HANSARD 7 MAY 2026

KINGDOM OF LESOTHO

PARLIAMENTARY DEBATES

SENATE CHAMBER

DAILY HANSARD

OFFICIAL REPORT OF THE SENATE

FIRST SESSION – ELEVENTH MEETING

ELEVENTH PARLIAMENT

THURSDAY 7th MAY, 2026

LENANE LA LITHO TSA NTLO EA MAHOSANA TSA PARAMENTE EA LESHOME LE MOTSO O MONG

1. Hon. Seeiso B. SeeisoPrincipal Chief of Matsieng
2. Hon. Joel A. MotšoenePrincipal Chief of Leribe
3. Hon. Sempe Gabasheane MasuphaPrincipal Chief of Ha ’Mamathe, Thupa-Kubu, Teya-Teyaneng le Jordan
4. Hon. Mamolapo M. Q Majara Principal Chief of Ha Majara
5. Hon. Tumane MatelaPrincipal Chief of Makhoakhoeng
6. Hon. Moeketsi Moletsane IIPrincipal Chief of Taung
7. Hon. Lerotholi Mathealira SeeisoPrincipal Chief of Mokhotlong
8. Hon. Lerotholi L. Seeiso   Principal Chief of Likhoele
9. Hon. Theko D. BerengPrincipal Chief of Phamong
10.Hon. Mojela T. MakhaolaPrincipal Chief of Qacha’s Nek
11. Hon. Seeiso S. H. NkuebePrincipal Chief of Quthing
12. Hon. Nthupi A. Bereng                     Principal Chief of Rothe, Masite, Serooeng, Letšeng, Kolo Ha Mohlalefi le Thaba-Tseka Ha Ntaote
13.Hon. K.L.K Khoabane ThekoPrincipal Chief of Thaba-Bosiu
14. Hon. Mitchel S. MaamaPrincipal Chief of Ha Maama
15. Hon Moholobela M. Moholobela Principal Chief of Matelile
16. Hon. Bereng G. Seeiso Api  Principal Chief of Ha Ramabanta le Kubake
17. Peete Lesaoana PeetePrincipal Chief of Koeneng le Mapoteng
18. Hon. ’Mako T.MohalePrincipal Chief of Tajane, Ha Ramoetsana le Ha Mohale
19. Hon. Khoabane T. MojelaPrincipal Chief of Tebang, Tšakholo le Ha Seleso
20. Hon. Retšelisitsoe Mopeli Principal Chief of Botha-Bothe
21. Hon. Pontšo S. MathealiraPrincipal Chief of Tsikoane, Peka le Kolbere
22. Hon. Qeto Sekonyela Principal Chief of Malingoaneng
23. Hon. ’Mawinnie KanetsiSenator
24. Hon. Lebona KhoaeleSenator
25. Hon. Thabiso LebeseSenator
26. Hon. ’Maphakiso LebonaSenator
27. Hon. ’Mabataung Patricia                                MokhathaliSenator
28. Hon. Sehloho Henry MonatsiSenator
29. Hon. ’Makholu MoshoeshoeSenator
30. Hon. Neo Matjato MoteaneSenator
31. Hon. Seabata MotsamaiSenator
32. Hon. Richard RamoeletsiSenator
33. Hon. Limpho TauSenator

PARLIAMENT OF THE KINGDOM OF LESOTHO

SENATE CHAMBER

THURSDAY 7th MAY, 2026

The House assembled at 10:30 a.m.

(MADAM-PRESIDENT in the Chair)

PRAYER

The Chaplain led the House in Prayer

ANNOUNCEMENTS FROM THE CHAIR

MADAM-PRESIDENT: Litho tse Khabane ke kopa ho le lumelisa ’me ke kopa re qaleng mosebetsi oa kajeno ka litsebiso tse peli feela. E ‘ngoe ea tsona e tla be e le sehopotso sa tsebiso e ileng ea etsoa maobane.

  1. Ea pele ke hore feela le tla hlokomela hore Order Paper ea rona re ntse re tsamaea ka Motion oa Morena Peete, leha a re kopile hore letsatsing la kajeno o tla ba sieo o na kopile hore Motion ho tlo buue ka oona ka Labobeli. Joale ka lebaka la hore tsamaiso e re re se o ntše ho Order Paper ha feela o ntse o le ka hare ho Ntlo, re ntse re o kentse ka hare ho Order Paper.
  • Tsebiso ea bobeli ke ena eo ke reng e re hopotsa feela hore hang ha Ntlo e phomola kajeno, Ethics, Immunities and Privileges Committee e tla kopana ka koano ka Chamber ho tla phethahatsa Setšoantšo sa Tokomane eane eo ba ntseng ba e etsa kapa ba e bopa e tla tataisa Komiti ho phetha mosebetsi oa eona ka bokhabane ha e lisitse boitšoaro ba Litho.

Next Item Mr. Clerk

2. Adoption of the Reports of Legislation Committee.

MADAM-PRESIDENT: Honourable Chair of Legislation Committee.

HON. SENATOR S. MOTSAMAI: ’M’e President, Tafole le Litho tse Khabane, ho teka tlaleho ea Komiti ea Molao holim’a Workmen’s Compensation Regulations 2026. Tlaleho ena e tšetse lintlha tseo ho eona e hlalosang hore na thomo ea rona re le Komiti na ke efe ho latela Standing Order 51(3).

‘Me ho feta mono terms of reference tsa rona esitana le hore na Litho tsa Komiti ena ke bo-mang, ‘me li leqepheng lena la boraro Bahlomphehi. Ka lethathamo la bona ke Litho tse 14.

Ke tsoele-pele hore re boetse hape leqepheng la bone. Re na le Bahlanka ba rona ba re tataisang mosebetsing ona.

Joale hoo e leng taba ke hore re ile ra kopana re le Komiti le Lekala la Bosebetsi le Khiro, ba ile ba fihla ho rona. ‘Me ba fihla taba eo ba tlo e kopela e le Regulations tsena moo ba entseng Sehlomathiso ho tsona. ‘Me hoa bona ntho e kholo-kholo ke hore ho fetotsoe kakaretso ea lichelete tseo e leng lichelete tsa matšeliso, ke eona ntho e kholo-kholo mona eo Letona le bontšang hore le matlafatsa taba eno ea hore le hlahise hore ho matlafatsoe matšeliso.

Lebaka ke hore ba ntse ba ipapisa le hore na maemo a bophelo na ke afe. Empa ntle le mono le hore na litjeo tsa batho ha ba holofetse ba lemalletse mosebetsing na ho ka shejoa lintlha life. ‘Me Letona le bontšitse hore le ile la fumana boeletsi ho National Advisory Committee on Labour (NACOLA). Moo e leng hore ba ne ba thusetsa hore na ba bona eka bonyane ho ka nyolloa ho ea ho kae hobane joale litlhoko tsa meriana, esitana le bophelo ka kakaretso na ke litaba tse emeng joang.

Ka ho cho joalo hoo ehlile ho leng teng ke hore mokhahlelong oa pele oa dependants in fatal cases. Fatal cases ke M367, 965.00 ke moo ba e kopelang hona teng.

Litšenyehelo tsa mafu, mapato e tla ba M25, 551.00. Ha motho a na le ntho e bitsoang Permanent Total Incapacity, chelete ea matšeliso e behiloe ho M408, 816.00

Litšenyehelo tsa meriana, surgical and hospital treatment ke M51, 102.00

Artificial limps and appliances M25, 551.00

Transfer to treatment M7, 665.00

Minimum Compensation who sustain injury M9, 195. 30

‘Me taba ena e hlomathisa The Workmen’s Compensation Regulations ea 2025. Ka ho cho joalo Madam-President, Tafole le Litho tse Khabane Komiti e ile ea leboha taba ena ea phetoho ena e tlisitsoeng ke Letona, kaha joale litšenyehelo tsa bophelo le meriana ka kakaretso ha batho ba holofetse li phahame.

Ka hona the committee recommends that Workmen’s Compensation Regulation 2026 be allowed into operation.

Subject to Standing Order 52. (3), the Legislation Committee wishes to submit the report for the House for the adoption by the House, I submit.

MADAM-PRESIDENT: Honourable Senator Moshoeshoe for a Seconder.

HON. SENATOR M. MOSHOESHOE: Kea u hlompha Madam-President, ke hlomphe Litho tse Khabane, ke hlomphe Tafole ea hau.

Ke ema mona ke le Setho sa Komiti eane ea Legislation ho tlatsa Molula-Setulo oa ka hore ka ‘nete report ena ea Komiti, Ntlo e Khabane e tle e amohele.

Regulation ha e na le litaba tse ngata ka ‘nete e bontša feela hore na basebetsi ha ba ka lemalla mosebetsing ba tle ba fuoe matšeliso a makae.  Ka nako e ‘ngoe e ka ba temalo, temalo ea mosebetsi e ka ba mohlala ho khaoha leoto kapa letsoho kapa e se ke eaba eona temalo u fumane motho enoa ka ‘nete permanently o lemetse hoo a tlamehang hore a be a kene koloeaneng ena e mabili a mabeli e leng wheelchair.

Ka nako e ‘ngoe u fumane hore e-ba temalo e lebisang ho lefu, motho a be a hlokahale, joale Lekala le ikelelitse hore le eketse litjeo hobane litjeo ha li ea ema nqa e le ‘ngoe. Litjeo tse neng li ntse li sebetsa pele li bonahala li se li phahame ka lebaka la inflation le a mang a mabaka a etsang hore moruo o ‘ne o nyolohe. Ka hona Lekala le thathamisitse Compensation Categories tseno li le joalo.

‘Me ea ho qetela ke eno e bontšitsoeng mono hore ho kenyellelitsoe le taba ea ho etsa transfer. Ka nako e ‘ngoe u ka lemala, eaba u kena sepetlele se seng koana literekeng empa u fumane hore treatment kapa kalafo ea hau e hloka hore u etsoe transfer from sepetlele seo u entsoeng admit ho sona ebe joale u tlameha ho etsa move u ee ho sena se central se seholo sa Maseru, kapa u be u ee ka ntle ho naha. So le transfer fee for treatment le tsona li se li kenyellelitsoe.

Ka mantsoe ana ke tlatsa Molula-Setulo oa ka hore Ntlo ena e Khabane e amohele Report ena.

Kea leboha.

Question put and agreed that the House adopt the report of the Legislation Committee on Workmen’s Compensation Regulation, 2026.

MADAM-PRESIDENT: Rea leboha Litho tse Khabane, u ka fetela ho e hlahlamang. Litho tse Khabane ke bona eka Litlaleho tsena li khutšoanyane ebile li batla li ama ntho ele ‘ngoe. Ke kopa hore Ntate Chairperson na u ke ke oa li nka kaofela oa li etsa propose ebe re se re li bua ‘moho? Ntle lehaeba u bona eka ho na le e ‘ngoe e ka hlokang hore_u e bue e le ‘ngoe, u tla e tlola eno ebe u tlo e bua e le ‘ngoe.

HON. SENATOR S. MOTSAMAI: Kea leboha ‘M’e President ke nahana Bill eona ke tle ke e bue e le ‘ngoe e leng ea Children’s Protection and Welfare Bill, Report ea eona e tle e-be ka thoko. Empa tsena ke lumellana le taba eno ‘Me’ President.

Ke fetela ho tlaleho ea bobeli e leng ea Report on Business Licensing and Registration Amendment Regulations 2025.

Joalo ka tsena tse ling tse bontšitsoeng leqepheng la bobeli beng ba ka, empa e le ho bontša feela hore thomo ea rona na e ahiloe holim’a eng. ‘Me le terms of reference tsa rona ke tseo as per Standing Order Number 19 ka mokhoa oo li leng ka teng.

Empa khubu ea taba mona ‘M’e President joalo ka ha ke bontšitse, ke moo Lekala lena la Ministry of Trade, Industry and Business Development le ileng la tla ka eona Melaoana ena ka pela Komiti. ‘Me ba bontša hore ntho e kholo-kholo ke ho nolofatsa le ho nolofalletsa bacha ho kena likhoebong tsena tseo ho thoeng Macro, Small and Medium Enterprises (MSME’s), tsena tse nyenyane.

Joale empa e le hore ntho e kholo ke hore ho balehiloe litjeo tsa ho ngolisa khoebo, e le hore Regulations ntho eo li e etsang feela ke hore ho bontšoe hore bacha ba ngolisang likhoebo tseno tse nyenyane, ha ba ea tšoanela ho jara boima ba ho lefella ho ngolisa li-company tseo tse joalo.

Re hopole hape hore taba ena ke eane ka mora hore Mohlomphehi Tona-Kholo a phatlalatse hore mesebetsi e ka isang ho 70, 000 e tla etsoa hore e-be teng ka hare ho bacha, joale bacha ba ngolise likhoebo. Joale taba eno e tlameha hore e arabeloe ka Melaoana hore ebe ho fihloa ho etsoa waiver ea chelete eane eo ba tloaetseng ho e patala e kaalo ka M530.00. Joale ena e ne e le taba ea hore feela na ho ka kenoa tšebetsong ka ho etsa joang.

Komiti e ile ea nka ka ‘nete e amohela taba ena ea waiver ea hore ho tsejoe hore ho etsoe create mesebetsi e mecha ke bacha le ho tlosa litšenyehelo tseno.

Ka hona eona The Committee recommended that the Business Licensing and Registration Amendment Regulations 2025 be allowed into operation.

Subject to Standing Order 53. (3), The Legislation Committee wishes to submit the report for adoption by the House, I so move.

Ke re ka uena ‘Me’ President ke fetele ho e ‘ngoe. Tlaleho ena e ‘ngoe hape ke eo e ileng ea fihla Komiting, ke Report on Financial Consumer Protection. Disclosure of information on Insurance and Investment Products Regulation, 2025.

Joalo ka ha ke ile ka bontša hore lintlha tsena tse tlalehiloeng tsa hore na thomo re e okha kae, ho bohlokoa hore re ‘ne re bue ka eona le hore re na le Litho ke tseo tse 14.

Taba ea mona ke hobane Lekala la Lichelete ka Central Bank of Lesotho, le ile la hlaha ka pel’a Komiti. ‘Me taba-kholo e ne e le ho tla hlalosetsa Komiti hore na hobaneng ba re taba ena disclosure of information on Insurance and Investments Product Regulation e le taba ea bohlokoa.

E bohlokoa hore e ne e le taba ea hore ho sirelletsoa baji ba litšebeletso tsena tseo li fanoang ke li-Insurance hore ba tsebe ho bona hore ntho eo ba reng ke ponaletso ebe ntho e teng ka hare ho tšebetso ena.

Empa ho hoholo hape ke hore Regulations tsena li batla hore Financial Service Providers e leng tsena tseo re tloaetseng hore ke li-insurance li fane ka ntho e bitsoang key facts statements. Esale qalong feela ba u joetse hore ha u nka product e itseng, u lebelletse eng ka hare ho eona, e jere lintho life.

Joalo ka ha le tseba hore ho ne ho tloahelehile nakong eane ea khale hore ho na le litemana tse ngoloang ka bosesanyane, joale ba re baji ba qhekelloa hona litemaneng tseo, empa mona ho thoe ha ho sa le qalong ho be le ntho e bitsoang Key Facts Statement tse bang teng, tseo u ka tsebang hore li etsoa access ka li-channel tse fapakaneng tse tla etsa hore u li fumane, u ka li fumana ka li-Agent tsa bona, oa li fumana Head Office ea bona kapa li-web site tsa bona, kapa eng kapa eng e ka etsoang ea morao-rao, ekaba li-email kapa lintho tseo re tloaetseng hore ke li digitals platforms tse fapakaneng, e be ke tsona tse tla tseba hore li thusetse hore ts’ebetso eo u e tsebe.

Ka ha Central Bank ke eona Regulator e ts’epetsoeng hore e bone hore ba etsa joalo, ba bonts’itse le bona hore ho bona mane ba boetse ba na le ts’ehetso ea hore ba bone ho re ba fumana litlaleho tse tsoang ho Financial Service Providers hore ts’ebetso ena e tle e tsebe hore e amohelehe.  Ka hona re ile ra e sheba taba ena ‘me re ile ra bona e le tsela e bohlokoa hore ho tsejoe ho bona hore ho etsoa protect consumers.

The Committee recommend that the Financial Consumers Protection, e leng discloser of Information on Insurance and Investment Products Regulations, 2025, be allowed into operation, subject to Standing Order no.52(3), the Legislation Committee wishes to submit the report for the Adoption by the House, I so move.

Ke ts’oere e ‘ngoe hape-hape ka uena Madam President, Tafole le Litho tse Khabane, e leng Tlaleho or Report on Financial Consumer Protection Administrative Penalties Regulations, 2025. Ho ena joalo ka ha ke bonts’itse Bahlomphehi hore tsane tse ling ke se ntse ke ipheta hore na re re melao ke efe e re ts’ehetsang Litho tsa rona na ke bo mang.

Ka ‘nete le tsebe ke ntse ke le hopotse Litho tsa haeso, le ngotsoe mona ka mongolo o motenya. Le ke ke be la hlakoha leha ke sa bitsa mabitso a lona ka koano le ’ne le tsebe hore le ntse le le teng.

Kea ts’epa Honourable Moshoeshoe u ntse u utloa taba ena. Madam President re ile ra kopana le Minister of Finance le eona Central Bank hape-hape e tla ho rona, hantle the Central Bank e ile ea etsa presentation Section 6E, of the Central Bank of Lesotho Act 2000, e  e fang tokelo ea ho fana ka licenses, ho ngolisa e ka sitana le ho etsa supervision ho Financial Institutions tse ikamahanyang le eona, joale ntho eo ba e kopang e le Central Bank, bona e ne e le taba ea bohlokoa eo ba reng ho rona ba batla hore ba tsebe ho bona hore ba tla ba le monyetla oa ho etsa Impose Administrative Penalties e le Regulator.

Empa hape-hape e le taba ea hore ba etsa empower Regulator to Impose Additional Penalty ea 1% per day for failure by the Financial Services to pay Penalties. Mona empa e le hore feela ba batla hore moliko oa bona, mo e bang hona le ba tlotseng melao ea bona, ba tsebe ho fana ka likotlo tse amohelehang, feela eo ha a sitoa ho etsa joalo ba ’ne ba bonts’e hore re tla kenya bokana letsatsi le leng le le leng leo u hlotsoeng hore u etse mosebetsi oo.

Empa hape-hape ba bont’sa hore likotlo tsena tsa bona ke tse ke keng tsa feta Million e le ‘ngoe, empa tse tlang ho oela mona ba tla li sheba, empa tse serious tsona ba ka tseba ho bona hore ho tla kenngoa disciplinary and an accountability into the sector. The Committee applauded the Central Bank of Lesotho in safe guarding Financial Consumers from unlawful or harmful practices of Financial Services Providers.

Ke bolele mona hore litaba tsena le ha Central Bank e li tlisa ho rona e re bolelletse hore e se e buile le bona, ba shebisane litaba le bona li-Institutions tsena tse fanang ka li-service tsena, e le hore hee litaba tsena leha li le tjena ho ile hoa lumellanoa ‘me hoa fihleloa compromise holim’a tsona mona moo li leng hona teng, therefore the Committee recommends that Financial Consumer Protection Administrative Penalties Regulations, 2025 be allowed into operation subject to Standing Order no.52(3) The Legislation Committee wishes to submit  Report for the Adoption by the House, I so move.

Ke kena ho e’ngoe ea li-Regulations Madam President, Tafole le Litho tse Khabane, eo eona e leng Report on Financial Consumer Protection Complains Handling Regulation, 2025. Ka mokhoa o ntseng o ts’oana Komiti ea haeso eile ea lula ‘me ea kopana le Lekala la Finance le eona Central Bank moo ka eona e neng e le hore re tlo tla re utloa hore na ba re ka molaoana ona ba batla ho fihlela eng, eo mohlomong e tla thusa hore mosebetsi o tlo tsebe ho ba mosebetsi o nepahetseng.

Hoo ba re fileng hona ke hore taba ena ea melaoana ena provide kapa e etsa established dedicated complains handling office with adequate decision making authority to resolved consumer complains. Hantle mona ke moo re reng haholo-holo lona Bahlomphehi ba Khabane le sechaba sa Morena Moshoeshoe, ntho e kholo-kholo ke hore moo le nang le litletlebo ka li-Service Provider, e ka ba ke Bank kapa mang ,hona le litletlebo tseo u ka tsebang ho li tlisa mona, mane ho Central Bank, moo ba entseng joined hona teng, moo ho ka shejoang, hoa buisanoa hoa shejoa hore na taba eo u llang ka eona na e entsoe joalo le hore na e ka sebetsoa ka nako e kae, e le hore taba ea Regulation ena empa e boetse e fana le ka timeline hore within 30 days u etse lodge complain ea hau ka Service Provider ho tle ho bonoe hore na litaba tseo li tla sebetsoa joang.

Empa hoa boela hoa hlahella hape-hape hore ho lekoe hape ho ’ne ho etsoe protect le eona Financial Institution ena ka hore mohlomong e se ke ea re le ’na ha ke hloloa ke litaba tsa ka ea ba ke se ke e ea mane empa ho etsoe balance lipakeng tsa bona e ka sitana le li-consumer e leng lona sechaba sa Morena Moshoeshoe.

E le hore taba ena ke hona mono hee moo ba neng ba re fa litaba tsena hore ke ts’ebetso ea mofuta ofe,’me e teng kahare ho Central Bank joale ba se ba fana ka eona ka li-Regulations tsena tseo ba kopang hore Ntlo e li fetise. The Committee applauded the Regulator for its initiative to enhance protection of consumers’ right through endorsement of laws that provide for supervisor and Regulations of Financial Service Providers.

 The Government of Lesotho seems to be committed to protect Financial Consumers from unfair, unlawful, harmful practices by Financial Service Providers. The committee therefore recommend that Financial Consumer Protection e leng Complains Handling Regulation, 2025 be allowed into operation, subject to Standing Order no.52(3) the Legislation Committee wishes to submit the Report for Adoption by the House, I so move Madam President.

Thank you.

HON. SENATOR DR. T. LEBESE: Kea leboha, Madam President, mohlomong pele ke tlatsa Ntate Molula-Setulo ea behileng Liripoto tse ‘ne ka tlhatlhamano hantle, ke ne ke re ‘na ke be se ke li tlatsa kaofela Madam President joalokaha a li behile li le ‘ne?

HON. SENATOR J. A. MOTS’OENE (Ntlha ea Tsamaiso): Kea leboha Mohlomphehi, ka ‘nete Mohlomphehi Ntlha ea ka ea Tsamaiso e ikamahantse le ts’ebetso ena ea tlaleho ena. Dr. Lebese puisanong ea ka le eena, Setho se Khabane o itse o tlo nka Report e ‘ngoe le e’ngoe nako eo a tlatsang Molula-Setulo, ‘me ka hona ke kopa ke hanyetse taba ena eo a reng a li akaretse kaofela, re lumellane ka mane ka Komiting hore a nke Tlaleho ka Tlaleho.

Kea leboha.

MADAM PRESIDENT: Setho se Khabane, ke utloa hore u motho ea se nang lekunutu, u nts’a tsa mona moo le li buileng empa oa nepa hobane ke lumela hore le eena ha a tlo qala o tla nka Report ka Report lehaeba o tla li tlatsa kaofela, feela e tla be e le Report ka Report, tsoela-pele Setho se Khabane.

HON. SENATOR DR. T. LEBESE: Kea leboha Mohlomphehi, Ke Litlaleho tsa rona re le Komiti joalokaha a supile, o qalile ka Tlaleho ea Raporoto ea bosupa e buang ka Business Licensing Registration and Regulations, ke eona eo ke e ts’oereng.

Mohlomphehi Motsamaisi, Ke mpe ke supe feela hore litaba tsena tsa Business Licensing and Registration li ile tsa tlalehoa Komiting moo e le boikarabello boo ‘Muso o nang le bona hore o etse enable conducive Business Environment, ‘me ebe re lumella Private Sector ho re e be eona e etsang lead.

Litaba tsena joalokaha e le li-Regulations, Madam President, li se ntse li kene ts’ebetsong, ‘me litlaleho lia supa joale hore ke li-license tse ngata haholo tseo li seng li entsoe register, haholo ho etsa curb taba ena ea unemployment ea bacha, ‘me bacha e se e le bona joale ba hlahisang mesebetsi sebakeng sa bacha ba bang, ’me ntate Molula-Setulo kea kholoa ntho eo ke neng ke mo tlatsa ka eona mona feela ke hore morero oa ‘Muso mona e ne e le to play and enabling the environment that will be conducive for the Business hore e etse thrive under the hardship tsa economy tseo re li entseng face, ke ea pele Mohlomphehi.

Report ea bobeli eo a buileng ka eona Madam President ke the Financial Consumer Protection, e leng eane ea disclosure of information ho li-Service Provider on their products, ka nako e telele haholo Madam President ho bile le ntho eo re e bitsang hore ke hidden costs tse neng li bonahala li le teng, ‘me re thoholetsa taba ena e entsoeng ke Central Bank hore ka ‘nete taba ena e tlamehile hore e hlapolloe, e hlahlobisisoe hantle.

E le hore li-hidden costs tsena li se ke tsa ba teng, ‘me ba bapale the Administrative Role ka hore ba etse impose necessary sanctions ho li-Service Provider tsena tse bonahalang li ntse li tsoela-pele.

Mohlala o ileng oa ba teng mona e ne e le ho one of the Service Provider e ileng ea bonahala e le teng, ‘me litaba tsena tsa bona ba li ngola ho ea qetellong mona moo u tlang ho saena hona teng ka mengolo e mesesanyane, joale ho sa hlalosoa litaba tse amang ha mofu a se a le teng, joale the claimant a se a etsa submit claim ea hae kapa litokomane joale eba setopo ha sea fumanoa.

Litaba tsena li ile tsa thokola hore litaba tsena li tlamehile li hlake ho se ke hoa ba le li hidden cost ea hore joale moo mofu kapa setopo se sa fumanoang teng the claimant cannot claim against such, ‘me taba ena re e thoholetsa haholo hobane joale e tla etsa hore ba ntseng ba tlola melaoana ena e leng ena ea li-regulations ho be le li sanctions tse etsoang malebana le bona, ‘me ba tsitse hantle saleng, ‘me re bona eka Central Bank e ts’oere hatle litabeng tsena.

Report ea boraro e leng ea borobong e neng e bua ka the Consumer Protection, re tla hopola le hona mona Madam President hore taba e kholo eo re buang ka eona mona ke hore re sireletsa moji oa lihlahisoa tsena tse fanoang ke li-Service Providers, ‘me all the Financial Service Providers li sirelelitsoe kapa li boliseng ba Central Bank, ‘me ho bohlokoa hee hore kaha ho bonahala bohlasoa bo le teng ho li-Financial Providers tsa rona, e ka ba libanka kapa li-insurance re tlameha ho tiisa le ho sireletsa ka li-Penalty ho Financial Institutions tsena, ho bona hore ‘nete e ba a deterrent e sireletsang moji hore moo e bang o hantsoe hona teng bosebeletsing ba bona ebe li-Penalty li ba hona teng.

‘Me taba e kholo mona e ne e le ena ea hore li-Financial Institutions li bone hore li sireletsa baji, ‘me Central Bank e bone hore taba eeno e fela e etsahala ho sireletsa baji,’me ke bona taba ena e tla re thusa haholo, Mohlomphehi Madam President, kaha ho bonahala ho ena le litahlehelo tse ngata haholo tse etsahalang libankeng, le li-Service Provider tse ling, ekaba due to the defunct bank accounts tseo baji ba nang le tsona, ‘me tse bonahalang li sa sebetse nako e telele ebe li li-Financial Institution tsa mofuta o joalo li ikhethela ho sebelisa litsiane tse joalo ntle le tumello ea consumers.

Kapa ka nako ‘engoe ke li-charge tse exorbitant tse bonahalang li phahame haholo, tseo joale baji ba sa kang ba lumellana le tsona le li-Financial Providers ha ba qala. Re tseba litaba tse ileng tsa e tsahala Madam President, tseo re ileng ra li ts’ohla mona tse amanang le li-Financial Institutions tsena tseo ho isoang li-payslip ho tsona, joale ebe ba tla lula ba ntse ba nts’a khoeli le khoeli.

Hore ka ‘nete ba bonahala le moo boemo bo ba thibelang hore ba ke ba emise hanyane hona le linyeoe Makhotleng, hona le e ‘ngoe e ntseng e khehleula bahlanka ba ‘Muso mona, le ha ba thibetsoe hore ba etse taba e joalo, ‘me ke ka tsona li-Regulations tsena tse tla fana ka an oversight role ea hore Banka e kholo ea Lesotho e bone hore e sireletsa baji.

Report ea ho qetela Madam President, eo ntate Molula-Setulo a e behileng ka bokhabane ke eane e malebana le Financial Consumer Protect, joale mona e shebile feela complains hore na li etsoa handle joang. Taba e bonahalang mona e ne e le hore ha hona le a complaint e bang teng ka moji to the Financial Institution ho bonahala ho na le tahlehelo ea tatellano ea litaba, moji o tla tlaleha hore X Financial Provider eo ke ileng ka kalima chelete ho eena, o bonahala a ntse a nts’a boholo ba chelete ea ka ntle le litumellano, ’me mona ke moo re reng ho tlamehile hore ho be le moliko oo li-consumer ka bo-tsona li tla fihla li etsa lodge complain ka tsela e transparent, e accessible ho eena moji ea joalo, eo qetellong ea letsatsi a tla be a fuoe a reference number eo a tla etsa ts’alo-morao ea litaba tseo.

Empa e bohlokoa ke hore moji ea joalo ea nang le ts’oenyeho ho a Service Provider kapa a certain Service Provider taba eno ebe e rarollotsoe kamor’a matsatsi a mashome a mararo, ‘me a na le reference, e leng hore leha a nka boipiletso to the arbitration to the Central Bank a be a na le nomoro ea a tla fihla a e hlahisa moo, ‘me taba ena e tla re thusa haholo hore our Financial Institutions li tsitsehantle moo li tlamehang ho ba hona teng, ‘me Central Bank le eonaebe le tatello kapa e bapale oversight role ea eona ka bokhabane, kea leboha, Madam President, ke tlatsa ntate Molula-Setulo oa Komiti ea Legislation Committee holim’a litaba tseo a li behileng tsa li-Report tse ‘ne.

Kea tlatsa ‘M’e.

                                Question Proposed

HON. SENATOR M. KANETSI: Kea leboha Madam President, ke u lumelise le Tafole ea hau, ke lumelise Litho tsohle le batho bohle ba teng.  Ke mpe ke tlatselletse le ho thoholetsa Morena oa ka oa Matelile, ke thoholetse Tlaleho ena e seng e fanoe.

Thahasello e bileng e leng ka sehlo-hlolong kea kholoa ke eona ena ea Information e patoang, e be u s’o il’o e bona nakong eo joale u seng u re u etsa claim, ka ‘nete re e thabetse haholo, practice e neng e se ntle haholo ea li-Insurance Company e ne e le hona ho tlatsa ka mengolo e mesesanyane hore u tlo se ke ua bala hakaalo-kaalo ho bo ’n’o thoe feela saena mona, ene morao tjena ba re u saenele leqephe le leng le le leng, ba bang they go to the extend ea hore u saenele paragraph e ‘ngoe le e ‘ngoe, feela ehlile u sa fuoa le monyetla oa ho nka policy ena u tsamaea u il’o e bala, u il’o e hlahloba ebe joale u ka khutla ka lipotso.

Joale empa se ka sehlohlolong, Molula-Setulo, seo ke boneng eka sea shota ke hore boholo ba li-institution tsena tsa rona li policy tsa tsona li ngotsoe ka Sekhooa …….

Ke ne ke re ‘na gap eo ke e bonang, Mohlomphehi oa ka, ke hore boholo ba li-policy ka ‘nete li ngotsoe ka sekhooa se thata se bileng se leng legal and baji ba li-policy kapa financial services ke batho bohle including batho bane ba tlaase-tlase.

Ke ile ka ba le experience e seng ntle ka e ‘ngoe ea tsona e neng e re e patile information ka consultants tsena tsa bona kapa batho bana ba tsamaeang ba rekisa li-policy. Joale eaba ha ke qeta ho reka policy hothoe ka mor’a libeke tse peli policy e tla be e le teng ‘na ke etse feela sign mona. Ka etsa sign li-form, ha ke qeta 2  weeks e ile ea feta. Kea kholoa ho ile hoa ba hoa feta likhoeli tse ‘ne ke es’o fumane contract. Mohlang contract e fihlang ka fumana ha ke se ke e balisisa hore litaba tseno ha se litaba tsane tseo motho eane ea neng a nts’a nthekisetsa policy a li buileng.

‘Nete ho ne ho ntse ho na le batho bao ekang ba ntse ba nts’ala morao hore na litaba tsa ka li ntse li tsamaea joang. Ke ntse ke re, “ae, ke ntse ke s’o e fumane contract”, empa ha e fihla ka e khutlisa ka re, “ae, ke kopa chelete ea ka hobane tsena tse ka mona haesale tsona.”

Ka ‘nete ke ile ka isoa holimo le tlaase hoa thoe joale ke tsamaee ke il’o qosa mapoleseng, ke il’o joetsa Sepolesa hore ke entsoe cheat kapa ke ee nthong eo ho thoeng ke Small Claims.  Ke ile ka re, “ha nka ba ka kopana le Small Claims ha ke nka contract, ha ke etsa tumellano, ha ke tl’o ea Small Claims, le tla mpha chelete ea ka”. 

Ka ‘nete re isane holimo le tlaase joalo ka ba ka ba bonts’a hore ka ‘nete melao ena e batla re e shebisise hantle. Ke hobane ho ne ho se na moo consumer e etsoang protect ka mono. Ha ke motho ea etsang molao, feela ke tseba ho bala li-contract. Protection ena ho ne ho entsoe protect company ena haholo, ho ne ho se na le clause e le ‘ngoe eo ebang moji a ka re, “‘na ha ke se ke khathetse ke policy ena ke tl’o tsoa”.

Ha u qala u re ua tsoa kahar’a policy ena melao e o tlama hore u se u lahlehetsoe ke boleng bohle ba hao. Lichelete tsohle tsa hao tseo u li nts’itseng lia u lahlehela, ebile ho na le li-penalty tseo u li ahloloang.

Bona feela ba ka tsoa nako eo ba bonang eka u na le mathata, ba ka u nts’a.  Eleng hore contract e joalo ha e balanced hohang, ‘me ka ‘nete re ile ra isana holimo le tlase le bona ho fihlela ke re “oa tseba ke tl’o le isa ka Senateng, ke tl’o le phatlalatsa hore le ntse le ja batho hobaneha lea ngola ka Sesotho seo motho eane eo le mo saenisang tlaase tlase a ka utloisisang, empa lipuo li le peli Lesotho mona”.

Eleng ho re thuto ena ha e fihlele moo e lokelang. Ekare ha lea ruta batho ba lona ba tsamaisang litaba hore na ba r’eng, hobane ba re thetsa.

Joale ke ne ke na le lintlhanyana tse ngata tseo ke neng ke li beile mono hore ke il’o li hlalosa, joale eaba ke bona ha ke cho joalo ke fuoa chelete ea ka ho se hothoe ke fuoa mookameli o sa nts’oara ka lifatuku tse chesang! Chelete ea ka e qetelletse e tlile.

Moo ke teng ke mona, Madam President, ke ba bakae Basotho ba ntseng ba jeoa lichelete ke li-company tsa financial services, especially tsee tsa li-insurance ba sitoang ho bala to the letter le ba ka khonang ho bala the letter ebe li ngotsoe ka bosesanyane? Li-penalty tsena ha u tl’o li bona.

Ke ne ke re ka ‘nete Sets’oants’o sena se bohlokoa haholo, empa ke ntse ke utloa eka litaba tsena tse tlamang batho ho level tse fapakaneng, ekare ho ka thoe ba re fe li-copy tse peli. Ho seke hoathoe feela u fuoe ena ebe u tl’o etsa sign copy e ngotsoeng ka sekhooa feela; nke ke fuoe le mofetolelo ka Sesothong ha ke sa tsebe Sekhooa ke il’o e bala le ka Sesotho joale ebe ke etsa sign ntho eo ke e utloang.

Boholo ba nako e ntse e le hona hore u tle u tsebe ho etsa sign feela ele hore company e tsebe ho etsa chelete ka batho ba ka etsang default hobane ba sa utloisise le melaoana eno hantle, e sa hlalosoa.

U tla fumana contracts tsena e le lipatanta tse kana tse ngotsoeng ka molao o technical! Ke hore language e technical eo rona batho ba sa etsang molao e re sirelang.  Joale ba sa tsebeng Sekhooa eba mathata a fetang.

Ka hona, Molula-Setulo, ka ‘nete ke utloa ke tlatsa taba ena. Ke utloa ke batla hore e tle e re ha re li sheba hape, re tle re etse molao o reng li fanoe ka both languages.

Ho itsoe languages tsa Molao hantle-ntle ebile li se e tlameha ho ba tharo hobane joale re se re na le sign language molaong, ele hore motho eane ea nang le bokooa ba pono le eena a tsebe ho ipalla, a tsebe ho etsa sign ntho eo a e utloang.

Ka ‘nete ke ne ke kopa hore re ke re tiiseng mona re tle re etse hore taba eo e hle ebe molao o tiileng. H ele taba ea ka e fella mona holim’a ena ea disclosure of information, ho re re etse protect baji.

Kea leboha, Madam President

Question that the Report of the Lefislation Committee on Financial Consumer Protection (Disclosure of Information on Insurance and Investment Products), Regulations, 2025 be adopted by The Whole House put and Agreed to.

MADAM PRESIDENT: Ha re qeta Litlaleho tsena, Litho tse Khabane, ke hlokomela ho re re tla be re se re salletsoe feela ke Motion oane oo ke itseng mong’a oona o kopile hore o tle o kene ka Labobeli.

Ke kopa ts’oarelo ke ne ke se ke bile ke li tlositse ka nq’ena. Kea hopola hore e ‘ngoe e ntse e le eo ho tl’o buua ka eona, hobane joale ke Bill.

Ke kopa u tsoele-pele, Chair.

HON. SENATOR MOTSAMAI: Madam President, re lebohe Litho tse Khabane. 

Ke ema mona ke teka Tlaleho ea Komiti ena ea Molao holim’a Sehlomathiso sa Molao ona o bitsoang Childrens’ Protection and Welfare Amendment Bill, 2023.

Madam President, Tafole le Litho tse Khabane, ho latela Litemana tsa rona tsa Standing Orders tse re tlamang hore ha ho ile hoa etsoa table Bill kapa Surbodinate Laws li isoe mane ho rona re le Komiti, ‘me re hlafune re khutlise, re tl’o li kopela ka Ntlong ka mona e le hobane re nolofalletsa Ntlo mosebetsi.

Ke mpe ke bonts’e mona hore ka ‘nete re entse mosebetsi ono ka tsela eona eo, ‘me re khutlela ka ho lona ka mona ka Ntlong re le Litho tsena tse 14 hore re ile ra etsa mosebetsi ona le Bahlanka bao le re fileng bona.

Ke mpe ke re pele ke kena ka hare ho eona, Madam President, ke bonts’e hore Setsoants’o sena sa Molao se nkile nako e ngata matsohong a rona, feela tlas’a mabaka a utloahalang.

Litho tse Khabane li ile tsa tla ka nako ea tsona joale ka ha e le mosebetsi oa bona leha Ntlo e ne e koetse, ‘me rea ba leboha ka hore ebe ba ile ba mamella hore re sebetsane le Bill ena.

Ka ho cho joalo ke re re ba leboheng hore ka ‘nete ba ile ba mamella le bona hore lintlha tseo re li bonang mona re li otlolle, hobane joale li aha metheo e mecha ka hare ho Ntlo ena.

Litho tse Khabane li ile tsa kopana le Lekala lena la Gender, Youth and Social Development moo ba ileng ba re hlalosetsa hore Sehlomathiso sena se entsoe ele hobane ba batla ho arabela bobong ba boitlamo ba bona ka hare ho Naha ea SADC.

Ho na le ntho eo ba e bitsang SADC Model Law on Eradication of Child Marriage and Protecting Children already in marriage, empa ba bonts’a hape hape hore ba ile ba etsa Molao ona oa Children’s Protection and Welfare Act 2021 ‘me ba fumana hore ho na le moo ba hlokang hore mohlomong ha ba ntse ba ipapisa le tsona tsena tseo ba reng ke Model Law on Eradication of Child marriage ba etse li-amendment.

Li-Model Law tsena, Bahlomphehi, ke boikarabello moo ho bokellelitsoeng sesiu mohlomong ke linaha –  in this case eleng Linaha tsa SADC, hore ba tataise litho tsa bona hore na tabeng e itseng ba khothaletsa eng.

Baa khothaletsa ebe naha eona e se e sheba hore na e tena size mang mabapi le taba eo, ebe ba e nka ba e tlisa kutloisisong ea bona hore na ba tla etsa taba ena joang.

Eleng hore ke hona moo ba ileng ba tla ka Bill ena moo ba ileng ba etsa Sehlomathiso sena. Joale empa ntho e kholo-kholo eo bona ba e shebileng ke hore ba rata hore ba siireletse ngoana, ‘me ho ea ka bona, ngoana ke ngoana ea leshome le metso e robeli.

Le Molao oa Motheo o ntse o cho joalo, empa bona ba tsoela-pele ka hore na ngoana enoa a siireletsehe joang ha a ikarabella ho bona. Joale ka ha ke chulo ka re re ile ra nka nako, re ile ra fumana moo ho nang le ho thulana hoa Melao, Bahlomphehi.

Le tla hlokomela ha le nka Standing Order mono 90…ho isa ho 2, se fa Komiti ena boikarabello ba hore e shebe na sets’oants’o sa molao ha se tlisoa ka mona kapa eona Surbodinate Law na ha ho moo e hohlanang le Molao oa Motheo kapa leano le leng kapa Melao e meng e tlang pele ho ono.

In this case, re ile ra fumana hore ho na le Molao oa The Labour Act ea 2024, joale ha re tla ka Children’s Protection and Welfare Amendment Bill, 2023 moo e buang ka khiro ea motho enoa ea bitsoang ngoana –  kea e pheta, lilemo tsa ngoana ea ka hirehang, Lekala la Gender le re ngoana a ke ke a sebetsa hafeela a nts’a le lilemo li 18 ho ea tlaase. Joale empa Molao oa Labour o re ngoana a ka sebetsa a le lilemo li 15 feela a sehetsoe mesebetsi eo a ka sebetsanang le eona.

Joale ea ba boikarabello ba rona hore ha Melao e se e thulana eaba re il’o kopa hore ba buisane ele Lekala la Labour le la Social Development.

Ka ‘nete ba ile ba hloleha mahlong a rona, Bahlomphehi, re le tlalehele le le Litho tsa Ntlo! E mong le e mong a bolela hore na potomane ea hae e eme hokae litabeng tsena, empa ka ho tseba hore kaofela Lits’oants’o tsena tsa Molao motho ea li fang certificate o mong, ke Attorney General, hore ebe e tl’o tla e fihla mona Sets’oants’ong sena o ts’oanela a be a ile a sefa pele –  ke sefe ea mane.

Eena Attorney General hape-hape leha sona Sets’oants’o sena sa Molao se se se fihlile motsotsong oa ho qetela pele se il’o fuoa Royal Assent, e ntse e le eena sefe ea ho qetela e ts’oanelang hore e shebe na li joang.

Ntlo ena ka Komiti e ile ea bona hore e mo bitse, ba re “hela, ekare sefe ena e bile le lesoba mona, na u bone?” Ka ‘nete re mo leboheng, Bahlomphehi, hobane o ile a tla, o ile a ba a re o kopa re ke re mo fe nako a ke a il’o shebisisa taba ena. O e shebile a khutla a re joetsa hore, ache, le eena o bona litaba kamoo Komiti e bonang kateng hore lia thulana. Joale eaba o nka boikhathatso o il’o bua le bona ho lokisa taba eno.

E leng ho re re na le libeke tse peli feela a lokisitse taba eno, ke ka hona, Madam President, Tafole le Litho tse Khabane, re tsebileng ho re Tlaleho e tsebe ho tla.

Re ne re na le lebaka la ho leka tsohle tse matsohong a rona re re re mpe re hloloe re lekile ho eletsa hobane mosebetsi oa rona ke ho eletsa.

Ka ho cho joalo, Madam President, re leboha le eena Attorney General, re leboha le ‘ona Makala ha a buisane ba shebisana, ‘me ba entse ho nepahetseng, ke bohlanka. Ekare ba ka tsoelapele ba lule, ba etse ho nepahetseng hore re seke ra fetisa feela eaba le beha Baetapele ba Naha ena kapa Boetapele ba Naha ena tekong ea hore ho fetisoe lintho tse ntseng li le mahaila, ebe joale ho tla ‘ne ho thoe re ee Makhotleng.

Ka ho cho joalo ke ne ke re ka ‘nete ke tle ka recommendations. Recommendation ea rona e kholo-kholo e ne e le ea hore feela Ministry o bonahale hore na o ka sebetsa joang le Boetapele ba Naha ena, haholo-holo Marena ka li office tsa bona, hore o n’o  fane ka tlhakisetso tabeng ea ts’ireletso ea bana, hobane bana bana ba sireletsoa mane metseng le metsaneng ea habo rona.

Ra bonts’a hape hape hore litaba tsena tse amanang le litaba tsa Lekala li ‘ne li etsoe ka nako. Ke ho re re sebeletseng nakong hobane joale e ne e se eka ke rona re ts’oereng Letona poho ka Sets’oants’o sena sa Molao! Feela empa ka’nete re ile ra namoleloa mono, hobane ntho ena ea age of employment e ne e le taba e kholo haholo. Ka ‘nete ke taba hoba le rona re le Litho re ne re hana ho e utloisisa, e ne eka re ntse re bua ka hore na ngoana ke eng. Athe mona re ne re batla feela re etse define employability ea ngoana ea lilemong, ‘me kea tseba Honourable Kanetsi o ne a le strong tabeng eno, empa he, kea kholoa o utloile ha Attorney General a khalemela. Oho, o nthusitse, o mphile mosebetsi o bobebe khetlong lena.

Subject to Standing Order 52(3), Madam President, the Legislation Committee submits the Report for the adoption by the House.

I so submit.

MADAM PRESIDENT: Ke kopa Setho se tlatsang Honourable Chairperson.

HONOURABLE SENATOR J.A. MOTS’OENE: Ha ke u lebohe, Madam President. Ke hlomphe Tafole ea hao, ke hlomphe Litho tse Khabane.

Molula-Setulo oa Komiti o buile ka ho pharalla ka ‘nete ka taba ea Sets’oants’o sena sa Molao sa Children’s Protection and Welfare Amendement Bill ea 2023, ‘me joale ka ha a hlalositse likateng tsa Sets’oants’o sena sa Molao kamoo Lekala le ileng la itlhalosa kateng hore na Sets’oants’o sena sa Molao ha ele hantle likateng tsa sona ke life, e ile ea eba taba ea nyalanyo feela ea hore ha ho shejoa litaba tsena tsa li-Convetion tseo u tla thola Linaha li li tekenela, joale re shebe le Melao e teng litabeng tsena tsa Melao ea manyalo a bana ba banyenyane hore ba tle ba sireletsehe.

 ke hore na ha re bua ka ngoana re bua ka motho ea lilemo li kae, ‘me taba ena joale ka ha a buile o buile hantle hobane Molaong oa rona oa Motheo ha re ne re bua ka ngoana, joale re sheba le Molao oa Basebetsi, re ne re thola ho na le ho se lekane hoa lilemo kapa tlhaloso ea lilemo. Molao o mong o re ha ho buuoa ka ngoana – haholo ha re sheba o re lilemo tse 15.

Joale Molao oa Motheo o re ha re re ngoana re bua ka lilemo tse 18. Joale hore litaba tsena li tle li nyalane hantle, re shebe hore na haele hantle taba ea tlhaloso ea ngoana ke efe; haholo re shebile Sets’oants’o sena sa ho sireletsa bana. E ne e le taba ea hore feela ebe taba eno ea lilemo.

Hape ho na le taba ena eo Lekala ha le ne le hlalosa, le ne le hlalosa tlhokahalo ena ea libaka tsa polokeho ea bana (Children’s Protection Care and Safety), hore li tle li ngolisoe le Lekala ele hore le tsebe hore ho na le libaka tse joalo, haholo Lekala le ikarabellang e leng la Social Development.

Mohlomphehi, kea kholoa hore litaba tsena ha Lekala le ne le bua ka ngoliso, ke ho re e tle e re le ngoana haeba ho ka etsahala a be le bokulo, ba tle ba tsebe ho mo isa litabeng tse joalo tsa kalafo libakeng tse sireletsehileng molemong oa eena ngoana.  Taba ena ba ne ba re re e etse ele hobane re tseba hore ngoana o phela setsing se ngolisitsoeng le Lekala.

Mohlomphehi, Lekala mona le litabeng tse ling tse ka amang bana litlolong tsa molao, le ne le re Sets’oants’o sena sa Molao le sona se etse cater for – se boloke litaba tseno tsa hore ngoana le eena a tle a atamele litaba tseno tsa Makhotla ka polokeho eohle.

Mohlomphehi, ha ke batle le hore ke ‘ne ke phete litaba, hobane Molula-Setulo oa Komiti o batla a hlalositse ka botlalo.

Taba e ‘ngoe eo re ilena ra e hlokomela hore ke observations, ke ho re ho hlokahala Lekala le be le boemeli, ekaba Liofising tsa Marena a Sehlooho hobane ho fumanehile hore kae-kae litaba tsena metseng le metsaneng ea rona, libakeng tsa habo rona le literekeng tsa habo rona, litaba tsena tsa bana hangata li fihlela ho Marena.  Litaba tsena li hloka ho ts’oarisanoa ke mahlakore ‘ohle a amehang.

Mohlomphehi, re bile le likhothaletso tseno tse thathamisitsoeng kahar’a Tlaleho.

Mohlomphehi, ha ke batle ho pheta lifela, le ‘na ke tlatsa Molula-Setulo hore Ntlo e amohele Tlaleho holim’a Sehlomathiso sena sa Molao.

Question proposed

HON. SENATOR S.G. MASUPHA:  Kea leboha, Mohlomphehi.

Taba ena ea ts’ireletso ea litokelo tsa bana ke ntho e kholo haholo.  Ke leboha ha e le mona Komiti e ile ea hlokemela hore ho na le melao e thulanang litabeng tsena tsa bana.  Ke boetse ke leboha haholo ha taba eo e mametsoe le ho eloa hloko.  Hangata ho mamela ke mosebetsi, empa mona ka’nete ho ile hoa ba bobebe, ‘me kea leboha ke hona.

Mohlomphehi, ha re ne re phomola mona, Ntlo e ile ea bonts’a hore re phomola hobane re ea mane Mohale moo re e’o ts’ohla teng litaba tsona tsena tse buang haholo ka bana.  Ka’nete mono re hlaloselitsoe hore ho bonahala ho na le ntlha e ‘ngoe e bohlokoa e neng e sa hlokomelehe hore bana ba ntse ba hanngoa bophelong ba bona. 

Ntlha ena e ne e amana le manyalo a bana ba lilemong tse tlaase.  Ka lebaka la hobane manyalo ha se ana a Sekhooa, ana ao e reng ha a tiisoa mane Kerekeng kapa Home Affairs ebang mokoloko oa batho ba ketekang, ho hlajoa, ho lilietsoa, ho ba monate.  Ho ntse ho na le mofuta oa lenyalo le thotseng, e leng lena la likhomo.  Taba eno ka lebaka la hobane e etsoa ke Marena mane moo a phelang teng, re ne re hlokomelisoa hore re hlokomelise Marena a tlas’a rona hore ho na le taba e ‘ngoe eo ha a ka e etsa, Marena a rona a tsebe hore a ntse a tlola molao, e leng ena ea manyalo a bana. 

Taba ena e atile haholo, ‘me pele molao ona oa machaba o ba teng, bana ba bangata, le ba bang ba ka mona ba nyetsoe ba le tlaase lilemong, hona ka mona ka Ntlong. 

Ka mor’a hore Molao ona o be teng, taba ena e shebahala e le taolong, empa ho na le kae-kae moo e ntseng e monyoha teng ka Marena a tlas’a rona.  Ho tlisoa lengolo ho Morena, ele ha ho thoe a tempe ho netefatsa hore likhomo li nts’itsoe.  Morena ha a shebe le ho sheba hore na likhomo tsena tse nts’itsoeng li ne li nts’etsoa motho e mokae ka lilemo. 

Taba ena e ile ea re fahlolla haholo ho bona hore re thusa Marena ana a rona, Mohlomphehi, ho hlokomela ha ba ntse ba tempa mangolo ano, ba ele hloko lilemo tsa batho ba kenang lenyalong.  Ha ba fumana hore ke bana ba tlaase lilemong, ba hle ba e thibele ka ho hana ho tempa tumellano eno.

Taba ena e bohlokoa haholo, ‘me ha e le mona e lokisoa tjena ka Sehlomathiso sena Molaong, ke ntlha ea bohlokoa haholo, ‘me e tl’o thusa ho sireletsa bana.

Bana bana ba hiroang ba le lilemo li tlaase ke kobo-anela.  Ha ke tsebe hore na e tla laoloa ka tsela efe, hobane le bona bana b’a ithekisa.  Ha motho a ikisa moo a tsebang hore ke sefing se ts’abehang, hore na o ka mo etsa joang.  Ke ‘nete u ka ‘na ua mo shapa, empa joale litokelo tsa machaba lia hana ha bana ba shapuoa.

Ke se ke ipiletsa ho Marena a ka hore a ke a e’o etsa mekutu mane moo a busang teng hore a e hlokomele kathata taba ena ea bana ba hiroang ba le tlaase lilemong, Marena a hle a e thibele.  Marena ha a ntse a e thiba hanyane ka hanyane e tla qetella e felile.

Ka hona, Mohlomphehi…   

HON. SENATOR S. MOTSAMAI:  Mphe potso! 

Kea leboha, Mohlomphehi. 

Ke hlile ke batla ho utloa hore na Morena oa ka o re’ng ka maikutlo a matla a Morena oa Matelile ha a re manyalo ka li-certificate a be le expiry date. Joale ha re sireletsa bana bana na ha re ka bona hore le bile teng lenyalo la mofuta o joalo la ngoana, na ebe expiry date e ke ke ea re thusa hore re le qhale na?

HON. SENATOR S.G. MASUPHA:  Kea leboha, Mohlomphehi, ka potso ena ea Setho se Khabane.  Ha e le ‘nete – ebile ke uena Molula-Setulo oa Komiti ena, ha kea bona eka kahar’a Tlaleho ena ho na le moo ho buuoang ka expiry date, ‘me che, haeba uena u rata hore u e hlomathise, u ka be u hlile ua e kenya mohlomong e le likhothaletso.  Ka hona ke utloa ke sitoa ho arabela taba e joalo, Mohlomphehi.

Ke ne ke qetella feela ka hore ka’nete ke tlatsa Tlaleho ena ea Komiti ka mosebetsi ona oa bohlokoa oo Komiti e o entseng.  Ke tlatsa hore e fete.

HON. SENATOR M. KANETSI:  Mohlomphehi, ke tlatsa Tlaleho ena, joale ka ha Molula-Setulo a bonts’itse hore ke ne ke hlile ke eme ka maoto hore na joale ngoana enoa o se a hola ha a il’o hiroa na, o se a fetoha, o se a fetoha – o se a bile e ba motho e moholo ea ka sebetsang na.  Ka’nete argument e ntlhotse, ho thoe re lahle taba eo, Social Development e lumelle bana ho hiroa ba le lilemo li 15 tlas’a maemo a itseng.

Ke mpa ke rata ho siea ke entse potso mohlomong taba ena e tla fihla le sechabeng hore na ke mang ea tl’o pota Lesotho lena a ntse a hlahloba hore na bana bana ba hiruoeng ba lilemo li kae, ba hiruoe mesebetsing efe.

I do appreciate information ea hore in fact, ho se ho ntse ho na le kamoo ho hlahileng, kamoo ho thoeng ha a le lilemo li kae-kae a ka fumana mesebetsi e itseng, litaba tseo li hlaha ka har’a Labour Act.  Ha ke na bothata bo boholo le taba eo, feela kea tseba hore re na le phephetso e kholo ea ts’alo-morao ea implementation ea melao ea rona.  Ke ipotsa hore na ebe ona ona ts’ebeliso e mpe ea bana e tla o pota ka hokae. 

Ke bona further exploitation leha ke le Setho sa Komiti che, motho u ee a hloloe, ke ile ka hloloa hore ke sireletse taba eo.

Re tla e fetisa, empa li-Regulation tse il’o etsoa Molaong oo, ka’nete ekare e ka ba tse batlang li le thata haholo, li shebile the interest of a child haholo-holo ho feta tsa mohiri.

Hangata ha re ba hira – re ba hira tlas’a hore re tl’o ba fa letho, empa hangata re ba hira molemong oa rona, ebe re ba etsa exploit.

Ha ke tsebe hore na li-Regulation ebe li tla ba ntle hakae, e se eka ka’nete re ka ela hloko taba ena.

Ka mantsoe ana ke tlatsa Tlahiso ena, Mohlomphehi.

Question, that the Report of Legislation Committee on Children’s Protection and Welfare (Amendment), Bill, 2023, be adopted, put and agreed to.

MADAME PRESIDENT:  Litho tse Khabane, taba ena e re fihlisa qetellong ea mosebetsi oa rona oa kajeno ka hare ho Ntlo.

Litho tse Khabane, le tla hopola hore ke itse Komiti eane ea Ethics e lokela ho kopana hona ka mona ka Ntlong, hang ha re phomola.

Litho tse Khabane, re tla phomotsa Ntlo ho fihlela ka Labobeli la la 12 May, 2026, ka nako ea rona ea mehla ea 10:30 hoseng.

ADJOURNMENT

There being no further business on the Order Paper, Madame President adjourned the House without Question put, pursuant to the Standing Order No. 16 (3).

The House was adjourned accordingly at 11:42 a.m.