KINGDOM OF LESOTHO
PARLIAMENTARY DEBATES
SENATE CHAMBER
DAILY HANSARD
OFFICIAL REPORT OF THE SENATE
FIRST SESSION – ELEVENTH MEETING
ELEVENTH PARLIAMENT
WEDNESDAY, 4th JUNE 2026
LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG
| 1. Hon. Seeiso B. Seeiso | Principal Chief of Matsieng |
| 2. Hon. Joel A. Motšoene | Principal Chief of Leribe |
| 3. Hon. Sempe Gabasheane Masupha | Principal Chief of Ha ’Mamathe, Thupa-Kubu, Teya-Teyaneng le Jordan |
| 4. Hon. ’Mamolapo M. Q Majara | Principal Chief of Ha Majara |
| 5. Hon. Tumane Matela | Principal Chief of Makhoakhoeng |
| 6. Hon. Moeketsi Moletsane II | Principal Chief of Taung |
| 7. Hon. Lerotholi Mathealira Seeiso | Principal Chief of Mokhotlong |
| 8. Hon. Lerotholi L. Seeiso | Principal Chief of Likhoele |
| 9. Hon. Theko D. Bereng | Principal Chief of Phamong |
| 10.Hon. Mojela T. Makhaola | Principal Chief of Qacha’s Nek |
| 11. Hon. Seeiso S. H. Nkuebe | Principal Chief of Quthing |
| 12. Hon. Nthupi A. Bereng | Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote |
| 13.Hon. K.L.K Khoabane Theko | Principal Chief of Thaba-Bosiu |
| 14. Hon. Mitchel S. Maama | Principal Chief of Ha Maama |
| 15. Hon Moholobela M. Moholobela | Principal Chief of Matelile |
| 16. Hon. Bereng G. Seeiso Api | Principal Chief of Ha Ramabanta le Kubake |
| 17. Peete Lesaoana Peete | Principal Chief of Koeneng le Mapoteng |
| 18. Hon. ’Mako T.Mohale | Principal Chief of Tajane, Ha Ramoetsana le Ha Mohale |
| 19. Hon. Khoabane T. Mojela | Principal Chief of Tebang, Tšakholo le Ha Seleso |
| 20. Hon. Retšelisitsoe Mopeli | Principal Chief of Botha-Bothe |
| 21. Hon. Pontšo S. Mathealira | Principal Chief of Tsikoane, Peka le Kolbere |
| 22. Hon. Qeto Sekonyela | Principal Chief of Malingoaneng |
| 23. Hon. ’Mawinnie Kanetsi | Senator |
| 24. Hon. Lebona Khoaele | Senator |
| 25. Hon. Thabiso Lebese | Senator |
| 26. Hon. ’Maphakiso Lebona | Senator |
| 27. Hon. ’Mabataung Patricia Mokhathali | Senator |
| 28. Hon. Sehloho Henry Monatsi | Senator |
| 29. Hon. ’Makholu Moshoeshoe | Senator |
| 30. Hon. Neo Matjato Moteane | Senator |
| 31. Hon. Seabata Motsamai | Senator |
| 32. Hon. Richard Ramoeletsi | Senator |
| 33. Hon. Limpho Tau | Senator |
PARLIAMENT OF THE KINGDOM OF LESOTHO
SENATE CHAMBER
THURSDAY, 4th JUNE 2026
The House assembled at 10:30 a.m.
(MR. VICE PRESIDENT in the Chair)
PRAYER
The Chaplain led the House in Prayer
COMMUNICATION FROM THE CHAIR
MR. VICE PRESIDENT: Ke kopa ho le lumelisa Litho tse Khabane, le ho le amohela Letsatsing la Labone. Ha re na Litsebiso tse kaalo-kaalo haese hore kea kholoa ha le sheba Order Paper ea rona, e se e ntse e itlhalositse ka litaba tse kholo tsa letsatsi lena.
Kea Adoption ea Li-Report tse peli tse tla lateloa joana:
- Ke li Bill tse peli. Eo taba etla tla e etelloa pele ke Mohlomphehi Letona la Thuto. Kea bona ha ke e-s’o ka ba ke ba hlokomela ka koano.
- E tla tla e etelloa pele ke Letona la Law and Justice; ebe ka morao ho mono,
- Re tla etsa Adjourn Ntlo haeba Litho tse Khabane li tla amohela! Re tla etsa Adjourn Ntlo kapa re tla Phomolela mariha, re sa bolele hore na Ntlo etla buloa neng but that is only provided ho re Litho tse Khabane li tla ananela. Ha li sa ananele, re tla tsoela-pele ka mosebetsi Bekeng e tlang.
Next Item Mr. Clerk!
URGENT MOTION
65. SUSPENSION OF STANDING ORDER NO. 86(5)
HON. SENATOR S. MOTSAMAI: Kea leboha Mohlomphehi Vice President. Ke ema mona to propose that this Honourable Senate Resolves to suspend Standing Order No. 86(5) which Reads as thus: “A Committee Report may not be debated in the Senate unless it has been circulated to all Senators at least, two days prior to the intended debate in the Senate”.
This is done in respect of the following:
- A Report on ASSESSMENT COUNCIL OF LESOTHO BILL, 2026.
- Report on NATIONAL ASSEMBLY ELECTORAL (AMENDMENT) BILL, 2026.
Question proposed.
HON. SENATOR T. LEBESE: Kea leboha Ntate Vice President. Ke ema mona ke tlatsa Ntate Molula-Setulo oa Legislation hore Ntlo e mpe e ananele ho etsa Suspend Standing Order No. 86(5), e le ho lumela hore Litlaleho tse peli, li tle li tekoe ka Ntlong. ‘Me re tle re fetele ho Agenda Item joalekaha u se u supile Ntate Vice President. Kea tlatsa.
Question put and agreed to.
Next Item Mr. Clerk!
ADOPTION OF THE REPORTS OF LEGISLATION COMMITTEE.
MR VICE PRESIDENT: Honourable Chair of Legislation Committee.
HON. SENATOR S. MOTSAMAI: Ntate Vice President, ke ne ke tla kopa tataiso hore na ke li nka li le Peli ‘moho? Ele hore leha li tlatsoa, li tle li tlatsoe li le Peli joalo. Mohlomong, haeba u lumela ke tle ke tsebe, ke nke tataiso ea hao Ntate!
MR VICE PRESIDENT: Kea leboha Ntate Molula-Setulo. Molemong oa hore re boloke nako, ke ne ke kopa hore u tle u li nke li le peli feela. Ele hore e tle e re nakong eo ke seng ke bulela Litho hore li ka bua, ba tle ba bue ho ea pele.
Ebe rea e fetisa, re fetela ho ea Bobeli. Ba tl’o tla ba e bua, ebe rea feta ho eona. So, u ka li etsa li le peli Mohlomphehi. But, nakong eo re kenang ho tsona, re tla kena ho eo o e entseng pele. Ebe rea e qeta. Ke hona re tla fetela ho ea Bobeli.
Ke bona ke sa bone Bahlomphehi! Oh! Ke ne ke re ha ke bone Bahlomphehi Matona…
HON. SENATOR S. MOTSAMAI: Ke lebohe Ntate Vice President, le Letona le Khabane, Tafole le Litho tse Khabane tse teng ka koano. Joalekaha ke se ke kopile, ke ema mona ho polanya Tlaleho ea
ASSESSMENT COUNCIL OF LESOTHO BILL 2026.
Ke bonts’e hore Sets’oants’o sena sa Molao, se ile sa kena ka koano ka Ntlong. ‘Me ho latela Standing Order 51(3), ke e bonts’ang taba ea hore ha re se re e ts’oere, etsoa ka Ntlong, e tla fetisetsoa ka Komiting. ‘Me Komiti joalekaha re tseba hore ho ea ka Standing Order N0. 90, e-na le litaba tsa eona, tse laelang Komiti hore na e sebetse kahar’a meoloana efe.
‘Me re ile ra fela ra sebetsa joalo. Bahlomphehi, haeba le ts’oere Leqephe mono, le shebe Leqephe la Boraro; ke Litho tsa Ntlo ena. ‘Me ka ‘nete, re ‘ne re lebohe le Litho tse ling tse tlang. Ha re ts’oere Mosebetsi ona, oo re be re o ts’oere. ‘Me ke taba ea bohlokoa haholo hore re ananele ts’ehetso eno ea rona Marena aka, Litho tse Khabane tsa Ntlo.
Leqepheng leno la Bone, re tl’a be re bua ka taba ea bohlanka boo re bileng le bona. ‘Me ke taba ea bohlokoa haholo ea hore re bue ka bona. Mohlomphehi Motlatsi oa Mookameli oa Ntlo, ke bonts’e hore ka li 2 June, re ile ra lula. ‘Me re lutse le Lekala la Thuto eleng bona beng ba Sets’oants’o sena sa Molao.
‘Me ba ne ba tlile le Bahlanka ba bona ekasitana le batho ba chang ba ts’ola (stake holders). Ba ile ba tseba hore ba tle le bona kaofela hoa bona ka nako ele ‘ngoe. Ke mokhoa ona re ileng ra fumana bohlokoa ba hore Sets’oants’o sena sa Molao, re se sebetse hore re tsebe ho se tlisa ka koano ka Ntlong.
Objective ea Sets’oants’o sena, ke taba ea nts’etso-pele tabeng ea Tlhatlhobo. E leng ntho eo re reng ke Assessment ea Lihlahlobo kahare ho Naha ea Lesotho. Empa mona ntho eo e etsahalang ke hore ho etsoa Propose hore- kapa Ts’isinyo kea hore ho be le Setsi se ikemetsing bakeng sa ho etsa mosebetsi ona. Ke hore se be le matla (autonomy) ‘me se be a legal entity on its own. Se be Molaong, ‘me se tle se tsebe ho etsa mosebetsi oa sona ka bokhabane. Mokhoa oa teng ke hore feela ho ntlafatsoe mosebetsi ona oa Assessment.
Eleng ho re ho tl’o ho tsebe hore ba shebe boithuto eng e le eng; ba lokela ho re ba balehe red tape, e normal. Keho re e mona, eo u tla fumana hore e tloahelehile kahare ho Makala a rona. Empa mona, e tla re thusa hore Setsi sena ha se ikemetse ka Liphuphutso, ka bench marking e mona ho region, e international ele hore Li-qualification tsa rona, ebe tseo le bona e tl’a be ba tseba hore ha ba etsa liphetoho, ba li etsa joang.
Ho ba nolofaletsa ka body eo ba tla ba le eona, eleng Governing Council ekasitana le Secretariat ea bona ka Chief Executive. E leng ho re mosebetsi o tle o tsebe hoba bonolo. Re bonts’e hore li-Stake holder ka ‘nete li ile tsa hlaisa maikutlo a tsona Page 5. Bahlomphehi, li-Stakeholder ile tsa hlahisa maikutlo a tsona, a utloahalang ka ‘nete.
Empa lintlheng tse ling haholo-holo moo, ba neng ba bonts’a hore kahare ho Governing Council ba ka rata hore boemeli bo be teng ka bongata, not hakaalo-kaalo ka institution.
Ke hore mohlala, beng ba likolo eleng likereke Lesotho mona, re tloaetse re ba nke ba le bararo kapa ba le bane. Joale ebe ke bona ba chang ba ts’ola hobane ba na le likolo tse ngata. Empa mona ke mokhoa oa representation hore re utloile taba ea bona, empa leihlo leo re shebang ka lona ke la hore ke taba ea representation. ‘Me Representation e ntse e tla ba teng le tabeng tsa li-Trade Union. E tla ba ka mokhoa oa bona mohlomong hore na ba ka fumaneha joang?
Taba eo, re buile ka eona le Chair. E n’e bonts’a hore na ho ka hokahanyoa joang lintlha tsena tsa bona. Re li nkile, ‘me re li khutlliselitse Lekaleng hore e tle e re ha Bill e ntse e ea pele, e s’e fetohile Molao, ba tle ba khahlametsoe ka litaba tseo mohlomong e ka bang tseo re ka buang ka tsona, tseo re tloaetseng hore ke subsidiary laws or regulations.
Bahlomphehi, re shebile taba ena, ‘me observation ea rona re le Komiti e kholo ke ho re ntlha ena ea hore re tl’o sebetsana le li-Regulation, Letona le tle le potlake, ha lona Bahlomphehi le se le khahluoe ho fa Letona tumello ea hore Sets’oants’o sena se fetohe Molao.
Letona le potlakele ho etsa li-Regulation e le ho nolofatsa se kahar’a Sets’oants’o sena sa Molao. Li-Regulation li se li tl’o re tlisetsa the how part, li tl’o matlafatsa moo e ka ‘nang eaba the Principal Law e haelletsoe hore e bate taba. Litaba tseno li ka etsahala.
Ke mokhoa ona re ntseng re re le lona the stakeholders lintlheng tseo le buileng ka tsona, hoa bohlokoa ke ho re taba ena e tle e tsebe hore e shejoe, e potlakisoe.
Re shebile le litaba tsa fine, le tse ling tse ngotsoeng mona. Lipalo-palo tse ling ho fine mona li ngotsoe feela ha lia ngoloa ka mantsoe, feela kutloisiso ea rona ke ho re ke ntho tse minor tseo re reng li tla hlaha kahar’a li-Regulation, ebe re tla tseba ho sebetsa ka tsona.
Ka ho cho joalo, Ntate, re le Komiti we recommend that the Bill be allowed to come into operation, subject to Standing Order No. 52 (3), the Legislation Committee wishes to submit the Report on Assessment Council of Lesotho Bill, 2026 for adoption by the House. I so, move. Mr. Vice President.
HON. SENATOR S.G. MASUPHA: Ntlha ea tsamaiso, Mohlomphehi. Ke lumelisa bohle ka hare ho Ntlo ena esitana le ba tlileng ho re mamela.
Mohlomphehi, Ntlha ea Tsamaiso eo ke emang ka eona – ha ke tsebe haeba mohlomong taba ena e se e ile ea buuoa kahar’a Ntlo ena. Esale ke le kahar’a Ntlo ena, Mohlomphehi Tona-Kholo a etsa Lekhotla la Matona, a beha Letona la ka la Thuto hore ebe lona motsoka-sephali Lekaleng leno, Mohlomphehi, ha ke s’o ‘mone ka mona. Kea ipotsa hore na ebe Letona ha le sa bonahale kahar’a Ntlo ena, ebe re ile ra mo etsa’ng nakong eo e neng e le Setho sa Ntlo ena.
Ke ne ke re ntle leha e-ba ho tlile Letona la ka, mohlomong ke mpe ke lumele hore ke lona le tl’o bua lebitsong la hae, eba taba ena e se e tlotse methati eane e meraro ho sa bonahale letho.
Mohlomphehi, taba ena ha e-ea lokela hore re e siee feela, ke mpa ke e beha hore Mohlomphehi Tona-Kholo a hlokomele Bahlanka ba hae ba baholo bao re ba ts’epetseng mosebetsi oa sechaba hore hohle moo litaba tsa puso li lokelang ho etsahala teng, ba lokela ho ba teng, Ntate.
Ka mona, ke mo ts’oants’a le Letona la Bophelo le ileng la ba la tlosoa la isoa nq’a e ‘ngoe re e-s’o le bone ka mona. Kea ipotsa hore na ebe Ntlo ena ho na le eng e etsahala’ng hore ebe ho na le Matona a ikhethelang hore a se ke a tla ka mona, Mohlomphehi!
Na ebe taba ee uena u le Motlatsi oa Mookameli oa Ntlo u e hlokometse hore ehlile e-ea etsahala na? Haeba u hlokometse, na ke ka toka hore ebe e-ea etsahala na? Ntle leha e-ba e etsahala, methating eo e bang e-ea nkoa ke uena ka hare ho Mohlomphehi Tona-Kholo, hore na o hlokometse hore ehlile ho na le Matona a mang ka’nete a re siteloang na?
Litaba tseo re li etsang ka mona ha se tse molemong oa rona empa ke molemong oa sechaba sa Basotho. Ke eona Ntlha eo ke neng ke re ke eme ka eona, Ntate, pele re kena litabeng tsena, li komeloa ka tsela eo e bang tsamaiso e re lumella kateng.
MR. VICE-PRESIDENT: Kea leboha, Morena oa ka oa Lioli. Ke nahana hore Lioli le Mats’ekha ke maja-sum joale le tabeng ea tataiso mono – ha b’a lokela ho lebalana, ba lokela ho thusana ho tataisa sechaba sa bona.
Morena oa ka, ha u re Letona la Thuto ha u s’o le bone ka mona, ke nahana hore u bolela as a Minister, u se ke ua lebala hore ha esale Setho sa Ntlo ena. Ha ke re ua hopola hore e kile ea ba Setho sa Ntlo, feela kea kholoa joaloka motho ea qalileng ka mona ka Senateng ha a kena Paramenteng, e ka ‘na eaba hoa nepahala hore u lebelle hore a ‘ne a chakele ka mona, a hopole hore ha e qala ho ba Setho sa Paramente o qalile hona ka mona.
Taba ea bo-sieo ba hae, ha ke tsebe ke bona eka o teng lethathamong mona, kamor’a hore re fetise Litlaleho tsena, ke bona eka ke eena ea tl’o kena pele. Kea tseba hore ho na le collective responsibility mane ho Cabinet, e ka ‘na eaba haeba o sieo ka mabaka, o entse tlhophiso ea hore taba eno ea collective responsibility e tle e tsamaee ka thello.
Ke bone hore Letona Ofising ea Tona-Kholo o teng, o ile a mphatsamisa qalong, ha ke mo re heli! Ka bona eka ke Setho se Khabane ‘M’e Kanetsi, empa ka hlokomela hore ha se eena, hobane Hon. Kanetsi ha a lule mono, o lula ka nq’ane. Ke ile ka bona ba ts’oana hona hoo.
Ea Letona la Bophelo kapa eo e neng e le Letona la Bophelo, o kile a ba teng ka mona, feela ha a ba teng ka mona e le Letona la Bophelo, o bile teng ka mona e se e le Letona la Temo maoba mona, a ntse a araba Lipotso, a bile a re, che, o ne a s’a k’a b’a le nako e lekaneng hore a li shebe.
E leng ho re e ka ‘na eaba o se a qalile hee, hore a be teng ka koano. Ha re nke hore ha a se a le mona litabeng tsa Temo e se e le ha a qalile hore a be le rona nako le nako.
Ho na le taba e ‘ngoe ea bohlokoa eo u e buileng, eo ke eeng ke e bue kamehla. Ke rata hore ke e thetse, Letona la Thuto ke ‘nete ha ke e-s’o le bone, kea kholoa ehlile Honourable Minister in the Office of the Prime Minister o tl’o etsa mosebetsi bakeng sa hae.
Kamehla ke ee ke rate hore e le Letona le substantive or who acts, ke ee ke rate hore a saloe morao ke Liofisiri tsa Lekala.
HON. SENATOR: Hee, ba bangata haholo!
MR. VICE-PRESIDENT: Oh! Ba bangata! Kea khothala ha ho le joalo. Ha ke batle Letona leo bileng eseng a substantive Minister for that particular Ministry, joale u fumane hore u lahluoe kherehloa, esitana le eo e leng mong’a Lekala.
Ka’nete ho na le nako eo kamoso ehlile re tla hana ho tsoela pele ha re ka bona Letona le tlile le le leng ka mona le se na Liofisiri tse mo setseng morao.
Ke ee ke hlalose hore bohlokoa ba taba eno e etsa hore ho se be le any gap between the policy declaration and policy implementation. Ha Letona le itlama – ha Letona le bua ke ee ke re le bua policy. Joale ha le bua policy batho ba e’o etsa implement that policy ba le sieo, ha ba na ho e etsa implement hobane ha ba e tsebe, ba ne ba le sieo ha a ntse a bua ka mona.
Taba eno e etsa hore u utloe li-ea-le-moeeng mona le ho marang-rang bana ba banyenyane ka mokhoa o makatsang ba ntse ba re Matona a leshano. ‘Na haeso koana ke holisitsoe u ke ke ua re motho e moholo o leshano. U tla utloa ba bua ba re, ‘hee, ha a leshano Matona ana, o itse tjena le tjena, empa lintho tseno ha li etsahale!’
In most cases, litaba tseno tseo ba ea beng ba itlamme ka tsona, ke litaba tseo ba ea beng ba buile in the absence of policy implementors, e leng Liofisiri. Joale ha ba li etse, ebe Matona a hlaha e le batho ba sa bueng ‘nete. Taba eno e se e baka mathata a mangata haholo.
Kea kholoa ke entse address litaba tsa hau, Setho se Khabane.
Ke kopa hore Molula-Setulo oa Legislation Committee a tsoele pele.
HON. SENATOR S. MOTSAMAI: Kea leboha, Ntate, Matona a Khabane, le Tafole esita le Litho tse Khabane.
Ke ema mona to table the Report on the National Assembly Electoral (Amendment) Bill, 2026.
Ka ho ts’oana, Mohlomphehi, ke se ke bonts’itse hore na re latela ts’ebetso ena in pursuant to Standing Order No. 51 (3) eo ka eona re ileng ra fuoa Bill ena re le Komiti ea Legislation tlas’a Terms of Reference as they appear on the Standing Order No. 90.
Ke fete, Mohlomphehi, joale ka ha ke re re se re tseba hore na Litho tsa Komiti ke life. E kholo-kholo eo eona ke ntse ke batla ke e lebohe ka’nete ke tlatsetso ea Litho tse Khabane tseo e bileng e seng Litho Komiti eo, ka hore ha Komiti e lutse Litho li ba teng, ‘me ebe re tseba ho etsa mosebetsi.
Ka lona letsatsi leo ke seng ke ile ka bua ka lona e leng June 2026, Komiti e ile ea mema Ministry of Justice and Law, ‘me Lekala le ne le tsamaea le Komisi e Ikemetseng (IEC), ba ile ba tla ba fihla ba re tekela litaba tsa bona.
Hantle-ntle seo Sets’oants’o sena sa Molao se lekang ho se hlomathisa kapa se reretsoeng ho se hlomathisa ke ho re taba ea ngoliso ea bakhethi – hore bakhethi ba ka sebelisa mokhoa oa bona oa national ID.
Taba ena e bohlokoa haholo hobane hangata Lesotho mona, lea tseba, Bahlomphehi, hore litabeng tsa likhetho – likhetho ke manane. Ha manane a sa hloeka, taba eno e ama mokhoa oa ts’ebetso.
Joale mona ka taba ea hore ID ka bo-eona ha re hlalosetsoa, ho ea ho eona ke methati e mengata haholo e lateloang, eo re nahanang ho ea be ho ikholisitsoe hore enoa ke Mosotho oa Lesotho, ea bileng a nang le tokelo linthong tse ngata tsa Lesotho, ‘me lekhetlong lena ha ho nyalahanngoa taba ea hore batho ba sebelise li-ID, ho nkuoa e tla re tsoalla lenane le nepahetseng.
Sets’oants’o sena sa Molao se boetse hape se tlisa boikarabello bo bocha ho lefapha la rona la Marena, haholo-holo Marena a metse, Marena a Libaka, hore ba re thuse hore lenane le tle le lule le ntse le hloeka nako le nako.
Lea tseba, Bahlomphehi, hore ho ile hoa tuma taba e neng e sa kholisehe ho ba bang, ho ba bang e kholiseha hore Lesotho mona ho khetha lithotsela. E ile ea hlaha taba ena, ea re tlisetsa litaba tse bolutu.
Lekhetlong lena ho thoe Marena ao a rona a metse a re thuse hore ha mofu a le teng a tlalehe hore, ‘hore mofu enoa ea teng motseng ke ea neng a le lilemong tsa ho khetha, ke ea neng a ngolisitse’. Joale taba eno e tsebe ho nyoloha ka methati e be e e’o fihla ho Director ea Likhetho, joale a tsebe ho hloekisa lenane hore ebe le nepahetseng. E leng ho re taba eno e bohlokoa.
Mohlomphehi, ba re kholisitse hore ba na le adequate infrastructure hore ba tl’o etsa implement Sets’oants’o sena sa Molao. E leng ho re ho bona it is an affordable Bill eo ba tla tseba ho sebetsa ka eona.
E ‘ngoe hape-hape e kholo eo ba buileng ka eona ke ho re ba tlositse boima ba hore kahar’a naha ea Lesotho obligation ea ho ea ngolisa e tlame. E leng ho re nakong e fetileng lea tseba hore ha u sa ngolisa feela u le lilemong tsa ho ngolisa, u ne u ka qosoa.
Taba eno e ne e le tlolo ea molao, it was an offence, joale e neng e ka tseba hore ha esale re qala ka 1993 ha re s’o bone litsi tsa rona tsa Sepolesa, Makhotla a rona a nka batho ka lechoba ba neng ba sa ngolisa, hobane taba eno e na le likamano le lits’enyehelo tsa ha ho khethoa hobane ba ile ba re bolella hore haeba bakhethi ba Lesotho ba le 1.3 million ba nkoang ba ngolisitse, joale ho fihla ho khetha feela batho ba makholo a ts’eletseng.
Ka lehlakoreng la bona la IEC ba etsa lipampiri tsohle tsa ho khethisa tse lekanang le batho ba ngolisitseng. Taba eno ka lits’enyehelo e bonahala e phahame.
Sets’oants’o sena sa Molao se tlosa boemo bono ba hore ho ngolisa hoa tlama. E leng hore ho ngolisa le ho khetha, ka Sets’oants’o sena e se e tla ba ntho eo moikutloa-pelo a ikutloang kateng.
Taba eo he, ha e le joalo, e bolela hore re tla e sheba mohlomong hore joale le eona IEC le lona mekha le makhotla a lipolotiki le bo-mphato oa lona le tla ts’oanela le e’o etsa mosebetsi o matla oa civic and voter education ho khotholetsa batho bano, hona mono moo ba iketsang volunteer hore ba tsebe hore ke responsibility ea bona as citizens tse nepahetseng, hore ba tle ba tsebe ho bona litaba tsena.
Ka mantsoe ana, Ntate, ke ne ke re our observations as the Committee, we acknowledge that there is a new Bill to allow people to register afresh, ena ea hore ba ngolise bocha, ‘me re re IEC e sebelitse.
The Committee recommends that the Bill be passed and come into operation. Ke eona ntlha ea rona e kholo-kholo eno. Subject to Standing Order 52 (3) – Legislation Committee wishes to submit the Report on the National Assembly Electoral (Amendment) Bill, 2026 for adoption of the House.
I so, move, Mohlomphehi.
HON. SENATOR DR. T. LEBESE: Rea leboha, Ntate.
Kea u hlompha le Tafole ea hau, ke be ke etse acknowledge boteng ba Letona le Khabane e le lekhetlo la lona la pele le kena ka ar’a Ntlo ena, e se e le Mohlomphehi Letona.
Ke be ke u lemose, Ntate, hore Letona le Khabane le fihlile early haholo, around 09:30, le ne le se e ntse le le teng, joale Letona la ba la lahleha.
Ntate Deputy Clerk tsela eo re kenang ka eona kapa Bahlomphehi ba kenang ka eona mona, ha e na mats’oao. Joale Letona le ne le ile la kena ka morao ka mane, la khutla ha le bona le se le thula pavement joale la khutlela morao.
Ka’nete ke kopa le mpe le behe lets’oao qalong mane le supisang hore ‘tsela ena ha e tsoe, ke parking feela, e feta straight, e tla ka koano Ntate.
Rea u amohela, Mohlomphehi Letona le Khabane, rea tseba hore u tla etsa mosebetsi o motle mona moo u ronngoeng teng e le a collective responsibility, Bahlomphehi.
Ke ema mona, Ntate Vice–President, ke tlatsa Tlaleho ea pele e entsoeng ke Molula-Setulo oa Komiti ea Legislation. Leha ho le joalo Ntate Vice-President, le pele ke e tlatsa, kannete ke mpe ke u lebohe hore, Mohlomphehi, u ile oa re lumella ho bona bohlokoa ba ho etsa mosebetsi ona pele re tla tsamaea.
Kea tseba e ne e ile ea ‘na ea ba morero oa Tafole hore mohlomong bekeng e fetileng ebe re ile ra bona hore Bahlomphehi ba ea phomolong ea Mariha empa ra hlokomela hore mosebetsi o ileng oa fihla ka li-Bill tseo e itseng ha re li sheba kanete ra fumana eka li fokola haholo ka mosebetsi oa tsona ‘me ra kopa hore re mpe re lule, re li fetise. E ne e ile ea ba ka taelo ea ka, Ntate, ho Molula-Setulo oa ka, u hlo tsebe taba eno joale ebe u se a u kopa, Mohlomphehi.
Taba ena ea assessment kea kholoa, Ntate Molula-Setulo, o li behile hantle empa ke mpe ke hlokomelise feela, Ntate Vice-President, hore lefapha leno la ECOL esale le tsamaisoa ka li-regulations for the past 40 years. E leng ho tloha ka 1986 ha le thehoa. Taba eno ka boeona feela u se u ntse u utloa hore e ne e ba tlama matsoho.
Sets’oants’o sena sa Molao se ka pele ho rona joale se tlang ho bamolao se fana ka autonomy to ECOL hore e-be Setsi se ikemetseng se tla qosa le ho qosoa ‘me se be le Council joaleka ha a supile. Taba eno ke ho akofisa quality ea thuto ea rona.
Ba ile ba re hlalosetsa, Ntate, ‘me le Report ena e ntse e hlalositse hore litaba tsena li ama haholo Lefapha la Basic Education leo ka kotloloho ha u sheba Lesotho Qualifications Frame Work, e fellang ka Level 5.
Litaba tsena li tla re thusa haholo kaha kamorao ho moo ho nts’o ho na le litaba tsane tsa rona tsa Technical and Vocational Schools, le thuto eane e phahameng e leng universities tse ntseng li tsoela-pele. Kutloisiso e ne e ile ea e-ba hore ha re ntse re etsa harmony litaba tsena tsa li-assessment, re ne re kopitse haholo le linaheng tse ling ho bona hore na ba li etsa joang.
Ke utloa eka Bill ena ke e ‘ngoe e tl’o re thusa e seng feela tsamaisong ea setsi se hloekileng empa e tl’o re thusa hape hore re be well established ho leka hore re lekane le litsi tse ling tsa linaha tse ling tseo re ahisaneng le tsona tsa SADC and indeed boemong bo international.
Ke tlatsa litaba tsena tsa Report e tekiloeng ka pele ho Ntlo, Ntate Vice-President, hore Ntlo ena e Khabane letsatsing lena e amohele litaba tsena tsa Assessment Council of Lesotho Bill, 2026 hore e tle e amoheloe e le Report ho lumella hore methati e lokelang hore Sets’oants’o sa Molao se tle se tsoele-pele, e tle e etsahale.
Ntate Vice-President, ke tlatsa Tlaleho ena e behiloeng ke Molula-Setulo.
Kea tlatsa, Ntate.
MR. VICE-PRESIDENT: Ke ne ke kopa hore kaha ke ne ke ile ka re li etsoe li le peli, u tlatse le eno ea bobeli but re tla tla re kena ho ea pele, pele ebe ha re qeta re fetela ho ea bobeli nakong eo re seng re etsa debate.
HON. SENATOR DR. T. LEBESE: Re ne re ile ra itlhopha, Ntate Vice–President, ho bebofatsa mosebetsi oa hau letsatsing lena re le Komiti, Ntate, u tle u se ke oa makala. Litho tsa Komiti ea haeso li ne li ile tsa nkopa hore ke tle ke tlatse Ntate Molula-Setulo ho akofisa ts’ebetso ‘me ke kopa ho etsa joalo hape, Ntate.
Ke boetse ke ema mona, Ntate Vice–President, Mohlomphehi Letona le Khabane, Tafole ea hau le Litho tse Khabane, ho tlatsa Tlaleho e behiloeng ke Ntate Molula-Setulo oa Komiti ea Legislation malebana le Report ea National Assembly Electoral (Amendment) Bill, 2026.
Ka tsela e ts’oanang, Sets’oants’o sena sa Molao ka Tlaleho ena eo re e tekang ka pele ho Ntlo ke taba ea ngoliso joaleka ha Ntate Molula-Setulo a supile. Ke taba ea ngoliso, ts’ebeliso ea National Identity Cards le ho hlahloba sesiu khafetsa ‘me se fa Borena e leng our local leadership matla a ho etsa joalo.
Taba eo ke batlang ho e supa ho tseo, Ntate Molula-Setulo, mohlomong li ileng tsa mo sirela ke hore Sets’oants’o sena sa Molao ona se tl’o tla se thusa haholo litabeng tsa li-Party Agent.
Mohlomphehi Vice-President, u tla ananela taba ena ea hore ka letsatsi la likhetho ho ba le litaba tse ling tseo li eeng li etsahale tsa hore ho tla ba le bakhethi ba pele empa ka kotloloho ho be le li-party agent tseo u tla fumana Thaba-Putsoa mane ho na le li-party tse tlang ho bitsoa folakha e ‘ngoe koto. E ‘ngoe e bitsoe eng joale ebe e fihla e nka bacha mono e ba etsa li-part agent. Bacha bano ba tsamaea le lebatooa leno la Thaba-Putsoa ba il’o emela party eno e bitsoang koto joale ba tlohella mosebetsi oa bona oa ho khetha seo bona ba neng ba batla ho se khetha hobane ba sa ngolisa setsing se joalo.
Report ena e supa haholo hore re tlamehile hore li-party agent tseo kaha li ntse li le teng ka hare ho lebatooa, ho etsoe bobebe ba hore hohle moo ba tla beng ba khethisetsa hona teng, hafeela e le kahare ho lebatooa leno ba tsoele-pele ba etse mosebetsi ono.
U tla lumellana le ‘na, Ntate Vice-President, hore li-party tse ling li ntse li lahleheloa ke bakhethi ba bangata haholo hobane joale ba shebile lekeno le mashome a mahlano ano a Maluti hore ba a fuoe ke party eno ea party X joale ebe o sitoa ho khetha party A eo e leng ea hae ‘me ka tsela e joalo ebe li-party li lahleheloa ke lipalo ‘me taba ena e tl’o tla e re thusa haholo.
E ‘ngoe e kholo e neng e etsahala, Ntate Vice-President, Ntate Molula-Setulo o buile ka eona taba ena. Taba ea khatiso ea pampiri ea likhetho e turu haholo ‘me lipalo tseo re nang le tsona tseno tseo a neng a bua ka tsona ke lipalo tse hlahang likhethong tsa 2022 moo ba supileng hore ba sebelisitse chelete e kaalo ka M10 million ho hatisa pampiri eno feela. Bomali-mabe ke hore bakhethi bona e ile ea e-ba lipakeng tsa makholo a mane a likete ho isa makholong a mahlano.
Taba eno e bolela hore, Ntate Vice-President, 500, 000 ena kapa 700,000 kaha bakhethi e ne e le 1.3 million, the 600,000 – 700, 000 eno e sa kang ea khetha, pampiri eno e senyehile ‘me ha u e isa ka cheleteng ke halofo ea million.
Taba eno e baka tahlehelo e kholo haholo hobane le bona e le IEC ba tlamehile hore ba hatise ho latela hore na bakhethi ba ingolisitseng ba bakae. Joale ha u etsa taba ena ea ngoliso e-be setlamo, motho ha a ngolisa ha se hobane a na le thahasello ea hore qetellong ea letsatsi o tla khetha empa joale ha u e etsa e le setlamo kapa an obligation e ne e tlisa khatello haholo ea setsi ‘me e bonahala e le tahlehelo e ngata haholo.
Taba ena e mpa e nolofatsa litaba tsa ngoliso, tlhoekiso ea sesiu le taba ea administration ea likhetho ka letsatsi la likhetho.
Li-stake holder re ile ra hlalosetsoa ‘me re ikholisitse hore efela li ile tsa e-ba teng ‘me tsa etsoa consult ‘me ba lumellana le taba ena ka botlalo hobane e nolofatsa ts’ebetso ea letsatsi le letsatsi ea IEC haholo sesiu seo se hloekileng seo bakhethi ba naha ena ba se tsetselelang kamoso.
Kea leboha, Ntate Vice-President. Ke tlatsa Tlaleho e entsoeng ke Ntate Molula-Setulo oa Komiti ea Legislation.
(LIATLA)
MR. VICE-PRESIDENT: Kea leboha, Ntate Molula-Setulo oa Balula-Setulo. Ke u leboha le ka taelo eno eo u ileng oa fana ka eona (laughter). Ke u leboha haholo, Ntate, hobane e re thusitse haholo.
Taba ena eo u qetellang ka eona e re li-party tsa lipolotiki ka hare ho lebatooa ho na le possibility e holimo ea hore ba tsebe lipalo tsa bona le pele ho uoa likhethong hobane joale ba tla sheba hore na ke batho ba bakae ba ngolisitseng voluntarily ka hare ho lebatooa joale a sa sheba bao e leng ba hae hore na ba bakae, a be a se a ntse a bona hore ae, ba ka ba bangata ho feta ba itseng. That is what it means.
Question that Report on Assessment Council of Lesotho Council Bill, 2026, proposed.
HON. SENATOR S.K. MASUPHA: Kea leboha, Ntate Vice-President.
Le ‘na ka mokhoa o ts’oanang ke sa ntsane ke re ke ts’ehetsa Tlaleho ena ea Bill e qetang ho tekoa, e tlatsoa ke Setho se Khabane Dr. Lebese.
Ke tlatsa taba ena, hakaalo-kaalo ke na le lintlha tse peli tseo ke ratang hore nke ke li ts’etlehe.
Ea pele ke ena e amanang le hore ho tla ngolisoa feela batho ba eang likhethong.
MR. VICE-PRESIDENT: Mohlomphehi Morena oa ka, hona joale ke kopile hore re qale ka ena ea ECOL.
HON. SENATOR S.K. MASUPHA: Ea thuto?
MR. VICE- PRESIDENT: E! Ntate, ea Assessment Council of Lesotho Bill, 2026.
HON. SENATOR S.K. MASUPHA: Ae, ena ha ke na letho holim’a eona, Mohlomphehi. Ke kopa ts’oarelo ha ke na letho ho eona ka ‘nete.
Question that Report on Assessment Bill, 2026 put and agreed to.
MR. VICE-PRESIDENT: Rea leboha, Litho tse Khabane.
Taba ena e bolela hore Tlaleho ea Assessment Council of Lesotho Bill, 2026 e amohetsoe e le karolo ea Ntlo ena e Khabane.
Question that Report on National Assembly Electoral (Amendment) Bill, 2026 proposed.
HON. SENATOR S.K. MASUPHA: (Laughter) Kea leboha ka ‘nete. Kea bona ke ile ka phaka haholo hobane ke ne ke se ntse ke na le litaba tsa ka.
Joale ka ha ke ne ke bonts’itse, Mohlomphehi, ke na le lintlha tse peli tseo ke buang ka tsona;
Ntlha ea pele ke ena ea hore bakhethi e-be bona feela ba ngolisang ‘me taba ena ha e sa tla ba tlolo ea molao hore motho ha a sa ngolise ho thoe o entse tlolo ea molao.
Ha ke e sheba ke bona eka ekare IEC e ipaketse mosebetsi oo ke ipotsang hore na ka nako ena ea selemo e setseng pele ho uoa likhethong hore na ebe ba tla khona ho o etsa hobane hona joale sesiu se teng ke sa batho bohle ba khethileng le ba sa khethang.
E leng hore kapele ka mokhoa oo ho ka hoa etsahalang kateng kamorao hore Bill ena e fete ebe Molao, ke bona eka ekare nako ena e tla be e le khuts’oanyane haholo.
Re tseba hore na ho ngolisa hoa bakhethi ke mosebetsi o mokae ‘me ke se ke ba rapella hore eke ba ka phetha mosebetsi ono joaleka ha ba itlamme hore ba tla o etsa, o fele o phethahale.
Ke cho tjena hobane le taba feela ea hore ho ngolisoe batho ba bacha ha se ntho e bonolo, ke ntho e boima ka mokhoa o makatsang. Ke ‘nete kea tseba hore litsing tsena tsa ngoliso tsa IEC tsena tse butsoeng naha ka bophara ha li k oaloe. Li butsoe 24/7. Le hona tjena li ntse li sebetsa.
Hona empa feela e le pelaelo ea ka hore na ebe ba tla e khona hobane ho tla tlameha hore joale ho koale bane ba bangata ba neng ba tlangoa ke molao hore ba ngolise, feela ho na le ba bang ba tla khetha ho re ba se ke ba ea.
Ntho eo ke e ratang ke ea hore joale ka ha e se e boletsoe ke Mohlomphehi ha a ne a tlatsa Report ke ea hore ho tl’o bonahala hore na lipalo tsa bakhethi li tla ba kae ho fapana le bongata bane bo neng bo bonts’a hore naha ea Lesotho e se e se na thahasello ea ho khetha. Ho tla bonahala hore na ho bana ba ngolisitseng ba re ba il’o khetha na ba tla fela ba khethe kaofela. Ha ba sa khethe kaofela ntho eno e tla be e bonts’a hore Basotho ha ba sa thabela khetho ena ea bapolotiki.
Ke feta taba ena, Mohlomphehi.
Tabeng ea bobeli, ena ea ho hlokahala hoa bafu! Ua tseba, Mohlomphehi, taba ena ke ntho e ileng ea iketsetsoa ka boomo feela ke puso tse fetileng. Sepheo seo ho neng ho etsoa taba ena ke taba ena eo ke eeng ke bue ka eona kamehla, ke re ho na le batho ba bang ba ratang ho hlolisa Borena. Hommeng Borena ke tsoalo! Borena ke ntho ea Molimo eo ho se nang motho ea ka e felisang, feela ho na le batho ba bang ba nang le lehabea, Mohlomphehi Letona la ka.
Ho na le batho ba bang ba nang le lehabea la hore ba ka felisa Borena. Ua tseba ntho ena Marena a ne a ntse a e etsa ka mokhoa o nepahetseng. Ho ne ho e-na le liforomo tseo Marena ane a metseng eane a neng a li tlatsa ha ho na le bafu.
Eaba ba nka lintho tsena ba li isa Lik’hanseleng. U ipotse hore na K’hansele ha e se Morena, a sa tsebe letho ka ‘nete na a ka ngolisa batho ba joalo joang?
Home Affairs kapa lona lefapha lena la lipalo-palo le ka ngolisa batho joang batho baa ba busoa ke Marena?
Ke haufinyane tjena, Mohlomphehi ha ke ile ka leboha Lekala lena la rona la Lehae le Borena (Local Government) le ile la qetella le re mema hobane ba bone hore lipalo lia lahleha tsa bafu eaba ba re batla maikutlo hore na ebe ha e le mona ho le tjena lipalo li lahleha, re bona eka phoso e hokae.
Re fihlile ra ba joetsa ‘nete ra re form tsane tse neng li tlatsoa ke Marena ke tsona tse neng li bolokile hore bafu ba hlakoloe ka mokhoa o nepahetseng. Joale empa kamorao hore batho ba lipolotiki ba qetelle ba li felisitse, lipalo li ile tsa ea holimo. Ke ka hoo ho ileng hoa qetella ho na le lipoko tsena tse ngata.
Ke ile ka leboha Mohlomphehi hore ebe Lekala le ile la hlokomela taba eno le kopane le bana ba Census, hore ka ‘nete Borena ke ntho ea bohlokoa kahar’a Naha ea Lesotho.
Che leha bo eiseha hakana haholo hobane ho na le Marena a mang a sa hlompheng, a teng empa e le hore feela Molao ona oa Borena oa number 22 oa 1968 o sa sebetse holim’ a bona. Ha u no ka sebetsa eaba ho hlokoloa bano ba bonahalang ba rata ho silafatsa Borena, Marena seriti sa bona se ne se tla khutlela hona mane Pusong ea Moshoeshoe.
Ka hona Mohlomphehi, ke ema mona ke re taba ena eo Lefapha le e entseng kapa ka Sehlomathiso sena ke utloa eka kea e emela. Ho ke ho tl’o etsahala hore ho bonahale hore batho bana ba hlokoloa. Ho khethoa batho ba ngolisitsoeng feela.
Kea e tlatsa Mohlomphehi, ha e fete kapele e le hore ba tsebe ho hlokola batho bana ho tsejoe ho ngolisoa batho ba nepahetseng bao e leng bona bakhethi feela. Motho ea tla ngolisa o tla ba ngolisa e le hobane a re o il’o khetha, ho na le party eo a ratang ho ea e khetha kapa mokha; lekhotla la lipolotiki.
Kahona, Ntate kea ts’ehetsa hore taba ena ha e ke e fete e il’o sebeletsa Basotho, khotso.
Kea leboha.
HON. SENATOR M. MOHALE: Kea leboha, Ntate Vice-President ka ho mpha monyetla ona oa ho tlatsa litabeng tsena tsa Komiti ea Ketsa-Molao litabeng tsena tsa Likhetho, Ntate.
Ke hantle ha e le mona IEC e tlile koano ho tla teka litaba tsa eona. E le ho tla e thusa hore e sebetse litaba ho latela boithuto ba eona ba ho re thusa hore re ee likhethong tse hloekileng tse nepahetseng, tse tlang ho re kamor’a sephetho sa teng ebe sephetho se tla khotsofalloa ke sechaba ka moka.
Ntate leha ho le joalo, ha re lebelle hore kamor’a ho teka Melao ena Likhetho li tla ba joang. Ke rialo Ntate hobane taba ea likhetho ea hore bakhethi ba se ke ba ea likhethong ke ntho e bonahetseng e ntse e theoha lilemo tse ngata. Boipotso ke hore na ha e le mona re tobane le liqholotso tsa litsela moo re tsebang hore batho ba tla tloha libakeng tseo ba phelang ho tsona ba ea libakeng tse ngolisitsoeng, na li tla re beha kae.
Joale re boele re shebe taba ena ea mathata a moruo oo lefats’e le tobaneng le oona. Joale haeba litaba li sa fetohe, leha li ka fetoha Ntate ha li se ke tsa etsa hore batho ba khone hore mathata ana a moruo ba tsebe hore ba etse recover mathateng a lichelete.
Taba ena e tla mona moo IEC e tlalehang hore e hatisa lipampiri tse ngata tsa likhetho. Lits’enyehelo tsa IEC e-ba moo e hatisang lipampiri tsa Bakhethi ka pelaelo ea hore batho bohle ba ngolisitseng ba tla khetha.
Ho se ho hlalositsoe hore hangata ha ho be joalo. Ho tla etsoa print ballot paper ho ipapisitsoe le hore na bakhethi ba bakae kapa batho ba ngolisitseng ba bakae.
E tla ba tebello ea rona hore kamor’a likhetho mohlomong, IEC e fane ka sets’oants’o sa hore na ha e ile ea senyeheloa Likhethong na chelete eo e ba senyehetseng e etsa bokae?
Taba ena e tla tla mona moo ho ileng hoa hlahisoa ka Ntlong ka mona hore taba ena ea ho se khethe hammoho le ea batho ho se ee likhethong e tla tlameha hore e tlise boithuto ba hore na ha ho na mekhoa e meng e ka sebelisoang ho akofisa hore sechaba sa Basotho se khethe ka lipalo tse khothatsang tse nepahetseng.
Ka ‘nete Ntate, tebello ea ka ke le motho ka Komiti ena e Khabane ke hore Litemana tseo IEC e li fetotseng e tle ebe tse tla re thusa hore re tle re khethe hantle.
Ke ema mona ke tlatsa Sets’oants’o sena sa Molao.
Kea leboha
HON. SENATOR. J.A. MOTS’OENE: Kea leboha, Mohlomphehi, Motlatsi oa Madam President. Ke u hlomphe, ke hlomphe Letona le Khabane, Tafole le Litho tse Khabane.
Mohlomphehi, Tlaleho ena ea Komiti e na le ntlha tse hlano tse matla ke taba ea hore ho se etse pheta-pheto ea lifela e ntse e le hantle litabeng tsena tsa khetho ea sechaba likhethong hore e ke e-be le ponaletso.
Litabeng tsena tsa hau ha ho ntse ho etsoa lihlomathiso melaong e ee be e le hobane liqholotso li bile teng. Mohlomphehi u tla hopola hore ka lilemo tsa ho feta, ka nako e telele haholo ho bile le ho se khotsofale ha Baetapele ba rona lipolotiking mohlomong ba latetsoe morao ke ba bang ba litho tsa party tse itseng tse sa khotsofallang sephetho.
Har’a litaba tse bileng teng ka nako e ‘ngoe li ile tsa re tlisetsa litholoana tse bosula. Tlalehong ena, Komiti ha e ne e sheba Sets’oants’o sena sa Molao e bile ea bitsa le ba amehang.
Mohlomphehi ntlha ea pele ke taba ena ea ngoliso. Hangata taba ha e etsahala ho tlameha hore litaba li ke li hlake. Ngoliso; manane a tsitse ho be le ponaletso.
Ntlha ea bobeli ke taba ena ea ho fa Setsi se Ikemetseng sa Likhetho hore bakhethi ba ngolise. Ba tle ba ngolise ba bile ba ts’oara manane a nepahetseng. Ba tla ts’oara manane a nepahetseng joang na? Ba tla a ts’oara hafeela khokahanyo le ts’oarisano-’moho kahar’a naha ea litsi tse amehang e thusana hore litaba tsa botsitso likhethong li be teng. Ke bua tjena Mohlomphehi, hobane kea hlokomela hore ho lekuoe hore le metseng tlase mane boeta-pele bo teng bo tle bo sebetse taba ena le litsi tsena tseo ba fanang ka litokomane tsa boitsebiso.
Mohlomphehi, taba ena e etsa hore litlaleho le haeba ho hlokahala Komisi e tle ‘ne e khone ho re haeba e utloa eka e hloka tlhakisetso kae-kae, ho tle ho be bobebe hore na e fumana tlhakisetso eno ho batho bafe?
Mohlomphehi, ho se ee lolo-lolo ke mpa ke re feela le ‘na ke ema ke tlatsa taba ena ea Tlaleho ea Komiti hore Ntlo ena e Khabane e amohele Tlaleho ena e tle e il’o sebetsa likhethong tsena tse tlang.
E sebelletse sechaba sa Basotho ka ponaletso le Khotso.
Kea leboha, Mohlomphehi
Question, put and agreed to that National Assembly Electoral (Amendment) Bill, 2026 to stand part of the Bill.
Next item Mr. Clerk
PROCCEDINGS ON SUBSTATIVE MOTIONS AND BILLS
Bill
Assessment Council of Lesotho Bill, 2026
ALL STAGES
MR. VICE-PRESIDENT: Mohlomphehi, Letona le Khabane re kopa u re tataise ka Palo ea Bobeli ea Sets’oants’o sena sa Molao.
HON. M. MOTSOASELE (ON BEHALF OF MINISTER OF EDUCATION): Ha ke u lebohe, Mohlomphehi Vice-President.
I rise to move Bill on Assessment Council of Lesotho Bill, 2026.
Ke lebohe hape Mr. Vice-President. Ke mpe ke bonts’e feela hore Bill ena sepheo sa eona joale ka ha re buile ka Assessment Council of Lesotho, 2026 re tsoele-pele ka tseo re ntseng re na le tsona. Feela ho ke ho lokisoe mona le mane.
Ka boemong bona Mohlomphehi ho ileng ha bonahala hore Lefats’e le tsoetse-pele thutong. Ho na le ntho tse ngata tseo ho bonahalang rona re ntse re saletse morao haholo thutong ea likolo tsa mathomo.
E ‘ngoe ea bothata bo ileng ba bonahala ke hore Bill ea rona e ne e entsoe ka Regulations. Hona joale ke hore e etsoe ka Molao e le hore Lekhotla la Lihlahlobo la Thuto ea Mathomo le tle le be le taolo e felletseng holim’a litaba tseo.
Kea sisinya, Mohlomphehi
HON. SENATOR DR. T. LESEBE: Kea leboha, Mohlomphehi Letona le Khabane. Mohlomphehi ‘Makatleho Motsoasele oh! Ke nepile. Ha u sa etse note Mohlomphehi Letona? Ke ‘ne ke utloe hore ke nepile.
Mohlomphehi o behile hantle, Ntate Vice-President.
Rea leboha, Ntate Vice-President ke ema mona ho tlatsa Mohlomphehi Letona le Khabane hore Sets’oants’o sena sa Molao sa Assessment Council of Lesotho Bill, 2026 se tle se fete e le Molao.
Ke litaba tseo re tla li pheta kaha joale re se re ile ra utloa ka Motlatsi oa Mohlomphehi Letona hore Examination Council of Lesotho was established in1986. Esale Setsi sena etsoa establish ka Regulations ‘me ho ne ho fosahetse hore ebe ho bile joalo.
Bill ena e tl’o fa Setsi sena boikemelo e leng, autonomy hore e-be Setsi seo joale se tla ikemela leha se ntse se ikarabella ho Mohlomphehi Letona le Khabane joalo. Joale ha se se se ikemetse ka tsamaiso joale ka ha se etsoa establish, Council e hlalositsoe ele ka stake holder. Joale se se se ikemetse ka taba ea tsamaiso ea lichelete, e se e ka ba Setsi se ka qosang le sona sa qosoa ka boikemelo.
Joale empa Mohlomphehi Letona le Khabane le tla be le ikarabella tabeng tsa thuto, e tla be e ntse e le ‘mesa-mohloane.
Ke tlatsa Mohlomphehi Letona ka litaba tsena tseo le li buileng, Ntate Vice-President.
Kea leboha
Question, that the Bill be Read for the Second Time proposed
HON. SENATOR M. MOHALE: Ntate Vice-President ke ne mpa ke re ke eme mona ho tlatsa litaba tsena tseo Letona le Khabane le li behileng ka koano.
Taba ea hore Lekala la Thuto le se le tl’o sebetsa le ikemetse, ke taba ea bohlokoa Ntate Vice-President haholo ha re tseba hore na Lekala leno le tobane le lintho tse thata hakae.
Har’a tse ling tsa lillo tsa rona e bile hore Lekala le ke le leke ho sebetsana le taba ea ho lokisetsa Curriculum, ea ho etsa review Curriculum molemong oa Basotho.
Ha re nke e tl’o ba monyetla oa hore Lekala le tla tseba hore le etse Curriculum e tla re thusa hore ngoana oa Mosotho ha a tsoa sekolong a tl’o tla…a ele sekolong lithuto tse tla mo thusa hore a tsebe ho sebetsana le litaba tse tla ntlafatsa Lesotho le ngoana oa Lesotho.
Ha ke na litaba tse ngata empa e le ho lebohela Lekala ka hore qetellong kamor’a lilemo tse ngata le tla tseba ho ikemela le tsebe ho bopa litaba tse tla ba molemong oa bana ba Basotho. Ke ema mona ke thoholetsa Letona ka tlhahiso ena. Kea leboha.
HON. SENATOR S. MOTSAMAI: Kea leboha hle Ntate Vice-President, Honourable Minister, Tafole le Litho tse Khabane.
Ke mpa ke ema feela ho etsa tlatsetso ka mokhoa oa ho beha monoana tabeng (emphasis). Ha re se re entse mokhoa, _re se re lumetse hore re batla ho matlafatsa mokhoa oa rona oa li-Assessment, taba eo e bohlokoa haholo hore re itjoetse hore re fana ka boipuso ba ‘nete (autonomy) ho Setsi sena, re theha litsi tse ngata haholo tseore reng li ikemetse, feela u fumane re li ts’oere joale ka ha eka re ts’oere pompong ea stock-sweet haeba lea e tseba.
Pompomong ena ke e momonoang feela ebe u nts’o ts’oere thupanyana, ebe nakong eo mathe a hao a utloang monate monga eona oa e hula.
Ha re beng le ‘nete ea hore litsi tsena re li etsa well resource to deliver their mandate, taba ena ke taba ea bohlokoa haholo hore re etse setsi se ikemetseng, feela oho! Executive fa setsi sena boikemelo ba sona, lumellang governing council, board tsena li etse mosebetsi oa tsona oo li ts’oanetseng ho o etsa.
Ha re tlohelleng ho etsa deploy batho re tsebe hore re e file boipuso, re ba file hore ba tsebe ho nts’a standard tse nepahetseng le bona ka quality assurance hobane ha re tl’o ba etsa issue the certificate, ka ‘nete certificate tseo li t’soanela hore hohle moo re eang teng ka tsona re tsebe hore re entse benchmarking e nepahetseng.
Rea tseba hore ha re ts’oere certificate tseno ke certificate tseo re ke keng ra tseba hore e mong oa bana ha ile a potela ka mono a tseba ho se etsa se se na mats’oao a nepahetseng. I think ke hona moo ke bonang eka taba ea rona e hona moo Morena oa Leribe.
Ha re faneng ka boipuso ba ‘nete, ha re faneng ka quality assurance e tsitsitseng, ha re ipeheng boemong re se ke ra theola li-standard tsa rona. Taba ena e bohlokoa haholo feela, e kholo joale ka ha ke chulo. Boipuso ba litsi tsena ha bo nepahale hobane re na le ho rata hore re ebe re ntse re li pota-pota kamor’ao, ha re ba lumelleng ba etse mosebetsi oa bona professionally.
Ba etse mosebetsi oa bona, ba be accountable moo ba behetsoeng teng hobane taba ena ka ‘nete e tla re fokolisa haholo. Re se re ts’aba ho bua ka litsi tseo re ntseng re re li ikemetse, li ikemetse on the law but functionally no, li ema tseleng moo khekhenene ho se na letho. Ke ne ke mpa ke re ka ‘nete ke mpe ke behe lintlha tsena as far as this Bill is concerned.
Kea leboha Ntate Vice-President.
HON. SENATOR J. A. MOTS’OENE: Kea leboha Mohlomphehi.
Ke mpa feela ke ema mona motho nakong eo Komiti e neng e lutse ha e le hantle litabeng tsena tsa li-stakeholder motho u ne u ka lakatsa hore u utloe maikutlo ho hlaha ka bohle ba amehang ka ho fapakana. Taba kholo ke taba ea theho ea setsi sena, ‘me ha re sheba litaba tsa tsamaiso ea thuto kahar’a naha ka mona esita le litaba tse ling, u tla fumana hore taba ena ea boikemelo ke qholotso e matla haholo.
Taba ena ke e bua hobane haeba re bua ka ntlafalo ea moruo ka hare ho naha ena, eba joale thuto ea rona ha se ea boleng, ho tla ts’oana leha re hamela letlapeng. Ke bua tjee hobane ha re sheba likolo tse teng kahar’a naha ka mona, tse ling ke tse ikemetseng, tse ling ke tsa likereke, tse ling ke tse oelang tlasa puso. Ke tle ke re har’a litaba tsena kaofela ha re thehile setsi sena hoja re ne re ka sebeletsa hore litsi tse kang tsena li ke li be le matla a ho itsamaisetsa litaba tsa tsona.
Ke bua tjee re na le litsi tse ngata haholo ka hare ho naha ka mona, feela joale ha gata they tend to be held in ransom ke Executive hobane joale litaba tse ling tsa tsona li tla etsa expose puso bohlasoeng bo teng ba tsamaiso ea puso kaha’ra naha. Haeba taba ena ea komisi ena e teng e ka ba takatso ea Ntlo ena e Khabane hore e se ke ea ba ka nako e ‘ngoe ho na le se shebiloeng ka nqane, ke bua joalo hobane ke re thuto ha e se na boleng ehlile re tla be re ntse re etsa melao e ka reng ena e le lefela-fela.
Sello se seng seo re se hlokometseng, bana ba ne ba kena likolo, ha ba kena likolo ho ile hoa tluoa ka leano lane thuto ea mahalahore na ngoana o pasitse kapa o feitse. Ho ne ho se na framework eo re reng re etse screen bana bana hore na efela ho hlokahala hore ba ka fetela sehlopheng se ka pejana moo ba tla tseba ho nts’etsa litsebo tsa bona pele. Joale empa ho latela tlhaloso eo re neng re e fumane ho batho ba amehang ke hore litaba tse kang tseo ha re ke re be le taba ea tataiso ea hore ngoana ha re mo kenya kahar’a litaba tsa thuto, e tle e re leha a feta ekaba ha ho hlokahale litaba tsane tseo re neng re li tseba ho tloha khale, moo re neng re tla emela hore litokomane li isoe Cambridge, li khutle ebe e le hona re tl’o tseba hore na motho o pasitse ka first class, second class or third class kapa GCE.
Etle ebe taba ea setsi sena se tla ba teng ho etsa mosebetsi o be bobebe le hore se fane ka mangolo ho ba ipabotseng.
Ka ho rialo ke re ke ema mona ke tlatsa hore Sets’oants’o sena sa Moloao se fete.
Kea leboha Mohlomphehi.
Question that this bill be read the second time and do pass, put and agreed to.
HON. SENATOR M. MOTSOASELE: Kea leboha, Mohlomphehi.
Ke ema mona ho sisinya hore Ntlo e ipope e le Komiti hang-hang.
Kea leboha.
Question that the House resolve itself into a committee, put and agreed to.
The House resolved itself into a Committee
HON. CHAIRPERSON: Litho tse Khabane, Ntlo e se e ipopile e le Komiti ‘me re se re le ka Komiting.
Mohlomphehi Letona le Khabane, ke tl’o kopa hore u tl’o re tataise ka Litemana tsena tsa Molao ka tsela eo ke tlang ho le tataisa ka eona.
Clauses 1-5
HON. SENATOR M. MOTSOASELE: Ha ke u lebohe hape Mohlomphehi Molula-Setulo,
Clause 1, e mpa e le hore na kamor’a hore e thehoe taba ena eo re ntseng re bua ka eona ea Assessment Council Act na e tla bitsoa eng. E tla bitsoa Assessment Council of Lesotho Bill, 2026 ka morao hore e tle e phatlalatsoe.
Clause 2, ke tlhaloso ea mantsoe ao ke nahanang hore u tla ntumella ha ke re ke lethathamo la tlhaloso ea mantsoe.
Re ka e feta kapa u batla ke kene ho ona?
Clause 3, ke theho ea Lekhotla lena kapa Assessment Council ena hore na e tla thehoa joang, ‘me the Council is a body corporate with perpetual succession, a common seal and is capable of _
So u n’o s’o itse re se kene ho tsona.
Clause 4, Seal and execution of documents, mona ke moo Lekhotla le seng le na le lets’oao la lona le ikemetseng hore mohlomong motho ha a le bona a tsebe hore lena lona ke lane la Assessment Council 2026, ‘me le litokomane tsa eona li tla be li na le seal ho ikhetholla.
Clause 5, Functions of the Council, mona ke hore na mosebetsi oa eona ke ofe. Ke ho theha litaba tsa lihlahlobo tabeng tsa thuto ea mathomo.
Kea kholoa ke qetile ntle le haeba u ne u ka lakatsa ke ‘ne ke hlalose ho feta moo, empa ke li otlile ka holimo joale ka ha u ne u re ke etse.
Ke sisinya hore Ntlo e amohele clause 1-5.
Kea leboha, Mohlomphehi.
Question proposed
HON. SENATOR S. MOTSAMAI: Ka ‘nete ebile ha ke kene le litabeng, ha ke tsebe haeba ke na le taba kapa ke tlhokomeliso, ke kopa ke cho joalo.
Honorable Minister o sebelitse seemo sa ho tloha Clause 1 a bua ka molomo oa hae a re 2026, feela mona re re 2025, Is it in order hore rona ba ntseng ba sebetsana le eona ebe ka ho gazette ka mane e tla itlhahisa ka lits’obotsi tsa eona empa rona ka mona lebitso la this Bill le hore na ha e tloha mona e ea hokae.
Mona clause 1 ho ngotsoe eona Assessment Council Act 2025.
Maobane re ne re khalemela Letona la Social Development mona, leile la khutla la tla, joale le mona re ntse re etsa khalemelo e ts’oanang ha re lule because it is the name of the Bill ka mokhoa oo e qalelletseng ho kena ka Ntlong ka eona. Taba ea hore na nakong eo le seng le etsa gazette le fetoha joang, it is another one, Letona_ le ka tseba ho it’sebeletsa ka mono.
So, e le hore rona re ts’oere ea 2026, ho ts’oana leha re sa etsa letho hee hobane ha se oa 2026 oo re o ts’oereng.
I submit to you on that one, Honourable Chairperson.
HON. CHAIRPERSON: Honourable Senator Motsamai, ke kopa hore re nke taba eo e le ho thella hoa leleme hobane le rona ke rona ba bakileng a lot of confusion ka hore re ngotse lintho tse peli. Ha u ka sheba Objects and Reasons e ngotsoe hampe. E se e fapana le the actual Bill, ha re sebetse ka ena e ka hare ho Bill.
HONOURABLE SENATOR S.K. MASUPHA: Ke re ke mpe ke thuse Mohlomphehi Molula-Setulo hore a se ke a tolokella Mohlomphehi Letona, e mpe ebe lona le itukisang. Ke batla ebe Letona le reng, ‘leleme le thelletse’. Ha ho cho uena Molula-setulo ke utloa u tla bo u re hlokela toka.
MR. CHAIRMAN: Ke ea e amohela Ntlha ea hau ea Tsamaiso Mohlomphehi. Feela ke ne ke nahana hore re ea thusanang.
Mohlomphehi Letona le Khabane, akere u ne u re Bill ke ea 2025?
HONOURABLE M. MOTSOASELE: Kea leboha Mohlomphehi.
Leleme ke ntho e thellang, ke kopa hore e shape fats’e. Ke ne ke bile ke sa hlokomela hore ke fositse selemo, empa ke ea ananela.
Kea leboha.
Clauses 1-5: Put and agreed to and ordered to stand part of the Bill.
MR. CHAIRMAN: Honourable Minister, re tataise ka Clauses 6-10.
HONOURABLE M. MOTSOASELE: Kea leboha Molula-Setulo.
Clause 6-10, mona re bua ka Composition ea Lekhotla le tla be le tsamaisa Assessment Council of Lesotho. Karolong ena ea pele, ke hore na Lekhotla le tl’o tla le tsamaisoa ke batho ba mofuta ofe.
Ka mofuta ke bolela boiphihlelo. Ba boele ba be le education assessment, knowledge and experience. Ke hona mono moo e leng ‘moko taba oa ho thehoa ha Body ena.
Re boetse hape re tla ba le Chief Executive Officer. Ke eona e tla be e le Governing Body, eo e leng Letona le tlang ho khetha Chairperson kamor’a hore ho thehoe Komiti ea Tsamaiso.
Ebe joale re ba le functions of the Governing Body. Ke Clause 7, e re bonts’ang hore na Functioning Body mesebetsi ea eona ke efe. Ka sehlohlolong ke hore, Governing Body e tla be e shebana le Tsamaiso le Boits’oaro litabeng tsa Council.
Re be le Clause 8, e leng vacation from the office. Ena ke nako eo hothoeng ba tla beng ba khethuoe ba felloa ke nako. Nako ke lilemo tse hlano motho a ntse a le ka ofising.
Disqualification from the office. Mona ke hore na ke tlasa maemo afe ao motho a ka fumanoang a tlameha hore a lokolloe ka ofising. Mohlomong e tla be e le motho ea seng a le kahar’a litaba tse ngata tsa insolvency, kapa motho ea seng a bonahala hore o hloleha ho etsa mosebetsi, mohlomong ka mabaka a bophelo, kapa khatello ea maikutlo. A se a sitoa hore a nke taolo e felletseng litabeng tsa tsamaiso ea Body ena.
Clause 10, e bua ka likopano tsa Governing Body. E tla lula ha ‘ne ka selemo, ka likotara tse ‘ne, e leng likhoeli tse tharo tsa selemo.
Ke ea sisinya, Mohlomphehi.
Question Proposed, that Clauses 6-10 ordered to stand part of the Bill.
HON.SENATOR DR T. LEBESE: Ntate Vice-President. Honourable Minister o ntse a li ts’oere hantle, I am impressed!
Ke mpa ke batla ho supa taba feela, ntate Molula-setulo oa Komiti hore ha re ne re kopane le Lekala and the Stake-Holders, ho ne ho ile ha eba le taba e ileng ea hlaha mona, in the establishment of the Governing Body. Ha u ne u sheba morethetho oa bona… ‘me re tlo leboha Lekala haholo le batho ba neng ba ngola Sets’oants’o sena sa Molao hore ba ile ba re thusa haholo, hobane they could for-see that ka taba ea representation.
Mona ha u sheba Composition ena, e re, ‘The person’, kaofela ha tsona li cho joalo, one proprietor.
Ntate Molula-setulo, u ne u bona ho na le khatello from certain stake-holders. Ba batla hore proprietors ba kenye palo ea peli ho isa borarong. Ke taba e se ntse e ts’oana ho Teachers formations or Unions. Bona ba se ntse ba na le taba ea bona ka lipalo-palo. Ho na le ba tsekang hore ba bang ba baholo ho feta ba bang.
Re se re kopa hore e tle e re ha Lekala le sebetsa litaba tsena ka regulations, taba ena e tle ebe exemplary. Ba hle ba e hlalose hore representation ea motho a le mong, ho ea ka Sets’oants’o sena sa Molao na e tla ba ea nang le lipalo tse ngata kapa e tla ba ea nang le representation e ngata, from their different associations.
Ke rialo hobane taba eo re ileng ra e ts’ohla haholo, ntate Molula-Setulo, e ne e le hore, if you increase this number joale o etsa batho ba 15, ha e tl’o sebetsa ka representation e joalo.
Re se re ipiletsa hape Mohlomphehi Letona le Khabane, joale ka ha ho suptjoa mona, le hore na e tla ba batho ba litsebo life, ka ‘nete e mpe ebe bona, e se ke ea eba cutter deploys. Ebe batho ba litsebo tsa lichelete, ba litaba tsa assessment joalo-joalo, ho bano ba tla khethoa ke Mohlomphehi Letona.
Kea leboha, ntate Molula-Setulo oa Komiti.
MR. CHAIRMAN: Rea leboha, Mohlomphehi oa ka.
Clause 6-10: Put and agreed to and ordered to stand part the Bill.
Clauses 11-24
HONOURABLE M. MOTSOASELE: Ha ke u lebohe Molula-Setulo.
Clause 11
E bua ka litsiane, allowances. Litsiane tsa Litho tsa Komiti ha li bile le tulo li tla etsoa ke Letona la Thuto le shebisane le Letona la Lichelete. Ke bona ba tla fana ka hore na litsiane tsa litulo tsa Likomiti e ba bokae.
Clause 12
E bua ka invitees. Body eane e tsamaisang ho ka ba le hore e kope thuso e tsoang ka ntle, hore ba ke ba tl’o ba matlafatsa. Mohlomong e le setsebi litabeng tsa bohlahlobi kapa litabeng tsa ts’ebetso ka kakaretso. E ka ba hore re hloka botsebi ba accounting officer hore e ke e tle e tl’o tla e thusa Body ena ka malebela. Ke bona batho ba ka mengoang ho tla re matlafatsa.
Clause 13
Functions of the Executive Officer. Ke mesebetsi ea Mookameli. Mosebetsi oa hae o ka holimo ke ho bona hore lihlahlobo li lokiselitsoe ka bokhabane selemo le selemo. Le ho bona hore lihlahlobo li phatlalatsoa ka nako. Ho bona hape hore Komiti e kholo e etsa mesebetsi ea eona ka ho nepahala.
Clause 15
Vacation of Office. Ho tsoa ha Mookameli kahar’a office. Ke ka mokhoa oa ho itokolla kapa a se a se na bokhoni ba ho tsamaisa Assessment Council of Lesotho.
Clause 16
Appointment and Remuneration of the Staff of the Council. Basebetsi ba Lekhotla ba tla hiroa ke Komiti ea Tsamaiso. Ho tla be ho ikhotsofalitsoe ke Komiti ea Tsamaiso hore ehlile batho bana ke batho ba nang le boiphihlelo, ‘me taba ea khiro ea bona e tla ba e nang le ponaletso. Joale empa batho ba ka tlase ba tla hiroa ke Mookameli oa Council, le eena a ikhotsofalitse hore efela e le batho ba nang le boiphihlelo ba seo ba se batlang.
Clause 17
Retirement of Staff. Motho a ka beha meja fats’e ha a le lilemo li 60, empa ha a rata ho itokolla kapele mosebetsing, a ka etsa joalo bonyane a le lilemo li 50.
Clause 18
Funds: Li tla ajoa ke Paramente, mohlomong le eona Council. Ba ka tsoa ka mekhoa e molaong ho ea ipatlela lichelete tse thusang Council.
Joale hape ba ka ipatlela le Sponsorship ha ba utloa ba na le tlhoko e joalo.
Clause 19
Expenditure of Revenue by the Governing Body: Mona ke ts’ebeliso ea lichelete tse tla sebelisoa mesebetsing ea mokhatlo.
Clause 20
Accounts and Audit. Libuka li tla hlahlojoa selemo le selemo. Tlhahlobo ea tsona e tla etsoa ke batho ba nang le boiphihlelo ba ho etsa libuka, li be li etsoe audit.
Clause 21
Annual Reports. Komiti ea Tsamaiso, Assessment Council of Lesotho, e tla fana ka Reports selemo le selemo, empa e se ke ea eba nako e fetang likhoeli tse 6 ba es’o etse joalo.
Clause 22
Examination Centers. Li tla khethoa ke Assessment Council of Lesotho ba ikhotsofalitse hore Setsi se joalo se nepahetse hore ebe e ka ba Setsi se ka ts’oarang lihlahlobo tsa sekolo. Hape ebe Setsi se ngolisitsoeng ka molao. Se be le lisebelisoa tse lekaneng hore mosebetsi oa ho etsa lihlahlobo o tsoele-pele hantle.
Clause 23
Examination and Assessment. Motho o tla lulela lihlahlobo tsena ka mokhoa o tla thathamisoa ke Lekhotla, ka hore na o kene kahar’a Lesotho Education Frame work. Kea kholoa eno ke taba ea Assessment ha e tl’o tla e etsoa, Mohlomphehi.
Clause 24
Offences. Litlolo tsa molao li se ntse li le teng kahar’a Schedule. Schedule ea tsona e tla ba attached litabeng tsena, Mohlomphehi.
Kea sisinya hore Ntlo e amohele Clauses tsena, Mohlomphehi.
Clauses 11-24: Proposed and ordered to stand part of the Bill
HON. SENATOR S. K. MASUPHA: Kea leboha, Mohlomphehi. Ke leboha le Letona la ka le ntseng le beha litaba tsa hae hantle.
Re ntse re ea hantle ka litaba tsena hona le taba e ‘ngoe eo ke e hlokometseng ho Clause 12 mona. Clause 12 mona moo ho nang le litsibi tse ka mengoang ho na le taba eo ke e bonang mona eo ke utloang ekare- ha ke tsebe haeba ho na le litlhaloso tseo Lekala le ileng la li beha hantle ha le se le le Komiting. E re:
“the governing body may invite an expert to attend its meeting for the purpose of assisting or advising it in respect of a matter under consideration, but the person shall not have a right to vote”
Ha u qala u mema setsibi feela ke ho bontša hore setsibi se mengoa hobane ho na le bothata tabeng e ‘ngoe e itseng, ‘me ke bona taba ena e behiloe ka mokhoa o bonolo haholo o fang Council ena hore e ka mema. Ke ne ke utloa ekare ke taba e ngotsoeng ha bobebe feela. Che, re se re tla bona ha e se e ntse e sebetsa mohlomong ba tla itlhahloba ba ipone hore na ba e behile hantle ha ba re, “e ka”!
‘N’a ke ne ke re ekare ho ka be hothoe Council e tla tlangoa hore e mamele boeletsi ba motho enoa, hobane motho enoa ke expert. Motho enoa ha ho qala hothoe ke expert feela ke utloa eka, Mohlomphehi, ke motho oa bohlokoa, a nang le litsebo, eo ebileng e le motho eo e kanna eaba o hlaha kantle. Ke eona taba eo ke e boneng hore kannete e batla e sa behoa hantle. che! Ha ke mpe ke re re tle re e behe tekong re bone hore na ebe e tla fela e nepahale.
Ke feta eno ke ea ho Clause 17 (b) ea eona, ena ea retirement. E bolela hore motho a ka etsa notice e ngoetsoeng ka boithaopo ba hae ho kopa ho phomola lipakeng tsa 50 years and 59 years, e le hobane eane e tlamang e le 60 years. Ke ipotsa hore na ena e tenne e beha lipalo tsena hoban’eng? Ke hobane ke ne ke utloa eka e batla e hanya-hanya litokelo tsa botho.
Motho o na le tokelo ea hore ha utloa ekare mona moo a ntseng a sebetsa teng a ka monyola ka hlooho a ne a qeta ho kena, joale a utloa ekare o se a sa khotsofala – empa taba ena ha e le mona e le sieo kahar’a Molao hore motho a ka tsamaea nako e ‘ngoe le ‘ngoe eo a utloang ekare a ka tsamaea, joale ha a se a peteletsoa o lokela a be 59 years ke bona eka o se a tl’o sebetsa ka bohlasoa, hobane joale motho eno ha a sana lerato la hore a nne a be kahar’a Council ena, o se a batla ho tsamaea, empa joale o thibeloa ke litemana tsa Molao.
Mohlomphehi Letona la ka, ka uena Mohlomphehi Molula-Setulo, ke utloa eka taba ena ha e ne e fa motho bolokolohi ba hore-hobane taba ha e qala e behoa ka har’a Molao feela motho eno ha a ka re oa kopa a re, “ke batla ho tsamaea” eba mohlomong o bo 40’s, joale o utloa ekaka, ache, ho na le ntho e ‘ngoe e nts’itisang ka mona, ke bona eka ha ke sa sebetsa hamonate – joale o se a tla penyelletsa feela hore a sebetse, ‘me ho sebetsa hono hoa hae, Mohlomphehi, ke ne ke utloa ekare ha hona ho mo fa hore a sebetse ka mokhoa o nepahetseng.
Ke utloa ekare ntlhanyana eno e ne eka taba ena ea Clause 17(b) ekabe e sa fuoa lilemo. Empa leha ho le joalo le eona ke sa ntsane ke re ha e ke e behoe tekong e tle e bonahale ha litaba li se li ntse li tsoelapele.
Kea e tlatsa taba ena hore Bill ena ha e ke e fete e il’o sebetsa, Mohlomphehi Molula-Setulo. Kea leboha.
HON. CHAIRPERSON: Kea leboha, Morena oa ka oa Lioli. U ile ua nthiba hoane hore ke se ke ka araba, empa lekhetlong lena ke utloile ekare ua ntoba. Ehlile u tobisa taba ho ‘na, kahoo ke tla e arabela.
Feela empa Mohlomphehi Letona o tla e arabela! Ha motho a itokolla mosebetsing pele a ba 50 years hothoe o etsa resign. O ntse a lumelletsoe hore a ka itokolla mosebetsing. That is called resignation, but ha a se a le 50-59 years o etsa lengolo hobane o etsa ntho eo ho thoeng ke early retirement. Empa pele o fihla ho 50 years boitokollo ba hau mosebetsing cannot be called early retirement; bo bitsoa resignation. E leng hore they are still free to leave but that is called resignation.
Mohlomphehi Letona le Khabane, ha ke tsebe na ebe u kaba le comment tabeng ena eo Mohlomphehi Morena oa ka oa Lioli a neng a bua ka eona?
HON. M. MOTSOASELE (Minister in Prime Minister’s Office on behalf of Minister of Education): Kea leboha, Molula-Setulo.
Kea kholoa Clause 17 (b) e re, “by a written notice voluntarily retire from the office between ages 50-59.” ‘me ke utloisisa hore ha motho a ntse a le mosebetsing a sebetsa ka bokhabane ebile a rata mosebetsi oa hae ho na le nako eo a ka ikutloang hore “joale ke khathetse” empa joale ha a le lilemo tsena tse mashome a mahlano (50) a ke ke a tlangoa hore ka molao, ‘re tla u sheba hore u etse retire ha u le 60 years’. U ka ikhethela ho tsamaea, ‘me ua ngola lengolo leo u itokollang.
Kea leboha, Mohlomphehi.
HON. SENATOR M. MOKHATHALI: Kea leboha, Ntate Molula-Setulo.
Le ‘na ke re nke ke behe a mabeli. Ke shebile the functions of the Chief Executive Officer,’mekannete ke bona e le mesebetsi e mengata, e metle. Holimo mane ke bone hore motho oa sebopeho seo ho lebelletsoe hore ka molao a be a khethiloe ka tsela e nang le ponaletso le toka, hape ebile ho tla be ho khethiloe eo e leng the best har’a ba bang.
Ha ke na pelaelo hore bana ba Basotho ba teng ba seng ba rutehile haholo, ba nang le litsebo tsa ho etsa mosebetsi ona o motle, bao ebileng ba ratang naha ena ba se nang bobolu. Ke hore ba e-s’o kang ba kena linthong tsa bobolu re e-s’o utloe. Thapeli eo motho u seng u ba le eona ha u sheba Molao ona ke hore kaha o tlabe a khethoa ke mosebetsi ono oa hore a tle a qetelle a kene ka ofising o tla be o ile oa etsoa ke that governing body e tla beng e ile ea khethoa.
Ekare Molimo a ka re thusa hore khethong ea bona batho bao ba tla beng ba khethiloe ke Letona, oh! E tle e be boralipolotiki bane ba tla be ba ile ba emella ka thokonyana hanyane, hobane joale re e bone le hona li-board moo, moo re neng re nahana hore ho tl’o etsoa mosebetsi, ho etsetsoa sechaba mosebetsi oa bohlokoa o holisang naha le batho, ho li-board mona e le moo ho etsoang compensate batho ba hlotsoeng ke likhetho. Ke hore u fumane ha ‘Muso o ba teng o se o qamakile batho bohle ba ba bona ba hlotsoeng ke likhetho ba se nang le litsebo tsa ho tsamaisa li-board tse joalo. Ho se ntse ho thathamisitsoe mono hore na kahar’a governing body ebe e le batho ba joang, feela ha ho be joalo.
Kannete melao eona e metle kahar’a naha ena rea e bona, feela re mpa re qakehile re le naha ke boitšunyatšunyo ba bo ralipolotiki linthong tsa bohlokoa tsa sechaba. Re se re mpa re rapela Molimo hore le hona moo kannete ho tle ho khethoe ka hobane ke thuto ea bana ba rona, ‘me thuto ke ntho ea bohlokoa haholo e lokelang ho ts’oaroa ka makhethe e sena maphemphe, hobane e re etsetsa bokamoso hore Lesotho le tle le ‘ne le tsoelepele le hole linthong tsohle tseo re li etsang. Kannete rea rapela Molimo a tle a mpe a re thuse boralipolotiki ba se ke ba patala batho ba bona ka ho bakenya li-board.
Kea leboha.
Clause 11-24: put and agreed to and ordered to stand part of the Bill.
Clause 25-30
HON. M. MOTSOASELE: Ha ke boele ke u lebohe, Ntate Molula-Setulo.
Clause 25
Privileged and information.
Mohlomphehi Molula-Setulo, taba ena e bolela hore litaba tse tse amanang le litlhlahlobo tsa bana ba sekolo li bolokoe e le lekunutu, ho se ke hoa fumanoa li se li ntse li le matsohong a bana ba sekolo kapa li se li fumaneha sechabeng mona pele lihlahlobo li ngoloa. Haeba maemo a joalo a ka bonahala a le teng lipatlisiso tse tebileng tsa molao li tla etsoa.
Clause 26
Property and assets.
Mona Clause 26 e bolela hore thepa eohle, mohlomong e le ea ECOL joalokaha e le eona e ntseng e le teng, e se etlaba thepa ea body ena – e leng Assessment Council of Lesotho.
Clause 27
Transition.
Phallo basebetsing ho ea ho Council. Hang-hang ha re qeta hore re etse Bill ena, ‘me eba Gazette, batho bohle ba ntseng ba sebetsa tlas’a boemo bona bo teng e se e tlaba hore ba tla ea ka Council.
Clause 28
Ministerial intervention.
Ka mohlomong ho ka ba le thunthetso ea molao ona kapa ho se tšoare lichelete hantle, joale ke moo Letona le ka batlang litsibi ho mo eletsa hore na ha litaba li se li le tjena ho nkoa bohato bo feng.
Clause 29
Regulations.
Ke melaoana ea tsamaiso. Letona le tla etsa li-regulation tse bontšang hore na Act ena e kena kapele ts’ebetsong hakae.
Clause 30
Repeals and savings.
Molao oa 1986 oa hlakoloa o nkeloa ke ona oa Examination Council of Lesotho, 2025 sebaka.
Ka hona Mohlomphehi, kea sisinya ebile ke kopa Ntlo e amohele li-Section tsena tseo ke qetang ho li bala. Kea leboha.
Question proposed.
HON. SENATOR DR. T. LEBESE: Kea leboha ntate Molula-Setulo, ke ne mpa ke re mohlomong motho u ka ts’oahela feela ho ena ea ‘The Privileged Information’, che, ena e ‘ngoe e tla ba taba ea ho thoholetsa litaba tse ling mona, le ena ea ‘Repeal’.
Empa ke ne ke re ena ea ‘Privileged Information, the Examination Council of Lesotho, e ile ea e sebetsa ka nako e telele haholo, ke hore e se e kaba boipiletso feela hore baheso ha li taba li le teng tse amang likolo, tseo e bang mohlomong ka mantsoe a bobebe, ho ka thoe li qopilitse kapa hona le bana ba qopilitseng.
Taba ena ‘na ke e bone e khina-khina ts’ebetso haholo ‘me e ama le batsoali ka tsela e negative haholo, ke hore ke boipiletso hore haele mona joale le tlaba le Bill, ha re etsa re repeal li-Regulation tsena tsa 1986, re ke re tiise haholo mono hore, li-investigation tsa rona, ka ‘nete li ke li be time-framed haholo.
Tiehiso e ee be teng mona ke hore sepheto sa LGCSE haeba se ea tsoa khoeling ea bobeli, joale ho na le manyofo-nyofo a belaeloang hore a bile teng li-Examination tse joalo, taba eno e khina barutoana bano kaofela ka ha sekolo seno se behoa on hold, joale e etsa tiehiso le ho be bang ha ba kenella manyofo-nyofong ano. Boipiletso ba ka, ke hore Hon, Minister since now we are going to repeal the Regulations tsena tsa 1986, and we indeed, accept New Regulations tse tl’o tla li tsamaisa Molao ona.
Taba ena e kene e le time-framed hore ba amehang litabeng tseo, ba behelloe ka thoko, empa re lumele bana ba sebelitseng ka thata, ba pasitseng hore re ba lokolle ‘me re lokolle sephetho sa bona hobane taba ena e ba ama negatively. Re ile ra bale li-Case mona, tsa bana ba bang bao ba neng ba le suicidal, simple because li-Result tsa bona they were on hold empa e se ka phoso ea bona, empa ele ka phoso ea ba ba neng ba amahangoa le litaba tsena.
Empa ena ea ‘Transition’ kea kholoa ke ea 27, ka ‘nete re e thoholetse haholo Ntate Molula-Setulo. Ke hore hangata haholo ha re e ba le li-transitional Bill, u tla fumana hore joale ho na le batho ba bang, ba tlamehang ho qala qalong. Ho thoe batho ba etse express hore na ba ntse ba batla hoba karolo ea that Council kapa che, empa taba ena e keneng kahare ho Molao ona, nakong eo re etsang transit bohle kaofela we transit with them, e tla ba thusa haholo.
Boipiletso feela ese ka ea eba ho ena ea Repealing the Regulations tsena tsa 1986. Taba ena e tlamehile ho etsahala hang-hang, haeba feela Mohlomphehi Letona le Khabane le batla hore Molao ona o kene ts’ebetsong kapelenyana, kaha joale re tlo tlosa tsane tsa 1986, oa utloa le tl’a be se le sala le sena letho, ‘me hoa utloahala re tlameha ho potlakela li-Regulation tsa 2026 hore li tle li be teng, the soonest. Karolo ea rona Ntate Molula-Setulo, rona re e entse haeba Sets’oantso sena sa Molao se kene mona khoeling ea bobeli, empa khoeling ea bohlano, ea bots’elela rea se fetisa. Ho ntse ho utloahala ho lona he Bahlomphehi hore le tla etsa kapele haholo hore li-Regulation li tle li be teng, e le ho le lumella hore li le tle le sebetse.
Kea leboha.
HON. SENATOR S. K. MASUPHA: Kea leboha hle, Molula-Setulo
ke mpa le ‘na ke rata ho lahlela mona Clause 25. Ke ‘nete ho na le lipehelo tsa litlolo tsa molao, tse entsoeng tabeng ena joalokaha Mohlomphehi setho sa haeso Dr. Lebese a se a boletse ehlile taba ena, e-na le hore e sitise bana ho ka ithuta ka mokhoa o nepahetseng.
U buile ka nepo hore bana ba bang ba qetelle ba ipolaile, ka lebaka lena le ileng la bakoa ka boomo ke motho a entseng bokhopo ba hore a nyarela ka mane joale a utsoe tse ling tsa lihlahlobo. Likarabo ebe oa tsamaea, o li rekisa molemong oa ho ithuhisa hoa hae.
Ke ‘nete molao o teng, feela ke se ke kopa hore e se e ka Mohlomphehi Letona la ka, Council ena e il’o qala ho sebetsa kamor’a hore re e fetise, e il’o ba molao ‘me e be e phatlalatsoe ka molao ka mokhoa o potlakileng.
Ke se ke mpa ke ka ipiletsa hore le haeba ke ntho e bang e ne e ntse e sa etsahale, ha ke tsebe hobane ha ke eo kahar’a Lekala lena la Thuto. Ke mpa ke re feela, e ka ho ka qaloa hore joalokaha ke tseba hore Centre e Khubetsoana, e sebakeng se le seng. Ha ho ne ho ka etsahala hore hona ka mono, ho be le kamore e tla notleloa, eo linotlolo tsa eona li tla ts’oaroa ke batho ba fapaneng nakong ena eo ho qetoang ho lokisetsoa ho ngoloa ha lihlahlobo.
Joale hee, eba ho emetsoe joale hore nako eno e fihle, e le hore letsatsing lane leo bana ba lulang, ho bo etsoa ntho e phatlalletseng, e tla ba le transparency ea hore tsatsing lena, sephetho sea nts’oa, ho bo ho bitsoe le baphatlalatsi bana ba eeng ba ithehelle ka litaba tse ngata tse etsahalang, hore le bona ba be teng hore tsatsing leo ho tl’o phungoa, ho tl’o buloa ka moo lihlahlobo li etsetsoang ka teng.
E tla be e le Lekhetlo la ho qala ho phungoa Seal eno. Ka hona Mohlomphehi, le ‘na ke se ke khothaletsa litaba tsena hore li fetisoe e le hore re eo bona hore na Lefapha lena, ha le se le ikemetse na e be le ka se sebetsa ka toka na? ‘Me kea ts’ehetsa hore litaba tsena Letona, li sebetsoe ka pele, li fetisoe hobane li se li siuoe ke nako haholo. Lihlahlobo ke tsena re se re li shebela haufiyane!
Kea leboha.
HON. SENATOR M. MOKHATHALI: Kea leboha Ntate Chair!
‘Ne ke bua feela ka Clause 25. E bua ka privileged information. Kea bona hore ka ‘nete Council ena e tlameha ho ba le batho ba boiphihlelo. Hase motho e mong le e mong, a tsebang ho boloka lekunutu. Ehlile taba ena e hloka batho ba boiphihlelo ba tsejoang.
E leng ho re e lokela ho ba batho ba bohlokoa. Joale ha ke tsebe hore na tlhatlhobo eno, e batho ba e bitsang ‘vetting’ e be e tla be e entsoe kae hoba ka ‘nete maikutlo a ka, e ne e ka mpa eaba hore ha ho khethoa batho ba il’o sebetsa ho Council, ho ke ho shejoe batho kapa ho hlokomeloe hore ho se khethoe batho ba hloloang ke khera.
Batho bano, ha ba na lekunutu! Ha ba se ba bo jele, ba li bua kaofela le tse ba tlamehang hore ba li boloke. Ka ‘nete Karolo ena e neng ka eletsa Lekala ke hore ho tl’o shejoe taba ea khera le eona e kenelle le har’a lintho tse tlang ho shejoa. Batho ba khera ha bana lekunutu. Kea leboha.
Clauses 25-30:
Question put and agreed to.
Schedule
The House Resolved itself into a Committee henceforth:
HON. MIN. M. MOTSOASELE: Ke u hlomphe Molula-Setulo
Schedule of Offences tsena, ke Section 24 moo re reng: ‘any person’, ke Clause 1 ea teng e re, ‘motho o fe kapa o fe ea ka lulelang Public Examination Assessment, or contrary to the other of level articulated in Lesotho Qualifications framework’ ho thoe a ka e lulela ntle lea ileng; ‘except by prior written authorization issued by Council’.
E bolela hore mona, moo re buang ka li offence, ha re ka akaretsa kaofela e bolela feela hore ke litlolo tsa molao tse kang ho qopitsa, e leng tlolo ea molao le ho qopiletsana ke tsona li-Offence ka mona ka ho Schedule, e leng Section 24.
Kea leboha, ke kopa Ntlo e ananele Schedule sena, haholo holim’a ntlha ea li-Offence, ea Section 24.
Question proposed.
HON. SENATOR S. K. MASUPHA: Kea kholoa taba eaka e khuts’oane. Ke Likotlo ka botsona, ka mokhoa o li beuoeng ka teng. Ke bona e ka, kea kholoa ke ntho e qalang. Ha ba ka ba tiisa hakaalo feela, ba sa hlokomela hore taba ena ea thuto ea bana e bohlokoa haholo, hoo e tlamehang hore e ts’ose motho.
E be Kotlo e ts’osang motho. A bone hore akanna a ea teronkong ea bophelo ba hae kaofela. Taba ehlile e le hobane ho senya thuto ea ngoana kapa morutoana, hase ntho e nyane. Ke hore eno, e ts’oana le ho boloea motho hobane e tla be e khinne motho hore a utloe bohloko ka lebaka feela la bosaoana bo motho a bo entseng.
Ke ne ke utloa eka likotlo tsena tse beuoeng li nyane haholo. Ke ho re le eona ke sa re mohlomong re sa ntsane re li beha tekong. Li tla bonahala ha ‘mela o nts’o puta hore na ebe li tla be li lekane na? Feela hee, ke utloa ke belaela hore li ne li tlameha hore bonyane li ise ho bo M25 000, M30 000, ele hore motho a ts’ohe ebile kotlo eo e tsamaea le teronko ea bophelo ba hao kaofela, e le hobane e hlile taba eo e ts’oana le ho bolaea motho ka mokhoa o ipatileng.
Ke se ke mpa ke re, ke eona feela ntho eo ke neng ke e lahlela, ke re e se eka taba ena, e ka phethahala. Ka ‘nete tabeng eane, ea li- Regulation, ke ne ke khothaletsa hore ha Letona le etsa li-Regulation; le ke le nyarele taba eo ea likahlolo. E leng ho re haeba motho a ka fumana hore u entse ketso e mpe, ebile a shebahala a entse ka boomo, moo ho li-Regulation e boele e eketse Kotlo eno. Ke hona moo Letona le nang le matla a hore le ka boetse la ntlafatsa Likahlolo tseno. Kea leboha Mohlomphehi, Molao ona ha o fete, o il’o sebeletsa sechaba.
Question put and agreed to.
The House resumed.
MR. VICE-PRESIDENT: Re khutletse ka Ntlong Litho tse Khabane, rea leboha ka mosebetsi ono o entsoeng ka Komiting, mosebetsi o bileng motle haholo ruri.
Re tsoile ka Komiting ka mono Sets’oants’osena sa Molao se khutla se se na any amendments. E leng hore ha rea etsa liphetoho tsa letho ho sona, ‘me ruri re leboha haholo ka mosebetsi ono o motle oo le o entseng, Litho tse Khabane.
Mohlomphehi Letona, re kopa ho re u tl’o re tataise ka Palo ea Boraro ea Sets’oants’o sena sa Molao.
HON. M. MOTSOASELE: Kea leboha Mr. Vice-President.
Ke mpe ke re ke kopela hore Sets’oants’o sena se baloe Lekhetlo la Boraro, se be se fete hang-hang.
Question Put and agreed to
Third Reading
Bill
Assessment Council of Lesotho Bill, 2026
HON. M. MOTSOASELE: (ON BEHALF OF THE MINISTER OF EDUCATION): Ha ke u lebohe, Honourable Vice-President.
Ha ke phutha liqola tsa kobo ea ka kanete ke re ke leboha batho bohle ba kentseng letsoho tabeng ea khaho ea Bill ena.
Ke mpe ke lebohe haholo Mokhatlo oa Litichere, ke lebohe le bona Bohlanka bo kentseng letsoho litabeng tsena. Ke le lebohe hle le Litho tsa Ntlo ena ea Senate, empa ka ho fetisisa ke lebohe Komiti ea Molao, eo ke hlokomelang hantle hore e ile ea ba le boimamelo bo phethahetseng ha e bopa Sets’oants’o senasa Molao
Kahona, Mohlomphehi, ke leboha bohle.
Kea leboha.
HON. SENATOR S. MOTSAMAI: Ke lebohe hle, Ntate Vice-President, Honourable Minister, Tafole, Litho tse Khabane.
Ke ema mona kanete e le ho tlatsa Honourable Minister ka litaba tsena tsa Bill ena hore e fete, ‘me ba tsamaee ba il’o sebeletsa sechaba sa Basotho.
Ntho e kholo-kholo, Bahlomphehi ba ka, ke hore taba ena e re thusa haholo-holo in terms of hore na re rata hore systems tsa rona e tle ebe tse etsoang guide ke what kind of leadership, e tlang ho re thusa ho ea pele.
Ka’nete ke ba lebohe ka team eo ba nang le eona e re thusitseng ho etsa mosebetsi ona, le bohle kaofela Stakeholders, ho tloha ka beng ba likolo, mekhatlo ea basebetsi, ekasitana le ba bang ba relevant.
Taba ena e mpe e il’o sebetsa ‘me e sebetsoe ka boitlhompho le ho e fa credibility and legitimacy eo e e hlokoang. Taba ea bohlokoa haholo ke ho etsa transit ka Staff seno seo ba nang le sona, seo e leng tumelo ea rona hore li-Skill and Knowledge eo esaleng ba ntse ba e haha, ebileng e le part of ts’ebetso ena, ba tla tsoela-pele joale tlas’a new leadership ba tsebe ho e ts’ehetsa le eona, ba etse mosebetsi ka makhethe.
Kea tlatsa, Ntate.
Question Proposed
HON. SENATOR S.B. SEEISO: Ntate Vice-President, Ntate ha ke lakatse ho senya moelelo oa litaba tse seng li tekuoe ke Honourable Minister, under your stewardship, le Tafole ea hau ka bokhabane, Litho tse Khabane.
Ke mpa feela ke eketsa le ho – mohlomong ho phephetsa Letona le Khabane eseng hampe, empa I wish to put before her that taba ena eo a qeteng ho e teka, rea e amohela, e leng ea bohlokoa, it provokes even deeper thought examination of our Education system as a whole. Ke belaela hore Ntate Lebese is my good conspirator tabeng ena eo ke tl’o tla ke e bua. We are leading to examine boleng ba thuto ea rona Lesotho mona hobane ke re maybe some of the frustrations that we see in our youth, is the fact that our Curriculum is not in tune or does not entitle them with the development not only virtually or globally, I suspect.
Joale once they leave High School, once they leave Tertiary Lesotho mona, they are confronted with having to be re-accessed because our qualifications level is not recognized internationally.
Phephetso eo ke reng ho ‘M’e Letona le Moifo oa hae ke hore 60 years of our Independence now, Lesotho should be standing moo le ka tsebang hore ngoana oa Mosotho ha a tloha High School Lesotho mona, ha a ea Wits University ha a na hloka hore a etse bridge.
Ha a tloha mona a ea UCT, se ke bua ka tsena tse haufinyane, ha a hloke hore a be le a whole year or two ho nts’o ho thoe o etsa bridge. We are talking 60 years of our independence, so ‘M’e Letona qholotso eo ‘na ke e utloang kapa ke e bonang, ke hore ruri re amohela re bile re aka taba ena eo u e behang hona joale.
E se e hlalositsoe hore na e na le likateng life empa ho ‘na it then takes me to then next level hore na hantle does it cover the whole educational package country wide, hobane haeba e sa etse joalo, ho ‘na Ntate Motsamai it’s like a dark tape on the system e kulang.
We need to get into the heart and soul of our education system and examine to an extent that we know that whatever is being put through or the children being put through at the end of the day, Ntate Vice-President, ngoana eno a ka ema shoulder to shoulder le oa South Africa, Kenya, The US, or even Japan, a sa hloke hore ebe o nts’a re ‘I am supplementing certain things’.
Ke mokhoa ona ke re’ng, Ntate, I don’t wish to belitle this element empa ho ‘na e qholotsa taba eno Ntate Lebese hore why we are talking about what we just passed. Have we real ly gone deep into the well of examination hore na thuto ea rona, boleng ba thuto ea rona le botebo ba thuto ea rona in the 60 years of our independence na e fa ngoana oa Mosotho boikemelo le boits’epo ba hore joale ha a tsoela ka ntle ha a na ho hlokoa hona le hoane, a boela a senya nako ea selemo kapa tse peli ho ntse ho thoe o nts’a fuoa borokho ba maoto hore a ts’elele ka nqane.
Ntate Vice- President, ke khutlela mane moo u mpehileng hore nka lula teng, empa ha nakonyana ke re, Letona le Khabane, ‘M’e rea leboha e se eka what we have just passed, whoever is given the responsibility to sit in those offices may have the conviction of working for this Country.
‘M’e, Setho se Khabane se se buile hore e se eka the pollution of politics can be washed out of those offices hobane mono re hloka ho lokisa naha ena ka thuto e hlakileng, e hloekileng, e se nang hore na joale bana ke ba mang, ke bo mang joalo, joalo.
With those few words ke kopa ho re kea leboha, Ntate.
MR. VICE-PRESIDENT: Re lebohile haholo Morena oa ka.
Litaba tseno tseo u li behileng, tse kholo, tse bileng li leng bohlokoa haholo ruri, I just hope hore Mohlomphehi Letona le Khabane le bohlanka bona ba office ena e ncha eo ke e nkang e tl’o ba office e ncha ba utloile litaba tseno tsa hau hantle and ba tla lula ba li hopola kamehla. Ha ba ka ba lula ba li hopola ba tla etsa mosebetsi hantle.
Question put and agreed to
The Bill accordingly read the Third Time and passed.
HON. SENATOR S.K. MASUPHA: Ntlha ea tsamaiso, Mohlomphehi. Ka boikokobetso Ntlha eo ke kopang hore ke hlahe ka eona ke ho re kea bona hore nako ke ena – ke utloa ho thoe Next Item, kea ipotsa hore na ebe e tl’o nka nako e kae.
Ke ne ke etsa ts’itsinyo ea hore – ‘me kea lumela hore Litho tsa h’eso li tla nthusa, ke kopa ho eketsoe nako ho fihlela taba ena eo re tlang ho eona e felile, Mohlomphehi, haholo hobane joale re batla ho koala – ha re koala re se ke ‘ne ra hetla morao, Mohlomphehi.
Kea leboha.
MR. VICE-PRESIDENT- Rea leboha.
Morena oa ka oa Lioli o ne a sisinya hore in terms of Standing Order No. 16 re mpe re qetele bohashana bona bo setseng. Ke bone eka Set’soants’o sena sa Molao ke maqephe a mararo feela. Ho tloha mono ebe re se re kena mothating oa ho qetela.
Question that Standing Order No. 16 (5) be suspended, put and agreed to
MR. VICE-PRESIDENT: Next Item, Mr. Clerk.
BILL
National Assembly Electoral (Amendment) BILL, 2026
Second Reading
HON. M. MOTSOASELE (0N BEHALF OF THE MINISTER OF EDUCATION): Mohlomphehi, ke ema mona ke sisinya hore Sets’oants’o sena sa Molao se baloe Lekhetlo la Bobeli.
Mohlomphehi, ha ke tsoela-pele ka bokhuts’oanyane feela ho hlahlatha litaba tsa Bill ena, ke hore ho leka hore ho shejoe taba ea ngoliso ea bakhethi, mohlomong le ho sheba sesiu sa nako e fetileng hore se hloekisoe. Joale empa ea bohlokoa ke hore na bakhethi e tla ba batho ba mofuta ofe.
E tla ba batho ba nang le litokomane tse nepahetseng, e leng li-ID kapa ho pakang e le ka ‘nete hore motho enoa o na le tokelo a ka ngolisoa e le mokhethi.
Kea leboha, Mohlomphehi.
Ka hona kea sisinya hore Ntlo ena e amohele Bill ena hang-hang.
HON. SENATOR MOTSAMAI: Kea leboha Ntate Vice-President.
Ka ‘nete ke ema mona ke tlatsa Honourable Minister hore Bill ena ea rona ea National Assembly Electoral Amendment 2026 e ts’ohloe e kene tabeng.
Kea leboha Ntate.
Question Put and agreed to
HON. M. MOTSOASELE (MINISTER in the PRIME MINISTER’S OFFICE): I propose that the House resolves itself into a Committee on the Bill forthwith.
Question Put and agreed to
(In the Committee)
Clause 1-4.
HON. M. MOTSOASELE: Kea leboha Molula-Setulo, ke mpe ke qale mona moo re tla re feela
Clause 1.
Ke hore Act ena e tla tsejoa e le National Electoral Act 2026 ‘me e tla kena ts’ebetsong hang kamor’a hore e phatlalatsoe ho Gazette.
Clause 2.
Ke Electoral register. Re etsa ts’isinyo ea hore The National Assembly Electoral Act 2011 e neng e etsoa refer to as Principal Law e lokisoe ka Sehlomathiso ka hore ha ho sa na Principal Law but ke Electors’ Register.
Clause 3.
Amendment of section 4 Obligations to Register as an Elector. Mona re se re tl’o shebana le hore na re tlosa heading re kenya mantsoe ane a seng a re registration as an elector kaha e se e le eona hlooho moo ho neng ho na le registration, moo e neng e bua ka principal law
Clause 4.
Insertion of new section, the Principal Law is amended by inserting the following new sections after section 4. Re re 4a ea eona Commissioner a ka etsa register batho ba nang le hona hore kapa ba etsang qualify e le baahi ba naha le ba bang ba linaheng tse ling ba le ka ntle ho Naha feela e le baahi kapa matsoalla a naha.
Kea sisinya, Mohlomphehi.
Clause 1-4: Agreed to and ordered to stand part of the Bill.
Clauses 5 – 8.
HON. M. MOTSOASELE: Kea leboha, Molula-Setulo. Clause 5 ke eo sehlooho sa eona se buang ka ‘Amendment of Section 6: Application for registration’. E tsoela pele e re:
“Principal Law is amended in sub-section (1), by deleting Paragraph © (i) and (ii) and substituting the following…”
Mona ho mpa ho boleloa hore li-national ID e tla ba tsona bopaki bo hlakileng ba hore motho a ka ngolisetsa likhetho kapa a ba teng ka har’a sesiu sa IEC.
Ka mokhoa o ts’oanang motho eo ebang o na le birth certificate e nang le ID number, ho ka etsoa bonnete hore nomoro eno e hlahang mono ea ID ke eona, ‘me motho eo a ka ngolisetsa likhetho.
Clause 6 sehlooho sa eona se bua ka ‘Amendment of Section 19: Death of an elector. E re:
“Section 19 of the Principal Law is amended by deleting sub-section (1) and substituting with the following…”
Moo motho a hlokahalang, Morena kapa Ramotse karolong ea mono moo a phelang teng, e re ‘…shall inform the Director of the Elections of the death when so required by Director of Elections’. Mona rea utloa hore ho na le batho ba nang le matla a hore e be bona ba tsebisang Director of Elections ka lefu la motho eo.
Clause 7 ‘Amendment of Section 82: Who can vote during elections’. “Section 82 of the Principal Law is amended in sub-section 2© by inserting ‘National Identity Card’ before the words ‘a passport’.
Clause 8 ‘Amendment of Section 83: Where an elector may vote’. “Section 83 of the Principal Law is amended in sub-section (2) at Paragraph (a) by inserting the words “an agent” between the words “an electoral officer” and the words “Police Officer”.
Ka mantsoe ana, Mohlomphehi, ke sisinya hore Litemana tsena li eme e le Karolo ea Sets’oants’o sena sa Molao.
Clauses 5 – 8: Question, that Clauses 5 – 8 stand part of the Bill, proposed.
HON. SENATOR S. MOTSAMAI: Kea leboha, Mohlomphehi, Letona le Khabane le lona Litho tse Khabane. Ke mpa ke ema mona ho bonts’a bohlokoa ba Sehlomathiso sena tseleng eo re sebetsang ka eona.
Mohlomphehi, u tla lumellana le ‘na hore lipalo-palo tsa batho bao re neng re nka ba ngolisitse, ho na le pelaelo e kholo ea hore they were over stated; ke ho re li ne li le holimo haholo. Mona ke belaela hore ho batho ba nang le maikutlo ano taba ena e tl’o re thusa ho tla ka lipalo tse nepahetseng.
Ho se hloekise lenane khafetsa – taba ena u tla e bona, hobane ka 2012 re ne re na le 1.1 million voters ka sesiung, eaba ka nako eno re lumela hore ho ile ha khetha 50%. Ka 2015 ra nyoloha ka lenaneng, eaba 1.2 million, empa ho bane ba khethileng teng ra ba le 47% e le batho bao re reng ba khethile. Ka mona rea nyoloha, ka mona rea theoha. Ka 2017 ra ‘na ra ba le 1.25 million, hoa khethoa 46.8%. 2022 ra re bakhethi ba etsa 1.3 million, empa joale ka ho khetheng ra ba le 37%.
E leng ho re ntho ena ea in-balance ena ea hore re ntse re ea tjena, rea belaela hore ehlile Sehlomathiso sena e tla ba pheko tabeng ena hore ha ho ngolise batho ba tla ba teng, ba nang le thahasello, ba futhumaletsoeng ke ho re ba na le moea oa likhetho.
Ho na le element e ‘ngoe ea bohlokoa haholo ha u e sheba. Ha re nke bona bana bao re reng ba khethile – those who went there and cast their vote lipakeng tsa 2017 le 2022 – phapano ea lipalo tseno ke ntho e ka etsang 9%. Mona re bala ba hlileng ba ileng, re se re sa its’etlehe ka hore na re na le’ng.
9% ena ka lipalong tsa rona e tla re fa 123,000 voters bao re reng ha ba ea likhethong. Ke tena ke hlahisa ena, hobane ke re leha re ka ra tla ka Sehlomathiso sena ho na le mosebetsi o matla oo re ts’oanelang hore re il’o o etsa, moo re il’o lelekisana le bana ba 1,2,3, hobane bona re se re ipapisa le hore mane ho ile hoa khetha ba ba kana ha mona ho khethile ba ba kana. E leng ho re mona re bua ka the real numbers now.
E leng ho re, Komisi e Ikemetseng ea Likhetho, se ke la robalang. Political parties se ka robalang, ha re il’o tsitsinyang bakhethi bana, hobane joale hona tjena kaha e se ele boithaopo…
HON. SENATOR S.B. SEEISO: Mekhatlo e Ikemetseng se ke la robalang…
HON. SENATOR S. MOTSAMAI: Ae, bona ba sebelisoa ke IEC joale, the principal…
[laughter]
E leng hore ta ba ena e re ho rona, Honourable Minister, IEC ha e il’o etsa mosebetsi o sehlahlo oa persuasion, civic voter education. Ha e il’o etsa o sehlahlo o susumetsang hore motho enoa lehaeba a ntse a na le choice ea hore a ka ngolisa kapa a ka se ngolise, feela a fumane mochofane o mo etsang hore a ee, hobane democracy re se re khethile hore re il’o phela ka eona.
Ke mpa ke re beyond this Amendment joale ho hlokahala efforts tsa hore joale re tsebe ho tla ka tsona.
E tla ba bo-mali-mabe ha eka eare ha re qeta ho khetha ra fumana re etsa ‘muso o tlaase lipalong. Legitimacy of that government will be questionable ha re e etsa joalo. So, mona ‘na ke ne mpa ke cho joalo ke etsa hore re sisinye taba ena.
Ea bohlokoa hape ke ea hore, yes, IEC e sebetsa le li-stake holder tse ngata, ‘me tse primary ke bona batho bana bao re reng e tla ba mebuso. Ha ba thusoe batho bana hore ba mpe ba tsamaee ba ee sechabeng. Le bona feela ka molaetsa oa bona hore ho betere kapa ho ka ba molemo hore ha ba le 47 ba le joalo – feela ha e mong e le e mong a ka tla a na le khala ea hae, a na le batho ba hae ba 2,000 e mong eena a na le bane ba 200,000 – feela ba tle le bona, e mpe ebe ho matlafatsa puso ea rona, hobane ha ho na moo re ka bang ra ea, Bahlomphehi, re se re itjoetsitse hore naha ena e tla tsamaisoa ke mekha le makhotla a lipolotiki. Ha ba thusoe hore ba be sehlahlo ba tlise li-vote re tsebe ho ea pele.
Ka ho cho joalo ke ne ke rata hore ke li behe hakaalo, ‘me ke li siee selatsa hore beyond this Amendment, ha re il’o bang le intervention e matla e tla susumetsa sechaba.
Kea leboha.
HON. SENATOR S.K. MASUPHA: Kea leboha, hle, Mohlomphehi Molula-Setulo!
Ua tseba, Mohlomphehi, ntho eo ke e thabetseng feela ea Bill ena ke hore batho bana ba tl’o etsa mosebetsi ona oa ho khetha ho tl’o bonahala hantle batho ba neng ba lumela hore ba ba le batho ba bangata athe ke batho ba hailang feela…
[laughter]
…joale seipone se tl’o bonahala, ‘me se tl’o bonahala hantle.
Taba ea bobeli eo ke e ratang ke ea hore lipalo tsane tsa pele li ne li etsoa molemong oa statistics sa naha. Hona joale ho se ho na le phapang. Lipalo tsa naha li se li tsamaea ka thoko! Lipalo tsa lipolotiki li se li tsamaea ka thoko! E leng eona ntho eo ke e ratileng haholo.
Kea ts’ehetsa hore Sets’oants’o sena sa Molao se fete, Mohlomphehi.
‘Na khale ke khetha, Mohlomphehi. ‘Na ke se ke balehile…
MR. CHAIRMAN: Tsoela-pele. Ke ne ke u thiba hore ….
U qetile?
[laughter]
Clause 5 – 8: Put and agreed to and ordered to stand part of the Bill.
MR. CHAIRMAN: Rea leboha, Litho tse Khabane.
Taba ena e re fihlisa pheletsong ea mosebetsi oa rona ka Komiting ka mona.
Re leboha haholo.
Re tla khutlela ka Ntlong.
(The House resumed)
The Bill reported from the Committee without Amendments
MR. VICE-PRESIDENT: Litho tse Khabane, re khutletse ka Ntlong, ‘me re khutla ka Komiting re entse mosebetsi. Ha ho na liphetoho tse teng Sets’oants’ong sena sa Molao seo re se hlahlobileng. Se khutlile se ntse se le joalo.
Re fetela mokhahlelong o hlahlamang moo re tla kopa Mohlomphehi Letona le Khabane hore a re tatise ka Palo ea Boraro.
HON. M. MOTSOASELE: Kea leboha, Honourable Vice-President.
Ke ema mona ke sisinya hore Bill ena e baloe Lekhetlo la Boraro, ‘me e fete Hang-Hang.
Question put and agreed to
Third Reading
Assessment Council of Lesotho Bill, 2026
MR. VICE-PRESIDENT: Ke kopa ea tlatsang Mohlomphehi Letona le Khabane. Oh! (Laughter) ke bona eka ke se ke potlakile le ‘na(Laughter)
HON. SENATOR. DR. T. LEBESE: Rea leboha hle, Mr. Vice-President. Re lebohe le Mohlomphehi Letona ka mosebetsi o motle oo a o entseng.
Ke qale ke ts’oaele feela hore ts’ebetsong eane eo o ileng oa etsa selelekela ka eona M.r Vice-President e bonahala ka mona ka Lekaleng le ts’oanang ka ‘nete e sa phethahala.
Ba romelletse Mohlomphehi Letona ea bileng ea ts’oereng molepo joale ba mo romella le Legal feela, ha e ea tlameha ho sebetsa joalo ka ’nete ‘M’e Director Elections ea ntseng a etsa act o na le teng le ba ha bo. They should have accompanied Honourable Minister.
E seng hore ebe ke Letona le bileng le ts’oereng molepo le emetse Letona la bona feela joale ho tla Ntate Legal feela. Empa leha ho le joalo, ka ‘nete re thoholetsa mosebetsi ona Mr. Vice-President o entsoeng ke Mohlomphehi Letona a bile a qala ho etsa mosebetsi o moholo hakana.
Taba ea Elector Registration, ke taba ea tlhoekiso ea sesiu sa Bakhethi ba Lesotho, taba ea ts’ebeliso ea National Identity, taba ea bolokolohi ba khetho ea Party Agents le taba e sa tlameng joale ea ngoliso ena ke litaba tsa bohlokoa haholo, ‘me litaba tsena they are long overdue hore ebe li kene ts’ebetsong.
Taba ena e tla thusa haholo makhotla a lipolotiki le merusu e mona e bang teng kamor’a likhetho ea ho se amohele sephetho ka lebaka la hore ba bang ba khethile ka eng, ba bang ha ba sebelisa eng ‘me taba ena ke bona e etsa harmonize taba eno. E fokotsa tlokotsi eo re le Naha re kile ‘ne ra e bona nakong ea ho feta. Eo ba bang ba sa amoheleng khetho e ileng ea etsoa ba re re ile ra khetheloa ke ba hlahang kantle ba ba bitsa ‘Makoerekoere’ ba ne ba e toloka joalo ka nako eno.
Rea leboha ka Sets’oants’o sena sa Molao e le hore Litemana tsena li tl’o thusa ho tiisa Molao oo oa IEC oa 2011 hore e fela o tiee ka Litemana tsena tseo ke li supileng.
Kea leboha Ntate Vice-President.
Question put and agreed to.
The Bill accordingly Read the Third Time and passed
MR. VICE-PRESIDENT: Ke bona eka ke tsamaile ke fosa lipokotho mona ke bona eka ke taba ea tlala joalokaha Honourable Senator Motsamai a ntse a cho hobane kamorao ho Mohlomphehi Letona e ne e ts’oanetse ebe ke ile ka batla ea tlatsang. Joale ebe re se re boetse re mo fa monyetla hore a phuthe liqola tsa kobo ea hae. Empa hee ke kopa ke nke a se a entse joalo Litho tse Khabane hle molemong oa nako.
Le ntumelle hore ke… (Laughter)
Ruri re le leboha ka mamello ea lona har’a serame sena ho ea bata kajeno. Empa ke mona le mamelletse hofihlela mothating ona. Ka ‘nete ke nka e le lets’oao le leholo haholo la ho itella ho sebelletsa Sechaba hore ebe le mameleltse ha le ea ea le lijong. Re ile ra lumellana hore re tsoele-pele le se ke la ea lijong. Re lebohile haholo.
Mohlomphehi Letona le Khabane rea u leboha le uena ka hore ebe u fihla u imetsoa ka Lits’oants’o tse peli tsa Molao tsa Makala ao e seng a hau bobeli ba ‘ona. Feela hee! Ke experience e monate ka mokhoa o makatsang. Rea u lebohela ka experience eno u se u bile u ntse u tlo tla u re tataisa le karolong e ‘ngoe ea ho qetela.
Taba eno e ntse e tlo u fa a lot of experience le eona.
Next item Mr. Clerk
URGENT MOTION
66. ADJOURNMENT SINE DIE
HON. M. MOTSOASELE: Mr. Vice-President. We are going to say:
“That this Honourable Senate when it rises, today, Thursday, 04th June, 2026, it do adjourn Sine Die”
Bahlomphehi ba Khabane ha ho potang hore le khathetse. Ke khathetse ke qeta ho bala taba tsena tse mona hora tse peli ke lumela hore lona ba bileng mona nako e telele hakana-kana le lona le hloka ho phomola. Empa hee phomolo ha eeo ha re eeng re il’o kotulang, ha re eeng hape re il’o lemang temo ea mariha.
E tle e-ke e re ha re khutla re be re tseba hore re siile bana ho na le seo ba tla se ja. Le hona ho etela metsoalle eane e ntseng e re le ipatile haesale le ba ka Senateng. Ka hona kea sisinya hore le amohele ts’isinyo ena.
HON. SENATOR S. K. MASUPHA: (Laughter) Bahlomphehi ke ema mona ke tlatsa Mohlomphehi Letona ofising ea Mohlomphehi Tona-Kholo. A re etsetsa mosebetsi o bohlokoa haholo oa hore re ke re il’o phomola. Ke bohlokoa hore ha motho a ile a sebetsa a phomole, e le hore ha re khutla, re khutle serame sena se ile ka ‘moho. Ke hore se re fihla re theohela hoba mosebetsi oa Matlo a Mabeli, ke ho etsetsa Basotho melao e tla thusa Basotho hore ba tsebe ho ikamahanya le tse nepahetseng kahar’a naha ea Lesotho hore motho e mong le e mong a phele hamonate.
Kea tlatsa, Mohlomphehi.
Question proposed.
HON. SENATOR M. MOKHATHALI: Kea leboha, Mr. Vice-President. Ka ‘nete ke ne ke re ho bohlokoa hore Litho li ee hae, li ke li il’o phomola, ba kopane le ba malapa haholo bana bana ba bo ntate. Sepheo-pheo ke hore ba iphe nako ea ho bua le bana hobane ha re ntse re sebetsa lintho tseo re li sebetsang mona, re utloa ho bana hore bo ntate ha ba eo ka malapeng, ba teng feela ehlile ha ba eo malapeng ka botlalo.
Re ne re re, ha ba fuoa phomolo che, ba il’o lema, ba etse lintho tseo, feela ba bone hore ba ba teng malapeng ho bua le bana ba bona, ho khothatsa bana ba bona moo ba sa tsamaeang hantle lithutong. Bana ba utloe boteng ba bo ntate kahar’a malapa, ba fokotse nako ea ho ea matlong a mothamahane.
Ba boele ba bone hore ha letsatsi le likela, ba tlohile ba hlekehile matlong a thitelo haholo hobane ke batho ba hlomphehang haholo. Marena a ka, ehlile haholo ha e le mariha tjena, rea ba rata, hore ba lule re ba baballetse. Ha e le hantle, matlong a thitelo ho hlaha lintho tse bohloko, tse seng hantle.
Ka ‘nete rea leboha, rea ba lebohela hore ba il’o lula, ba phomole, ba tle ba khutle ba le mafolo-folo.
Kea leboha.
Question put and agreed to.
MR. VICE-PRESIDENT: Ke kopa ho nka monyetla ona ho le leboha haholo ka mosebetsi o motle, oo le o entseng.
Ke lebohe le bohlanka bohle kaofela. Baqolotsi le baphatlalatsi ba litaba, kea le leboha kaofela, ho re ebe re entse mosebetsi ona; ke ka ts’ehetso ea lona.
Leha re re rea phomola tjena, ‘nete e salang Lefats’eng mona ha ho na nako ea phomolo. Ho u’oa mosebetsing o mongata haholo, ho il’o phuthoa lijo masimong. Ha u phomola, u tsebe tlala eona ha e phomole, e ntse e o nanyetsa. Ha u robala nako e telele, u tsebe hore u ka se siee tlala ka lebelo.
Joale taba eo, e bohlokoa haholo. Ho il’o sebetsoa kathata. Ha re il’o phomola, re il’o etsa mesebetsi e meng ea sechaba. Joale ebile ka mona Bahlomphehi ba ka, le baetapele ba sechaba. Ha ho na nako eo moetapele oa sechaba a phomolang, le sebetsa le bosiu. Joale motho, u ka fihla oa tsosoa le bosiu.
Ke ne ke re, Morena Molimo a le hlohonolofatse, a le fe matla mosebetsing o mongata oo le il’o o etsa…
Ke Ntlha ea Tsamaiso?
HON. SENATOR S. K. MASUPHA (Point of Order): Kea leboha Mohlomphehi, joale kaha ke ile ka ema ke tlatsa Mohlomphehi Letona la ka malebana le Ts’its’inyo ena eo a e kentseng ka hare ho Ntlo, ho na le taba ea bohlokoa eo ke e siileng, ea bohlokoa haholo eo ha u ntumella…
Ke kopa ke e hlahise ha se moqoqo.
Taba eo ke neng ke re ke e hlahise, ke ea hore Litho tse Khabane le Litho tsa Senate, ake le nteboheleng hle, hobane ‘Muso oa Mohlomphehi Tona-Kholo o mphile tsela e nkileng nako e telele, ea sebaka sane moo ke ts’oereng molepo teng oa Motlotlehi.
Ke sebakeng se bitsoang Ha-Mamathe ho ea Mahlatsa moo tsela eo e neng e le mpe hoo ho neng ho se ho se na motho ea tsamaeang. Li-taxi li ne li bile li ngala.
Ke re ka ‘nete Litho li ntebohele ka ‘Muso ona oa Mohlomphehi Sam Matekane. Kea mo leboha hobane o qetelletse a amohetse kopo ea ka.
Kea leboha, Mohlomphehi.
MR. VICE-PRESIDENT: Rea u lebohela, Morena oa ka oa Lioli. Re utloa eka uena u fuoe petrol ea hore u il’o sebetsa haholo. U fuoe motivation oa hore u il’o sebeletsa sechaba haholo feela joalokaha ke bonts’itse hore ha re ee phomolong.
Litho tse Khabane, ke se ke bonts’itse hore Ntlo ena e Khabane e tla phomola ho sa boleloe nako ea ho bula. Kannete ke le lakaletsa phomolo e hlohonolofetseng haholo. Morena a le baballe, a le sireletse le bohle ba malapa a lona, bohlanka.
Bophatlalatsi le bohle ba teng ka koano, ke le lakaletsa mahlohonolo.
Kea leboha.
ADJOURNMENT
The House was adjourned Sine die