Ua tseba ha batho ba bang ba nyolloa kahare ho institution, eba ba bang ba siuoa ka thoko ntho eno ha e monate. Marena ano ke utloile ehlile a lla empa ho itsoe a tla shejoa nakong e tlang. Empa ke ne ke ratile hore eka ekare bonyane ba ke be ba fumane leha e le holim’a 2% ena eo bahlanka ba ‘Muso ba e fuoeng, hoba ke utloile eka e se e nyollotsoe Mohlomphehi holim’a Percentage eno eo Bahlanka ba ‘Muso ba e fuoeng.
E ne eka ‘ona Marena ano ‘ona feela e le mokhelo e le ntho e khethehileng, ba ke be ba nyollotsoe ba fuoe hanyane lehaele 1%.
Taba ena e ne e tlil’o sebetsa Mekholong eno ea bona. Ka hona Mohlomphehi ke ts’ehetsa hore taba ena e qetang ho tekoa, e mpe e amoheloe hobane litsela tsa rona ke tsena li na le mathata. Re khathatsa Letona la Litsela la Mesebetsi e Meholo le Lipalangoang hore kannete ba ke ba leke ho bona hore ke hore o hula ka hohle Lesotho kaofela.
Ke hobane Naha ea rona e methule ha e qeta ho etsoa, mobu o fihla o hoholeha e hlatsoeha kaofela. E leng ho re ho tlameha ho be le likeletso Mohlomphehi Letona la hore ho be le meralo e tla etsa Naha ena mobu oa teng oa litsela, o se ke oa hoholeha ka sekhahla sena.
Ka hona kea ts’ehetsa Mohlomphehi ke re Lichelete tsa Basotho ha li buuoe, li amoheloe, li fetisoe li tsebe ho sebeletsa Mosotho e mong le e mong. Kea leboha Mohlomphehi.
HON. SENATOR M. MOKHATHALI: Ke u hlomphe Madam President. Ke hlomphe le Matona a rona a Khabane, a teng ka koano. Ke hlomphe le Litho tsa Ntlo ena e Khabane. Ke ema ho thoholetsa Budget ena eo re e fuoeng. Motho ha u e sheba, u bona e le Budget e kang morero oa eona ke ho ntlafatsa Mosotho le tikoloho eo a phelang ho eona.
Kannete rea leboha leha ho le joalo. Ho na le lintlhanyana tse ling, tseo motho u ka li hlahisang. E le Mohlala, ke batla ho nka Lekala lena la Temo. Re hlile re re le fuoe chelete empa ‘na ke le motho kea kholoa le ba bang ke belaetsoa haholo ke Policy eo Lekala la Temo le sebelisang hona joale.
Kea bona ma-block a teng batho ba lema empa ho monna le mosali oa Mosotho ea batlang ho lema ts’imo ea hae a sa batle ho e kenya mabolokong ka ’nete ke bona e ntse e le ts’okuliso e ts’abehang.
Ha u ea mona moo ho thoeng manyolo a fumaneha, u fumana manyolo ebe ha u fumane peo. Mohlang u fumaneng peo ha u fumane meriana. E leng hore ha ke utloisisi hantle hore na e le hore e reretsoe feela batho ba kenang mabolokong? Empa ha u le sehoai se ikemetseng se batlang ho sebetsana le masimo a hau a mane kapa a mabeli ao u nang le ‘ona ha ho na mokhoa oa hore ebe policy ena e kenyelletsa hore le bona ba tsebe ho fumana thepa?
Ke seboko ho batho ba nang le masimo ba sa keneng mabolokong empa ba batla hore lijo li be teng malapeng a bona. Lekala la Education kea le lebohela le fuoe chelete eo motho u e bonang e le ea bohlokoa, khothaletso ke hore re ile ra ba le Motion ka mona e ntse e le hore mohlomong chelete ena haholo e ke e tle e shebane le vocational schools hobane rea bona hore bana ba na le mangolo ba teng ba lutse mahae ba bangata. Ba se ba bile ba ntse ba leka ho bona hore ka mesebetsi ea bona ka matsoho ba ka ithusa joang, ‘me ke ‘nete re ka khothaletsa haholo hore likolo tseo li ntlafatsoe li nyolloe li bonahale li thuseha hore li hole haholo hobane li ngata tse seng ntse li le teng mona.
Motho ha u hlokomela u bone ho na le about 40 vocational schools tseo e seng tsa ‘muso, but tseo e leng tsa batho ba ileng ba kopanya matsoho ba li etsa. Li se ntse li le teng li ruta bana. E ka ba khothaletso hore ‘muso o se ke oa re feela oa li lahla empa o kene ho tsona o li thuse hore thuto e ka bang e ntse e fanoa mono e laolehe e-be ea boleng, mohlomong le batho ba sebetsang mono ho bonahale hore na ba ka thusoa joang.
Ke lemoha hape Lekaleng la Finance, rea leboha ka ‘nete le ntse le sebetsa hantle, empa kamehla ha re bitsitse batho ka Paramenteng ka mona hore Makala a tlo itlhalosa ekare ho na le sekhoqetsane seo Makala a nang le sona ho sebelisana le Lekala la Lichelete. Ka nako e ‘ngoe u tla utloa eka ba ne ba batla hore chelete e ka sebelisoa ka tsela e itseng empa ebe joale Lekala la Lichelete ka nako e ‘ngoe le lieha ho araba litaba tseo mohlomong le li bonang e le Lekala, ba neng ba hopola hore Lekala la Lichelete le ba thuse mohlomong ka mekhoa ea hore chelete e se ke ea sala.
Ha bao re neng re kopane le bona ka nako e ‘ngoe ha re re ha ba sebelisa chelete u tla utloa ba bolela hore ha se le hore ha rea e sebelisa, feela likhoqetsane tse teng kapa tsela ea tsamaiso eo chelete e tsamaeang ka eona lipakeng tsa Lekala le Lekala la Finance e nka nako e telele haholo kapa mohlomong ha ke tsebe bothata ke bofe. Ke ne ke re le ke le shebe le le ‘muso hore ha Lekala le ntse le sebetsa ka mokhoa o molaong le o nepahetseng ho ka etsahala joang hore chelete e se ke ea khutla feela hobane Makala a sitoa hore a sebetse ka lebaka la melao, mohlomong haeba ke melao e thata haholo na e ke keng ea ba bohlale hore re tsoele-pele e ke e hlahlojoe bocha hore Makala a tle a lumelloe ho sebetsa.
Ke batla ho fetela Lekaleng lena la Gender Youth and Social Development. Ke itse ha ke sheba Minister, budget ena ea hau e bonahala e batla ho ntlafatsa motho ka mokhoa o matla haholo, mohlomong e ka ‘na ea ba ho tla thoe ke etse Motion feela ke na le maikutlo a hore e ka re Lekala lena le na le Department ea Child Welfare, e ka re le ka thusana kahare ho lona mona moo e leng lekalana la bana ho kenngoe programme e ka thusang batsoali ho ba le parenting e nepahetseng. Bothata ba batsoali ke hore ba tsoha e se e le batsoali e le monna le mosali feela hore na ntho ena e kholo hakana e bitsoang motho hore le tlo mo holisa le mo qala ho tloha a le monyane hore e tle e-be motho ea tlang ho itlhompha, ea tla hlompha batho ba bang, ea hlomphang le naha ea habo ke ha ho entsoe joang.
Ka ‘nete ha u shebile malapa a mang moo bana ba ntseng ba holisoa teng le uena u shebile u le motho hore re lebelletse hore motho ea tla tsoa mona leha a ka ba fuoa chelete eona eno e tsoang Lekaleng leno feela ha re bone motho ea ahuoang hore e tlo ba motho. Ka ‘nete ke ntse ke na le hore Lekala leo le ke le be le department e ka tsebang ho thusa batsoali ka mafapha ha le lula fats’e le tla bona hore na le etsa design programme e etsang hore batsoali ba thusoe hore ba tsebe ho holisa bana hobane ha re ke ke ra etsa joalo leha re ka eketsa chelete eo ba e fuoang e se maqheku. Bana bana ha ba hola ba il’o utsoetsa maqhekoana ano ba a bolaea ba nka chelete.
Ha re entse litaba tsa motlakase bana bana ba ea ba il’o nka koporo mono ba qhaqholla li-robot, ho feta mono re tla tlameha ho eketsa chelete ea hore ba lule hantle ka teronkong ba fepuoe hantle. E le hore ka ‘nete ke bona eka le molemong oa hore chelete eo re bang le eona e tle sebetse molemong oa rona, ke hore Lekala leno mohlomong Matona a ka le e shebe hore na le ke ke be la ba le karolo eno eo ho ka etsoang design the programme hore batsoali ba tle ba fokotse ho etsa neglect bana, to abuse bana.
Haeba ngoana a ka retla kharebe ea hae, a e sakha ka sakha, a ba a kenya litho tsa hae ka mokotleng – taba eno e ea u bonts’a hore ha se taba ea hore motho eno o ne a chonne kapa ha se taba ea hore o ne a hloka ntho eo a e jang, feela ua bona hore ho tloha kholong ea hae, haeba re ka ra khutlela morao, re tl’o fumana hore kholo ea hae ka boeona e fosahetse.
Ka’nete ke nahana hore ‘Muso o tle o inahanele taba ena hore na re etsa joang. Re tla sebelisa chelete e ngata mona moo re ntseng re re re boloka batho ba toronkong ha re ka be re e sebelisa ho etsa litsela.
Ke kopa ho qetella ka hore, Lekaleng la Temo mane le teng ke ntse ke utloa eka ke khothaletsa Lekala leno hore le ke le tlise taba eane ea extension officers. Ho ne ho na le extension officers ha re ntse re hola mona, li lula kahar’a metse hore ha liperekise tsa ka li oela, kapelenyana ke tsebe hore na ke hokae moo ke il’o kopa thuso hore liperekise tsa ka li se ke tsa oela.
Ha moroho oa ka o senyeha jareteng – kajeno lena hothoe li se li lula literekeng, ‘me ha ho bobebe haholo hore u tlohe motseng moo u lulang u ee seterekeng ka taba eno.
E leng ho re ke ntse ke khothaletsa hore haeba re batla hore tlhahiso e ‘ne e be teng le phepo e nepahetseng, li-extension officer e le litsebi tse ka thusang monna oa Mosotho ha nku ea hae e le mamina, a se ke a ba hole le eena, a be haufi moo a tla mo joetsa hore, “haele mona nku ena e na le manyoha, e etse tjena hore e tle e tsebe ho feta”.
Ka litlatsetso tsena tseo ke lI entseng ke kopa hore Budget ena e fete e il’o sebeletsa sechaba.
Kea leboha…
[liatla]
MADAM PRESIDENT: Honourable Senator Morena oa Matsieng, ke ne ke kopa, Ntate, u bue u le Setulong sa hau seo u se abetsoeng.
HON. SENATOR S. B. SEEISO: Ha ke se tsebe na se hokae.
MADAM PRESIDENT: Ke sena se ka pele sena se ngotsoeng Matsieng.
HON. S. B. SEEISO: Oh! Ke kopa ke tle ke tlohelle [ho bua], ‘M’e.
Question, that the Bill be read the Second time and do pass, put agreed to.
HON. DR. R. MATLANYANE: Kea leboha, Mohlomphehi.
I now propose that the Appropriation Bill,2026/2027 be read for a Third Reading Forthwith by this Honourable House.
Question put and agreed to.
Third Reading
HON. DR. R. MATLANYANE: Kea sisinya, Mohlomphehi, that the Appropriation Bill, 2026/2027 be read for the Third Time by this Honourable House and do pass.
Kea leboha, Mohlomphehi.
Sets’oantso sena sa Molao ke Sets’oantso se thusang ka kotloloho ‘Muso le sechaba hore ‘Muso o tsebe ho fumana mokhoa oa ho etsa mosebetsi oa sechaba, e leng seo sechaba se rommeng ‘Muso ho se etsa.
Sechaba se lokela ho fumana lits’ebeletso ‘me se ka tseba ho li fumana feela haeba ‘Muso o ka tseba hore o abeloe lichelete tsena o tsebe ho sebetsa. Re se re bonts’itse, Mohlomphehi, hore mosebetsi oa ho aba lichelete ke mosebetsi o mongata oo ho tloha sechabeng mane o tlohang teng ka hore ebe ho ile hoa etsoa li-consultation le sechaba qalong ka lipitso esitana le ho ea li-Local Government le Mareneng.
Sechaba se ile sa bonts’a hore na litlhoko tsa sona ke life. Ha ho le joalo rea li bokella joale re lula fats’e le Makala, ‘me ‘Muso o’a tseba hore, hore ebe o bopile litaba tsena hore leha lichelete li ka tsa ajoa, li ipapise le merero le litakatso tsa sechaba.
Ka hona sechaba sona seo se ikobela le melao ea hore, ka likhafa le tse ling, ba etse tsohle hore ‘Muso o tsebe ho sebetsa, ‘me ekaba ka toka, feela ho ea lokela hore joale ha ba ile ba tseba hore likhafa tsa bona li tsoe – ‘me joale ba fumane lits’ebeletso tseo.
Mohlomphehi oa ka, re sebelitse kamatla hore Sets’oants’o sena se fihle mona moo se leng teng. Ke lakatsa ka’nete ka bokhuts’oanyane bohle ho leboha bohle ba kentseng letsoho mosebetsing ona, basebetsi ba ‘Muso, mafapha ‘ohle, Sona sechaba ka bosona, empa ka ho khetholoha ke lebohe joale Ntlo ena e Khabane hore e ile ea sheba Sets’oants’o sena ea ba mohau hore e se shebe ‘me e se nyakurele kamoo re se behileng kateng.
Re tle re tsebe hore re bone hore se etsoa implement ho latela kamoo Ntlo ena e Khabane e behileng kateng.
Tse ling tsa lintho tse bueng ke lintho tseo re tla li fetisetsa makaleng hore kamoso le haeba ba ke ke ba li etsa hona joale – ka moso li tle li etsahale ka tsela ena eo re elelitsoeng ka eona.
Boipiletso ba rona ho bohle – haholo-holo ka Pusong, ke hore ba tla sebelisa chelete ena ese ele hore feela chelete ea sechaba ke chelete ea sechaba, ‘me hangata ha e ke e be e lekane litlhoko tsa Sechaba. Ho kaba molemo ka hona hore e teng e sebelisoe ka hlokolosi le ka hlompho eo e lokelang. Ke takatso ea rona hore ha e sebetsa Loti le leng le le leng le tle le fane ka litšebelletso tse lekanang le Loti, haeba li ke ke tsa feta Loti.
E leng ho re ntho eo re e kopang ke efficiency, ke tlhokomelo, ke ponaletso, ke accountability ho re ho Bahlanka, ho bohle ba fuoeng matla a hore ba tla sebelisa chelete ea sechaba – ba e sebelise ka hlokolosi le ka ho e hlompha hore e tle e tsoele sechaba sena molemo.
Joalo ka ha re ntse re bontša mathata a mangata a ka etsang hore ebe ha re na eona. Moo eleng teng re lokela hore re etse ka matla hore e fumanele sechaba sena molemo. Re tla leboha haholo ha Ntlo ena e Khabane e ka thusetsa mosebetsing oo ka matla a eona a oversight, hore le moo ba bonang lintho li sa tsamaee hantle ba ‘ne ba soae mohlare, ele hore re tsebe hore re kene temeng ka matla le ka nepo.
Mohlomphehi, ke leboha botataisi ba hau mosebetsing ona, hape ke leboha ka tsela e khethehileng Litho tsa Ntlo ena e Khabane hore ebe li bile le mohau oa hore li lumelle Setšoantšo sena ho feta.
Kea leboha, Mohlomphehi.
Question put and agreed to.
The Appropriation Bill 2024/2025 is Aaccordingly Read the Third and Passed.
MADAM-PRESIDENT: Rea leboha, Letona le Khabane, ka nako ea hau, re leboha le tsona Litho tse Khabane ka mosebetsi oo ba o entseng kajeno; ke mosebetsi o moholo oa sechaba.
Empa ke re feela, Litho tse Khabane, le fuoe ho lona mono lipampiri tse tala tse bontšang tšitšinyo e potlakileng, eo re tsebang hore ka molao re lokela hore re fane ka eona – ha e tla buua kahar’a Ntlo re lokela re fane ka eona matsatsi a mabeli kapa a mararo pele. Joale empa re na le provision ea Standing Order Number 31 (3) se re lumellang hore ka tumello ea Ntlo re ka tsoela pele ho bua ka this Urgent Motion.
Question put and agreed to.
MADAM-PRESDIENT: Honourable Leader of the House, re kopa, Ntate, u re tataise.
Urgent Motion:
MOTION Number 58: Easter Break
HON. MINISTER N. M. MOTEANE (Minister of Public Works and Transport):
I move that this Honourable Senate when it rises today, Thursday, 26th March 2026, it do adjourn until Tuesday, 14th April, 2026 at 10:30 a.m. in order to allow Honourable Senators to go for Easter Break.
Mosebetsi oo re o entseng, Madam-President, matsatsing ana a libeke tsena tse tsoa feta, kantle le kahare ho Ntlo, o bile mongata, ‘me kannete re ikopela hore re phomole re il’o amohela mokete oa Paseka le hore re be le nako ea hore re boeleng re kopane le beng ka rona hore re ‘ne re sebetse mesebetsi e meng e tlamehang nakong ena.
Kea leboha, Madam-President.
MADAM-PRESIDENT: Litho tse Khabane, ke kopa ea tlatsang Honourable Minister.
Honourable Senator Peete.
HON. SENATOR R. P. L. PEETE: Kea leboha, Madam President.
Ke ema, ‘Me,’ ho tlatsa hore Litho tse Khabane ba ke ba ee ho bo Rameea ea bona; re ke re il’o ikhopotsang na re bo mang joalokaha re le naha ea borapeli.
Nako ea Paseka, ‘Me’ President, ke nako eo re reng, joaloka naha ea Bokriste, ke nako eo re reng joaloka naha ea Bokriste, ke nako eo Morena Jesu a ileng a shoa ka eona, re ke re ilo rapelang, re il’o kopana le malapa a rona, re ke re il’o hopotsanang hore na ha e le hantle-hantle na re bona re ntse re nepa ka tsela eo re ntseng re tsamaea ka eona ea borapeli na?
Sena se tla etsa hore leha re khutla mono re tle re itekotse, re tle ka mafolo-folo ha re tl’o tla re sebetsa litaba tsa sechaba ka mona ka Ntlong ea sechaba, ‘me ke tlatsa Honourable Minister hore Ntlo ena e Khabane e ke e re khefu-khekhenene hanyane re ee mahae, ‘me sena se bolela hore Madam President haeba u le motho oa Mats’ekheng koana, e-ba u Setho sa Ntlo ena e Khabane nako ena ke monyetla oo o u fuoang hore u k’u ee hae u il’o kopana le sechaba.
Haeba u motho oa Ha Maama koana, Morena oa ka u k’u tsamaee u ee hae u feele u il’o kopana le sechaba e le ‘nete. Haeba u motho oa Qacha’s Nek a k’u roale lieta u fele, u le Setho u il’o kopana le sechaba, u ilo kha matla, u utloe na sechaba se re se hloka eng, se u fe thomo hore na mona Senateng u lokela ho tla tla etsa’ng morena oa ka.
Kea leboha, kea tlatsa Madam President.
Question put and agreed to.
Resolved:
“That this Honourable House urges the Government to prioritize job creation and economic diversification in Lesotho to reduce reliance on labour migration to South Africa, and also to expand access to quality, health and education services within Lesotho, reducing the need for citizens to cross borders for basic needs, and strengthen consular services and legal support for Basotho migrants in South Africa by negotiating bilateral labour migration framework that will safeguard their rights and welfare”.
ADJOURMENT
There being no further Business on the Order Paper, Madam President adjourned the House without Question put, pursuant to the Standing No. 16(3).
The House adjourned at 13:55 p.m.